WURUNG
Lelakon kang kapungkur prayata angel di singkur.
Gawang gawang kelingan kalane sesandhingan ngucap janji urip bebarengan.
Tanpa karasa tumetes luh ing pipi kisut njeruk purut,
Miris kelingan lelakon kang uwis-uwis,
Gedhene rasa tresna ora bisa tinebus karo tangis.
Wis ora kurang anggonku ngemis-ngemis, tapi nyatane sliramu
ora welas ora alis.
Wis kaping pira anggonku nuruti brantane ati?
Ora perduli udan tengah wengi nrabas alas dalan sepi mung kepingin ngudhari tali rasa iki.
Jeng......
Tresno iki luhur ora bakal bisa kesingkur,
Nanging sakabehing pamuji lan donga lan prastyane ati iki ora mbok sembadani.
Bebasane wong mbathik tetangisan malame wutah belabaran, gawangan putung di sandhung -sandhung.
Tresno wurung janji-janji wis kebacut di larung.
Aksara Jawanipun :
ꦮꦸꦫꦸꦁ
꧋ꦊꦭꦏꦺꦴꦤ꧀ꦏꦁꦏꦥꦸꦁꦏꦸꦂꦥꦿꦪꦠꦄꦔꦺꦭ꧀ꦝꦶꦱꦶꦁꦏꦸꦂ꧉
꧋ꦒꦮꦁꦒꦮꦁꦏꦼꦭꦶꦔꦤ꧀ꦏꦭꦤꦺꦱꦼꦱꦤ꧀ꦝꦶꦔꦤ꧀ꦔꦸꦕꦥ꧀ꦗꦚ꧀ꦗꦶꦈꦫꦶꦥ꧀ꦧꦼꦧꦫꦺꦔꦤ꧀꧈
꧋ꦠꦤ꧀ꦥꦏꦫꦱꦠꦸꦩꦺꦠꦺꦱ꧀ꦭꦸꦃꦆꦁꦥꦶꦥꦶꦏꦶꦱꦸꦠ꧀ꦚ꧀ꦗꦼꦫꦸꦏ꧀ꦥꦸꦫꦸꦠ꧀
ꦩꦶꦫꦶꦱ꧀ꦏꦼꦭꦶꦔꦤ꧀ꦊꦭꦏꦺꦴꦤ꧀ꦏꦁꦈꦮꦶꦱ꧀ꦈꦮꦶꦱ꧀
꧋ꦒꦼꦣꦼꦤꦼꦫꦱꦠꦿꦼꦱ꧀ꦤꦎꦫꦧꦶꦱꦠꦶꦤꦼꦧꦸꦱ꧀ꦏꦫꦺꦴꦠꦔꦶꦱ꧀꧈
꧋ꦮꦶꦱ꧀ꦎꦫꦏꦸꦫꦁꦄꦁꦒꦺꦴꦤ꧀ꦏꦸꦔꦼꦩꦶꦱ꧀ꦔꦼꦩꦶꦱ꧀ꦠꦥꦶꦚꦠꦤꦺꦱ꧀ꦭꦶꦫꦩꦸ
ꦎꦫꦮꦼꦭꦱ꧀ꦎꦫꦄꦭꦶꦱ꧀꧈
꧋ꦮꦶꦱ꧀ꦏꦥꦶꦁꦥꦶꦫꦄꦁꦒꦺꦴꦤ꧀ꦏꦸꦤꦸꦫꦸꦠꦶꦧꦿꦤ꧀ꦠꦤꦺꦄꦠꦶ?
꧋ꦎꦫꦥꦼꦂꦣꦸꦭꦶꦈꦣꦤ꧀ꦠꦼꦔꦃꦮꦼꦔꦶꦤꦿꦧꦱ꧀ꦄꦭꦱ꧀ꦝꦭꦤ꧀ꦱꦼꦥꦶꦩꦸꦁꦏꦼꦥꦶꦔꦶꦤ꧀ꦔꦸꦣꦫꦶꦠꦭꦶꦫꦱꦆꦏꦶ꧉
ꦗꦺꦁ꧉꧉꧉꧉꧉꧉
꧋ꦠꦿꦼꦱ꧀ꦤꦺꦴꦆꦏꦶꦭꦸꦲꦸꦂꦎꦫꦧꦏꦭ꧀ꦧꦶꦱꦏꦼꦱꦶꦁꦏꦸꦂ꧈
꧋ꦤꦔꦶꦁꦱꦏꦧꦺꦲꦶꦁꦥꦩꦸꦗꦶꦭꦤ꧀ꦝꦺꦴꦔꦭꦤ꧀ꦥꦿꦱ꧀ꦠꦾꦤꦺꦄꦠꦶꦆꦏꦶꦎꦫꦩ꧀ꦧꦺꦴꦏ꧀ꦱꦼꦩ꧀ꦧꦣꦤꦶ꧉
꧋ꦧꦼꦧꦱꦤꦺꦮꦺꦴꦁꦩ꧀ꦧꦛꦶꦏ꧀ꦠꦼꦠꦔꦶꦱꦤ꧀ꦩꦭꦩꦺꦮꦸꦠꦃꦧꦼꦭꦧꦫꦤ꧀ꦒꦮꦔꦤ꧀ꦥꦸꦠꦸꦁꦣꦶꦱꦤ꧀ꦝꦸꦁꦱꦤ꧀ꦝꦸꦁ꧉
꧋ꦠꦿꦼꦱ꧀ꦤꦺꦴꦮꦸꦫꦸꦁꦗꦚ꧀ꦗꦶꦗꦚ꧀ꦗꦶꦮꦶꦱ꧀ꦏꦼꦧꦕꦸꦠ꧀ꦝꦶꦭꦫꦸꦁ꧉
