WANGSALAN JRONING SEKAR POCUNG
Sekar pucung kenya arga kothekjenun
Sandang lawan pangan
Iku pasihaning widhi
Uga wisma undha usuk tan prabeda
Tembang palwa nurbuat ingkang dhumawuh
Ugering wong Islam
Anak ngungkuli sudarmi
Nalikane kalimah asung nugraha
Sarpa wulung de kenya maseng pra sunu
Mung padha narima
Songsong gebang saupami
Estri bisa anarik swarganing priya
Pethi kamus lepen daha elaripun
Angemper-empera
Lelabuhan kang utami
Kunir pita arepan nemu raharja
