BONDO NDUNYO DRAJAT PANGKAT
Ojo murko, Wong urip kuwi sing sabar nrimo
Dadi wong urip kuwi ojo ngrekoyoso, sak madya, sak titahe, amargo Gusti Allah kuwi mboten sare
Saben-saben menungso siji-siji kuwi pinompo rejekine dewe-dewe
Akeh sitik disyukuri.
Menawi kancane bungah ojo seri, elingono yen drajad, pangkat kuwi ora digowo mati.
Drajat pangkat kuwi mung sampiran, mung titipan, sak madyo, sak titahe mawon
Wong urip kuwi ojo ngawulo marang ndunyo lan bondo
Ojo mung ngejar pangkat lan drajat napsune menungsa
Sajatine kabeh kuwi mung titipan lan sampiran
Ora ono critane pangkat lan bondo iso digowo mati
Urip nang ndunyo yen diniati ngibadah kanthi iklas, benjang kaleh Gusti Allah bakal diparingi kamulyan lan suwarga.
Bondo ndunyo mung titipan wenang musno
Drajat pangkat mung sampiran wenang minggat
Nyowo mung gaduhan wenang lunga
Ilmu manfaat kang bisa kaberkat tekan akherat
Drajat lan pangkat isa minggat
Banda ndonya isa muspra tanpa guna
Bala kanca isa tindak culika
Mula aja gampang kapilut gebyaring ndonya
Gunakna kanthi prayitna
Nganti tumibaning titi mangsa
Bondo ndunyo kuwi mung titipan
Pangkat lan jabatan mung ujian
Ning lek wes duwe loro-lorone iku ojo nganti angkuh lan sombong
Kabeh iku wis ginaris
Rasane Wong urip iku yen kulina nglakoni, ewadene ora rumangsa bisa ning bisa rumangsana
Ngrumangsani yen urip iku mung saderma.
Banda ndonya bisa onya
Pangkat drajad bisa oncat
Bojo ayu bisa mlayu
Surodiro jayaningrat brasta tekap darmastuti.
Suro tegese wani, diro kendel, jaya unggul, brastha tekap lebur dening pangestuti bumi Jawa bebasan bumi saloka bokor kencana, sapa cidro ing kono bakal nemoni cilaka.
Wong yen tekun bakal entuk teken temahan bakal tekan.
Gesang ingkang tentrem ayem rahayu punika mbetah kanugrahan kamulyan jati, tegesipun bilih gesang tentrem punika kawujudaken sarana pambeg saguh, setya, raos syukur ugi sumarah mring Gusti Kang Maha Rat.
Ugi kamulyaning gesang mboten dumunung wonten ing raja brana, banda ndunyo hananging dumunung wonten ing batin, ingkang dumugi saking tumindak utama sarta sabar narima saliring lelakon ingkang nembe sinandang
Eling lan waspada
Sadar lan sabar
Setiti lan ngabekti
Sumeleh tur sareh
