YO WIS BEN
Ala lan bêciké manungsa ing donya
Pambijiné mung wênangé Gusti
Ora pêrlu rumangsa luwih aji
Tundhané nora bisa mawas dhiri
Ana sing srêgêp pétan
Ana sing sênêng rêrasanan
Ana sing pintêr rêgêjêgan
Ya wis bèn
Ana sing umuk nganti muntruk
Ujar ora butuh nanging malah ngrayuk
Jaré têtulung jêbul malah mênthung
Ya wis bèn
Ana sing tansah lêlamisan
Ngrimuk liyan murih jangkahé aman
Obral janji bakal andum kabêgjan
Ya wis bèn
Sakabèhé bakal ana titi wanciné
Amung Gusti kang wênang nêmtokaké
Mugia kita rinêksa mêcaki dalan sing amanah
Anampi rêjêki sing kalal tur barokah.
