Ken Dedes
ꦑꦺꦤ꧀ꦝꦺꦝꦺꦱ꧀
Iki hasile admin nggawe aplikasi AI (artificial intellegence) utowo winasis tiron komputer, kanggo nguripake reco Prajnyaparamita sing dingandeli minongko reco wujude Ken Dedes (poto sisih kiwo) sing digawe abad 13 M kareben dadi luwih urip (poto sisih tengen), dalah hasil aplikasi AI. Dadi kiro-kiro pasuryane Ken Dedes yen jaman semono wis ono HP lan difoto mulo hasile koyo neng poto sisih tengen ayune, mirip yo karo recane? Ken Dedes miturut AI hasile tibake piyantune ayu tur manis.
Aksara Jawa : ꦏꦺꦤ꧀ꦝꦼꦝꦼꦱ꧀, Kèn Ḍĕḍĕs iku asmane selir ANGKAL Ametung, pangadeg Kraton Tumapel (Singhasari). Dheweke banjur dianggep leluhure para ratu kang nata ing Tanah Jawa, leluhure wangsa Rajasa, trah kang nata ing Singhasari lan Majapait. Tradhisi lokal nyebut dheweke minangka wanita agung, perwujudan kaendahan sing sampurna.
Miturut kitab Pararaton, Ken Dedes, dalah putrine Mpu Purwo, sing digöwö mlayu mergo sangking ayune karo Tunggul Ametung, Akuwu Tumapel, lan dipek bojo. Sangking ayune Ken Dedes kuwi nggarai pengawale Ken Dedes, Ken Arok, ugo katut kepincut atine. Nganti Ken Arok kumowani merjoyo Tunggul Ametung kanthi kerise empu Gandring sing disilihne dhisik neng Kebo Ijo, konco pödhö pengawale Akuwu. Mulo sing didakwo lan diukum Pati malah Kebo Ijo, sing jan-jane ora ngerti opo-opo. Naliko njaluk keris neng empu Gandring, Ken Arok ugo merjoyo empu Gandring, mergo ora kanthi ngenteni kerise mari.
Lire sakwise kuwi Ken Arok woro-woro ngganteni Tunggul Ametung lan jumeneng dadi Bupati Tumapel kanthi prameswari Ken Dedes sing dadi pepujone. Malah crito sakbanjure Ken Arok isok ngasorake Rojo Kertojoyo soko Kraton Kediri ing taun 1222 M, lan jumenengake Kraton Tumapel sing kawentar dadi Kraton Singosari.
Sumber : Wikipedia, Kitab Pararaton lan aplikasi winasis tiron (artificial intellegence application)
Imajiner Nuswantoro
