WUS GUMELAR (Maskumambang)
Wus gumelar ana jroning urip iki
Age mbudidaya
Aywa tansah nglokro sami
Mrih kasembadaning sedya
Yen makarya kebak ing pangati-ati
Aywa nganti lena
Ngarah-arah denengeti
Murih datan kaduk rangah
Jroning urip bener becik den upadi
Ngawisi kang ala
Basuki ingkang kaesthi
Sembada ingkang jinangka
Tindak becik aywa nganti den campuri
Tindak ingkang ala
Iku tan prayoga yekti
Mula kabeh tintingana
Dening : Ki Y.P.B.Wiratmoko
Ngawi, 22 Maret 2024
Dipun serat maleh kaliyan Imajiner Nuswantoro
Aksara Jawanipun :
ꦮꦸꦱ꧀ꦒꦸꦩꦺꦭꦂ(ꦩꦱ꧀ꦏꦸꦩꦩ꧀ꦧꦁ)
ꦮꦸꦱ꧀ꦒꦸꦩꦺꦭꦂꦄꦤꦗꦿꦺꦴꦤꦶꦁꦈꦫꦶꦥ꧀ꦆꦏꦶ
ꦄꦒꦺꦩ꧀ꦧꦸꦣꦶꦣꦪ
ꦄꦪ꧀ꦮꦠꦤ꧀ꦱꦃꦔ꧀ꦭꦺꦴꦏꦿꦺꦴꦱꦩꦶ
ꦩꦿꦶꦃꦏꦱꦺꦩ꧀ꦧꦣꦤꦶꦁꦱꦼꦣꦾ
꧋ꦪꦺꦤ꧀ꦩꦏꦂꦪꦏꦼꦧꦏ꧀ꦆꦁꦥꦔꦠꦶꦄꦠꦶ
ꦄꦪ꧀ꦮꦔꦤ꧀ꦠꦶꦭꦺꦤ
ꦔꦫꦃꦄꦫꦃꦣꦼꦤꦼꦔꦼꦠꦶ
ꦩꦸꦫꦶꦃꦣꦠꦤ꧀ꦏꦣꦸꦏ꧀ꦫꦔꦃ
ꦗꦿꦺꦴꦤꦶꦁꦈꦫꦶꦥ꧀ꦧꦼꦤꦼꦂꦧꦼꦕꦶꦏ꧀ꦝꦺꦤ꧀ꦈꦥꦣꦶ
ꦔꦮꦶꦱꦶꦏꦁꦄꦭ
ꦧꦱꦸꦏꦶꦆꦁꦏꦁꦏꦌꦱ꧀ꦛꦶ
ꦱꦼꦩ꧀ꦧꦣꦆꦁꦏꦁꦗꦶꦤꦁꦏ
ꦠꦶꦤ꧀ꦝꦏ꧀ꦧꦼꦕꦶꦏ꧀ꦄꦪ꧀ꦮꦔꦤ꧀ꦠꦶꦣꦺꦤ꧀ꦕꦩ꧀ꦥꦸꦫꦶ
ꦠꦶꦤ꧀ꦝꦏ꧀ꦆꦁꦏꦁꦄꦭ
ꦆꦏꦸꦠꦤ꧀ꦥꦿꦪꦺꦴꦒꦪꦼꦏ꧀ꦠꦶ
ꦩꦸꦭꦏꦧꦺꦃꦠꦶꦤ꧀ꦠꦶꦔꦤ
ꦣꦼꦤꦶꦁ꧇ꦏꦶꦪ꧀꧈ꦥ꧀꧈ꦧ꧀꧈ꦮꦶꦫꦠ꧀ꦩꦺꦴꦏꦺꦴ
ꦔꦮꦶ꧈꧇꧒꧒꧇ꦩꦉꦠ꧀꧇꧒꧐꧒꧔꧇
ꦣꦶꦥꦸꦤ꧀ꦱꦼꦫꦠ꧀ꦩꦭꦺꦃꦏꦭꦶꦪꦤ꧀ꦆꦩꦗꦶꦤꦺꦂꦤꦸꦱ꧀ꦮꦤ꧀ꦠꦺꦴꦫꦺꦴ
