JUJUR
Jujur iku panganan apa ?
Jujur iku sing bakul sapa ?
Jujur iku regane pira ?
Jujur iku digawe apa ?
Apa kena nggo numpuk banda ?
Nyatane akeh lambe menga
Nindakake ora bisa
Jujur iku gampang pangucape
Nanging angel ditindakake
Merga jujur ora neng lambe
Nanging manggon ana atine
Mula menungsa akeh-akehe
Ora padha melu nduwe
Tumindak jujur jaman saiki
Kaya dom kecemplung kali
Angel banget nggone nglakoni
Mulane akeh ingkang lali
Yenta jujur iku wigati
Kanggo sarana sowan Illahi
Pancen bener kang dadi tutur
Piwelinge para leluhur
Yen tumeka jaman tetawur
Uripe menungsa sansaya ngawur
Sing jujur malah ajur
Sing goroh uripe makmur tembe gurine lan anak turune ancur
Lhaaaadalaaah.....
Jujur tembe burune .....
Kojur....
Mujur ....
Syukur ......
Rahmat tur Batur .....
Makmur ....
Misuwur.....
Mabrur .....
Surgawur.....
Tumurune kabeh mur mur .......
Janur ........
