Roro Jonggrang
ꦫꦫ ꦗꦺꦴꦁꦓꦿꦁ
Iki hasile yen recone Roro Jonggrang direko nggawe mesin winasis tiron (AI - artificial intellegence), poto sisih tengen. Amargo patunge Roro Jonggrang kuwi pasuryane ono sing rusak (poto sing sisih kiwo), sebabe ora ngerti rusak mergo lindhu opo rusak dithuthuk uwong, dadi perlu pirang-pirang jangkah nggawe njangkepi pasuryane supoyo sampurno neng mesin winasis tiron (AI).
Critane :
Ono rong Kraton sing tonggoan, yokuwi Kraton Pengging lan Kraton Boko. Kraton Boko rojone buto aran Prabu Boko sing patihe aran Gupolo. Masiyo bangsane buto nanging, prabu Boko duweni putri sing ayu aran Roro Jonggrang.
Dene Kraton Pengging rojone aran Prabu Damar Moyo, sing duwe putro aran Bandung Bondowoso.
Sawijining dino kanggo ngambakne Kraton Boko, Prabu Boko kumowani nyerbu Kraton Pengging. Kanggo mbales serangan, prabu Pengging ngirim putrane Bandung Bondowoso ngadhepi Prabu Boko. Berkat kasektene Bandung Bondowoso iso ngasorake lan merjoyo Prabu Boko. Pawartö iki age-age dilaporke neng Putri Roro Jonggrang karo Patih Gupolo.
Sakwise iso merjoyo Prabu Boko, Bandung Bondowoso banjur melbu Kraton Boko lan ketemu putri Roro Jonggrang. Sakkal Bandung Bondowoso kesengsem karo ayune Roro Jonggrang lan nglamar supoyo gelem digarwo, mesti wae Roro Jonggrang ora gelem amargo karo uwong sing wis merjoyo ramane. Nanging Bandung Bondowoso dhesek wae. Roro Jonggrang sing wis kedhesek lan Kratone wis dikuwasani Karo Pangeran Bandung Bondowoso ora kurang akal, mulo nggawe syarat mokal supoyo gelem dipek bojo Bandung Bondowoso, syarate ono loro sing mokal biso kasembadan:
Syarat sepisan nggawe sumur jolotundho.
Syarat kepindho nggawe Sewu candhi mung sakwengi.
Ora Nyono Bandung Bondowoso nyanggupi.
Syarat kepisan Bandung Bondowoso kasil nggawe sumur jolotundho. Sakwise mari, Roro Jonggrang mblithuki Bandung Bondowoso supoyo gelem mudhun neng njero sumur, sakwise melbu njero sumur, Roro Jonggrang age-age ngongkon Patihe Gupolo supoyo nguruk sumur karo watu. Nanging amargo saktine, Bandung Bondowoso iso njebol watune. Bandung Bondowoso mesti wae nesu marang Roro Jonggrang, nanging kanthi eseme Roro Jonggrang sing merak ati, Bandung Bondowoso luluh atine mergo jarene Roro Jonggrang maeng mung nyoba kasektene Bandung Bondowoso wae.
Syarat kaping loro, nggawe sewu candi, Bandung Bondowoso nyeluk balane: jin prayangan, setan, dhedhemit lan sakpanunggalane soko njero lemah. Kanthi pitulungan prewangane ing sakwengi Bandung Bondowoso iso marekne 999 candi. Roro Jonggrang keprungu menowo Bandung Bondowoso wis marekne 999 candi, lan saiki nembe wae nggawe candi sing kesewu. Ora kurang akal maneh Roro Jonggrang nglumpokne dayang-dayange supoyo ndeplok pari nganggo alu neng lesung lan mbakar merang neng sisih etan supoyo koyo katon cahyo srengenge mlethek soko pedhut putih (keluke merang kobong) nandhakake wis parak esuk. Mergo wis koyok tondho parak esuk, pörö jin, setan lan dhemit age-age mbalik singitan neng njero lemah maneh. Mulo candi sing dadi mung 999.
Bandung Bondowoso ngerti yen dheweke diblithuki karo Roro Jonggrang, mulo Bandung Bondowoso nyedakke Roro Jonggrang supoyo dadi watu reco, mulo genep jangkepi sewu candi.
999 candi saiki kalokö aran candi Sewu. Situs Ratu Boko cedhak candi Prambanan dalah Kraton Prabu Boko. Lan reco Durgo neng candi Utomo Prambanan dalah putri ayune Prabu Boko sing disedakake dadi watu Karo pangeran Bandung Bondowoso, sing kawentar aran Roro Jonggrang sing tegese putri sing gedhe dhuwur, ora aneh mergo putrine buto sing gedhe.
Koleksi artikel Imajiner Nuswantoro
