JINEMAN TATANYA
(Jineman Tatanya, Ladrang Ande-ande Lumut, Srepekan Mataram, Palaran Kinanti, Dhandhanggula Banjet, Pèlog Barang)
Man paman ngguyang jaran,
é anu napa,
mriku wau wontên popok bêruk kèli,
botên ningå, nggonku nèng kéné wus suwé,
tan ana sukêt kumlédhang,
amung wong kang ngguyang sapi,
takonana gêndhuk menawa uninga.
Man paman ngguyang sapi,
é anu napa,
mriku wau wontên popok beruk kèli,
botên ningå, nggonku neng kene wus suwé,
tan ana sukêt kumlédhang,
amung wong kang angon bebek
takonanå gêndhuk mênåwå uningå.
Lelewane né sang abagus,
Ande-ande Lumut saya patut,
akèh rara padha angunggah-unggahi,
soroh bandha pasrah jiwa.
Rina wêngi tansah dadi têmbang kidung,
kondhang jåkå tiban ora sangkan tanpå papan,
é tobil anak dèwå kang mèmba manungsa,
bagus Andé-andé Lumut
Garwå nata, nata agunging Cempala,
sari ratri, kudu èling lan waspådå.
Tansah dadi têmbang kidung,
nênggih wau sang apêkik,
gawé gègèr ing prakênyå,
desa pasir apan nuli,
kèbegan prawan wulanjar,
kang samyå ngunggah-unggahi.
Jarwèng janmå, janmå kang koncatan jiwå,
wong prawirå mati alabuh nêgårå.
Bagus Andé-andé Lumut,
abêbantên brana picis,
soroh bau lan tenaga,
ing pamrih bisa katampi
têmbayatan dadi garwå,
ing rina wengi sinandhing.
Yêktos rubèng garwå, dusthå wêri jaladara,
kaya ngapa, kaya ngapa,
kaya ngapa, man éman éman éman,
kaya ngapa, ya mas.
Punapa ta mirah ingsun,
prihatin waspå gung mijil,
tuhu dahat tanpa karya,
sêngkang rinemekan Gusti,
gêlung rinusak sêkarnya,
sumawur gambir mêlathi.
Upama tyasé mangun kung,
mulat ing sira dyah ari,
sayêkti mèlu mangarang,
têlasing riris gumanti,
ingkang taranggana sumyar,
remeng dèning salah kapti.
Yogyanira kang para prajurit,
lamun bisa samya anulada,
kadi nguni caritané,
andêlirå sang Prabu,
Såsråbahu ing Maèspati,
aran patih Suwanda,
lêlabuhanipun,
kang ginêlung tri prakara,
guna kaya puruné kang dèn antêpi,
nuhoni trah utama.
Cathetan :
Cakêpan "rubèng garwa, dustha wêri Jaladara", saweneh waranggana nyuwantênakên :
- rubeng karya,
- bangsa wasi Jaladara.
- dustha wasi Jaladara.