Ora cetho
(Gurit gemblung)
ꦎꦫꦕꦼꦛꦺꦴ
(ꦒꦸꦫꦶꦠ꧀ꦒꦼꦩ꧀ꦧ꧀ꦭꦸꦁ)
Sing gadang-gadang
Nganti wis lungset pikere
Nglambrang ing awang-awang
Tanpa wirang jejogedan sadalan-dalan
Sinambi tetembangan sinom
Lelumbane manise tembang dandanggula
Anganggit crita asamradana
Mring kembang pereng wates kidul sebrang
Dak sawang kanti permati
Jambu ing tengah alas kae
Katon ngawe-awe manise rasa
Kekudang ponang kang pinijil
Mecah gonku tetepungan mring rina
Lelungguhan kanti tetep
Nyuwung aken driya anutup rasa lan jiwa
wulan purnama ketawang sumunar ing pasuryan
Sinambi gegawa esem kang ngrerujit ati
Sing nenunggu sempalane jiwa
Sak ngisore wit panguripan
Gegodelan kembange yuswa
Mbuh kapan, aku ra ngerti
Lumunture katresnan
Marang aku sing nandang
Lara branta mring sliramu
Isih tetep tak tunggu
Najan gunung lor jebluk
Lan segara kidul asat
Sarta jambulku malih werna
Prasetyaku marang sliramu
Ora isoh kausik marang kembang
Ing tengah taman suarga
