Babagan Kumpulan Nasehat Lan Saripati Kitab-Kitab Kuno Jawa = ꧋ꦧꦧꦒꦤ꧀ꦏꦸꦩ꧀ꦥꦸꦭꦤ꧀ꦤꦱꦺꦲꦠ꧀ꦭꦤ꧀ꦱꦫꦶꦥꦠꦶꦏꦶꦠꦧ꧀ꦏꦶꦠꦧ꧀ꦏꦸꦤꦺꦴꦗꦮ

Babagan Kumpulan Nasehat Lan Saripati Kitab-Kitab Kuno Jawa 

꧋ꦧꦧꦒꦤ꧀ꦏꦸꦩ꧀ꦥꦸꦭꦤ꧀ꦤꦱꦺꦲꦠ꧀ꦭꦤ꧀ꦱꦫꦶꦥꦠꦶꦏꦶꦠꦧ꧀ꦏꦶꦠꦧ꧀ꦏꦸꦤꦺꦴꦗꦮ

 

 

Ing ngisor iki kempalan pitutur kaweruh Jawi ugi pethikan saking buku seratan Basa Jawa Kuna. 

Mugi-mugi ndadosaken migunani miwah ugi saget damel paugeran ingkang sae ngantos turun temurun wonten ing Nuswantoro :

꧋ꦆꦁꦔꦶꦱꦺꦴꦂꦆꦏꦶꦏꦼꦩ꧀ꦥꦭꦤ꧀ꦥꦶꦠꦸꦠꦸꦂꦏꦮꦺꦫꦸꦃꦗꦮꦶꦈꦒꦶꦥꦼꦛꦶꦏꦤ꧀ꦱꦏꦶꦁꦧꦸꦏꦸꦱꦼꦫꦠꦤ꧀ꦧꦱꦗꦮꦏꦸꦤ꧉

꧋ꦩꦸꦒꦶꦩꦸꦒꦶꦤ꧀ꦝꦣꦺꦴꦱꦏꦺꦤ꧀ꦩꦶꦒꦸꦤꦤꦶꦩꦶꦮꦃꦈꦒꦶꦱꦒꦺꦠ꧀ꦝꦩꦺꦭ꧀ꦥꦻꦴꦒꦺꦫꦤ꧀ꦆꦁꦏꦁꦱꦌꦔꦤ꧀ꦠꦺꦴꦱ꧀ꦠꦸꦫꦸꦤ꧀ꦠꦼꦩꦸꦫꦸꦤ꧀ꦮꦺꦴꦤ꧀ꦠꦺꦤ꧀ꦆꦁꦤꦸꦱ꧀ꦮꦤ꧀ꦠꦺꦴꦫꦺꦴ꧇

Serat Kalatidha

R. Ng. Ranggawarsita

ꦱꦼꦫꦠ꧀ꦏꦭꦠꦶꦣ

ꦫ꧀꧈ꦔ꧀꧈ꦫꦁꦒꦮꦂꦱꦶꦠ

 

“Mundhak apa aneng ngayun, Amdhedher kaluputan, siniran ing banyu lali, lamun tuwuh dadi kekembangan beka.”

꧋“ꦩꦸꦤ꧀ꦝꦏ꧀ꦄꦥꦄꦤꦺꦁꦔꦪꦸꦤ꧀‌ꦄꦩ꧀ꦝꦺꦣꦺꦂꦏꦭꦸꦥꦸꦠꦤ꧀‌ꦱꦶꦤꦶꦫꦤ꧀ꦆꦁꦧꦚꦸꦭꦭꦶ꧈ꦭꦩꦸꦤ꧀ꦠꦸꦮꦸꦃꦣꦝꦶꦏꦼꦏꦼꦩ꧀ꦧꦔꦤ꧀ꦧꦺꦏ꧉”

(Apa guna menjadi pembesar, jika hanya menanam benih kesalahan yang disiram air kealpaan (lupa). Akhirnya tumbuh pohon bencana)

 

 

“Amenangi jaman edan, ewuh aya ing pambudi. Melu edan nora tahan, yen tan melu anglakoni boya keduman melik, kaliren wekasanipun. Dilalah kersane Allah, sabegja-begjane wong kang lali, luwih begja wong kang eling lawan waspada.”

꧋“ꦄꦩꦺꦤꦔꦶꦗꦩꦤ꧀ꦌꦣꦤ꧀‌ꦄꦼꦮꦸꦃꦄꦪꦆꦁꦥꦩ꧀ꦧꦸꦣꦶ꧉ꦩꦼꦭꦸꦌꦣꦤ꧀ꦤꦺꦴꦫꦠꦲꦤ꧀‌ꦪꦺꦤ꧀ꦠꦤ꧀ꦩꦼꦭꦸꦄꦁꦭꦏꦺꦴꦤꦶꦧꦺꦴꦪꦏꦼꦣꦸꦩꦤ꧀ꦩꦺꦭꦶꦏ꧀‌ꦏꦭꦶꦫꦺꦤ꧀ꦮꦼꦏꦱꦤꦶꦥꦸꦤ꧀꧈ꦣꦶꦭꦭꦃꦏꦼꦂꦱꦤꦺꦄꦭ꧀ꦭꦃ꧈ꦱꦧꦺꦒ꧀ꦗꦧꦼꦒ꧀ꦗꦤꦺꦮꦺꦴꦁꦏꦁꦭꦭꦶ꧈ꦭꦸꦮꦶꦃꦧꦼꦒ꧀ꦗꦮꦺꦴꦁꦏꦁꦌꦭꦶꦁꦭꦮꦤ꧀ꦮꦱ꧀ꦥꦣ꧉”

(Mengalami zaman edan, pikiran serba ragu. Jika turut tak akan tahan, sedang tak ikut tak kebagian, berujung kelaparan. Tetapi atas kehendak Allah, seberuntung apapun orang yang lupa, masih lebih beruntung orang yang sadar dan waspada)

 

 

Serat Wedharaga

R. Ng. Ranggawarsita

ꦱꦼꦫꦠ꧀ꦮꦼꦣꦫꦒ

ꦫ꧀꧈ꦔ꧀꧈ꦫꦁꦒꦮꦂꦱꦶꦠ

“Lamun sarwa putus, kapinteran simpenen ing pungkur, bodhonira ing ngarsa yekti, gampang traping tindak tanduk, amawas pambekaning wong.”

꧋“ꦭꦩꦸꦤ꧀ꦱꦂꦮꦥꦸꦠꦸꦱ꧀‌ꦏꦥꦶꦤ꧀ꦠꦺꦫꦤ꧀ꦱꦶꦩ꧀ꦥꦺꦤꦺꦤ꧀ꦆꦁꦥꦸꦁꦏꦸꦂ꧈ꦧꦺꦴꦣꦺꦴꦤꦶꦫꦆꦁꦔꦂꦱꦪꦼꦏ꧀ꦠꦶ꧈ꦒꦩ꧀ꦥꦁꦠꦿꦥꦶꦁꦠꦶꦤ꧀ꦝꦏ꧀ꦠꦤ꧀ꦝꦸꦏ꧀‌ꦄꦩꦮꦱ꧀ꦥꦩ꧀ꦧꦺꦏꦤꦶꦁꦮꦺꦴꦁ꧉”

(Jika telah paham, simpanlah kepandaian di belakang, perlihatkan kebodohan di depanmu, memudahkan cara bersikap, memahami sikap orang lain)

 

 

“Akeh lumuh katokna balilu, marma tansah mintonaken kawruh pribadi, amrih denalema punjul.”

꧋“ꦄꦏꦺꦃꦭꦸꦩꦸꦃꦏꦠꦺꦴꦏ꧀ꦤꦧꦭꦶꦭꦸ꧈ꦩꦂꦩꦠꦤ꧀ꦱꦃꦩꦶꦤ꧀ꦠꦺꦴꦤꦏꦺꦤ꧀ꦏꦮꦿꦸꦃꦥꦿꦶꦧꦣꦶ꧈ꦄꦩꦿꦶꦃꦣꦼꦤꦭꦺꦩꦥꦸꦚ꧀ꦗꦸꦭ꧀꧈”

(Banyak-banyaklah menahan diri dan memperlihatkan kebodohan, jangan menonjolkan kemampuan sendiri, dan jangan pelihara sikap ingin dipuji)

 

 

“Umpama jun kurang banyu, kocak-kocak kendhit ing wong, menawi kebak kang jun, yekti anteng denindhit ing lambung, iku bae kena kinarya palupi, pedah apa umbag umum, mundhak kaeseman ing wong.”

꧋“ꦈꦩ꧀ꦥꦩꦗꦸꦤ꧀ꦏꦸꦫꦁꦧꦚꦸ꧈ꦏꦺꦴꦕꦏ꧀ꦏꦺꦴꦕꦏ꧀ꦏꦼꦤ꧀ꦝꦶꦠ꧀ꦆꦁꦮꦺꦴꦁ꧈ꦩꦼꦤꦮꦶꦏꦼꦧꦏ꧀ꦏꦁꦗꦸꦤ꧀‌ꦪꦼꦏ꧀ꦠꦶꦄꦤ꧀ꦠꦼꦁꦣꦼꦤꦶꦤ꧀ꦝꦶꦠ꧀ꦆꦁꦭꦩ꧀ꦧꦸꦁ꧈ꦆꦏꦸꦧꦌꦏꦼꦤꦏꦶꦤꦂꦪꦥꦭꦸꦥꦶ꧈ꦥꦼꦣꦃꦄꦥꦈꦩ꧀ꦧꦒ꧀ꦈꦩꦸꦩ꧀‌ꦩꦸꦤ꧀ꦝꦏ꧀ꦏꦌꦱꦺꦩꦤ꧀ꦆꦁꦮꦺꦴꦁ꧉”

(Bila bejana kurang airnya, terguncang dan berbunyi, jika penuh air dalam bejana, pasti tenang saat digendong, itu saja bisa dianggap contoh, untuk apa sombongkan diri, hasilnya ditertawakan orang)

 

 

“Lamun seje murad maksudipun, rasakena ing ati, dipun nastiti, aja pijer umbak umuk, mundhak kawiyak, yen bodho”

꧋“ꦭꦩꦸꦤ꧀ꦱꦼꦗꦼꦩꦸꦫꦣ꧀ꦩꦏ꧀ꦱꦸꦣꦶꦥꦸꦤ꧀‌ꦫꦱꦏꦺꦤꦆꦁꦄꦠꦶ꧈ꦣꦶꦥꦸꦤ꧀ꦤꦱ꧀ꦠꦶꦠꦶ꧈ꦄꦗꦥꦶꦗꦺꦂꦈꦩ꧀ꦧꦏ꧀ꦈꦩꦸꦏ꧀‌ꦩꦸꦤ꧀ꦝꦏ꧀ꦏꦮꦶꦪꦏ꧀‌ꦪꦺꦤ꧀ꦧꦺꦴꦣꦺꦴ”

(Jika menjumpai perbedaan maksud, rasakan dalam hati, perhatikan benar, jangan congkak dan berkoar, bisa-bisa terbuka kebodohanmu)

 

 

“Akanthia awas emut, mituhun wewarah kang mikolehi, aja tinggal weweka ing kalbu, den taberi anggeguru, aja isin atatakon.”

꧋“ꦄꦏꦤ꧀ꦛꦶꦪꦄꦮꦱ꧀ꦄꦼꦩꦸꦠ꧀‌ꦩꦶꦠꦸꦲꦸꦤ꧀ꦮꦼꦮꦫꦃꦏꦁꦩꦶꦏꦺꦴꦭꦺꦲꦶ꧈ꦄꦗꦠꦶꦁꦒꦭ꧀ꦮꦼꦮꦼꦏꦆꦁꦏꦭ꧀ꦧꦸ꧈ꦣꦺꦤ꧀ꦠꦧꦺꦫꦶꦄꦁꦒꦺꦒꦸꦫꦸ꧈ꦄꦗꦆꦱꦶꦤ꧀ꦄꦠꦠꦏꦺꦴꦤ꧀꧈”

(Peganglah sikap waspada, ikuti petunjuk dan nasehat, terus berguru dan jangan malu bertanya-tanya)

 

 

“Mangkono kang tinemu, awit anom amendenga laku, ngungkuri mangan lan turu sawatawis, amekak hawa napsu, dhasarana andhap ansor.”

꧋“ꦩꦁꦏꦺꦴꦤꦺꦴꦏꦁꦠꦶꦤꦼꦩꦸ꧈ꦄꦮꦶꦠ꧀ꦄꦤꦺꦴꦩ꧀ꦄꦩꦺꦤ꧀ꦝꦺꦔꦭꦏꦸ꧈ꦔꦸꦁꦏꦸꦫꦶꦩꦔꦤ꧀ꦭꦤ꧀ꦠꦸꦫꦸꦱꦮꦠꦮꦶꦱ꧀‌ꦄꦩꦺꦏꦏ꧀ꦲꦮꦤꦥ꧀ꦱꦸ꧈ꦣꦱꦫꦤꦄꦤ꧀ꦝꦥ꧀ꦄꦤ꧀ꦱꦺꦴꦂ꧉”

(Demikianlah yang baik, sejak muda menekuni laku, mengurangi makan dan tidur, mengekang hawa nafsu, menjaga sikap rendah hati)

 

 

“Lamun wong ngaku cukup, mratandhani kukurangan iku, wong ngungasaken kaekndelan tandha jirih, wong ngaku kiyat pengkuh, tanda apes amalendo.”

꧋“ꦭꦩꦸꦤ꧀ꦮꦺꦴꦁꦔꦏꦸꦕꦸꦏꦸꦥ꧀‌ꦩꦿꦠꦤ꧀ꦝꦤꦶꦏꦸꦏꦸꦫꦔꦤ꧀ꦆꦏꦸ꧈ꦮꦺꦴꦁꦔꦸꦔꦱꦏꦺꦤ꧀ꦏꦌꦏ꧀ꦤ꧀ꦝꦺꦭꦤ꧀ꦠꦤ꧀ꦝꦗꦶꦫꦶꦃ꧈ꦮꦺꦴꦁꦔꦏꦸꦏꦶꦪꦠ꧀ꦥꦼꦁꦏꦸꦃ꧈ꦠꦤ꧀ꦝꦄꦥꦼꦱ꧀ꦄꦩꦭꦺꦤ꧀ꦝꦺꦴ꧉”

(Bila orang mengaku kaya, menandakan ia miskin, orang yang menunjukkan keberaniannya tandanya ia penakut, orang mengaku kuat sentosa, tandanya ia lemah dan tak dapat diandalkan)

 

 

“Wong ngaurip wus tamtu, akeh pada arebut piyangkuh, lumuh lamun kasor kaseser sathithik, nanging singa peksa unggul, ing wekasan dadi asor.”

꧋“ꦮꦺꦴꦁꦔꦻꦴꦫꦶꦥ꧀ꦮꦸꦱ꧀ꦠꦩ꧀ꦠꦸ꧈ꦄꦏꦺꦃꦥꦣꦄꦫꦺꦧꦸꦠ꧀ꦥꦶꦪꦁꦏꦸꦃ꧈ꦭꦸꦩꦸꦃꦭꦩꦸꦤ꧀ꦏꦱꦺꦴꦂꦏꦱꦺꦱꦺꦂꦱꦛꦶꦛꦶꦏ꧀‌ꦤꦔꦶꦁꦱꦶꦔꦥꦼꦏ꧀ꦱꦈꦁꦒꦸꦭ꧀‌ꦆꦁꦮꦼꦏꦱꦤ꧀ꦝꦣꦶꦄꦱꦺꦴꦂ꧉”

(Dalam hidup pasti, banyak orang berebut kebanggaan, tidak mau kalah dan bergeser sedikit, tapi siapa yang memaksa unggul, akhirnya menjadi hina)

 

 

 

Serat Sopanalya

R. Ng. Ranggawarsita

ꦱꦼꦫꦠ꧀ꦱꦺꦴꦥꦤꦭꦾ

ꦫ꧀꧈ꦔ꧀꧈ꦫꦁꦒꦮꦂꦱꦶꦠ

 

“Kaping lima tapaning suksma puniku, gelara marta-martani, lega legawa ing kalbu, aja munasikeng janmi, amonga atining wong.”

꧋“ꦏꦥꦶꦁꦭꦶꦩꦠꦥꦤꦶꦁꦱꦸꦏ꧀ꦱ꧀ꦩꦥꦸꦤꦶꦏꦸ꧈ꦒꦼꦭꦫꦩꦂꦠꦩꦂꦠꦤꦶ꧈ꦊꦒꦊꦒꦮꦆꦁꦏꦭ꧀ꦧꦸ꧈ꦄꦗꦩꦸꦤꦱꦶꦏꦺꦁꦗꦤ꧀ꦩꦶ꧈ꦄꦩꦺꦴꦔꦄꦠꦶꦤꦶꦁꦮꦺꦴꦁ꧉”

(Yang kelima (dari tujuh) tapa suksma itu, bersikaplah rendah hati, tulus ikhlas dari hati, jangan mengganggu seseorang, jagalah perasaan orang lain)

 

 

 

Serat Nitisruti

Pangeran Karanggayam

ꦱꦼꦫꦠ꧀ꦤꦶꦠꦶꦱꦿꦸꦠꦶ

ꦥꦔꦺꦫꦤ꧀ꦏꦫꦁꦒꦪꦩ꧀

 

“Kang sinebut ing gesang ambeg linuhung, kang wus tanpa sama, iya iku wong kang bangkit, amenaki manahe sasama-sama.”

꧋“ꦏꦁꦱꦶꦤꦼꦧꦸꦠ꧀ꦆꦁꦒꦼꦱꦁꦄꦩ꧀ꦧꦺꦒ꧀ꦭꦶꦤꦸꦲꦸꦁ꧈ꦏꦁꦮꦸꦱ꧀ꦠꦤ꧀ꦥꦱꦩ꧈ꦆꦪꦆꦏꦸꦮꦺꦴꦁꦏꦁꦧꦁꦏꦶꦠ꧀‌ꦄꦩꦺꦤꦏꦶꦩꦤꦲꦺꦱꦱꦩꦱꦩ꧉”

(Yang dimaksud dengan hidup yang luhur, yang tanpa tandingan, yaitu orang yang mampu membahagiakan sesamanya)

 

 

“Saminipun kawuleng Hyang kang tumuwuh, kabeh ywa binada, anancepna welas asih, mring wong tuwa kang ajompo tanpa daya. Malihipun rare lola kawlas ayun, myang pekir kasiyan, para papa anak yatim, openana pancinen sakwasanira.”

꧋“ꦱꦩꦶꦤꦶꦥꦸꦤ꧀ꦏꦮꦸꦭꦺꦁꦲꦾꦁꦏꦁꦠꦸꦩꦸꦮꦸꦃ꧈ꦏꦧꦺꦃꦪ꧀ꦮꦧꦶꦤꦣ꧈ꦄꦤꦚ꧀ꦕꦺꦥ꧀ꦤꦮꦼꦭꦱ꧀ꦄꦱꦶꦃ꧈ꦩꦿꦶꦁꦮꦺꦴꦁꦠꦸꦮꦏꦁꦄꦗꦺꦴꦩ꧀ꦥꦺꦴꦠꦤ꧀ꦥꦣꦪ꧉ꦩꦭꦶꦲꦶꦥꦸꦤ꧀ꦫꦫꦺꦭꦺꦴꦭꦏꦮ꧀ꦭꦱ꧀ꦄꦪꦸꦤ꧀‌ꦩꦾꦁꦥꦼꦏꦶꦂꦏꦱꦶꦪꦤ꧀‌ꦥꦫꦥꦥꦄꦤꦏ꧀ꦪꦠꦶꦩ꧀‌ꦎꦥꦺꦤꦤꦥꦚ꧀ꦕꦶꦤꦺꦤ꧀ꦱꦏ꧀ꦮꦱꦤꦶꦫ꧉”

(Kepada sesama makhluk Tuhan, jangan dibeda-bedakan, tanamkanlah rasa kasih sayang kepada orang-orang jompo yang tak berdaya. Juga kepada anak-anak yang butuh belas kasih, fakir miskin, anak yatim, peliharalah semampumu)

 

 

“Yen amuwus ywa umres rame kemruwuk, brabah kabrabeyan, lir menco ngoceg ngecuwis, menek lali kalimput kehing wicara.”

꧋“ꦪꦺꦤ꧀ꦄꦩꦸꦮꦸꦱ꧀ꦪ꧀ꦮꦈꦩꦿꦺꦱ꧀ꦫꦩꦺꦏꦼꦩꦿꦸꦮꦸꦏ꧀‌ꦧꦿꦧꦃꦏꦧꦿꦧꦺꦪꦤ꧀‌ꦭꦶꦂꦩꦼꦚ꧀ꦕꦺꦴꦔꦺꦴꦕꦺꦒ꧀ꦔꦼꦕꦸꦮꦶꦱ꧀‌ꦩꦼꦤꦼꦏ꧀ꦭꦭꦶꦏꦭꦶꦩ꧀ꦥꦸꦠ꧀ꦏꦼꦲꦶꦁꦮꦶꦕꦫ꧉”

(Jika bicara janganlah cerewet, orang tidak akan suka, seperti burung berkicau, melenceng maksud sebenarnya dikarenakan terlalu banyak bicara)

 

 

“Nadyan ratu ya tan ana paenipun, nanging sri narendra, iku pangiloning bumi, enggonira ngimpuni sihing manungsa. Mapan sampun panjenengan sang aprabu, sinebut narendra, ratuning kang tata krami.”

꧋“ꦤꦣꦾꦤ꧀ꦫꦠꦸꦪꦠꦤ꧀ꦄꦤꦥꦌꦤꦶꦥꦸꦤ꧀‌ꦤꦔꦶꦁꦱꦿꦶꦤꦫꦺꦤ꧀ꦝꦿ꧈ꦆꦏꦸꦥꦔꦶꦭꦺꦴꦤꦶꦁꦧꦸꦩꦶ꧈ꦄꦼꦁꦒꦺꦴꦤꦶꦫꦔꦶꦩ꧀ꦥꦸꦤꦶꦱꦶꦲꦶꦁꦩꦤꦸꦁꦱ꧉ꦩꦥꦤ꧀ꦱꦩ꧀ꦥꦸꦤ꧀ꦥꦚ꧀ꦗꦺꦤꦺꦔꦤ꧀ꦱꦁꦄꦥꦿꦧꦸ꧈ꦱꦶꦤꦼꦧꦸꦠ꧀ꦤꦫꦺꦤ꧀ꦝꦿ꧈ꦫꦠꦸꦤꦶꦁꦏꦁꦠꦠꦏꦿꦩꦶ꧉”

(Meski seorang raja juga tidak boleh berbeda, dialah cermin di dunia, dalam hal menghimpun rasa kasih, sebab setelah diangkat menjadi pemimpin, ia disebut narendra, raja dalam tata krama)

 

 

“Dene lamun tan miraos yen amuwus, luwung umandela, anging ingkang semu wingit, myang den dumeh ing pasmon semu dyatmika.”

꧋“ꦣꦼꦤꦼꦭꦩꦸꦤ꧀ꦠꦤ꧀ꦩꦶꦫꦎꦱ꧀ꦪꦺꦤ꧀ꦄꦩꦸꦮꦸꦱ꧀‌ꦭꦸꦮꦸꦁꦈꦩꦤ꧀ꦝꦺꦭ꧈ꦄꦔꦶꦁꦆꦁꦏꦁꦱꦼꦩꦸꦮꦶꦔꦶꦠ꧀‌ꦩꦾꦁꦣꦺꦤ꧀ꦝꦸꦩꦺꦃꦆꦁꦥꦱ꧀ꦩꦺꦴꦤ꧀ꦱꦼꦩꦸꦣꦾꦠ꧀ꦩꦶꦏ꧉”

(Jika merasa bicaranya tidak berisi, lebih baik diamlah, terutama untuk hal-hal yang penting dan mendalam, bersikaplah tenang)

 

 

“Kang kalebu musthikang rat puniku, sujanma kang bisa, ngarah-arah wahyaning ngling, yektinira aneng ngulat kawistara.”

꧋“ꦏꦁꦏꦭꦺꦧꦸꦩꦸꦱ꧀ꦛꦶꦏꦁꦫꦠ꧀ꦥꦸꦤꦶꦏꦸ꧈ꦱꦸꦗꦤ꧀ꦩꦏꦁꦧꦶꦱ꧈ꦔꦫꦃꦄꦫꦃꦮꦲꦾꦤꦶꦁꦔ꧀ꦭꦶꦁ꧈ꦪꦼꦏ꧀ꦠꦶꦤꦶꦫꦄꦤꦺꦁꦔꦸꦭꦠ꧀ꦏꦮꦶꦱ꧀ꦠꦫ꧉”

(Yang termasuk pribadi unggul adalah, yang mampu bertutur kata benar dan terarah, sesungguhnya demikian itu tampak dari mimik wajahnya)

 

 

“Ulat iku nampani rasaning kalbu, wahyaning wacana, pareng lan netya kaeksi, kang waspada wruh pamoring pasang cipta.”

꧋“ꦈꦭꦠ꧀ꦆꦏꦸꦤꦩ꧀ꦥꦤꦶꦫꦱꦤꦶꦁꦏꦭ꧀ꦧꦸ꧈ꦮꦲꦾꦤꦶꦁꦮꦕꦤ꧈ꦥꦫꦺꦁꦭꦤ꧀ꦤꦼꦠꦾꦏꦌꦏ꧀ꦱꦶ꧈ꦏꦁꦮꦱ꧀ꦥꦣꦮꦿꦸꦃꦥꦩꦺꦴꦫꦶꦁꦥꦱꦁꦕꦶꦥ꧀ꦠ꧉”

(Mimik wajah itu menunjukkan ekspresi hati, keluarnya tutur kata bersamaan dengan sorot mata, yang waspada akan mampu menilik dalamnya pikiran)

 

 

 

Serat Darmawasita

KGPAA Mangkunegara IV (Kanjeng Gusti Pangeran Adipati Arya Mangkunegara IV)

ꦱꦼꦫꦠ꧀ꦝꦂꦩꦮꦱꦶꦠ

꧋ꦏ꧀ꦒ꧀ꦥꦄꦩꦁꦏꦸꦤꦺꦒꦫ꧇꧔꧇(ꦏꦚ꧀ꦗꦼꦁꦒꦸꦱ꧀ꦠꦶꦥꦔꦺꦫꦤ꧀ꦄꦣꦶꦥꦠꦶꦄꦂꦪꦩꦁꦏꦸꦤꦺꦒꦫ꧇꧔꧇)

 

“Manise netra ruruh, angedohken mring salah tampi, wong kang trap sileng tata, tan agawe rengu, wicara lus kang mardawa, iku datan kasendhu marang sasami, wong kang rumaket ika.”

꧋“ꦩꦤꦶꦱꦺꦤꦼꦠꦿꦫꦸꦫꦸꦃ꧈ꦄꦔꦺꦣꦺꦴꦃꦏꦺꦤ꧀ꦩꦿꦶꦁꦱꦭꦃꦠꦩ꧀ꦥꦶ꧈ꦮꦺꦴꦁꦏꦁꦠꦿꦥ꧀ꦱꦶꦭꦺꦁꦠꦠ꧈ꦠꦤ꧀ꦄꦒꦮꦺꦉꦔꦸ꧈ꦮꦶꦕꦫꦭꦸꦱ꧀ꦏꦁꦩꦂꦣꦮ꧈ꦆꦏꦸꦣꦠꦤ꧀ꦏꦱꦺꦤ꧀ꦝꦸꦩꦫꦁꦱꦱꦩꦶ꧈ꦮꦺꦴꦁꦏꦁꦫꦸꦩꦏꦺꦠ꧀ꦆꦏ꧉”

(Muka manis dan mata lembut, menjauhkan kesalahpahaman, orang yang menerapkan tata susila, tidak akan diragukan orang, orang yang bicaranya halus, tidak akan diumpat orang, semua itu menunjukkan keakraban sesama)

 

 

“Wong andhap asor iku, yekti oleh penganggep becik, wong meneng iku nyata, neng njaban pakewuh.”

꧋“ꦮꦺꦴꦁꦄꦤ꧀ꦝꦥ꧀ꦄꦱꦺꦴꦂꦆꦏꦸ꧈ꦪꦼꦏ꧀ꦠꦶꦎꦭꦺꦃꦥꦼꦔꦁꦒꦺꦥ꧀ꦧꦼꦕꦶꦏ꧀‌ꦮꦺꦴꦁꦩꦼꦤꦼꦁꦆꦏꦸꦚꦠ꧈ꦤꦺꦁꦚ꧀ꦗꦧꦤ꧀ꦥꦏꦺꦮꦸꦃ꧉”

(Orang yang rendah hati, pasti akan dianggap baik. Sedang orang yang diam itu selamat dari bencana lidah)

 

 

“Wong prasaja solahira, iku ora gawe ewa kang ningali, wong nganggo tepanira.”

꧋“ꦮꦺꦴꦁꦥꦿꦱꦗꦱꦺꦴꦭꦲꦶꦫ꧈ꦆꦏꦸꦎꦫꦒꦮꦺꦄꦼꦮꦏꦁꦤꦶꦔꦭꦶ꧈ꦮꦺꦴꦁꦔꦁꦒꦺꦴꦠꦺꦥꦤꦶꦫ꧉”

(Orang yang sederhana itu tidak akan mengganggu orang lain, bahkan dijadikan teladan orang lain)

 

 

“Pepuntone nggonira dumadi, ngugemana mring catur upaya, mrih tan bingung pangesthine, kang dhingin wekasingsun, anirua marang kang becik, kapindho anuruta mring kang bener iku, katri nggugua kang nyata, kaping pate miliha ingkang pakolih, dadi kanthi ning ndonya.”

꧋“ꦥꦼꦥꦸꦤ꧀ꦠꦺꦴꦤꦺꦔ꧀ꦒꦺꦴꦤꦶꦫꦣꦸꦩꦣꦶ꧈ꦔꦸꦒꦺꦩꦤꦩꦿꦶꦁꦕꦠꦸꦂꦈꦥꦪ꧈ꦩꦿꦶꦃꦠꦤ꧀ꦧꦶꦔꦸꦁꦥꦔꦺꦱ꧀ꦛꦶꦤꦺ꧈ꦏꦁꦣꦶꦔꦶꦤ꧀ꦮꦼꦏꦱꦶꦁꦱꦸꦤ꧀‌ꦄꦤꦶꦫꦸꦮꦩꦫꦁꦏꦁꦧꦼꦕꦶꦏ꧀‌ꦏꦥꦶꦤ꧀ꦝꦺꦴꦄꦤꦸꦫꦸꦠꦩꦿꦶꦁꦏꦁꦧꦼꦤꦼꦂꦆꦏꦸ꧈ꦏꦠꦿꦶꦔ꧀ꦒꦸꦒꦸꦮꦏꦁꦚꦠ꧈ꦏꦥꦶꦁꦥꦠꦺꦩꦶꦭꦶꦲꦆꦁꦏꦁꦥꦏꦺꦴꦭꦶꦃ꧈ꦣꦝꦶꦏꦤ꧀ꦛꦶꦤꦶꦁꦤ꧀ꦝꦺꦴꦚ꧉”

(Hakikat hidupmu di dunia, berpeganglah pada empat usaha, agar tidak bingung mencapai tujuan, nasehatku yang pertama, contohlah apa yang baik, kedua tirulah kehendak yang baik, ketiga indahkanlah apa yang nyata, keempat pilihlah apa yang membawa keberhasilan, itulah bekal hidupmu)

 

 

 

Serat Pepali

Ki Ageng Sela

ꦱꦼꦫꦠ꧀ꦥꦼꦥꦭꦶ

ꦏꦶꦄꦒꦺꦁꦱꦺꦭ

 

“Sapa-sapa wong kang gawe becik, nora wurung mbenjang manggih arja, tekeng saturun-turune.”

꧋“ꦱꦥꦱꦥꦮꦺꦴꦁꦏꦁꦒꦮꦺꦧꦼꦕꦶꦏ꧀‌ꦤꦺꦴꦫꦮꦸꦫꦸꦁꦩ꧀ꦧꦼꦚ꧀ꦗꦁꦩꦁꦒꦶꦃꦄꦂꦗ꧈ꦠꦼꦏꦼꦁꦱꦠꦸꦫꦸꦤ꧀ꦠꦸꦫꦸꦤꦺ꧉”

(Siapa yang berbuat kebajikan, akhirnya akan menemui kesejahteraan, hingga ke anak cucu)

 

 

 

Serat Wulangreh

ISKS Pakubuwana IV (Sampeyandalem Ingkang / Hingkang Sinuhun Kanjeng Susuhunan Paku Buwana IV)

ꦱꦼꦫꦠ꧀ꦮꦸꦭꦔꦿꦺꦃ

꧋ꦆꦱ꧀ꦏ꧀ꦱ꧀ꦥꦏꦸꦧꦸꦮꦤ꧇꧔꧇(ꦱꦩ꧀ꦥꦺꦪꦤ꧀ꦝꦭꦺꦩ꧀ꦆꦁꦏꦁ/ꦲꦶꦁꦏꦁꦱꦶꦤꦸꦲꦸꦤ꧀ꦏꦚ꧀ꦗꦼꦁꦱꦸꦱꦸꦲꦸꦤꦤ꧀ꦥꦏꦸꦧꦸꦮꦤ꧇꧔꧇)

 

“Nadayan asor wijilipun, yen kakakuane becik, utawa sugih carita kang dadi misil, iku pantes raketana, darapon mundhak kang budi.”

꧋“ꦤꦣꦪꦤ꧀ꦄꦱꦺꦴꦂꦮꦶꦗꦶꦭꦶꦥꦸꦤ꧀‌ꦪꦺꦤ꧀ꦏꦏꦏꦸꦮꦤꦺꦧꦼꦕꦶꦏ꧀‌ꦈꦠꦮꦱꦸꦒꦶꦃꦕꦫꦶꦠꦏꦁꦣꦝꦶꦩꦶꦱꦶꦭ꧀‌ꦆꦏꦸꦥꦤ꧀ꦠꦺꦱ꧀ꦫꦏꦺꦠꦤ꧈ꦣꦫꦥꦺꦴꦤ꧀ꦩꦸꦤ꧀ꦝꦏ꧀ꦏꦁꦧꦸꦣꦶ꧉”

(Sekalipun keturunan orang biasa, namun jika perilakunya baik, atau banyak pengalaman yang bermanfaat, pantas untuk didekati untuk menambah kebijakanmu)

 

 

“Mulane wong anom iku, becik ingkang ataberi, jejagongan lan wong tuwa.”

꧋“ꦩꦸꦭꦤꦺꦮꦺꦴꦁꦄꦤꦺꦴꦩ꧀ꦆꦏꦸ꧈ꦧꦼꦕꦶꦏ꧀ꦆꦁꦏꦁꦄꦠꦧꦺꦫꦶ꧈ꦗꦼꦗꦒꦺꦴꦔꦤ꧀ꦭꦤ꧀ꦮꦺꦴꦁꦠꦸꦮ꧉”

(Oleh karenanya orang muda itu, seyogyanya rajin berdialog dengan orang tua)

 

 

“Nadyan metu saking wong sudra papeki, lamun becik nggone muruk, iku pantes sira anggo.”

꧋“ꦤꦣꦾꦤ꧀ꦩꦼꦠꦸꦱꦏꦶꦁꦮꦺꦴꦁꦱꦸꦣꦿꦥꦥꦺꦏꦶ꧈ꦭꦩꦸꦤ꧀ꦧꦼꦕꦶꦏ꧀ꦔ꧀ꦒꦺꦴꦤꦺꦩꦸꦫꦸꦏ꧀‌ꦆꦏꦸꦥꦤ꧀ꦠꦺꦱ꧀ꦱꦶꦫꦄꦁꦒꦺꦴ꧉”

(Walau dari seorang yang miskin dan rendah, jika baik ajarannya, itu pantas kamu ikuti)

 

 

“Aja ngandelakem sira iku, suteng nata iya sapa kumawani, iku ambeke wong digang, ing wasana dadi asor.”

꧋“ꦄꦗꦔꦤ꧀ꦝꦺꦭꦏꦺꦩ꧀ꦱꦶꦫꦆꦏꦸ꧈ꦱꦸꦠꦺꦁꦤꦠꦆꦪꦱꦥꦏꦸꦩꦮꦤꦶ꧈ꦆꦏꦸꦄꦩ꧀ꦧꦺꦏꦺꦮꦺꦴꦁꦣꦶꦒꦁ꧈ꦆꦁꦮꦱꦤꦣꦝꦶꦄꦱꦺꦴꦂ꧉”

(Janganlah sombong jika kamu keturunan raja bangsawan dan menganggap tak ada yang berani, itulah sifat adigang, bisa-bisa berakhir hina)

 

 

“Anganggoa rereh ririh ngati-ati, den kawang-wang barang laku, kang waskitha solahing wong.”

꧋“ꦄꦔꦁꦒꦺꦴꦮꦉꦉꦃꦫꦶꦫꦶꦃꦔꦠꦶꦄꦠꦶ꧈ꦣꦺꦤ꧀ꦏꦮꦁꦮꦁꦧꦫꦁꦭꦏꦸ꧈ꦏꦁꦮꦱ꧀ꦏꦶꦛꦱꦺꦴꦭꦲꦶꦁꦮꦺꦴꦁ꧉”

(Seyogyanya berlakulah sabar, cermat dan hati-hati, perhatikanlah segala perilaku dan cermatlah terhadap perilaku orang)

 

 

“Mapan watake manungsa, pan ketemu ing laku lawan linggih, solah muna-muninipun, pan dadi penerengan.”

꧋“ꦩꦥꦤ꧀ꦮꦠꦏꦺꦩꦤꦸꦁꦱ꧈ꦥꦤ꧀ꦏꦼꦠꦼꦩꦸꦆꦁꦭꦏꦸꦭꦮꦤ꧀ꦭꦶꦁꦒꦶꦃ꧈ꦱꦺꦴꦭꦃꦩꦸꦤꦩꦸꦤꦶꦤꦶꦥꦸꦤ꧀‌ꦥꦤ꧀ꦝꦣꦶꦥꦺꦤꦺꦫꦺꦔꦤ꧀꧈”

(Adapun ciri perilaku manusia, akan tampak dari cara berjalan dan cara duduknya, tindak-tanduk dan tutur katanya, itu semua tanda-tandanya)

 

 

“Nadyan silih bapa biyung kaki nini, sadulur myang sanak, kalamun muruk tan becik, nora pantes yen den nuta.”

꧋“ꦤꦣꦾꦤ꧀ꦱꦶꦭꦶꦃꦧꦥꦧꦶꦪꦸꦁꦏꦏꦶꦤꦶꦤꦶ꧈ꦱꦣꦸꦭꦸꦂꦩꦾꦁꦱꦤꦏ꧀‌ꦏꦭꦩꦸꦤ꧀ꦩꦸꦫꦸꦏ꧀ꦠꦤ꧀ꦧꦼꦕꦶꦏ꧀‌ꦤꦺꦴꦫꦥꦤ꧀ꦠꦺꦱ꧀ꦪꦺꦤ꧀ꦝꦺꦤ꧀ꦤꦸꦠ꧉”

(Meskipun ia ayah ibu kakek nenek, saudara ataupun famili, jika memberi ajaran yang salah, tetap tidak pantas kau ikuti)

 

 

“Wong tan manut pitutur wong tuwa ugi, pan nemu duraka, ing dunya praptaning akir, tan wurung kesurang-surang.”

꧋“ꦮꦺꦴꦁꦠꦤ꧀ꦩꦤꦸꦠ꧀ꦥꦶꦠꦸꦠꦸꦂꦮꦺꦴꦁꦠꦸꦮꦈꦒꦶ꧈ꦥꦤ꧀ꦤꦼꦩꦸꦣꦸꦫꦏ꧈ꦆꦁꦣꦸꦚꦥꦿꦥ꧀ꦠꦤꦶꦁꦄꦏꦶꦂ꧈ꦠꦤ꧀ꦮꦸꦫꦸꦁꦏꦼꦱꦸꦫꦁꦱꦸꦫꦁ꧉”

(Orang yang tidak menjunjung nasihat orang tua, akan menemui kutuk sengsara, di dunia sampai akherat, berakhir penderitaan)

 

 

“Apan ana sesiku telung prakara, nanging gedhe pribadi, pan iki lirira, ingkang telung prakara, aja anggunggung sireki, kalawan aja nacad kapati-pati, lawan aja memaoni barang karya.”

꧋“ꦄꦥꦤ꧀ꦄꦤꦱꦺꦱꦶꦏꦸꦠꦼꦭꦸꦁꦥꦿꦏꦫ꧈ꦤꦔꦶꦁꦒꦼꦣꦼꦥꦿꦶꦧꦣꦶ꧈ꦥꦤ꧀ꦆꦏꦶꦭꦶꦫꦶꦫ꧈ꦆꦁꦏꦁꦠꦼꦭꦸꦁꦥꦿꦏꦫ꧈ꦄꦗꦄꦁꦒꦸꦁꦒꦸꦁꦱꦶꦫꦺꦏꦶ꧈ꦏꦭꦮꦤ꧀ꦄꦗꦤꦕꦣ꧀ꦏꦥꦠꦶꦥꦠꦶ꧈ꦭꦮꦤ꧀ꦄꦗꦩꦼꦩꦎꦤꦶꦧꦫꦁꦏꦂꦪ꧉”

(Ada tiga jenis pantangan yang paling utama, ketiga hal tersebut adalah jangan menyombongkan diri, jangan mencela, dan jangan mengkritik pekerjaan orang lain)

 

 

“Yen dadi nom ing enomipun, kang ginawe tuwa dikaya banyu neng beji, den awening paningale aji samar.”

꧋“ꦪꦺꦤ꧀ꦝꦣꦶꦤꦺꦴꦩ꧀ꦆꦁꦄꦼꦤꦺꦴꦩꦶꦥꦸꦤ꧀‌ꦏꦁꦒꦶꦤꦮꦺꦠꦸꦮꦣꦶꦏꦪꦧꦚꦸꦤꦺꦁꦧꦼꦗꦶ꧈ꦣꦺꦤ꧀ꦄꦮꦺꦤꦶꦁꦥꦤꦶꦔꦭꦺꦄꦗꦶꦱꦩꦂ꧉”

(Jika ditakdirkan menjadi muda, sadarilah kedudukan mudanya, sedang yang tuwa, jadilah seperti air, jernihkanlah penglihatanmu)

 

 

“Tungkul uripe, lan aja duwe kareman, marang pepas dunya, siyang dalu emut, yen urip manggih antaka.”

꧋“ꦠꦸꦁꦏꦸꦭ꧀ꦈꦫꦶꦥꦺ꧈ꦭꦤ꧀ꦄꦗꦣꦸꦮꦺꦏꦫꦺꦩꦤ꧀‌ꦩꦫꦁꦥꦼꦥꦱ꧀ꦝꦸꦚ꧈ꦱꦶꦪꦁꦣꦭꦸꦄꦼꦩꦸꦠ꧀‌ꦪꦺꦤ꧀ꦈꦫꦶꦥ꧀ꦩꦁꦒꦶꦃꦄꦤ꧀ꦠꦏ꧉”

(Hiduplah dengan tekun dan hati-hati, jangan mengumbar kesenangan dunia, siang malam ingatlah, bahwa hidup berujung kematian)

 

 

“Dedalane guna lawan sekti, kudu andhap asor, wani ngalah luhur wekasane, tumungkula yen dipun dukani, bapang den simpangi, ana catur mungkur.”

꧋“ꦣꦼꦣꦭꦤꦺꦒꦸꦤꦭꦮꦤ꧀ꦱꦼꦏ꧀ꦠꦶ꧈ꦏꦸꦣꦸꦄꦤ꧀ꦝꦥ꧀ꦄꦱꦺꦴꦂ꧈ꦮꦤꦶꦔꦭꦃꦭꦸꦲꦸꦂꦮꦼꦏꦱꦤꦺ꧈ꦠꦸꦩꦸꦁꦏꦸꦭꦪꦺꦤ꧀ꦝꦶꦥꦸꦤ꧀ꦝꦸꦏꦤꦶ꧈ꦧꦥꦁꦣꦺꦤ꧀ꦱꦶꦩ꧀ꦥꦔꦶ꧈ꦄꦤꦕꦠꦸꦂꦩꦸꦁꦏꦸꦂ꧉”

(Syarat meraih kepandaian dan kesaktian, harus bisa rendah hati, berani mengalah unggul pada akhirnya, menunduklah jika dimarahi, penghalang dihindari, ada perkara ditangguhkan)

 

 

“Dadya lakunireku, cegah dhahar lawan guling, lan aja asukan-sukan, anggonira sawatawis, ala watake wing suka, suda prayitnaninng batin.”

꧋“ꦣꦝꦾꦭꦏꦸꦤꦶꦫꦺꦏꦸ꧈ꦕꦼꦒꦃꦣꦲꦂꦭꦮꦤ꧀ꦒꦸꦭꦶꦁ꧈ꦭꦤ꧀ꦄꦗꦄꦱꦸꦏꦤ꧀ꦱꦸꦏꦤ꧀‌ꦄꦁꦒꦺꦴꦤꦶꦫꦱꦮꦠꦮꦶꦱ꧀‌ꦄꦭꦮꦠꦏꦺꦮꦶꦁꦱꦸꦏ꧈ꦱꦸꦣꦥꦿꦪꦶꦠ꧀ꦤꦤꦶꦤ꧀ꦔ꧀ꦧꦠꦶꦤ꧀꧈”

(Jadikan ini laku, kurangi makan dan tidur, jangan terlena suka ria, batasilah sekadarnya, tabiat orang bersuka ria itu mengurangi ketajaman batinnya)

 

 

“Panggawe becik puniku, gampang yen wus den lakoni, angel yen durung kalakyan.”

꧋“ꦥꦁꦒꦮꦺꦧꦼꦕꦶꦏ꧀ꦥꦸꦤꦶꦏꦸ꧈ꦒꦩ꧀ꦥꦁꦪꦺꦤ꧀ꦮꦸꦱ꧀ꦝꦺꦤ꧀ꦭꦏꦺꦴꦤꦶ꧈ꦄꦔꦺꦭ꧀ꦪꦺꦤ꧀ꦝꦸꦫꦸꦁꦏꦭꦏꦾꦤ꧀꧈”

(Perbuatan baik itu, gampang jika sudah dijalani, sulit jika belum dilaksanakn)

 

 

“Ingkang becik kojahipun, sira anggoa kang pasthi, ingkang ala singgahan, aja sira anglakoni.”

꧋“ꦆꦁꦏꦁꦧꦼꦕꦶꦏ꧀ꦏꦺꦴꦗꦲꦶꦥꦸꦤ꧀‌ꦱꦶꦫꦄꦁꦒꦺꦴꦮꦏꦁꦥꦱ꧀ꦛꦶ꧈ꦆꦁꦏꦁꦄꦭꦱꦶꦁꦒꦲꦤ꧀‌ꦄꦗꦱꦶꦫꦄꦁꦭꦏꦺꦴꦤꦶ꧉”

(Segala yang baik, lakukanlah dengan pasti, yang buruk simpanlah, jangan engkau ikuti)

 

 

“Aja nganti kabanjur, barang polah ingkang nora jujur, yen kabanjur sayekti kojur tan becik.”

꧋“ꦄꦗꦔꦤ꧀ꦠꦶꦏꦧꦚ꧀ꦗꦸꦂ꧈ꦧꦫꦁꦥꦺꦴꦭꦃꦆꦁꦏꦁꦤꦺꦴꦫꦗꦸꦗꦸꦂ꧈ꦪꦺꦤ꧀ꦏꦧꦚ꧀ꦗꦸꦂꦱꦪꦺꦏ꧀ꦠꦶꦏꦺꦴꦗꦸꦂꦠꦤ꧀ꦧꦺꦕꦶꦏ꧀꧈”

(Jangan berlarut, segala tingkah ketidakjujuran, jika sampai berlarut, pasti hancur dan tidak baik)

 

 

“Pan adigang kidang adigung pan esthi, adiguna ula iku, telu pisan mati sampyoh, si kidang ambegipun, angandelaken kebat lumpatipun, pan si gajah ngandelaken geng ainggil, ula ngandelaken iku, mandine kalamun nyakot.”

꧋“ꦥꦤ꧀ꦄꦣꦶꦒꦁꦏꦶꦣꦁꦄꦣꦶꦒꦸꦁꦥꦤ꧀ꦄꦼꦱ꧀ꦛꦶ꧈ꦄꦣꦶꦒꦸꦤꦈꦭꦆꦏꦸ꧈ꦠꦼꦭꦸꦥꦶꦱꦤ꧀ꦩꦠꦶꦱꦩ꧀ꦥꦾꦺꦴꦃ꧈ꦱꦶꦏꦶꦣꦁꦄꦩ꧀ꦧꦺꦒꦶꦥꦸꦤ꧀‌ꦄꦔꦤ꧀ꦝꦺꦭꦏꦺꦤ꧀ꦏꦼꦧꦠ꧀ꦭꦸꦩ꧀ꦥꦠꦶꦥꦸꦤ꧀‌ꦥꦤ꧀ꦱꦶꦒꦗꦃꦔꦤ꧀ꦝꦺꦭꦏꦺꦤ꧀ꦒꦺꦁꦍꦁꦒꦶꦭ꧀‌ꦈꦭꦔꦤ꧀ꦝꦺꦭꦏꦺꦤ꧀ꦆꦏꦸ꧈ꦩꦤ꧀ꦝꦶꦤꦺꦏꦭꦩꦸꦤ꧀ꦚꦏꦺꦴꦠ꧀꧈”

(Adigang kiasan kijang, Adigung kiasan gajah, Adiguna itu ular, ketiganya binasa bersama. Kijang menyombongkan kecepatan lari, gajah mengandalkan tinggi besarnya, ular mengandalkan gigitannya)

 

 

“Titikane wong anom kurang wewadi, bungah akeh wong kang nggunggung, wekasane kejelomprong.”

꧋“ꦠꦶꦠꦶꦏꦤꦺꦮꦺꦴꦁꦄꦤꦺꦴꦩ꧀ꦏꦸꦫꦁꦮꦼꦮꦣꦶ꧈ꦧꦸꦔꦃꦄꦏꦺꦃꦮꦺꦴꦁꦏꦁꦔ꧀ꦒꦸꦁꦒꦸꦁ꧈ꦮꦼꦏꦱꦤꦺꦏꦺꦗꦺꦭꦺꦴꦩ꧀ꦥꦿꦺꦴꦁ꧉”

(Ciri-ciri anak muda itu tidak bisa menyimpan rahasia, senang dipuji, padahal itu menjerumuskan)

 

 

“Yen wong anom puniku, kakehan panggunggung dadi kumprung, pengung bingung wekasane pan angoling, yen ginunggung muncu-muncu, kaya wudun meh mechotot.”

꧋“ꦪꦺꦤ꧀ꦮꦺꦴꦁꦄꦤꦺꦴꦩ꧀ꦥꦸꦤꦶꦏꦸ꧈ꦏꦏꦺꦲꦤ꧀ꦥꦁꦒꦸꦁꦒꦸꦁꦣꦝꦶꦏꦸꦩ꧀ꦥꦿꦸꦁ꧈ꦥꦼꦔꦸꦁꦧꦶꦔꦸꦁꦮꦼꦏꦱꦤꦺꦥꦤ꧀ꦄꦔꦺꦴꦭꦶꦁ꧈ꦪꦺꦤ꧀ꦒꦶꦤꦸꦁꦒꦸꦁꦩꦸꦚ꧀ꦕꦸꦩꦸꦚ꧀ꦕꦸ꧈ꦏꦪꦮꦸꦣꦸꦤ꧀ꦩꦼꦃꦩꦺꦕ꧀ꦲꦺꦴꦠꦺꦴꦠ꧀꧈”

(Orang muda itu, jika terlalu banyak dipuji menjadi tolol, bodoh, bingung, dan akhirnya terombang-ambing, jika sedang dipuji, monyong seperti bisul hampir pecah)

 

 

“Aja kakehan sanggup, durung weruh tutue agupruk, tutur nempil panganggepe wruh pribadi.”

꧋“ꦄꦗꦏꦏꦺꦲꦤ꧀ꦱꦁꦒꦸꦥ꧀‌ꦣꦸꦫꦸꦁꦮꦼꦫꦸꦃꦠꦸꦠꦸꦮꦺꦄꦒꦸꦥꦿꦸꦏ꧀‌ꦠꦸꦠꦸꦂꦤꦼꦩ꧀ꦥꦶꦭ꧀ꦥꦔꦁꦒꦺꦥꦺꦮꦿꦸꦃꦥꦿꦶꦧꦣꦶ꧉”

(Jangan merasa tahu banyak, belum melihat sendiri sudah banyak bercerita, hanya mendengar saja merasa seperti melihat sendiri)

 

 

“Yen sira amaca, layang sabarng layanging, aja pijer katungkul ningali sastra, caritane ala becik dipunweruhi, nuli rasakna.”

꧋“ꦪꦺꦤ꧀ꦱꦶꦫꦄꦩꦕ꧈ꦭꦪꦁꦱꦧꦂꦔ꧀ꦭꦪꦔꦶꦁ꧈ꦄꦗꦥꦶꦗꦺꦂꦏꦠꦸꦁꦏꦸꦭ꧀ꦤꦶꦔꦭꦶꦱꦱ꧀ꦠꦿ꧈ꦕꦫꦶꦠꦤꦺꦄꦭꦧꦼꦕꦶꦏ꧀ꦝꦶꦥꦸꦤ꧀ꦮꦺꦫꦸꦲꦶ꧈ꦤꦸꦭꦶꦫꦱꦏ꧀ꦤ꧉”

(Jika engkau membaca, segala macam kitab, jangan hanya terpukau pada sastra, paparan baik buruknya harus dipahami, kemudian renungkanlah)

 

 

 

Serat Sastra Gendhing

Ajaran Sultan Agung

Sultan Agung Adi Prabu Anyakrakusuma / Sampeyan Dalem Ingkang Sinuhun Kangjeng Sultan Agung Adi Prabu Anyakrakusuma Senapati ing Ngalaga Abdurrahman Sayyidin Panatagama Khalifatullah Tanah Jawi (Sultan Agung / Raden Mas Jatmika / Raden Mas Rangsang)

ꦱꦼꦫꦠ꧀ꦱꦱ꧀ꦠꦿꦒꦼꦤ꧀ꦝꦶꦁ

ꦄꦗꦫꦤ꧀ꦱꦸꦭ꧀ꦠꦤ꧀ꦄꦒꦸꦁ

꧋ꦱꦸꦭ꧀ꦠꦤ꧀ꦄꦒꦸꦁꦄꦣꦶꦥꦿꦧꦸꦄꦚꦏꦿꦏꦸꦱꦸꦩ/ꦱꦩ꧀ꦥꦼꦪꦤ꧀ꦝꦊꦩ꧀ꦆꦁꦏꦁꦱꦶꦤꦸꦲꦸꦤ꧀ꦏꦁꦗꦺꦁꦱꦸꦭ꧀ꦠꦤ꧀ꦄꦒꦸꦁꦄꦣꦶꦥꦿꦧꦸꦄꦚꦏꦿꦏꦸꦱꦸꦩꦱꦺꦤꦥꦠꦶꦆꦁꦔꦭꦒꦄꦧ꧀ꦝꦸꦂꦫꦃꦩꦤ꧀ꦱꦪꦾꦶꦣꦶꦤ꧀ꦥꦤꦠꦒꦩꦏ꦳ꦭꦶꦥ꦳ꦠꦸꦭ꧀ꦭꦃꦠꦤꦃꦗꦮꦶ(ꦱꦸꦭ꧀ꦠꦤ꧀ꦄꦒꦸꦁ/ꦫꦣꦺꦤ꧀ꦩꦱ꧀ꦗꦠ꧀ꦩꦶꦏ/ꦫꦣꦺꦤ꧀ꦩꦱ꧀ꦫꦁꦱꦁ)

 

“Sayektine jagad ta dumadi, sabab kadim kadhihinan anyar, kasungsang nyimpang dadine.”

꧋“ꦱꦪꦺꦏ꧀ꦠꦶꦤꦺꦗꦒꦣ꧀ꦠꦣꦸꦩꦣꦶ꧈ꦱꦧꦧ꧀ꦏꦣꦶꦩ꧀ꦏꦣꦶꦲꦶꦤꦤ꧀ꦄꦚꦂ꧈ꦏꦱꦸꦁꦱꦁꦚꦶꦩ꧀ꦥꦁꦣꦝꦶꦤꦺ꧉”

(Tentu dunia tidak akan tercipta, apabila yang fana mendahului yang abadi, logikanya terjungkir balik)

 

 

“Eling-eling kang samya mangudi nalar, away kongsi nemahi, kadrojoging tekad, lah pada den prayitna, sayekti ambebayani, luwih agawat, watgating trang ing urip.”

꧋“ꦌꦭꦶꦁꦌꦭꦶꦁꦏꦁꦱꦩꦾꦩꦔꦸꦣꦶꦤꦭꦂ꧈ꦄꦮꦪ꧀ꦏꦺꦴꦁꦱꦶꦤꦼꦩꦲꦶ꧈ꦏꦣꦿꦺꦴꦗꦺꦴꦒꦶꦁꦠꦺꦏꦣ꧀‌ꦭꦃꦥꦣꦝꦺꦤ꧀ꦥꦿꦪꦶꦠ꧀ꦤ꧈ꦱꦪꦺꦏ꧀ꦠꦶꦄꦩ꧀ꦧꦺꦧꦪꦤꦶ꧈ꦭꦸꦮꦶꦃꦄꦒꦮꦠ꧀‌ꦮꦠ꧀ꦒꦠꦶꦁꦠꦿꦁꦆꦁꦈꦫꦶꦥ꧀꧈”

(Perlu diingat oleh orang yang melatih pikiran, jangan sampai terjadi hasrat tanpa kendali, haruslah itu diperhatikan, karena sangat berbahaya, menghancurkan kehidupan)

 

 

“Lawan aja padha padudon ing karsa, iki siriking ngelmi, yen during kaduga, luwung mendel kewala, anging kasilna kang titi, marang ngulama, myang para sujaning budi.”

꧋“ꦭꦮꦤ꧀ꦄꦗꦥꦣꦥꦣꦸꦣꦺꦴꦤ꧀ꦆꦁꦏꦂꦱ꧈ꦆꦏꦶꦱꦶꦫꦶꦏꦶꦁꦔꦼꦭ꧀ꦩꦶ꧈ꦪꦺꦤ꧀ꦝꦸꦫꦶꦁꦏꦣꦸꦒ꧈ꦭꦸꦮꦸꦁꦩꦼꦤ꧀ꦝꦼꦭ꧀ꦏꦼꦮꦭ꧈ꦄꦔꦶꦁꦏꦱꦶꦭ꧀ꦤꦏꦁꦠꦶꦠꦶ꧈ꦩꦫꦁꦔꦸꦭꦩ꧈ꦩꦾꦁꦥꦫꦱꦸꦗꦤꦶꦁꦧꦸꦣꦶ꧉”

(Dan jangan suka bertengkar pendapat, itu larangan dalam mencari ilmu, bila belum mumpuni, lebih baik menahan diri, dan belajarlah dengan tekun, kepada para ulama, para ahli kesempurnaan jiwa)

 

 

“Iku wong tuna ing budi, tan nana gelem kasoran, yekti kakandhangan kibir, rebut luhuring kagunan, dadi luput sakarone.”

꧋“ꦆꦏꦸꦮꦺꦴꦁꦠꦸꦤꦆꦁꦧꦸꦣꦶ꧈ꦠꦤ꧀ꦤꦤꦒꦼꦊꦩ꧀ꦏꦱꦺꦴꦫꦤ꧀‌ꦪꦼꦏ꧀ꦠꦶꦏꦏꦤ꧀ꦝꦔꦤ꧀ꦏꦶꦧꦶꦂ꧈ꦉꦧꦸꦠ꧀ꦭꦸꦲꦸꦫꦶꦁꦏꦒꦸꦤꦤ꧀‌ꦣꦝꦶꦭꦸꦥꦸꦠ꧀ꦱꦏꦫꦺꦴꦤꦺ꧉”

(Itulah orang yang berakal dangkal, selalu tak ingin direndahkan, selalu berlagak sombong, pamer kemuliaan dan kepandaian, hingga kehilangan dua-duanya)

 

 

 

Serat Centhini

ꦱꦼꦫꦠ꧀ꦕꦼꦤ꧀ꦛꦶꦤꦶ

 

“Ana tangis layu-layu, tangise wong wedi mati, tangise alara-lara, maras atine yen mati, gedhongana kuncenana, yen pesthi tan wurung mati.”

꧋“ꦄꦤꦠꦔꦶꦱ꧀ꦭꦪꦸꦭꦪꦸ꧈ꦠꦔꦶꦱꦺꦮꦺꦴꦁꦮꦼꦣꦶꦩꦠꦶ꧈ꦠꦔꦶꦱꦺꦄꦭꦫꦭꦫ꧈ꦩꦫꦱ꧀ꦄꦠꦶꦤꦺꦪꦺꦤ꧀ꦩꦠꦶ꧈ꦒꦼꦣꦺꦴꦔꦤꦏꦸꦚ꧀ꦕꦺꦤꦤ꧈ꦪꦺꦤ꧀ꦥꦼꦱ꧀ꦛꦶꦠꦤ꧀ꦮꦸꦫꦸꦁꦩꦠꦶ꧉”

(Ada tangis dalam kematian, tangisnya orang yang takut mati, tangisnya sangat pedih, tak rela hati jika mati, sembunyikanlah atau kuncilah, jika sudah takdir akhirnya tetap mati)

 

 

 

Suluk Syeh Malaya

Kanjeng Sunan Kalijaga

ꦱꦸꦭꦸꦏ꧀ꦱꦾꦼꦃꦩꦭꦪ

ꦏꦚ꧀ꦗꦼꦁꦱꦸꦤꦤ꧀ꦏꦭꦶꦗꦒ

 

“Aywa lunga yen tan weruha ingkang pinara ing purug, lawan sira aywa nadhah yen tan wyuha rasanipun.”

꧋“ꦄꦪ꧀ꦮꦭꦸꦔꦪꦺꦤ꧀ꦠꦤ꧀ꦮꦼꦫꦸꦲꦆꦁꦏꦁꦥꦶꦤꦫꦆꦁꦥꦸꦫꦸꦒ꧀‌ꦭꦮꦤ꧀ꦱꦶꦫꦄꦪ꧀ꦮꦤꦣꦃꦪꦺꦤ꧀ꦠꦤ꧀ꦮꦾꦸꦲꦫꦱꦤꦶꦥꦸꦤ꧀꧈”

(Jangan pernah melangkah tanpa tahu tujuannya, jangan pernah menyembah jika tak tahu tujuan hakikatnya)

 

 

 

Suluk Sujinah

ꦱꦸꦭꦸꦏ꧀ꦱꦸꦗꦶꦤꦃ

 

“Yayi perang sabil punika, nora lawan si kopar lawan si kapir, sajroning dhadha punika, ana prang bratayudha, langkung rame aganti pupuh-pinupuh, iya lawan dhewekira, iku latining prang sabil.”

꧋“ꦪꦪꦶꦥꦼꦫꦁꦱꦧꦶꦭ꧀ꦥꦸꦤꦶꦏ꧈ꦤꦺꦴꦫꦭꦮꦤ꧀ꦱꦶꦏꦺꦴꦥꦂꦭꦮꦤ꧀ꦱꦶꦏꦥꦶꦂ꧈ꦱꦗꦿꦺꦴꦤꦶꦁꦣꦝꦥꦸꦤꦶꦏ꧈ꦄꦤꦥꦿꦁꦧꦿꦠꦪꦸꦣ꧈ꦭꦁꦏꦸꦁꦫꦩꦺꦄꦒꦤ꧀ꦠꦶꦥꦸꦥꦸꦃꦥꦶꦤꦸꦥꦸꦃ꧈ꦆꦪꦭꦮꦤ꧀ꦝꦼꦮꦼꦏꦶꦫ꧈ꦆꦏꦸꦭꦠꦶꦤꦶꦁꦥꦿꦁꦱꦧꦶꦭ꧀꧈”

(Dinda, perang sabil itu bukan melawan kafir saja, di dalam dada itu ada perang baratayuda, ramai sekali saling pukul-memukul yaitu perang melawan dirinya nafsu, itulah sesungguhnya perang sabil)

 

 

 

Wirid Wolung Pangkat

ꦮꦶꦫꦶꦣ꧀ꦮꦺꦴꦭꦸꦁꦥꦁꦏꦠ꧀

 

“Sajatine Ingsun anata palenggahan parameyaning-Sun dumunung ana ing sirahing manungsa, kang ana sajroning sirah iku utek, kang gegandhengan ana ing antarane utek iku manik, sajroning manik iku cipta, sajroning cipta iku budi, sajroning budi iku napsu, sajroning napsu iku suksma, sajroning suksma iku rahsa, sajroning rahsa iku Ingsun.”

꧋“ꦱꦗꦠꦶꦤꦺꦆꦁꦱꦸꦤ꧀ꦄꦤꦠꦥꦭꦺꦁꦒꦲꦤ꧀ꦥꦫꦩꦺꦪꦤꦶꦁꦱꦸꦤ꧀ꦝꦸꦩꦸꦤꦸꦁꦄꦤꦆꦁꦱꦶꦫꦲꦶꦁꦩꦤꦸꦁꦱ꧈ꦏꦁꦄꦤꦱꦗꦿꦺꦴꦤꦶꦁꦱꦶꦫꦃꦆꦏꦸꦈꦠꦺꦏ꧀‌ꦏꦁꦒꦼꦒꦤ꧀ꦝꦺꦔꦤ꧀ꦄꦤꦆꦁꦄꦤ꧀ꦠꦫꦤꦺꦈꦠꦺꦏ꧀ꦆꦏꦸꦩꦤꦶꦏ꧀‌ꦱꦗꦿꦺꦴꦤꦶꦁꦩꦤꦶꦏ꧀ꦆꦏꦸꦕꦶꦥ꧀ꦠ꧈ꦱꦗꦿꦺꦴꦤꦶꦁꦕꦶꦥ꧀ꦠꦆꦏꦸꦧꦸꦣꦶ꧈ꦱꦗꦿꦺꦴꦤꦶꦁꦧꦸꦣꦶꦆꦏꦸꦤꦥ꧀ꦱꦸ꧈ꦱꦗꦿꦺꦴꦤꦶꦁꦤꦥ꧀ꦱꦸꦆꦏꦸꦱꦸꦏ꧀ꦱ꧀ꦩ꧈ꦱꦗꦿꦺꦴꦤꦶꦁꦱꦸꦏ꧀ꦱ꧀ꦩꦆꦏꦸꦫꦃꦱ꧈ꦱꦗꦿꦺꦴꦤꦶꦁꦫꦃꦱꦆꦏꦸꦆꦁꦱꦸꦤ꧀꧈”

(Sesungguhnya Aku telah mengatur tempat keramaian-Ku berada di dalam kepalanya manusia, yang ada di dalam kepala itu otak, yang berkaitan antara otak itu manik, di dalam manik itu akal, di dalam akal itu budi, di dalam budi itu nafsu, di dalam nafsu itu suksma, di dalam suksma itu rahsa, di dalam rahsa itu Aku. Tidak ada Pangeran kecuali Aku. Sejatinya Hidup yang meliputi seluruh swasana)

 

 

 

Suluk Walisanga

ꦱꦸꦭꦸꦏ꧀ꦮꦭꦶꦱꦔ

 

“Ya janma kang hakiki, wujud kak kiyanmil kodrat, jumeneng anane dhewe, Suksma manuks-meng kawula, kawula nuks-meng Suksma, napas sirna marang suwung, badan lebur wor bantala.”

꧋“ꦪꦗꦤ꧀ꦩꦏꦁꦲꦏꦶꦏꦶ꧈ꦮꦸꦗꦸꦣ꧀ꦏꦏ꧀ꦏꦶꦪꦤ꧀ꦩꦶꦭ꧀ꦏꦺꦴꦣꦿꦠ꧀‌ꦗꦸꦩꦼꦤꦼꦁꦄꦤꦤꦺꦣꦼꦮꦼ꧈ꦱꦸꦏ꧀ꦱ꧀ꦩꦩꦤꦸꦏ꧀ꦱ꧀ꦩꦼꦁꦏꦮꦸꦭ꧈ꦏꦮꦸꦭꦤꦸꦏ꧀ꦱ꧀ꦩꦼꦁꦱꦸꦏ꧀ꦱ꧀ꦩ꧈ꦤꦥꦱ꧀ꦱꦶꦂꦤꦩꦫꦁꦱꦸꦮꦸꦁ꧈ꦧꦣꦤ꧀ꦊꦧꦸꦂꦮꦺꦴꦂꦧꦤ꧀ꦠꦭ꧉”

(Manusia yang hakiki, berwujud hak yang memiliki kekuasaan ada dengan sendirinya, Suksma masuk ke dalam hamba, hamba masuk ke dalam Suksma, napas hilang masuk ke dalam kekosongan, badan hancur bercampur tanah)

 

 

 

Serat Sabdatama

R. Ng. Ranggawarsito

ꦱꦼꦫꦠ꧀ꦱꦧ꧀ꦝꦠꦩ

ꦫ꧀꧈ꦔ꧀꧈ꦫꦁꦒꦮꦂꦱꦶꦠꦺꦴ

 

“Ngajapa tyas rahayu, ngayomana sasameng tumuwuh, wahanane ngendhak angkara kalindhih, ngendhangken pakarti dudu, dinuwa tibeng doh.”

꧋“ꦔꦗꦥꦠꦾꦱ꧀ꦫꦲꦪꦸ꧈ꦔꦪꦺꦴꦩꦤꦱꦱꦩꦺꦁꦠꦸꦩꦸꦮꦸꦃ꧈ꦮꦲꦤꦤꦺꦔꦼꦤ꧀ꦝꦏ꧀ꦄꦁꦏꦫꦏꦭꦶꦤ꧀ꦝꦶꦃ꧈ꦔꦼꦤ꧀ꦝꦁꦏꦺꦤ꧀ꦥꦏꦂꦠꦶꦣꦸꦣꦸ꧈ꦣꦶꦤꦸꦮꦠꦶꦧꦺꦁꦣꦺꦴꦃ꧉”

(Kejarlah tekad selamat, lindungi sesama umat, dengan jalan mengalahkan angkara, membuang perilaku buruk hingga sejauh-jauhnya)

 

 

 

Serat Wedhatama

KGPAA Mangkunegara IV (Kanjeng Gusti Pangeran Adipati Arya Mangkunegara IV)

ꦱꦼꦫꦠ꧀ꦮꦼꦣꦠꦩ

꧋ꦏ꧀ꦒ꧀ꦥꦄꦩꦁꦏꦸꦤꦺꦒꦫ꧇꧔꧇(ꦏꦚ꧀ꦗꦼꦁꦒꦸꦱ꧀ꦠꦶꦥꦔꦺꦫꦤ꧀ꦄꦣꦶꦥꦠꦶꦄꦂꦪꦩꦁꦏꦸꦤꦺꦒꦫ꧇꧔꧇)

 

“Ngelmu iku, kalakone kanthi laku, lekase lawan kas, tegese kas nyantosani, setya budya pangekese dur angkara.”

꧋“ꦔꦼꦭ꧀ꦩꦸꦆꦏꦸ꧈ꦏꦭꦏꦺꦴꦤꦺꦏꦤ꧀ꦛꦶꦭꦏꦸ꧈ꦊꦏꦱꦺꦭꦮꦤ꧀ꦏꦱ꧀‌ꦠꦼꦒꦼꦱꦼꦏꦱ꧀ꦚꦤ꧀ꦠꦺꦴꦱꦤꦶ꧈ꦱꦼꦠꦾꦧꦸꦣꦾꦥꦔꦺꦏꦺꦱꦺꦣꦸꦂꦄꦁꦏꦫ꧉”

(Ilmu itu, hanya tercapai melalui laku (proses usaha dan tawakal), dimulai dengan kas (niat teguh), artinya kas menjadikan sentosa. Iman dan budi yang teguh untuk menanggulangi goda angkara)

 

 

“Mangka ta kang aran laku, lakune ngelmu sejati, tan dahwen pati openan, tan panasten nora jail, tan nyurungi kaardan, among eneng mamrih ening.”

꧋“ꦩꦁꦏꦠꦏꦁꦄꦫꦤ꧀ꦭꦏꦸ꧈ꦭꦏꦸꦤꦺꦔꦼꦭ꧀ꦩꦸꦱꦼꦗꦠꦶ꧈ꦠꦤ꧀ꦝꦃꦮꦺꦤ꧀ꦥꦠꦶꦎꦥꦼꦤꦤ꧀‌ꦠꦤ꧀ꦥꦤꦱ꧀ꦠꦺꦤ꧀ꦤꦺꦴꦫꦗꦻꦭ꧀‌ꦠꦤ꧀ꦚꦸꦫꦸꦔꦶꦏꦄꦂꦣꦤ꧀‌ꦄꦩꦺꦴꦁꦄꦼꦤꦺꦁꦩꦩꦿꦶꦃꦌꦤꦶꦁ꧉”

(Adapun yang disebut laku adalah laku bagi ilmu hak (sejati), tidak punya pamrih, tidak ada rasa iri dan hasut, tidak menuruti nafsu, hanyalah ketenangan agar tetap jernih)

 

 

 

Serat Cipta Waskitha

ꦱꦼꦫꦠ꧀ꦕꦶꦥ꧀ꦠꦮꦱ꧀ꦏꦶꦛ

 

“Mula wong urip iku, den padha akarep marang ngelmu, ala becik ngelmu iku den kawruhi, karana atunggal wujud, mung kacek emel lan batos.”

꧋“ꦩꦸꦭꦮꦺꦴꦁꦈꦫꦶꦥ꧀ꦆꦏꦸ꧈ꦣꦺꦤ꧀ꦥꦣꦄꦏꦫꦺꦥ꧀ꦩꦫꦁꦔꦼꦭ꧀ꦩꦸ꧈ꦄꦭꦧꦼꦕꦶꦏ꧀ꦔꦼꦭ꧀ꦩꦸꦆꦏꦸꦣꦺꦤ꧀ꦏꦮꦿꦸꦲꦶ꧈ꦏꦫꦤꦄꦠꦸꦁꦒꦭ꧀ꦮꦸꦗꦸꦣ꧀‌ꦩꦸꦁꦏꦕꦺꦏ꧀ꦄꦼꦩꦼꦭ꧀ꦭꦤ꧀ꦧꦠꦺꦴꦱ꧀꧈

(Maka orang hidup itu, janganlah berhenti belajar, baik dan buruk ilmu itu harus diketahui, karena sebenarnya adalah satu, hanya berbeda lafal dan batinnya)

 

 

“Jembaring samodragung, tanpa tepi anglangut kadulu, suprandene maksih gung manungsa iki, alas jurang kali gunung, neng raganira wus katon.”

꧋“ꦗꦼꦩ꧀ꦧꦫꦶꦁꦱꦩꦺꦴꦣꦿꦒꦸꦁ꧈ꦠꦤ꧀ꦥꦠꦼꦥꦶꦄꦁꦭꦔꦸꦠ꧀ꦏꦣꦸꦭꦸ꧈ꦱꦸꦥꦿꦤ꧀ꦝꦺꦤꦺꦩꦏ꧀ꦱꦶꦃꦒꦸꦁꦩꦤꦸꦁꦱꦆꦏꦶ꧈ꦄꦭꦱ꧀ꦗꦸꦫꦁꦏꦭꦶꦒꦸꦤꦸꦁ꧈ꦤꦺꦁꦫꦒꦤꦶꦫꦮꦸꦱ꧀ꦏꦠꦺꦴꦤ꧀꧈”

(Luasnya samudra raya, tiada bertepi dan sejauh mata memandang, tetapi masih besar adanya manusia ini, hutan jurang sungai gunung, di dalam diri manusia

ꦆꦩꦗꦶꦤꦺꦂꦤꦸꦱ꧀ꦮꦤ꧀ꦠꦺꦴꦫꦺꦴ

꧋ꦄꦁꦒꦶꦠꦤꦶꦥꦸꦤ꧀ꦱꦼꦫꦠꦤ꧀/ꦏꦱꦺꦫꦠ꧀ꦩꦭꦺꦃꦣꦼꦤꦶꦁ꧇ꦫꦣꦺꦤ꧀ꦠꦿꦶꦥꦿꦶꦪꦺꦴꦤꦸꦒꦿꦺꦴꦲꦺꦴ꧈ꦱ꧀꧈ꦱꦺꦴꦱ꧀

ꦠ꧀ꦭꦠꦃꦩ꧀ꦧꦸꦩꦶꦏꦣꦶꦫꦶꦏꦮꦺꦤ꧀ꦠꦂ

Imajiner Nuswantoro

Anggitanipun seratan / kaserat maleh dening : Raden Tri Priyo Nugroho, S.Sos

Tlatah Mbumi Kadhiri Kawentar