PAKELIRAN / URUT-URUTANING ADEGAN RINGGIT PURWO JAWI LAKON WAHYU KATENTREMAN (Wahyu Katentreman merupakan salah satu cerita dalam dunia pewayangan (Ringgit Purwo Jawi) yang sarat dengan makna filosofis dan spiritual yang memiliki arti wahyu atau anugerah yang membawa ketenangan dan kedamaian. Wahyu Katentreman adalah anugerah atau petunjuk ilahi dalam cerita pewayangan Jawa yang melambangkan ketenteraman, kedamaian hidup, dan ketenangan batin)

Imajiner Nuswantoro
9/28/2026 09:14:00 AM
0

 PAKELIRAN / URUT-URUTANING ADEGAN RINGGIT PURWO JAWI LAKON WAHYU KATENTREMAN 

(Wahyu Katentreman merupakan salah satu cerita dalam dunia pewayangan (Ringgit Purwo Jawi) yang sarat dengan makna filosofis dan spiritual yang memiliki arti wahyu atau anugerah yang membawa ketenangan dan kedamaian. Wahyu Katentreman adalah anugerah atau petunjuk ilahi dalam cerita pewayangan Jawa yang melambangkan ketenteraman, kedamaian hidup, dan ketenangan batin)



Imajiner Nuswantoro





WAHYU KETENTREMAN 


CANDAKAAA PLONGKOWATI (ABIMANYU PUNAKAWAN, SEMBODRO)


Ldr. Dirgahayu


||~~~~~3~6|~i26 ~3~2 |~3~2~3~2 |~3~6~2~1 ||

Panjang  punjung gemah ripah lohjinawi


 ||~~~1~2~1|~~61~2~2 |~~~2~3~1 |~6~2~3~1 ||

Ker  ta lan raharja   ing Nuswan ta   ra


 ||~~~2~3~2|~6~1~2~2 |~~~5~6~6 |~3~5~~63 ||

Nyata je  ro tancepé  apan gedhé o boré


 ||~~~5~6~6|~~~i ~2 ~i |~~~2~6~5 |~3~2~13 2||

Murah sandhang pangan  dirga   ha  yu



DJANTURAN


ANENGGIH PUNIKO TO WARNANIRO KASATRIYAN PLONGKOWATI, SINTEN INGKANG MANGGEN WOTEN ING KASATRIYAN NENGGIH PUNIKO PUTRO MADUKORO RISANG ABIMANYU, YA ANGKA WIJAYA, NEMBE LELENGGAHAN KAIRING DENING PARA PUNAKAWAN CATUR, NAMPI RAWUHNYA KENG IBU NENGGIH PUNIKO WORO SEMBODRO, KADOYO DOYO RAWUH WONTEN ING KASATRIYAN AWIN SAKING KANGENIPUN DENING KENG PUTRO, LAH MENIKO TO PANGANDIKANING SANG IBU



Pathetan manyura

lir sadpadhengsun tumiling hangulati,

puspita ingkang , medem endah kang warni 

midering ta – man, anon sekar warsi ki.    O 



SEMBODRO  : ANAKKU WONG LANANG, ANAKKU WONG GAGAH, KULUP ABIMANYU, GAWE LEGANE PUN IBU SUMURUP KAHANAN ANAKKU WONG BAGUS


ABIMANYU    : IBU ANDADOSAKEN KAGYATING MNAH DENE PADUKOKANJENG IBU RAWUH WONTENG ING KASATRIANPLONGKOWATI, MESTINIPUN PADUKO MBOTEN SUSAH NDADAK KEROYO-ROYO RAWUH WONTEN ING KASATRIAN, CEKAP UTUSAN DATENG SINTEN KEMAWON ANIMBALI KULO, TARTAMTU KULO BADE MARAK SOWAN WONTEN MADUKKORO KANJENG IBU.


SEMBODRO   : KOYO NGENE IKI RASANE KANG KEBONDO KANGEN, KOYO NGENE IKI RASANE IBU KANGEN KARO ANAK LANANG, NGANTI TAK REWANGI NINGGAL KASATRIAN MADUKORO, MUNG AMARGO SELAK KEPINGIN WERUH KARO KAHANANE ANAKKU SING TAK TRESNANI, BARENG WIS WERUH YO KOYO WIS ENTUK TOMBO, ANAKKU NGGER ABIMANYU..


SEMAR           : HUUUU……DI RUNGOKKE KUWI HEE…, YO KOYO NGONO KUWI DADI WONG TUWO, NGANTI DILAKONI SIKIL DI NGGO SIRAH, SIRAH DI NGGO SIKIL, HUUU…WIGATINE MUNG KEPINGIN WERUH KARO ANAK, LHA KOK ORA KOYO ANAK-ANAKKU, MUNJUNG ORA TAU, NYEMBAH ARANG-ARANG, NGABEKTI BABAR BLAS, HUUU…ANGGER TEKO MUNG NJALUK DUWIT, ANGGER DUWE…URIP NING KULON,…ANGGER ORA DUWE URIP NING ETAN,…KOWE KI PODO KEPIYE TO…..HEMMMM

BAGONG       : JENENG ANAK, NGREPOTI WONG TUWO KI YO WIS SAK LUMRAE TO MO

PETRUK        : HUS…OJO SOK WANGSULAN

BAGONG       : WANGSULAN…WANGSULAN, MALAH TAK PANCAL PISAN SEMAR KI NGKO…

PETRUK        : HUSSS…NGAWUR WAE

ABIMANYU    : KULO NGATURAKEN PANUWUN, KANJENG IBU, LAN KULO NYUWUN PANGAPUNTEN NDADOSAKEN IBU KEROYO ROYO RAWUH WONTEN ING KASATRIAN PLONGKOWATI MRIKI, IBU…



ADA ADA MANYURA

Kagyat risang kapirangu,

Rinangkul kinempit-kempit,

Dhuh sang retnaning bawana,

Ya si tukang walang ati,

Ya si tukang ngenesing tyas,

Ya si tukang kudu gering.



POCAPAN

DERENG NGANTOS PARIPURNO NGIMBAL GINEM GONDOROSO, RAWUHIPUN RADEN JANOKO CINGAK KANG SAMYO MULAT (SREPEK)



ADA ADA JUGAG

Teka dadak melu-melu,

Kaya budine wong ceplik, O

Lali yen kalengkaning rat,

Ing bawana hamurwani,

Mustikaning jagat raya,

Dhemen lalen sanggarunggi.



SEMBODRO : KANGJENG PARAN, KANJENG PARAN, GAWE KAGET KK RAWUH ONO KASATRIAN PLONGKOWATI


JANOKO       : IBUNE KULUP, MALAH WIS NING KENE

SEMBODRO : IYO KANJENG PARAN, KOK SEMENGKO, NGGOLEKI SOPO ONO BUTUH OPO

JANOKO       : NGGOLEKI ANAKKU LANANG

SEMBODRO : ABIMANYU

JANOKO       : IYO, NENG NGENDI BOCAE

SEMBODRO : BAT TOBAT TOBAT, KANJENG PARAN KANJENG PARAN,.. WONG PUTRAMU LUNGGUH ONO KONO KOK NGANTI ORA WERUH, KANJNEG PARAN



ADA ADA JUGAG (Janoko Malik)

Kayon  katiyubing  angin ,

nggereng  swaraning  wana  gung ,  O



ABIMANYU   : KULO NGATURAKEN PANGABEKTI KANJENG ROMO

JANOKO       : TAK TOMPO WONG BAGUS,  ABIMANYU ABIMANYU, OWE KOK ORA BISO MIKUL DUWUR MENDEM JERO MARANG WONG TUWO, ORA ONO ANAK SING KOYO KOWE, NGGER WONG BAGUS TEKANE PUN ROMO NENG PLONGKOWATI KENE, AKU NGGOWO UKUMAN KANGGO KOWE

ABIMANYU   : MENOPO INGKANG KULO TINDAKAKEN DENE KULO NAMPI UKUMAN

JANOKO       : RASAH NDADAK KAKEAN GUNEMAN TANPO GUNO, MORO GAGE TAMPANONO UKUMAN SOKO PEPUNDEN PENDOWO

ABIMANYU   : MENOPO INGKANG KEDAH KULO TAMPI

JANOKO       : NYO..TAMPANONO, TAK PECAH NDASMU… (SAMPAK)


Punakawan podo kaget, sembodro ngongkon punokawan nulungi, budal kabeh, abimanyu diajar, di tulungi petruk, gareng bagong, punokawan melu diajar janoko.



ADEKAN SEMBODRO LAN ABIMANYU, (srepek tlutur)


SENDHON TLUTUR                                          

O , O    , Surem surem diwangkara kingkin,

lir    manguswa kang layon,

denya ilang kang memanise,

wa – da – nanira layung,

kumel kucem rahnya maratani ,O  



SEMBODRO : ANAKKU NGGER, NGANTI GOBRAS GETIH KOYO NGENE, BAPAKMU YO GENE NGGER, KOK NGAJAR KARO KOWE NGGER


ABIMANYU   : IBU, KULO MBOTEN MANGERTOS KALUPUTAN KULO, DUMADAKAN KULO NAMPI UKUMAN INGKANG KADOS MEKATEN KANJENG IBU, KAPEJAHONO KULO NDEREK, IBU


SEMBODRO : AYO LUNGO WAE NGGER, ORA DUWE WONG TUWO KOYO BAPAKMU, ORA POPO, KOK MENTOLO KARO ANAK, AYO LUNGO WAE NGGER ABIMANYU…



JEJER SEPISAN: PRAJA NGASTINA

JANTURAN: Swuh rep data pitana. Anenggih nagari pundi ta kang kaéka adi dasa purwa. Éka sawiji, adi linuwih, dasa sepuluh, purwa wiwitan. Senadyan kathah titahing déwa ingkang kasongan akasa, sinangga pratiwi, kaapit ing samodra, kathah ingkang anggana raras, nanging datan kadi Nagari Hastina, ya sinebat Nagari Liman Benawi. Mila kinarya bebuka, ngupaya nagari satus datan antuk kalih, sanadyan sèwu ‘tan jangkep sadasa. Dhasar nagari panjang punjung, pasir wukir, loh jinawi, gemah ripah, tata tur raharja. Panjang: dawa pocapané, punjung: luhur kawibawané, pasir: samodra, wukir: gunung. Negara ngungkuraké pagunungan, nengenaké pasabinan, ngéringaké pategalan, ngayunaké bandaran gedhé. Loh: tulus kang sarwa tinandur, jinawi: murah ingkang tinuku. Gemah: lampahing para nangkodha surya-ratri datan ana pedhoté, labet datan ana sangsayaning dedalan. Aripah: janma manca ingkang samya bebara jejel apipit aben cukit tepung taritis, papan wiyar katingal rupak saking harjaning praja. Ingon-ingon kebo sapi pitik iwèn datan ana cinancangan, yèn ta rina padha aglar ing pangonan, yèn ta wanci surup surya mulih marang kandhangé dhéwé-dhéwé. Para mantri bupati sapanekaré jangkep sami bijaksana limpad ing kawruh, tansah ambudi raharjaning praja. Senadyan para narakisma, padha ayem tentrem atiné mungkul pangulahing tetanèn. Dhasar negari ingkang gedhé oboré, padhang jagadé, dhuwur kukusé, adoh kuncarané. Bebasan ingkang celak manglung tebih tumiyung. Mboten ing Tanah Jawi kéwala ingkang sami nungkul, sanadyan ing tanah sabrang kathah para raja ingkang sami sumawita, datan karana ginebag ing ajurit, muhung kayungyun poyaning kautaman, samya atur putri minangka panungkul. Ing saben ‘ri kalamangsa, sami asok bulu bekti glondhong pengareng-areng, pèni-pèni raja pèni, guru bakal guru dadi. Sinten ta jejuluking sri nata ing Ngastina, wenang dèn-ucapna, nenggih Mahaprabu Duryudana, Kurupati, Jakapitana, Hanggendarisuta. Mila jejuluk Duryudana, ateges naléndra ingkang abot sangganing aprang. Kurupati, angratoni darahing Kuru. Jakapitana, duk nalika sang nata sinengkakaké ngaluhur jumeneng naléndra nyata maksih jejaka dèrèng nambut silaning akrami. Déné Anggendariputra, nyata sang nata putra pambayuning Kusuma Dèwi Gendari.


Kacarita, Prabu Duryudana kondhang ing rat naléndra bèrbudi bèrbandha, remen hanggeganjar hangulawisudha, nanging kirang marsudi rèhing tata krami. Kadang satus kang sami nyantana dèn-ugung kesenengané. Marma sagung para kadang sami kaduk adigang, adigung, miwah adiguna, ngendelaké kadanging ratu. Yèn ta ginunggunga wiyaring jajahan, luhuring keprabon, sayekti saratri datan ana pedhoté, sinigeg ingkang murwèng kawi. Nuju ing hari Soma, sang nata miyos tinangkil munggwing sitinggil binatu rata, lenggah munggwing dhampar denta pinalipit ing kencana, pinatik ing nawaretna. Lèmèk babut prangwedani ginanda wida jebat kasturi, sinebaran kanang sari. Dhasar kinebutan laring badhak kanan-kéring, kongas gandaning nata angèbeki paséwakan. Rep sidhem datan ana sabawaning walang ngalisik, ron-ronan datan obah, samirana datan lumampah. Ingkang kapiyarsa amung swaraning pradangga hanganyut-anyut binarung ocèhing kukila ingkang méncok ing waringin, miwah sabawaning abdi kriya gemblak kemasan, pandhé, ingkang samya nambut karya. Karengyan saking paséwakan, pating carengklang pating carengkling, imbal gantya lir mandyaraga, werdiné kaya gamelan. Teka amuwuhi asri renggeping panangkilan. Ing alun-alun papandhèn bandéra lelayu payung agung miwah bawat, tinon angendanu pindha mendhung. Para mantri bupati ingkang sami séba, ambèr ambalabar dumugi ing pangurakan yayah samodra pasang. Nenggih sinten ta ingkang lenggah jajar klawan sang nata. Nenggih pujangganing kraton Begawan Durna ya Sang Kumbayana. Mabukuh marikelu munggwing ngarsa, nenggih Rekyana Patih Harya Sengkuni. Datan kantun pangéran ngiras paniti sastra, Radèn Harya Kartamarma ingkang wus sumahap munggwing ngayun. Dupi wus antara lama dènira lenggah tinangkil, sang nata sasmita mring sang rekyana patih arsa wawan pangandika.



Pathet Ageng, sléndro nem

Leng-leng ramya ningkang, Sasangka kumenyar,

Mangrengga ruming puri, Mangkin tanpa siring,

Halep nikang umah, Mas lir murub ing langit,

Tekwan sarwa manik, Tawingnya sinawung,

Saksat sekar sinuji, Unggyan Banuwati,

Ywan amrem alangen, Lan Nata Duryudana.



Ada-ada Girisa, sléndro nem

Leng-leng gatining kang, Hawan saba-saba,

Nikèng Ngastina, Samantara tekèng,

Tegal Kuru Narar, Ywa Kresna laku sirèng,

Parasu Rama Kanwa Janaka, Dulur Naradha,

Kapanggih ing ika, Tegal miluri karya.




DURYUDANA: NUWUN MANGKÉ TA BAPA, BAPA DURNA. SARAWUH JENGANDIKA WONTEN ING PASÉWAKAN, KULA NGATURAKEN PASEGAHAN PANAKRAMI.


DURNA         : O, KULA NOK-NON, NUWUN INGGIH, SINUWUN. DAHAT SUKA MARWATA SUTANING MANAH PUN BAPA ING SOKALIMA, KULA TAMPI, KULA PETEK WONTEN ING PRANAJA, MUGI AMEWAHANA BAWA LEKSANA. NAMUNG PUJI HASTUTI PUJA MANTRA SANGKING PUN BAPA ING SOKALIMA MUGI KONJUK WONTEN ING NGARSA PADUKA, SINUWUN.


DURYUDANA: ‘NGGIH, KULA PUNDHI KANGGÉ JIMAT PARIPIH, MUGI HANDAYANANA KASANTOSAN KULA. BAPA DURNA, MBOK MANAWI ANDADOSAKEN KAGYATING PENGGALIH JENGANDIKA, TUMUNTEN KULA PIJI, KULA RAWUHAKEN ING PASÉWAKAN KALENGGAHAN MANGKÉ.


DURNA         : OH, SAKING WANTERING TIMBALAN PADUKA INGKANG SINUWUN, LAMPAH KULA SANGKING PERTAPAN DUMUGI ING PASÉWAKAN, KADOS KULA JANGKAH-JANGKAHA SEPISAN DUMUGI, MANAWI WONTEN SUWÈKING JUBAH KULA SACENGKANG, MBOTEN MAWI KULA TOLÉH. MENAPA WONTEN KEPARENG PADUKÉNDRA BADHÉ MUNDHUT CECEPENGANING BAPA, INGKANG AWARNI AJI JAYA KAWIJAYAN, KANURAGAN, ‘TOSING BALUNG, WULEDING KULIT. MENAWI TETÉLA MEKATEN, BADHÉ KULA UNJUKAKEN WONTEN ING NGARSA PADUKA SINUWUN DINTEN MENIKA UGI.


DURYUDANA: TUMRAP KULA KADOS SAMPUN CEKAP DAYANING LISAH TALA INGKANG TUMAMA ING ANGGA KULA. INGKANG MEKATEN KULA NGATURAKEN PANUWUN. BAPA DURNA, KEPARENGA LENGGAH PRAYOGI.


DURNA         : KULA NOK-NON, NUWUN INGGIH, NGÈSTOKAKEN DHAWUH, KADOS SAMPUN MBOTEN KIRANG PRAYOGI MENGGAH PAMARAKING PUN BAPA ING SOKALIMA, SINUWUN.


DURYUDANA : PAMAN, PAMAN HARYA SENGKUNI. APA BAYA DADI GUGUPING ATINIRA PAMAN, MANIRA PIJI MANGAYUN, PAMAN?


SANGKUNI   : KAWULA NUWUN, NUWUN. SAKLANGKUNG GURAWALAN ANGGÈN KULA NAMPI DHAWUH PADUKÉNDRA. NALIKA WONTEN ING NJAWI PINDHA JINAIT TELENGING WARDAYA, TISTISING TYAS DAHAT LENG-LENGING NDRIYA HANGELANGUT. NANGING SARENG DUMUGI NGARSA PADUKA NATA, ASREP RAOSING MANAH KULA PINDHA SINIRAN TIRTA ING WANCI ÉNJANG, SAYEKTI MBOTEN WONTEN RAOS MARAS.


DURYUDANA: APA DARUNANÉ MANGKONO PAMAN, MARA GAGÉ SAJARWOA.


SANGKUNI   : KAWULA NOK-NON, KULA NGRUMAOSI BILIH GESANGING PUN PAMAN, NGÉYUP WONTEN ING SAHANDHAP PADA PADUKA ‘NJENG BUMINATA. PRAMILA SUKA KAKARSAKNA NGRANGSANG INGKANG INGGIL, NGGAYUH INGKANG TEBIH, TUGEL KADAMELA BEBALANG, REMUK REMPU KASAWURNA, PUN PAMAN ING KEPATIHAN MBOTEN BADHÉ SUWALA, SINUWUN.


DURYUDANA: HEM, PAMAN AJA KLÈRU PANAMPA. YEKTINÉ ORA PISAN-PISAN MANIRA BAKAL PARING PIDANA MARANG JENENGPARA PAMAN. NADYAN TA JENENGSIRA NANDHANG DOSA PATI KAYA MUNG CUKUP TUMEKA ING LARA. YA MERGA SAKA KUWANÈNIRA PAMAN HARYA SENGKUNI ING BABAGAN APA WAÉ, LAN GEDHÉNING DARMANIRA BISA NGEJUM GUMBALA KANG RUWET. PAMAN, INGSUN MUNDHUT PAWARTA KAHANANING PRAJA NGASTINA.


SANGKUNI   : NOK-NON NUWUN INGGIH, SEDAYA PARA KAWULA SAMI SAHIYEG SAHABIPRAYA, GUMOLONG CIPTA, RASA, KARSA, MIWAH KARYANIPUN, RAINTEN-DALU ANGGUNG HAMBUDIDAYA MURIH WEWAHING KALUHURAN NATA PADUKA SANG APRABU.


DURYUDANA: SOKUR MANGAYU BAGYA SÈKETHI JUMURUNG. KULA NUWUN MANGKÉ TA BAPA, BAPA DURNA. KEPARENGA PINARAK LENGGAH RADI MAJENG SAWETAWIS, BADHÉ WONTEN GÉMBOLANING RAOS INGKANG NEDYA KULA BABAR WONTEN ING PASÉWAKAN, BAPA.


DURYUDANA: KAKANG ‘DIPATI, SUWAWI KULA ATURI LENGGAH INGKANG PRAYOGI, BADHÉ WONTEN ATUR INGKANG KULA UNJUKAKEN ING NGARSA PADUKA KAKANG NARPATI NGAWANGGA.


KARNA        : ADHUH, BEJA KEMAYANGAN YAYI, NGÈSTOKAKEN DHAWUH PADUKA.



Pathet Jugag, sléndro nem

Hanjrah ingkang puspita ‘rum,

Kasilir ing samirana mrik,

Sekar gadhung,

Kongas gandanya,

Mawèh raras renaning driya.



DURYUDO    : BAPA DURNA, MANGGA KULO ATURI PANGANDIKAN SELARAS KALEH RUWETING MANAH KULO, DATENG KAKANG NARPATI NGAWANGGA KARNA :     ADHUH, BEJA KEMAYANGAN YAYI, NGÈSTOKAKEN DHAWUH PADUKA.


 DURNA        : NAK ANGGER BASUKARNO, MINANGGKA TALANG ATURIPUN ANAK PRABU DURYUDANA AMARGI SINUWUN MBOTEN PURUN NGANDIKO PIYAMBAK


KARNA         : INGGIH BAPA, KADOS PUNDI BAPA


DURNA         : NGASTINA MENIKA RAK SUREM WIBAWANIPUN AWIT WONTEN ENTRO-ENTRO INGKANG MBOTEN PINANGGIH RASA, PETUNGAN INGKANG TINEMU GANJIL, WONTEN TIYANG INGKANG WANI NGEPEL MUSTAKANIPUN ANAK PRABU DURYUDONO, NYOLOK NETRO, NEKAK JONGGO, NEBAH PERNOJO, INGKANG MBOTEN SANES INGGIH PUNIKO INGKANG HAMBEG KUMALUNGKUNG YASA PERTAPAN INGKANG NAMI PERTAPAN KEMBANG SORE, INGKANG MADEG PENDITO INGGIH PUNIKO BEGAWAN SABDOWOLO, YO BEGAWN MBEL GEDUWEL BEH, LHO NIKU,LAGI NDELOK JENENGE MAWON KOYO MBOTEN SAE LAN MBOTEN KASINUNGAN KABECIKAN


KARNO         : LAJENG BAPA


DURNO         : KARONO PAKARTINIPUN BEGAWAN SABDOWOLO, NIKU INGKANG KRAOS PIYAMBAK MBOTEN NAMUNG ANAK ANGGER PRABU DURYUDONO, NAMUNG UGI KULO NGGER


KARNO         : BAPA DURNA


DURNA         : NGGIH, MURID KULO KOLO WINGI NIKO, NGANTOS SATUS LUWIH MBEN TAHUN, LHA SAK NIKI PADA PINDAH WONTEN ING PERTAPAN KEMBANG SORE, LHA SAK NIKI TENG SOKALIMA MURID SEDOSO MAWON MBOTEN GENEP


KARNO         : LHA SEBABIPUN


DURNA         : LHA SEBABIPUN WONTEN PERTAPAN KEMBANG SORE KOLO WAU


KARNO         : MILO SAKING MENIKO, KEDAH KADOS PUNDI


DURYUDON : KAKANG PRABU NGAWONGGO, PRAMILO KULO ATURI NYEKEL BEGAWAN SABDOWOLO, KULO ATURI NJIRET JANGGANIPUN, MBONDO TANGANIPUN, NYRIMPUNG SIKILIPUN BEGAWAN SABDOWOLO, AWIT SAMPUN NYUREMAKEN KAWIBAWAN KULO


KARNO         : YAYI DURYUDONO, RUMAOS ICAL KAWIBAWANIPUN MENIKO, MANGGEN WONTEN PUNDI YAYI


DURYUDON : TIYANG NGASTINO KATAH INGKANG SUWITO WONTEN MRIKO


KARNO         : O……., NGATEN, KATAH INGKANG NGANSU KAWRUH WONTEN PERTAPAN KEMBANG SORE


DURYUDON : INGGIH


KARNO         : LAJENG KERSANIPUN YAYI PRABU


DURYUDON : KULO NYUWUN, SAGET MBIBARAKEN PERTAPAN KEMBANG SORE, KARONO KALEPATANIPUN BEGAWAN SABDOWOLO MENIKO MBOTEN NAMUNG WERNI SETUNGGAL, MBOTEN NAMUNG AMARGI MENDETI PARA KAWULO ING NGASTINO, NANGING UGI MAPANIPUN PERTAPAN KEMBANG SORE MENIKO WONTEN TLATAH NGASTINO


KARNO         : TASIH KALEBET WEWENGKON ING NGASTINO


DURYUDON : INGGIH


KARNO         : LAJENG KERSANIPUN, KULO KEN MBIBARAKEN PERTAPAN KEMBANG SORE


DURYUDON : INGGIH


DURNO         : INGGIH NGGER DIPUN BIBARAKEN KEMAWON, KULO INGKANG COTHO, NGATEN NIKI NGGER, MBANGUN NOPO NOPO ANGEL, AWIT PAKARTINE BEGAWAN SABDOWOLO ING PERTAPAN KEMBANG SORE


KARNO         : INGGIH, MATURNUWUN, …YAYI DURYUDONO


DURYUDON : INGGIH


KARNO         : KULO NYUWUN PRESO, SING DIPARENGKE TIYANG NGASTINO INGKANG PADA SUWITO TENG PERTAPAN KEMBANG SORE MENIKO ILMU MENOPO YAYI


DURYUDON : ILMU KASAMPURNAN


KARNO         : KASAMPURNAN MENIKO,,,TEGESIPUN MENOPO


DURYUDON : INGGIH KASAMPURNANIPUN TIYANG AGESANG ING ALAM NDOYA


KARNO         : KASAMPURNAN MENIKO KANGGO SINTEN


DURYUDON : NGGIH KANGGE MANUNGSA


KARNO         : KANGGE MANUNGSA KERSANE PRIPUN


DURYUDON : KERSANE MANGGIH YUWONO


KARNO         : MAKSUDE YUWONO


DURYUDON : SLAMET NDOYA DUMUGI AKHIR


KARNO         : NEK SLAMET NDOYA DUMUGI AKHIR KOK YAYI DURYUDONO DADI PEGEL MENIKO DASARE PRIPUN, MENOPO PADUKO MENIKO DI ITIK ITIK KALEH BEGAWAN DURNO, MERGO MURITE PADA PINDAH ING PERTAPAN KEMBANG SORE, MENGKO GEK NGATEN YAYI


DURNO         : ANAK ANGGER NGAWONGGO, TIYANG MENIKO RAK MBOTEN NDUWENI KASUSILAN TO, LHO LENGGAH NGEDEKKE PERTAPAN TENG WEWENGKON NGASTINO NIKU, KUDUNE OLEH PELILAH SOKO RATU NGASTINO


SENGKUNI   : WAKNE GONDEL,….PA-LI-LAH


DURNA         : LHA IYO


SENGKUNI   : SAMPEYAN MAU MBOTEN NGATEN


DURNA         : BERARTI KUPINGMU SING BUDEK, AKU MAU MUNI OPO


SENGKUNI   : PELILAH


KARNO         : PADA MAWON


KARNO         : HALAH YO BEDA, SING LUWES YO TETEP PA-LI-LAH, TO YO


SENGKUNI   : YO LUWES GADAHAN KULO NO, NIKU SING LUWES, PIYE TO YO


DURYUDON : WIS WIS, TUKARAN NEH, WIS DADI SAK BIS KOK PANGGAH TUKARAN WAE,…HEMMM


KARNO         : YAYI,…INGGIH WONTEN MRIKU YAYI DUNUNGIPUN TIYANG MBOTEN SEMELEH RAOSIPUN, SOK SENENG NGURUSI PERKARANIPUN LIYAN, PANJENENGAN TINGALI ENTEN TIYANG NGOMONG,…BIYUH KOK KAE KAYANE OKEH,…WONG KAE KOK SUGIH MEN, GEK BONDO SEMONO AKEHE AREP NGGO OPO, KAMONGKO TIYANG URIP MENIKO NAMUNG WANG SINAWANG, DURUNG MESTI SING SUGIH MBLEGEDU NING ATINE AYEM, DURUNG MESTI SING URIPE KERE, ORA DUWE OPO OPO, NANGIN ATINE AYEM…NGATEN YAYI..PRAMILO TIYANG MENIKO MENAWI SENENG NGRUSUI BUTUHE LIYAN, SENENG IRI, DRENGKI SREI, TARTAMTU MBOTEN BAKAL BISO URIP AYEM TENTREM.



ADA ADA

Kadangmu pada warahono den becik

Mbesuk aryo mendemo baris

Baris kang prayitno

Ywo saronto wong darawati

Tinumpesan pengawak pandawa

Nara wurung dadi mungsuh

Mungsuh Lawan kadang (SREPEK)



DURYUDON : ANOMAN, PADA BECIK SAK TEKAMU, ANOMAN


ANOMAN      : INGGIH AWIT SAKING PANGESTU PADUKO SINUWUN, KULO KULO MBOTEN WONTEN ALANGAN SETUNGGAL MENOPO KEMAWON


DURYUDON : IYO ANOMAN, KEPENAKNO NGONMU LUNGGUH


ANOMAN      : INGGIH, MBOTEN KIRANG PAMRAYOGI ANGEN KULO LENGGAH


KARNO         : ANOMAN PADA BASUKI


ANOMAN      : KANJENG SINUWUN NGAWANGGA, SOWAN KULO MANGGIH RAHAYU, PANGABEKTI KULO SINUWUN NGAWANGGA


KARNO         : IYO ANOMAN, PANGESTUKU WAE TAMPANONO


ANOMAN      : INGGIH KULO PUNDI DADOS JIMAT


DURNO         : ANOMAN, PODO BASUKI, SOWANMU


ANOMAN      : PENEMBAN DURNO INGGIH, SOWAN KULO KALIS NIR ING SAMBIKOLO, AWIT PANGESTU JENGANDIKO, SUNGKEM BEKTI KULO KUNJUK NGARSO JENGANDIKO BRAHMONO INGKANG MUNULYO HANJAYENG BAWONO,KONDANG KAONANG ONANG


DURNO         : MATUR NUWUN, MATUR NUWUN,  ADI HARYO SENGKUNI


SENGKUNI   : ONO OPO KAKANG DURNO


DURNO         : ANOMAN KETOKE GROGI NYAWANG AKU, KOYONE MINDER NYAWANG RO AKU, YO TO DI SUNI


SENGKUNI   : O,….. MINDER


DURNO         : HOK O,….. GENAS WIS KETOK NEK MINDER NGONO LHO DI SUNI,…..PANGESTUKU TAMPANONO YO ANOMAN..


ANOMAN      : KULO PUNDI MUGI ANDADOSAKEN JIMAT, AWIT SAKING PANGESTUNIPUN PENEMBAN INGKANG MINULYENG JAGAT, HANJAYENG BAWONO, KONDANG KAONANG ONANG


DURNO         : HOK..O, MATUR NUWUN,   MATUR  NUWUN,…ANOMAN MUNI KOYO NGONO KUWI, PNEMBAN KANG HANJAYENG BAWONO, KONDANG KAONANG ONANG..NGONO KUW MERGO WEDI KOYONE KARO AKU,…NGONO LHO DI SUNI….MULO NGAJENI BANGET KARO AKU,….ANOMAN KI YO PENDITO,..AKU YO PENDITO,…NING AKU PENDITO SENIOR,..NGONO ..DI SUNI..


SENGKUNI   : O…NGONO


DURNO         : HOK,..O


SENGKUNI   : PODO BASUKI SAK TEKAMU ANOMAN..


ANOMAN      : NUN INGGIH NDARA PATING HARYO SENGKUNI, SOWAN KULO NIR ING SAMBIKOLO, SEMBAH KULO KATUR


SENGKUNI   : ENEK LUPUTKU AKU NJALUK NGAPURO YO ANOMAN, AKU ORA WANI NAMPANI SEMBAHMU,…BLEGER KOWE KUWI KETEK,..NING KOWE KUWI DI MONG KARO DEWO, NEK AKU LUPT AKU NJALUK SEPURO YO ANOMAN,..


ANOMAN      : NUN INGGIH NDORO PATIH,..


DURYUDON : ONO WIGATI OPO, DENE KOWE SOWAN ON NGARSANINGSUN ANOMAN,…


ANOMAN      : SAK DERENG IPUN KULO NYUWUN PANGAPUNTEN SINUWUN, YEKTOSIPUN BIDALIPUN KULO WONTEN NEGARI NGASTINO MENIKO MBOTEN SAKING KENDALISODO


DURYUDON : LHA BANJUR


ANOMAN      : BIDAL KULO KOLO WAE, SAKING PERTAPAN KEMBANG SORE, KARONO SAMPUN SAWETAWIS DANGU KULO DADOS SISWANIPUN SANG WIKU DIBYA, NGGIH PUNIKO BEGAWAN SABDOWOLO, NGGIH BEGAWAN MBEL GEDEWEL BEH, SAK WETAWIS RADI DANGU KULO WONTEN MRIKO, KULO DI UTUS INGKANG SEPINDAH, BEGAWAN SABDOWOLO NYUWUN PANGESTU WONTEN NGARSO PADUKO SAKPERLU MANGESTONI ADEKIPUN PERTAPAN KEMBANG SORE, INGKANG KAPING KALEH BILIH MENWI WONTEN WEKTU LONGGAR, DINTEN ANGGORO KASIH MENIKO, PADUKO KASUWUN RAWUH WONTEN ING PERTAPAN KEMBANG SORE, AWIT WONTEN MRIKO BADE WONTEN ACORO SUKURAN, SOYO AGENG MANAHIPUN PARA CANTRIK DALAH SANG PENEMBAN SABDOWOLO BILIH ACORO SUKURAN MENIKO DIPUN RAWUHI PEJABAT NEGARI, TIYANG ALIT MENIKO REMENIPUN MENAWI WONTEN ACORO DIPUN TENGGANI PEJABAT NEGARI, SENADYAN PEJABATIPUN NAMUNG RAWUH MAWON, NENGGANI KEMAWON MENIKO SAMPUN REMEN SANGET



ADA-ADA

Dhadha muntap lir kinêtap ,

duka yayah sinipi ,

jaja bang mawinga wêngis ,

kumêdhot padoning lathi ,

nétra kocak mangondhar andhir ,

kêrot-kêrot kanang waja ,

idêpnya mangalacakra ,

wadananira mbranang ,

lir kêmbang wora-wari ,

sinosog mêrang sagêdhèng ,

bêl mubal dahana.



DURYUDON : LAGI WAE DIREMBUG, KEPARAT MURANG TOTO, SIJI KOWE NJALUK PENGESTU ADEKE PERTAPAN KEMBANG SORE, LORO AKU DITIMBALI KON NEKANI ACORO SUKURAN NING PERTAPAN KEMBANG SORE


ANOMAN      : DI ATURI, MBOTEN DITIMBALI, SUKUR MENAWI SAGET RAWUH, MENAWI MBOTEN SAGET INGKANG BAKU PANGESTUNIPUN


DURYUDON : ANOMAN, NGERTENONO,NENG PASEWAKAN AGUNG IKI, SING DI REMBUK YO GURUMU KUWI,..MIKIR PORA GURUMU KUWI,…SING MBANGUN PERTAPAN KUWI MANGGON NENG NGENDI,..NING NGASTINO,…NGASTINO KUWI BUMINE SOPO,….BOPO DURNO, MONGGO NIKI PUN PAS MENAWI BOPO DURNO INGKANG ADU AREP KALEH ANOMAN,..



ADA-ADA (Durna Maju)

Bumi gonjang-ganjing langit kelap-kelap

katon lir kincanging alis,

risang maweh gandrung,

sabarang kadulu

wukir moyag-mayig saking tyas baliwur



DURNA         : ANOMAN


ANOMAN      : KULO WONTEN DAWUH


DURNA         : BOLA BALI NEK KETEK, DIPACAKONO KOYO OPO YO PANGGAH KETEK, PANGGAH MUNYUK,…KLAKUANMU KUWI LHO,..PRIBADIMU KUWI LHO,…KOWE KUWI NEK ASLINE KETEK YO PANGGAH KETEK,.. MUNYUK KOWE,…KOWE KUWI PENDITO, KOWE KUWI BRAHMONO, DUWE MURIT,..LHA MALAH CUKLI-CUKLI BRANGKANGAN DADI MURITE BEGAWAN SABDOWOLO, NING NGENDI KAWIBAWANMU


ANOMAN      : KULO MBOTEN NGREMBUK BAB KAWIBAWAN, SAK DUWUR DUWURE GUNUNG, NIKU TESIH WNTEN INGKANG NGUNGKULI


DURNA         : SUREM KAWIBAWANMU


ANOMAN      : KULO MBOTEN NREMBAK BAB KAWIBAWAN


DURNA         : WIS NGENE, KOWE DADI GEDIBALE PO PIYE, KOWE DADI KETIPLAKE BEGAWAN SABDOWOLO, NGONO PO PIYE,..


ANOMAN      : MBOTEN KULO MENIKO MURIDIPUN


DURNO         : KOWE RENE KON NJALUK PANGESTU ADEKE ERTAPAN KEMBANG SORE


ANOMAN      : INGGIH


DURNA         : KOWE KUWI RAK YO NGERTI, KUDUNE KOWE KUWI ISO MIKIR, POLO MU KUWI LHO, PERTAPAN KEMBANG SORE KUWI ONO WEWENGKON NEGARA NGASTINO, KUDUNE NJALUK PALILAH NING RATU NGASTINO, ORA SAK KEPENAKE DEWE NGONO KUWI,..


ANOMAN      : KEDAH IPUN


DURNA         : YO NYUWUN PALILAH


ANOMAN      : DATENG


DURNA         : PANGUWASA PRAJA


ANOMAN      : NEGARI


DURNA         : NGASTINO


ANOMAN      : DATENG


DURNO         : ANAK ANGGER DURYUDONO


ANOMAN      : SEKEDAP, SAKDERENGIPUN NYUWUN PANGAPUNTEN,..PRABU DURYUDONO MENIKO DADOS RATU TENG NGASTINO MENIKO RESMI MENOPO MBOTEN


DURNA         : LHO NEK MIKIR RESMINE YO PARA PENDOWO


ANOMAN      : SEBABIPUN


DURNA         : SAK LENGSERE PRABU PANDU DEWONOTO, LUMRAE NING PARA PANDOWO


ANOMAN      : MENAWI RESMINIPUN NGASTINO MENIKO GADAHANE PARA PANDOWO, KEDAHIPUN KULO NYUWUN PALILAH NGGIH WONTEN NGARSANE PARA PANDAWA, KENGING MENOPO KULO NYUWUN IJIN WONTEN NGARSANING PRABU DURYUDONO



ADA-ADA (DURNO NESU, MERE)

Kagyat risang kapirangu,

Rinangkul kinempit-kempit,

Dhuh sang retnaning bawana,

Ya si tukang walang ati,

Ya si tukang ngenesing tyas,

Ya si tukang kudu gering.



DURNA         : HEM,….CANGKEMMU ANOMAN,…. ANOMAN,…YEN KAWITANE WIS KLERU, BAKALE KLER SAK LAWASE,... JANGKAHE SALAH YO PANGGAH SALAH


ANOMAN      : BUKTINIPUN


DURNA         : KOWE NGERTI NGASTINO BIYEN SING DADI PANGUWASA PRAJA KUWI PRABU KRESNO DIPOYONO, KOWE NGERTI SOPO PRABU KRESNO DIPOYONO KUWI


ANOMAN      : BEGAWAN ABIYOSO


DURNA         : KUWI DUWE ANAK PIRO


ANOMAN      : TIGO


DURNA         : SOPO WAE


ANOMAN      : SETUNGGAL SANG DRESTOROTO, KALEH SANG PANDU DEWONOTO,TIGO SANG YAMA WIDURA


DURNA         : SANG DRESTOROSTRO KUWI PUTRA MBAREP, MESTINE SING DADI RATU KUWI PUTRA MBAREP SANG DRESTOROTO, NGONO KUWI YEN ORA MAIN POLITIK ORA KIRO,….MOSOK ANAK MBAREP ORA DIDADEKNE RATU, MALAH ADINE SING DADI RATU, LHA KOYO NGONO KUWI YEN ORA ONO PERMAINAN, ORA MUNGKIN NGASTINO ISO KEDADEYAN SING KOYO NGENE,..


ANOMAN      : KULO BADE TAKEN, SYARATIPUN TIYANG DADI RATU


DURNA         : WARAS LAIR BATIN


ANOMAN      : WARASE LAIR


DURNA         : ORA CACAT ORA TUNA


ANOMAN      : INGKANG MINULYA, SANG DRESTOROTO MENIKO CACAT MENOPO MBOTEN


DURNA         : CACAT NETRO


ANOMAN      : TEGESE


DURNA         : PICEK


ANOMAN      : PANGUWAOS NEGARI MENIKO, MENAWI WUTO NGATEN TERUS KADOS PUNDI


DURNA         : WANI PO PIYE


SENGKUNI   : LHO UJUK UJUK KOK WANI PO PIYE, WONG KOK ANEH, SAK JANE SAMPEYAN NGALAH MAWON TO KAKANG DURNO,…NEK GELEM MUNDUR MALAH PENAK,..ISO TURU, MENGKOISO NGIMPI NGELONI WIDODARI


DURNA         : O,…CANGKEMMU, ANOMAN,.KOWE NGERTI PORA RAMANE ANGGER DURYUDONO KUWI SOPO, SANG DRESTOROTO, LHAKOK ORA OLEH DADI RATU KI KAREPE PIYE,..


ANOMAN      : LHO KULOMBOTEN MENGGALEH AKEN BAB MENIKO, KULO NAMUNG DIUTUS, SOWAN MRIKI NYUWUN PENGESTU, DI PENGESTONI NOPO MBOTEN, NEK PURUN MONGGO, NEK MBOTEN PURUN NGGIH MBOTEN DADOS MENOPO, PAS SUKURAN SAGET NENGGANI NGGIH SUKUR, MBOTEN SAGET NGGIH MBOTEN DADOS MENOPO


DURNA         : KOWE PENDITO GOMBAL, KOWE PENDITO GOBLOK,  PENDITO KONDANG KOK MUNG DADI GEDIBALE SABDOWOLO


DURYUDON : KOWE PENDITO BODO, PENDITO PENGUNG LEHMU MIKIR PIYE



ADA-ADA

Anoman malumpat sampun

Prapteng witing nagasari

Mulat mangandhap katingal

Wanodya yu kuru aking

Gelung rusak wor lan kisma

Kang iga-iga kaeksi "



POCAPAN

KOCAP KACARITO, NALIKO SEMONO, SEDYANE RISANG ANOMAN MINTO PANGESTU RATU NGASTINO BAB ADEGE PERTAPAN KEMBANG SORE, ANANGING RATU NGASTINO GAWE DUKANE SANG ANOMAN, KOCAP MATEK AJI PANGLIMUNAN ICAL SAKING PANDULU, BABLAS MANJING WONTEN KEDATON NGASTINO ( SAMPAK)


DURNA         : LHO ANOMAN LUNGA, MINGGAT WONGE


SENGKUNI   : WE LHA…ORA SOPAN WONG IKI


(SAMPAK SUWUK)


DURYUDON : ANOMAN ICAL


SENGKUNI   : ANOMAN ICAL


DURYUDON : BOPO DURNA, PRIPUN NIKI


DURNA         : MESTI ILANG NIKU, GENAH NIKU,,,GROGI KALEH KULO NIKU, WEDI NYAWANG KULO, WONG KULO PENDITO SENIOR,..MULO ENTEK-ENTEKANE WANINE MUNG LUNGO,,,ILANG


DURYUDON : LUNGANE ANOMAN DATENG PUNDI, DATENG MRIKO NOPO MRIKO


DURNA         : YO GENAH MRIKO NO, TENG NJAWI NGATEN


DURYUDON : HEMMMM, ORA KARU KARUAN


SENGKUNI   : KAKANG DURNA, NGENE IKI UJIAN KANGGO KAKANG DURNA, SAK ILANGE ANOMAN


DURNA         : WIS TO, NGENE IKI ANOMAN WIS GENAH WEDI KARO AKU


SENGKUNI   : WEDI PIYE


DURNA         : YO WEDI, UMPOMO ISIH ONO KENE, ORA LUNGO, WETENGE LANGSUNG GEDE TAK LEBONI TABUH GONG


SENGKUNI   : LHO, KOK SAGET, SEBABIPUN


DURNA         : TAK TENUN


DURNA         : KOK TENUN, ,,…TENUNG, HEMMMMM


DURNA         : SAMPUN, SAMPUN MBOTEN USAH DIPENGGALIH, INGKANG WERNO WERNO, TOH DEWEKE NGGIH PUN MINGGAT


DURYUDON : INGGIH, MENAWI NGATEN, PAMAN SENGKUNI, KULO ATURI MBUBARAKEN INGKANG SAMYA SEBA, INGSUN BAKAL KUNDUR HANGEDATON


SENGKUNI   : NUN INGGIH, NGESTOKAKEN DAWUH


POCAPAN: Lah ing kana ta wau, wus titi purnèng gati paséwakan, sang nata sasmita arsa jengkar manjing Lokapusantara. Saksana para wahini pawongan cèthi ingkang samya ngampil upacarèng aji, rep regedeg nguncupaken asta minangka tandha pakurmatan. Yayah WIGENO konduring Sang Nata Prabu DURYUDANA




LIMBUKAN

CANDAKAN KEDATON NGASTINO (BANOWATI TEKANE ANOMAN)


ASMARANDANA (BUKO CELUK) BABLAS NENG AYAK 6


3  3   356  653   1  1   1    1    1 1216     6       

Galak   u   - lat , kadi  thathit  u-ba   - rung ,


2         2    2 12     3   3    3   6     5     32      1   21612

kang  pamu-lu , halus  manis  ma-weh  kung,  O


3      3   321   1       6    5   3       1    1     12      16  

semba- da-geng,  ha-de-deg  manda rangkung


ompak gender  : 3336  3336  3331  3332


 2   2  2     12    3,   3   6        3   321   1        21653

hagoreh  pan-tes,   dadya  ma-lat  kung ,    O


    


BANOWATI   : BAT TOBAT TOBAT, ORA PALING KOWE ANOMAN TO


ANOMAN      : NUN INGGIH GUSTI PUTRI, SOWAN KULO WONTEN MRIKI, KULO NGATURAKEN PANGABEKTI GUSTI PUTRI


BANOWATI   : BAT TOBAT TOBAT, IYO TAK TOMPO ANOMAN, PANGESTKU WAE TAMPANONO O ANOMAN


ANOMAN      : INGGIH, KULO PUNDI HANDAYANONO KAMULYAN JATI


BANOWATI   : KOWE KOK ISO NGANTI MANJING, ONO ING TAMAN KADILENGENG KENE, OPO KOWE RENE KUWI ORA ONO SING NGERTI TO ANOMAN,


ANOMAN      : MBOTEN WONTEN, AWIT KULO NDAMEL AJI PALIMUNAN


BANOWATI   : DAYANE AJI PALIMUNAN


ANOMAN      : MBOTEN BADE SAGET DIPUN TINGALI DENENG SINTEN KEMAWON


BANOWATI   : LHA KOK AKU ISO NYAWANG, KOWE


ANOMAN      : LHA SAMPUN KULO RACUT


BANOWATI   : LHA UMPOMO ORA MBOK RACUT


ANOMAN      : NGGIH PADUKO, MBOTEN SAGET NYAWANG KULO


BANOWATI   : O ALAH, NGONO TO ANOMAN, YO SUKUR YEN NGONO, KOK SUJUNE AKU ORA PAS SIRAM, UMPOMOAKU PAS SIRAM RAK YO PIYE NGONO


ANOMAN      : INGGIH


BANOWATI   : OJO NGAH NGIH WAE, SUK NEH OJO DIBALENI LHO YO, RAK YO ISIN NO AKU


ANOMAN      : INGGIH, NYUWUN PANGAPUNTEN


BANOWATI   : IYO ORA DADI OPO ANOMAN, SAK IKI AKU TAK TAKON, LHO KOWE ISO TEKAN KENE IKI DUWE PERLU OPO, MOKAL YEN KOWE ORA ONO WIGATI


ANOMAN      : NUN INGGIH, BAB MENIKO MBOTEN BADE KULO ATURAKEN, AWIT KULO WAU KLENTU, TIYANG MENAWI SAMPUN BINGUNG, RUMAOS KULO ELER JEBULE MALAH KIDUL, RUMAOS KULO ETAN JEBULE MALAH KULON, MULO KULO BINGUNG


BANOWATI   : LHA SIR MU MAU PIYE TO ANOMAN


ANOMAN      : KULO WAU ING PENGANGKAH, BADE MEDAL, E MALAH JEBULE KOK MLEBU


BANOWATI   : O ALAH NGONO TO, YEN NGONO YO MALAH PENERAN


ANOMAN      : PENERAN KADOS PUNDI


BANOWATI   : UMPOMO KLERU, KUDUNE METU NANGING MALAH MBOK LEBONI, AKU YO MALAH ORA POPO, KOWE MLEBU NING TAMAN KENE AKU MALAH SENENG


ANOMAN      : O NGGIH, SEJATOSIPUN KULO KEPINGIN MARAK SOWAN NGARSANING SINUWUN PRABU DURYUDONO, KULO DIUTUS DUMATENG GURU KULO, SAKING PERTAPAN KEMBANG SORE, NGGIH PUNIKO BEGAWAN SABDOWOLO, NGGIH BEGAWAN MBEL GEDUWEL BEH, SEPISAN KULO KAPUREN NYUWUN PENGESTU ADEKE PERTAPAN KEMBANG SORE, KAPING KALIH PRABU DURYUDONO KAPUREH RAWUH NENGGANI ACORO SUKURAN ING DINTEN ANGGORO KASIH MBENJANG MENIKO,


BANOWATI   : O…APIK JANE TUJUANMU


ANOMAN      : INGGIH NAMUNGKULO MALAH DIPUN DUKANI, DI LOK-LOKNE,LANGKUNG LANGKUNG PENDITO DURNO ANGGENIPUN NGETEK NGETEKNE KULO, ..NGGIH TIMBANG KULO MBOTEN SAGET NGEMPET KANEPSON KULO, YEN NGANTI KULO MBALEK KOYO JAMAN RAMAYANA, JAMAN KULO ISIH ENOM, NOPO MALAH NGASTINO NIKI MBOTEN BADE KULO RUSAK, KULO AWUT-AWUT, KULO GAWE SUNGSANG BAWONO BALIK, MUO KULO EMPET MANAH KULO, MATEK AJI PANGLIMUNAN, ICAL SAKING PANDULU, SIR KULO WANGSUL MALAH MLEBET


BANOWATI   : O ALAH, NGONO TO, YO WIS..YO WIS,..ORA DADI OPO ANOMAN, KOWE KLERU NING MALAH MAREM RASANING ATIKU,….KOWE WERUH AWAKKU TO SAKIKI, PIYE ANOMAN..


ANOMAN      : KENGING MENOPO


BANOWATI   : IKI LHO AWAKKU RODO KURO TO,…IKI AWAKKU SUSUT,..BIYEN 80 SAKIKI MUNG KARI 50 KILO,//


ANOMAN      : LHO KOK SAGET


BANOWATI   : YO NGENE IKI WONG SUSAH, WONG SEDIH, WONG JIBEK YO KOYO NGENE IKI ANOMAN


ANOMAN      : LHO, BONDO CUMAWIS, DONYA CUMEPAK, ROJO BRONO TUMPUK UNDUNG, KOK WEKASANE SUSAH MENIKO SEBABIPUN MENOPO


BANOWATI   : ANOMAN,..IKI DINGGO DEWE WAE YO, OJO NGOMONG SOPO-SOPO


ANOMAN      : INGGIH


BANOWATI   : AKU NYAWANG PRABU DURYUDONO KI MUNGKAK MUNGKUK


ANOMAN      : LHO WONG KARO BOJONE KOK


BANOWATI   : HUSSSSSSSS,…EMBUH YO KOYO NGONO KUWI KAHANAN ASLINE


ANOMAN      : O,…..NGATEN,….KOK YO SAGET TO


BANOWATI   : NGENE LHO ANOMAN, AKU RABI SING GRABEKNE WONG TUWO, NGENE IKI LHO YEN WONG TUWO MELU CAMPUR TANGAN RABINE ANAK, YO KOYO NGENE IKI DADINE, AKU JANE ORA SENENG KARO PRABU DURYUDONO, NING DIPEKSO-PEKSO TIMBANG WONG TUWAKU GELO, NESU MULO LUWIH BECIK TAK SEMBADANI WAE,  NING NYATANE RASANE YO KOYO NGENE, ORA ISO NYAWIJI ATIKU, AKU NEK PAS DIKELONI KARO PRABU DURYUDONO KOYO KUDU NJERIT-NJERITO, KOYO KUDU MISUH MISUHO LHO ANOMAN


ANOMAN      : O….NGATEN


BANOWATI   : HOK O…. LHO ANOMAN,. GEK KOYO NGONO KUWI WIS PIRANG PIRANG TAHUN, COBA BAYANGNO, KOYO NGONO KUWI OPO ORA PODO KARO URIP NENG NEROKO TO ANOMAN..


ANOMAN      : O…NGGIH, SAK DERENGIPUN NYUWUN SEWU, KAHANANIPUN GUSTI PUTRI RINTEN DALU MENIKO PENGGALIHIPUN KADOS MEKATEN


BANOWATI   : TANPO MANDEK, TANPO LEREN, BAT TOBAT TOBAT WONG SEDIH KOK ORA ONO LERENE ..ANOMAN


ANOMAN      : O…NGATEN


BANOWATI   : KIRO KIRO, AKU WENEHONO PITUDUH, MAU KOWE NGOMONG DUWE GURU ING PERTAPAN KEMBANG SORE, AKU TERNO RONO YO ANOMAN, SUPOYO AKU BISO LUWAR SOKO PENANDANG, AKU TAK GOLEK KATENTREMAN, MENOWO NING ONO ATIKU BISO AYEM, TENTREM, KIRO KIRO PIYE YO ANOMAN (BANOWATI MAJU TERUS, ANOMAN MUNDUR TERUS)


PUCUNG    (NGELMU IKU) JINEMAN


BANOWATI   : ANOMAN GELEM YO, AKU DEREKNO SOWAN NING PERTAPAN KEMBANG SORE



ADA-ADA

Ganda arum cahyane angenguwung,

Cunduk kembang menur kalung sekar melati

bregas kaya pinulas pindha golek kencana, 

tembene kang amulat temah dana asmara.



ANOMAN      : KULO ATURI MANJING WONTEN GELUNG KULO, BADE KULO SOWANAKEN KALEH BEGAWAN SABDOWOLO (SAMPAK)


(BANOWATI MANJING WONTEN GELUNGIPUN ANOMAN, ANOMAN BUDAL ING PERTAPAN, KONANGAN EMBAN, DI LAPORKE PRABU DURYUDONO)



CANDAKAN


PRABU DURYUDONO, SENGKUNI, EMBAN


EMBAN LAPORAN YEN BANOWATI DI GOWO ANOMAN, DURYUDONO NESU, NGONGKON PATIH SENGKUNI NGOLEKI ANOMAN, SENGKUNI BUDAL



ADA-ADA OBONG DUPA

Gandane kang sekar gadhung,

Lawan kembang-kembang menur,

Kang esmu arum,

Winor lan oyod-oyodan,

Kadi kusuma mangambar-ambar,

Wor kukusing dupa kang kumelun,

Kelun wor mega memba bathara,

Tan samar pamoring suksma,

Sinuksmaya wahyaning asepi,

Sinempen telenging kalbu,

pambukaning warana,

Tarlen saking liyep-layaping aluyup,

Pindha pesating supena sumusuping rahsa jati, E




ADEGAN ALUN ALUN (KURAWA)


REMBUG, NGOLEKI ANOMAN, KARO MBUBARKE PERTAPAN KEMBANG SORE


JEJERAN PINDO (PERTAPAN KEMBANG SORE)


GENDING GLIYUNG LDR TEBU SAKUYUN


Bk:  22356 ~6~6 ~5~3 ~5~2 ~1~6


As.


  ~~12   1653   6532   ~356 n


  55~~   5535   6616   5323 n


  6535   3212   66~~   3356 n


  3561   6532   ~165   1216 g


As.  


  2123   2126   2123  1561


  3265   3235   1216  5323 g


  22~6  1232   1132   5321


  3356  1653   6521   3216 g



DJANTURAN PERTAPAN KEMBANG SORE


ANENGGIH PUNDI TA INGKANG CINARITA. ‘TAN SANÈS TATA RAKITING PERTAPAN, PAPANING PANDHITA LINANGKUNG, KONGAS ANGAMBAR GANDA ARUM, RUMPAKANING BASA PANYANDRA. DRAJATING BRAHMANA ANGASRAMA MANGUN PUJA-BRATA TATANING PANEMBAH. BAHNI DUPA MANGALAT MURUB MAKANTAR, TARLÈN KAPRABAWAN GELENGING PANGÈSTHI, TITISING PAMAWAS, WASKITHA TANDUKING PRAMANA. NARAWANG WENGANING RAHSA, SACIPTANÉ AMUNG ANGLINGGAMURDA KANG KAWASA. SAYEKTINÉ WUS NGAMPIL GA’IBING BATHARA, RASA SAMAR SUMINGKIR, KIRANA SUMUNAR NRABAS SALIRING KANG SAMAR-SAMAR, MARMA KALIS SAKING RAOS KUWATIR, TIRTA WENING CANDRANING PASURYANIRA, SANG BEGAWAN SABDOWOLO YO BEGAWAN MBEL GEDUWEL BEH.


DINULU AGLAR GUMELAR SANGGYA PARA CANTRIK MANGUYU JEJANGGAN. GANTHANING RAOS MUHUNG SAMYA NGÈSTU PADA DATAN SWALÈNG KAYUN, YUN ANGEMPÈK ÉYOM, RARASING SWASANA NARBUKA WIWARA PEPADHANG, DANGU HANGANTI WIJILING SABDA.



PATHET LASEM SL NEM


 6   216.12 ,    65   5   5    5  5    5   56.53    3  ,


 O,   O      ,     de- ne u –tamaning   na -    ta


 3   3   3  3   3   3  356  56  , 216.53.56 ,


berbudi bawa leksa-   na ,       O           


2  2    2   2   2   2      21     1.216 ,   53


Li re  berbudi mangka-     na     ,  O 


3  3  3   3   3   3    356   56  ,   216.53.56  


Li la legawa  ing dri -   ya ,         O           


2        2        2     2    2    2    2    12 ,   


hanggung dennya paring da- na


3        56  5   5      5    5    532   2,


Hang ge  ganjar saben   di-   na


235  235    2       2  2   2   21   6.165,   6


lir -   re    kang bawa lek sa-    na,    O  


12   2  2 2    2   2     2    12     1.216.53


 ha- netepi   pangandi – ka  ,      O        



SABDOWOL : YO JAGAT DEWO BATHORO, YO JAGAT MANGESTUNGKARA, IKI ONO PAWONGAN SING SOWAN ONO PERTAPAN KEMBANG SORE, KISANAK KOWE SOPO…

(NGRUWAT)




MANTRA CARAKA BALIK


Nga tha ba ga ma

Nya ya ja dha pa 


La wa sa ta da 


Ka ra ca na ha 



Dilanjutkan mantra setra bedhati:

Ya midusa sadumiya Ya miruda daramiya Ya siyasa sayasiya Ya liraya yaraliya Ya dayuda dayudaya Ya dayani Niyadaya 


Disambung mantra sepigeni:


“ingsun ambukak sadulurku sepigeni kang asal saka geni nurka, dim, kang dadi wijining sakehing urip, ingsun tamakke apa kang katon luluh geseng dadi awu saking kodratullah” 


Dalang juga membaca mantra sepiangin:


“ingsun ambukak sadulurku sepiangin, kang asal saka angin ngabdul musamad, kang dadi wijining sakehing nyawa, ingsun sapokake mangetan terus sagara wetan, mangidul terus segara kidul, mangulon terus sagara kulon, mangalor terus sagara lor, saking kodratullah”. 


Dilanjutkan juga mantra sepibanyu:


“ingsun ambukak sadulurku sepibanyu, kang asal saka banyu tahura, kang dadi wijining sakehing roh, ingsun siramake ing banjar pakarangane si M. Hatmakarjana adhem asrep saking kodratullah”. 


Setelah itu dalang membaca mantra sepibumi:


“ingsun ambukak sadulurku sepibumi, kang asal saka bumi bahura, kang dadi wijining sakehing jisim, ingsun tamakake ing banjar pekarangane M. Hatmakarjana kuwat santosa slamet, saking kodratullah”. 


Dalang kemudian melanjutkan mantra kalacakra:


Kalamusa samulaka Kayaramu murayaka Kadibuda dabudika Kalibaya yabadika 


Mantra terakhir yang diucapkan yaitu pesinggahan:


“hong singgah-singgah kala singgah durga suminggah, kang cucuk wesi sirah, sing kama salah, sakehing kala padha suminggah, aku sajatining wasesa”. 



KARONO SARONO IKI, MUGI SIRO BISOA, ANTUK KELANCARAN, KESLAMETAN, KESEHATAN, KERUKUNAN, KELURUSAN, REJEKI SING AKEH SOKO KERSANING GUSTI KANG AKARYO JAGAT.


KANGGO KABEH SING WIS KEDADEYAN WIS KELAKON, MATURNUWUN GUSTIKANGGO KABEH SING BAKAL KEDADEYAN KELAKON, INGGIH BADE KULO LAMPAHI



CANDAKAN KEMBANG SORE (WONG MERTOMBO)

1. WONG BEBOJOAN SING LANANG TUWO SING WEDOK ENOM PINGIN DUWE ANAK

2. WONG MRIPATE BLAWUR PINGIN WARAS

3. DODOLAN PINGIN LARIS

4. WONG BISU PINGIN WARAS

5. WONG PINGIN NYARATI BOJONE SENENG JOGET DANGDUTAN, LAN KARAOKE

6. WONG WATUK, KAKEAN NGOMBE PINGIN WARAS



TEKANE ANOMAN KARO BANOWATI

REMBUG, ANOMAN NYRITAKKE KAHANAN ANOMAN NING NGASTINO, TERUS BANOWATI DITOKKE SOKO KANCING GELUNGE ANOMAN, DITAMBANI KARO BEGAWAN SABDOWOLO



TEKANE DURNA LAN SENGKUNI


DURNA         : DI SUNI,..OPO IKI SAJAKE SING JENENGE BEGAWAN SABDOWOLO


SENGKUNI   : MITURUT PAWARTO NGGIH NIKI SING DIARANI BEGAWAN SABDOWOLO


DURNA         : LHO KOK SEMUNE KOYO ORA PALING WONDONE KOYO PETRUK KANTONG BOLONG, NEK NGONOGAMPANG NGGONE NGANGKET BEGAWAN INI, GUR SAK PETRUK WAE KOK


SABDOWOL : NYUWUN SEWU, NOPO MENIKO BEGAWAN DURNO


DURNA         : IYO PANCEN BENER YO IKU IKI BEGAWAN DURNO, KOWE WIS KENAL KARO IKU PANCEN TAKAKONI YEN TO AKU IKI BEGAWAN SING WIS KONDANG KAONANG ONANG, HANJAYENG BAWONO, MULO KOWE MESTI WIS KENAL KARO AKU, JAGAT IKI NGANTI KEBREBEGEN KARO KONDANGE BEGAWAN DURNO, GEDE, CILIK, TUWO ENOM KABEH PODO KENAL KARO AKU, OPOKOWE SING JENENGE BEGAWAN SABDOWOLO


SABDOWOL : INGGIH MBOTEN WONTEN KALEH, NGIH KULO NIKI BEGAWAN SABDOWOLO, INGKENG WINGKING PARING KARAHARJAN PATIH SENGKUNI


SENGKUNI   : IYO-IYO BEGAWAN PODO RAHAYU TEKAKU NING PERTAPAN KENE


SABDOWOL : RAWUHIPUN BEGAWAN DURNO SOHO KANJENG PATIH HARYO SENGKUNI WONTENG ING PERTAPAN EMBANG SORE MENIKO, WONTEN WIGATI MENOPO


DURNA         : NGENE BEGAWAN SABDOWOLO, IKI AKU AREP NGOMONG KORO KOWE, AKU PENDITO KOWE YO PENDITO, NING AKU PENDITO LUWEH SENIOR TIMBANGANE KOWE, NGONO, MERGO SING DADI PENDITO KI KAN DISIK AKU, DADI KUDUNE KOWE NYEMBAH KARO KARO AKU, NGONO KAN AKU LUWIH TUWO, NGONO LHO…TERUS AKU RENE KI DIUTUS KARO SINUWUN PRABU DURYUDONO SUPOYO NGRANGKET MURITMU YO CANTRIKMU SI ANOMAN MERGO WIS NYOLONG GUSTI PUTRI BANOWATI, NEK NGANTI ORA ENTUK PERTAPAN KENE AREP TAK GAWE KARANG ABANG..



ADA-ADA (ANTASENA MAJU)

Sigra kang bala tumingal ,

acampuh samya mêdali ,

lwir thathit wilêting ganda ,

dhanghyang gung manguncang niti ,

bénjang sang aji mijil ,

lathinya mêdali wuwus .

trustha sura wilaga ,

kaya buta singa wrêgil ,

pasthi jangga dhêndhanya mangambak baya.



ONTOSENO  : MBAH…


DURNA         : LHO IKI KOYO ONTOSENO…LHA KOK NING KENE


ONTOSENO  : LHO OPO SIMBAH DURNO LAGI NGERTI, WONG AKU KET MAU YO LUNGGUH NING MBURI KENE


DURNA         : LHA KOK KOWE ENENG KENE ONTOSENO


ONTOSENO  : IYO MBAH, WIS SAWETORO SUWE AKU NYANTRIK ONO NGARSANI BEGAWAN SABDOWOLO


DURNA         : O…KLERU DALANMU, KESLURU DALANMU BUNTU, LHA KOK KOWE SUWITO KARO SABDOWOLO KI DASARE OPO, SING KOK GOLEKI KI NGELMU OPO, ILMUNE SABDOWOLO KUWI ILMU NGAWU GAWAR, ILMU NGAWUR LAN ORA ONO GUNANE. KOWE KUWI ANAKE WERKUDORO, BAPAKMU WAE SUWITO KARO AKU ENTUK ELMU PIRANG PIRANG,LHA KOK KOWE MALAH ORA KEPINGIN SUWITO NENG AKU KI PIYE, NEK KOWE GELEM SUWITO KARO AKU NGELMUMU ORA BEDO KARO BAPAKMU, LHA KOK KOWE SUWITO KARO WONG GUNUNG, KARO BEGAWAN GEMBEL KOYO NGONOKUWI, SING MBOK GAYUH KI OPO, SING MBOK GOLEKI KI OPO


ONTOSENO  : SIK, RASAH SAMPEYAN NGREMBUK PASUWITANE ONOTOSENO KARO BEGAWAN SABDOWOLO, SING TAK REMBUK SAMPEYAN RENE BUTUHMU OPO


DURNA         : KEPINGIN NYEKEL CANTRIKE SABDOWOLO SING JENENG ANOMAN


ONTOSENO  : YEN NGANTI ORA ENTUK


DURNA         : PERTAPAN KEMBANG SORE AREPTAK GAWE SUNGSANG BAWONO BALIK,PERTAPAN KEMBANG SORE TAK GAWE KARANG ABANG


ONTOSENO  : LHA NENG KENE IKI SING ORA APIK, SAMPEYAN PODOPODO PENDITO ORA MALAH NGREKSO KATENTREMAN, NANGING MALAH GAWE RUSAK,OPO KOYO NGONO IKU SING DIARANI PENDITO, YEN NGANTI KEPINGIN NRUSAK PERTAPAN KEMBANG SORE, AKU ONTOSENO SING SAGUH MBABATI PORO KUROWO


DURNA         : LHO,… KOWE WANI KARO AKU


ONTOSENO  : APAMU SING TAK WEDENI


DURNA         : NGENDI PAPANE WONG NETER KADIGDAYAN


ONTOSENO  : ORA MINGGAT SOKO PAPAN KENE, KLAKON AJUR KWANDAMU (SAMPAK)


PERANG GAGAL KURAWA MUNGSUH PRANAKAN PENDOWO, KURAWA KALAH MUNDUR



PATET SANGA

Sang saya dalu araras,

Abyor lintang kang kumedhap,

Titi sonya madya ratri,

Lumrang gandanya puspita,o

Karenggyan pudyanira,

Sang dwijawara brengengen,

Lir swaraning madu branta, o



WITING KLAPA

Witing klapa jawata ing ngarcapadha

Salugune wong wanita

Dasar nyata kula sampun njajah praja

Ing Ngayogya - Surakarta


Sekar kawis, cinawis sekar melati

Dasar manis merak ati

Aduh Gusti sun rewangi pati geni

Pitung dina, pitung bengi



BOCAH BAJANG

Bocah Bajang nggiring angin

anawu banyu segara

ngon-ingone kebo dhungkul

sa sisih sapi gumarang



POCAPAN

LAH ING KANA TA WAU, DHEDHEP TIDHEM SAKALA ING RATRI, DUPI ING MANGKÉ WUS BYAR PADHANG LABET SAKING SULAKING SANG SITARESMI INGKANG MADHANGI ING TENGAHING LANGIT, NENANGI RIPTANING CIPTA MULYA INGKANG ANJOKIRA MRING PUJA-PUJI LUHURING KANG MURBÈNG RAT, DÉNÉ AMBABAR DAYA TENTREMING JAGAD. NALIKA ING MANGKÉ, ÉNDAHING TAWANG LABET TARANGGANA INGKANG SUMAWUR, KATHAH WARNANING KANG LINTANG-LINTANG INGKANG ABYOR ING LANGIT.


SINIGEG GANTI INGKANG WINURSITA, ‘TAN KADI KAYA ING PERTAPAN SABTOARGO CINANDRA KADYO ”SEKAR MENUR DADU”.



GAMBIR SAWIT

Buka :


  55612  ~2~2 1121 1232 ~165 g

As.


     ~352   ~356   22~~   2321 n


 " ~~32   ~126   22~~   2321 n


  ~~32   ~165   ~~56   1653 n


  22~3   5321   3212   ~165 g


  ~~5~   2356   22~~   2321 n


    66~~   66~~   22~~   2321 n


" ~~32   ~126   22~~   2321 n


  ~~32   ~165   ~~56   1653 n


  22~3   5321   3212   ~165 g



Umpak


  ~2~1   ~6~5   ~6~5   ~3~2 n


  ~3~5   ~2~1   ~2~1   ~6~5 g


Inggah


  ~6~5   ~1~6   ~1~6   ~2~1 n


  ~2~1   ~2~6   ~1~6   ~2~1 n


  ~2~1   ~6~5   ~1~6   ~3~2 n


  ~3~5   ~2~1   ~2~1   ~6~5 g



(BEGAWAN WIYASA KAADEP SEMBADRA, ABIMANYU DAN PUNAKAWAN)


DJANTURAN PERTAPAN SABTOARGO


ANA HARGA HANGKASA PUCAKE PINAYU SALJU, LAH PUNIKA INGKANG AWASTA GUNUNG SAPTAHARO, LAH SINTEN TA INGKANG MADHEPOK WONTEN WUKIR RETAWU, PEPARAB BEGHAWAN ABIYASA, RESI WIYASA, INGGIH SANG KRESNA DWIPAYANA, PRAMILA PEPARAB ABIYASA TUHU PANDHITA INGKANG WUS MUMPUNI WERDINING KITAB SUCI. WIYASA MENGKU WERDI JURU TUTUR INGKANG HANENUNTUN TRAHING WITARADYA TUMUJU DHUMATENG MARGANING KAUTAMAN. KRESNA DWIPAYANA, CEMENG KUSIKANIRA WIWIT NJABA TUMEKA SUNGSUMIRA. BEGHAWAN WIYASA TUHU PANDHITA PUTUS SALIRING WEDHA, MANTHENG SEMEDINE, GENTUR TAPANE TURTA KATEMBEN MUNGKASI TAPA ANCIK-ANCIK PUCUKING CURIGA, PRAMILA MBOTEN MOKAL KALAMUN SINUNG KASEKTEN LINANGKUNG, WASIS SEMBADA NGUNGAK LELAMPAHAN ING SAINDHENGING BAWANA. KALAMUN WANCI DALU, LUHURING SANGGAR PAMUJAN KATINGAL  PATING CLOROT NDARU MULAT ASILIH PRENAH, PUNIKA DADYA PRATANDHA LAMUN SANG MAHAYOGI TUHU JALMA KINASIH SASAMANING DASIH, HANGGUNG KINASIH BATHARA.  NUJU RI PRAYOGI WANCI TABUH NAWA ENJING, SANG BEGHAWAN ABIYASA MIYOS HING PRACABAKAN, LENGGAH DHAMPAR SINASOTYA, SESEMEK BABUT PREMADHANI. DENIRA LENGGAH KAHADHEP PARA SISWA NENGGIH TATARAN WASI, JANGGAN, MANGUYU, PUTHUT, CEKEL, CANTRIK, ULUGUNTUNG, GELUNTUNG TUWIN INDHUNG-INDHUNG. SIDHEM KANG SAMYA SUMEWA TAN ANA INGKANG NYABAWA, HAMUNG TUMUNGKUL KONJEM BANTALA WEDANANE PARA SISWA. DATAN PANTARA DANGU KATUNGKA SOWANIRA INGKANG WAYAH DEWI WARA SEMBADRA DALAH KENG BUYUT ING PLANGKAWATI RADEN ABIMANYU, ANGKAWIJAYA, JAYAMURCITA YA SANG JAKA PENGALASAN, DENIRA NGABYANTARA KADHEREKAKEN PANAKAWAN CATUR, KI LURAH SEMAR, NALA GARENG, PETRUK SUMAWANA BAGONG. MANGKANA SABDANING SANG RESI DHUMATENG KANG WAYAH DANANJAYAPUTRA



PATETAN SANGA JUGAG

Leng-lenging driya mangu-mangu

mangunkung, kandhuhan rimang,

lir léna tanpa kanin.



ABIYASA      : PUTUKU, WONG AYU WORO SEMBODRO, LAN KOWE NGGER WONG BAGUS, KULUP ABIMANYU, PODO BECIK SAKTEKAMU NGGER


SEMBODRO : INGGIH, KAKEKNE, TEKAKU ING PERTAPAN SABTOARGO KENE, MANGGIH RAHAYU, PANGAMBETIKU KATURO MARANG KAKEKNE,


ABIYASA      : IYO TAK TOMPO WONG AYU, PANGESTUKU WAE TAMPANONO


SEMBODRO : INGGIH,TAK TOMPO MUGO NDADEKNE  KARAHAYON


ABIMANYU   : PANGABEKTI KULO, EYANG


ABIYASA      : IYO NGGER, KULUP ABIMANYU PANGABEKTIMU TAK TOMPO, PANGESTUKU WAE TAMPANONO NGGER


ABIMANYU   : NUN INGGIH KULO PUNDI WONTEN MUSTOKO NDADOSAKEN JIMAT


ABIYASA      : PUTUKU, WONG AYU WORO SEMBODRO, ONO WIGATI OPO DENE KOWE SOWAN ONO ING PERTAPAN SABTOARGO KENE


SEMBODRO : KAKEKNE, WEKTU DINO IKI AKU KLAWAN ANKKU ABIMANYU LUNGO SOKO MADUKORO, YO MERGO KANJENG PARAN JANOKO TANPO SEBAB, MUNG NURUTI KANEPSON NESU KARO ABIMANYU, ABIMANYU DIAJAR NGANTI GIBRAS GETIH, KOYO KOYO KANJENG PARANG JANOKO KOYO DUDU SIFAT LUMAE, MULO GANDENG KAHANAN MADUKORO PANAS KOYO PANASE NEROKO, LUWIH ABIMANYU TAK JAK LUNGO SOKO KASATRIAN MADUKORO, MULO KAKEKNE, BAB IKI AKU NJALUK TULUNG, AKU KUDU KEPIYE, NGADEPI KAHANAN SING KOYO NGENE, SING SIJI ANAK, SING SIJI BOJO, AKU MBELO ANAK AKU KLELU KARO BOJOKU, YEN AKU MBELO BOJO, TERUS SOPO SING BAKAL NGAYOMI ANAKKU. AKU NJALUKTULUNG KAKEKNE


ABIYASA      : SEMBODRO, BAB IKI PANCEN ORA ONO PILIANE, NANGING PERKORO IKI WIS ONO LAKONE, SING ADILE KUDU DI LAKONI, YO KANTI SARONO IKI MENGKO BAKALE BISO NEMONI RAHAYU, MULO WEKTU DINO IKI, ONO TITAH MENUNGSO KAN DIJANGKUNG DENING DEWO KANG AKARYO JAGAT, MULO ANAKMU SI ABIMANYU KANTINEN ONO ING PERTAPAN KEMBANG SORE, SUWITO O, MARANG BEGAWAN SABDOWOLO, YO ING KONO KANG BAKAL MADANGAKE PERKARAMU



ADA-ADA

Yeka Nalikanira,

Risang Pandusiwi,

Denira Neng Jro Wana,

Tinuduh Eyang Sang Resi,

Bagawan Wiyasa, Kinen Hangupadi,

Pepakem Katentreman,

Wahyuning Narpati


SEMBODRO : YEN PANCEN MENGKONO KAKEKNE, AKU NJALUK PENGESTUMU, TAK BUDAL MENYANG PERTAPAN KEMBANG SORE


ABIYOSO      : YO SING ATI ATI, WONG AYU



 Ldr. L I N D U R sl.9


Bk:   5532  3516  2165 g

As.


  2165   2165GR   2321   6535


  ~~21   3216      2321   6535 g


  6621   5312      ~~23   ~615


  3216   3216      2165   2321 g


  33~~   6532      ~~35   6532


  ~~21   3265       ~653   1635 g




 ||~~~~~~~~ |~2~2~i 2 2|i~65~i ~6 |~i ~i ~656 ||


               Riris harda palwa nut ing  ra  nu,


  ||~5~~~~~~ |~5~5~~6 i |~~2 i~65 2|~~61~656||


              Dresing karsa     nira deningkanyut


  ||~~~~~~~~|~2~2~23 1|~5~5~32 3|~21 616 ~5||


               Manis eling   i     ra    gus  ti,


  ||~~~~~6~6 |~~~~~i 2 i|~~6i ~65 3|~~2 5~63 2||


        Roning      kamal     mirah   ing  sun,


  ||~~~~~~~~ |~5~5~32 3|~2~6~6~6| i5~6~~i 5 ||


               Esem i  ra     duk ing   u    ni, 


  ||~~~~~5~3|~2~~~2~1 |~6~~~2~3 |~~5 2~316||


         Sidhat     agung      ing nar   pa  da


  ||~~~~~~~~ |~~~1~26 5|~2~2~32 2|~~1 2~~11||


                  Sa   jro   ning  a     gu  ling


  ||~~~~~3~3 |~~~~~3~3 |~~2155~5 |~~2 3~212||


         Pangu      cape      janma    nendra, 


  ||~~~~~~~~ |~~~~~3~5 |~6 ~i~5~3 |~~2 5~632||


                     Ingkang   tansah    da dya


  ||~~~~~~~~ |~~~~~6 i i |~~~2~~3 2 |~~i 6i6~5 ||


                     Lindur   an   ke    wa  la


  ||~~~~~~~~ |~5~5~32 3|~~~5~1~6|~~5 1~~65||


              Katon kang a    sung u      sa da.



AYAK-AYAK SANGA

CAKILAN


ADA -ADA

Buta Pandawa tata gati wisaya ,

indriyaksa sara maruta ,

pawana bana margana ,

samirana lan warayang ,

panca bayu wisikan gulingan lima.




CAKIL           : BOJLENG BOJLENG IBLIS LAKNAT, SOPO JENENGMU, NGENDI OMAHMU WONG BAGUS


ABIMANYU   : BUTO, BALI TAKON SOPO ARANMU NGENDI DANGKAMU


CAKIL           : WADUH NJUNJUNG DANGKA KEPARAT, KOWE TAKON KARO AKU, AKU DITYA BONDAN KINANTHI AKU, KOWE SOPO GUS


ABIMANYU   : MBURI SOKO KASATRIAN PLONGKOWATI, RADEN ABIMANYU ARANKU


CAKIL           : AREP LUMAKU NING NDI GUS


ABIMANYU   : NGETUTKE KRENTEKING ATI, TINDAKE SUKU, KEDEPING NETRO


CAKIL           : AYO BALI RA KENO MBACUT


ABIMANYU   : ENTUK MBACUT, RA ENTUK TAK RUDO PEKSO


CAKIL           : WANI TANDING RO AKU


ABIMANYU   : APAMU SING TAK WEDENI


CAKIL           : RANGSANG KUMUDO SUMYUR KWANDAMU




PATET MANYURA

Mèh rahina semubang Hyang Haruna kadi ,

nétraning angga rapuh,

sabdaning kukila ring,

kanigara kaketer, O,

kinidunganingkung,

lir wuwusing pinipanca,

lawan pepetoging ayam,

waneh neng pagakan,

mrak manguwuh bremara,

ngrabeseng kusuma ring,

wara baswararum



PERTAPAN KEMBANG SORE

(BEGAWAN SABDOWOLO, SEMBODRO, ABIMANYU, SEMAR)


REMBUG


SABDOWOL : IKI ONO PAWONGAN, IBU KARO ANAKE, KANG SOWAN RENE, IKI SOPO…MALAH ONO KALKUNE BARANG


SEMBODRO : BEGAWAN IKI AKU SOKO KASATRIAN MADUKORO, JENENGKU DEWI WORO SEMBODRO


SABDOWOL : O…LHA NEK IKI PANCEN PUTRI SING WIS KONDANG KAONANG ONANG, LHA SING WINGKING


SEMBODRO : IKI ANAKKU ABIMANYU


SABDOWOL : LHA MUSTAKANE KOK, KOYO BAR TATU KABEH, OPO BAR DI AJAR KARO UWONG


SEMBODRO : PENEMBAN, PENEMBAN, AKU TAK SUWITO ONO ING KENE, ANAKKU KOYO NGENE MERGO BAR DIAMUK KARO BAPAKNE


SABDOWOL : O…..ENGKENG ROKO NIKU INGKENG WINGKING PIYAMBAK NIKU TO,..


SEMAR         : HU….HU….(NGALEH)



SEMBODRO : IKU MAU PUNOKAWANKU, JENENGE SEMAR


SABDOWOL : O…KULO KINTEN NEK INGKENG ROKO….


SEMBODRO : DUDU, PENEMBAN, DUDU


SABDOWOL : LAJENG KERSANIPUN


SEMBODRO : KANGGO NGEDEM KAHANAN SING ONO NING MADUKORO, MULO SAWETORO AKU TAK SUWITO ONO KENE PENEMBAN



POCAPAN


PRAPTANE RADEN JANOKO (SAMPAK)



SEMBODRO : PENEMBAN YO IKI, BOJOKU NUSUL RENE


SABDOWOL : WO…LHA NIKITO SING WIS MENTOLO NGAJAR DUMATENG PUTRANIPUN PIYAMBAK


JANOKO       : ORA USAH NDADAK KEMALAN CANGKEM, PENEMBAN IKIDUDU PERKARAMU, KOWE OJO MELU MELU KARO PERKORO IKI, ANAK LAN BOJOKU KUDU BALI ONO MADUKORO


SABDOWOL : MPUN MBOTEN KERSO WANGSUL TENG MADUKORO, MALAH SAKMENIKO KEPINGIN SUWITO WONTEN ING PERTAPAN KEMBANG SORE


JANOKO       : ABIMANYU, KOWE RENEO


ABIMANYU   : MBOTEN ROMO, KULO TAK TENG MRIKI MAWON


JANOKO       : PENEMBAN, YEN NGONO KOWE SING NGAYOMI, ANAK KARO BOJOKU, PENEMBAN KOWE OPO WIS JELEH NYAWANG GELARING JAGAT, ESEME RUMBULAN, ORA MBOK BALEKAKE ANAK BOJOKU KLAKON MATI DENING AKU


(SAMPAK) (JANOKO KONTAL KENO ANGIN, TEKANE KRESNO, JANOKO KARO WERKUDORO)


SABDOWOL : LHO LHA IKI KOK YO OJO RADEN JANOKO MANEH…


KRESNO       : JANOKO MALEH, MAKSUDIPUN KADOS PUNDI BEGAWAN


SABDOWOL : IKI MAU, ONO RADEN JANOKO, SING SOWAN RENE, KEPINGIN NJALUK DEWI WORO SEMBODRO LAN PUTRANE ABIMANYU, NANGING DEWI WORO SEMBODRO LAN ABIMANYU ORA GELEM, NGEBOTI LE SUWITO NING KENE MERGO ABIMANYU WIS DI AJAR KARO BAPAKNE YO KUWI RADEN JANOKO, LHA KUWI TATUNE MALAH DURUNG WARAS


KRESNO       : LHA SAKMENIKO JANOKO INGKANG SETUNGGALE WONTEN PUNDI


SABDOWOL : IKI MAU AREP, MATENI AKU NING KABUR KENDANG KENO ANGIN


(SAMPAK) JANOKO NYUSUL, WERKUDORO YO NYUSUL, // ABIMANYUKARO SEMBODRO MAJU NING NGAREPE BEGAWAN SABDOWOLO.


SABDOWOL : ABIMANYU, MORO NYAKETO BAKAL TAK PARINGI ULAR ULAR BECIK SUPOYO URIP BISO AYEN LAN TENTREM (AYAK-AYAK MYR)


KI ULAR-ULARAN PITUTUR BECIK SUPOYO URIP AYEM TENTREM:


ABOT ENTHENGE URIP KUWI KABEH MUNG KARI NGLAKONI,


YEN AWAKE DHEWE NGANGGEP ABOT MULA URIP TANSAH KROSO ABOT,


URIP PANCEN REKOSO,


ANANGING YEN AWAKE DHEWE RUMONGSO URIP IKU ENTHENG MULO KROSO KEPENAK.


ANANGING KUDU ADEDASAR URIP TENANAN,


TANSAH NRIMO ING PANDUM,


SETITI NGATI-ATI LAN ORA KENO JAIL MARANG SAK PODHO-PODHO.


NULADHANI LAKU KANG UTOMO BISA NYEGAH TINDAK ANGKORO,


LAN BISA NGENDALEKAKE SIFAT PAPAT SING MANJING ONO ING BADAN KITO


MANUNGSO KUWI DITITAH PODHO,


NANGING YEN MASALAH BONDO


DIJATAH BEDO


MULO MENUNGSO IKU WAJIBE


MUNG KUDU UPOYO KARO NDUNGO 


ENTUK REJEKI SEPIRO WAE ATINE KUDU SING NRIMO


ORA USAH MERI KARO KONCO


UGO SAK PODHO-PODHO..



AKEH WONG STRES… !                


MERGO URIPE ORA BERES… !


RINO WENGI MUNG MBURU DUNYO 


BANJUR LALI KARO AJARAN AGOMO 


WONG YEN TANSAH NRIMO URIPE MULYO


WONG SULOYO URIPE BAKAL REKOSO…


WONG SING SABAR, REJEKINE BAKAL JEMBAR.


WONG YEN NGALAH, URIPE BAKAL BAROKAH.


SOPO SING JUJUR, URIPE BAKAL MAKMUR.


SOPO SING TLATEN, TEMBE MBURI BAKAL PANEN.


WONG SING SOMBONG, AMALE BAKAL KOBONG…


SING PODHO ATI-ATI LAN WASPODO,


NGGONO NGGER WELINGKU, MUGO KANTI ULAR ULAR IKI MAU KAHANAN NDOYA BISO AYEM LAN TENTREM ( SAMPAK)


POCAPAN


WAUTO, NALIKO SEMONO KALIMPUTEN PEDUT PETENG, RAGANE SANG BEGAWAN SABDOWOLO WENTEH DADI WUJUD NENGGIH KI LURAH PETRUK KANTONG BOLONG, INGKANG DIPUN MONG DENING PUKULUN SANG YWANG WENANG (SAMPAK)


KRESNO       : PUKULUN KULO NGATURAKEN SEMBAH PANGABEKTI


SEMBODRO : PUKULUN AKU NGATURAKE PANGABEKTI


ABIMANYU   : PANGABEKTI KULO PUKULUN


BAGONG      : IKI ANAKE SOPO IKI KOK CENANANGAN, ENEK WONG TUWO KOK CENGELE DIENCIKI NGAWUR WAE,


KRESNO       : BAGONG OJO SEMBRONO


BAGONG      : NIKU LHO KAKANG KULO DI ENCIKI CENGELE, ORA SOPAN


WENANG      : HONG WILAHENG


BAGONG      : WADUH, KOK NGGO HONG WILAHENG


KRESNO       : KUWI NGONO DEWO, PUKULUN SANG YWANG WENANG


BAGONG      : WADUH, NYUWUN PANGAPUNTEN PUKULUN, SEPINTEN KALEPATAN KULO, KULO NYUWUN DIAGUNG PANGAKSAMI, AMPUN DISEDAKKE DADI SIMILIKITI


KRESNO       : OMONGMU KOK WIS ORA TEMOTO, SOYO ESUK SOYO NGAWUR


WENANG      : WEKTU DINO IKI, KAHANAN NDOYA LAGI ORA TENTREM, MULO ULUN NYAROYO PETRUK KANGGO LANTARAN SUPOYO, JAGAT IKI BISOA, AYEM TENTREM MANEH, KANTI TUMURUNING WAHYU KATENTREMAN JATI KANG SAKIKI WIS NYAWIJI ONO ING BADANE ABIMANYU, KANTI LANTARAN WAHYU KATENTREMAN KUWI MAU, BAKALE JAGAT IKI BISA WALUYA JATI JATI TEMAH NIRMALA, AYEM TENTREN SAK ISINE JAGAT, MULO ULUN BAKAL KUNDUR MAKAYANGAN, (SAMPAK)


KRESNO       : JEBUL IKI PETRUK KANTONG BOLONG


PETRUK       : INGGING SINUWUN, KULO MBOTEN MANGERTOS BILIH KULO DI MONG DENING ULUN SANG HYANG WENANG, KULO WANCI DALU MENIKO KADOS TIYANG NGLINDUR, KULO TANGI DEWE, TERUS MLAMPAH DEWE NGANTOS DUMUGI WONTEN ING LENGKEHING GUNUNG MRIKI, DUMADAKAN KULO SAMPUN NYANDANG KABRAHMANAN KADOS MEKATEN MENIKO, SAK CIPTANE ONO SAK SEDYANE ENTEN, MALAH KULOMBOTEN NGERTI MENAWI DI MONG KALEH SANG YWANG WENANG, KULO ENTUK SASMITO BILIH DIMONG DENING PUKULUN SANG HYANG WENANG MENIKO MALAM KEDUA,


KRESNO       : LHO…LAGI ENTUK SASMITO


PETRUK       : INGGIH, MULO KULO RODO NGGLELENG, LHA MUNI SAK MUNI MANDI NIKU, MUNI NOPO MAWON KLAKON,


BAGONG      : O…YO KEMLINTI KOWE TRUK. LHA KLAMBIMU IRENG MAU NING ENDI,


PETRUK       : YO WIS RA ONO


BAGONG      : LHO NGATI ATI LHO, KLAMBI IRENG IKU NEK NGANTI ILANG NGIJOLI LHO, WONG RA MELU NDUWE


PETRUK       : KOK NGIJOLI KOYOK OPO WAE, GONG


KRESNO       : ABIMANYU, SEMBODRO, AYO KAE ENGGAL DISUSUL JANOKO (SAMPAK)


BAGONG NGGOWO PETRUK PALSU, BADAR DADI PETEL)


JANOKO PERANG KARO JANOKO PALSU BADAR DADI BETORO KOLO, PERANG RO WERKUDRO KOLO KALAH, MUNDUR



JANOKO, ABIMANYU, SEMBODRO


REMBUK, YEN JANOKO PALSU BADAR DADI KOLO, SEMBODRO, ABIMANYU DIJAK BALI NING MADUKORO


AMUK AMUKAN KUROWO, NGREBUT WAHYU KATENTREMAN JATI



TAMAT

(WAHYU KATENTREMAN)





CANDAKAAA PLONGKOWATI (ABIMANYU PUNAKAWAN, SEMBODRO)


Ldr. Dirgahayu


||~~~~~3~6|~i26 ~3~2 |~3~2~3~2 |~3~6~2~1 ||


     Panjang  punjung gemah ripah lohjinawi


 ||~~~1~2~1|~~61~2~2 |~~~2~3~1 |~6~2~3~1 ||


    Ker  ta lan raharja   ing Nuswan ta   ra


 ||~~~2~3~2|~6~1~2~2 |~~~5~6~6 |~3~5~~63 ||


   Nyata je  ro tancepé  apan gedhé o boré


 ||~~~5~6~6|~~~i ~2 ~i |~~~2~6~5 |~3~2~13 2||


   Murah sandhang pangan  dirga   ha  yu



DJANTURAN


ANENGGIH PUNIKO TO WARNANIRO KASATRIYAN PLONGKOWATI, SINTEN INGKANG MANGGEN WOTEN ING KASATRIYAN NENGGIH PUNIKO PUTRO MADUKORO RISANG ABIMANYU, YA ANGKA WIJAYA, NEMBE LELENGGAHAN KAIRING DENING PARA PUNAKAWAN CATUR, NAMPI RAWUHNYA KENG IBU NENGGIH PUNIKO WORO SEMBODRO, KADOYO DOYO RAWUH WONTEN ING KASATRIYAN AWIN SAKING KANGENIPUN DENING KENG PUTRO, LAH MENIKO TO PANGANDIKANING SANG IBU



Pathetan manyura

lir sadpadhengsun tumiling hangulati,

puspita ingkang , medem endah kang warni 

midering ta – man, anon sekar warsi ki.    O 



SEMBODRO  : ANAKKU WONG LANANG, ANAKKU WONG GAGAH, KULUP ABIMANYU, GAWE LEGANE PUN IBU SUMURUP KAHANAN ANAKKU WONG BAGUS


ABIMANYU    : IBU ANDADOSAKEN KAGYATING MNAH DENE PADUKOKANJENG IBU RAWUH WONTENG ING KASATRIANPLONGKOWATI, MESTINIPUN PADUKO MBOTEN SUSAH NDADAK KEROYO-ROYO RAWUH WONTEN ING KASATRIAN, CEKAP UTUSAN DATENG SINTEN KEMAWON ANIMBALI KULO, TARTAMTU KULO BADE MARAK SOWAN WONTEN MADUKKORO KANJENG IBU..


SEMBODRO   : KOYO NGENE IKI RASANE KANG KEBONDO KANGEN, KOYO NGENE IKI RASANE IBU KANGEN KARO ANAK LANANG, NGANTI TAK REWANGI NINGGAL KASATRIAN MADUKORO, MUNG AMARGO SELAK KEPINGIN WERUH KARO KAHANANE ANAKKU SING TAK TRESNANI, BARENG WIS WERUH YO KOYO WIS ENTUK TOMBO, ANAKKU NGGER ABIMANYU..


SEMAR           : HUUUU……DI RUNGOKKE KUWI HEE…, YO KOYO NGONO KUWI DADI WONG TUWO, NGANTI DILAKONI SIKIL DI NGGO SIRAH, SIRAH DI NGGO SIKIL, HUUU…WIGATINE MUNG KEPINGIN WERUH KARO ANAK, LHA KOK ORA KOYO ANAK-ANAKKU, MUNJUNG ORA TAU, NYEMBAH ARANG-ARANG, NGABEKTI BABAR BLAS, HUUU…ANGGER TEKO MUNG NJALUK DUWIT, ANGGER DUWE…URIP NING KULON,…ANGGER ORA DUWE URIP NING ETAN,…KOWE KI PODO KEPIYE TO…..HEMMMM


BAGONG       : JENENG ANAK,,NGREPOTI WONG TUWO KI YO WIS SAK LUMRAE TO MO


PETRUK        : HUS…OJO SOK WANGSULAN


BAGONG       : WANGSULAN…WANGSULAN, MALAH TAK PANCAL PISAN SEMAR KI NGKO…


PETRUK        : HUSSS…NGAWUR WAE


ABIMANYU    : KULO NGATURAKEN PANUWUN, KANJENG IBU, LAN KULO NYUWUN PANGAPUNTEN NDADOSAKEN IBU KEROYO ROYO RAWUH WONTEN ING KASATRIAN PLONGKOWATI MRIKI, IBU…



ADA ADA MANYURA

Kagyat risang kapirangu,

Rinangkul kinempit-kempit,

Dhuh sang retnaning bawana,

Ya si tukang walang ati,

Ya si tukang ngenesing tyas,

Ya si tukang kudu gering.



POCAPAN


DERENG NGANTOS PARIPURNO NGIMBAL GINEM GONDOROSO, RAWUHIPUN RADEN JANOKO CINGAK KANG SAMYO MULAT (SREPEK)



ADA ADA JUGAG

 Teka dadak melu-melu,

  Kaya budine wong ceplik, O

  Lali yen kalengkaning rat,

  Ing bawana hamurwani,

  Mustikaning jagat raya,

  Dhemen lalen sanggarunggi.



SEMBODRO : KANGJENG PARAN, KANJENG PARAN, GAWE KAGET KK RAWUH ONO KASATRIAN PLONGKOWATI


JANOKO       : IBUNE KULUP, MALAH WIS NING KENE


SEMBODRO : IYO KANJENG PARAN, KOK SEMENGKO, NGGOLEKI SOPO ONO BUTUH OPO


JANOKO       : NGGOLEKI ANAKKU LANANG


SEMBODRO : ABIMANYU


JANOKO       : IYO, NENG NGENDI BOCAE


SEMBODRO : BAT TOBAT TOBAT, KANJENG PARAN KANJENG PARAN,.. WONG PUTRAMU LUNGGUH ONO KONO KOK NGANTI ORA WERUH, KANJNEG PARAN


ADA ADA JUGAG (Janoko Malik)

Kayon  katiyubing  angin ,

nggereng  swaraning  wana  gung ,  O



ABIMANYU   : KULO NGATURAKEN PANGABEKTI KANJENG ROMO


JANOKO       : TAK TOMPO WONG BAGUS,  ABIMANYU ABIMANYU, OWE KOK ORA BISO MIKUL DUWUR MENDEM JERO MARANG WONG TUWO, ORA ONO ANAK SING KOYO KOWE, NGGER WONG BAGUS TEKANE PUN ROMO NENG PLONGKOWATI KENE, AKU NGGOWO UKUMAN KANGGO KOWE


ABIMANYU   : MENOPO INGKANG KULO TINDAKAKEN DENE KULO NAMPI UKUMAN


JANOKO       : RASAH NDADAK KAKEAN GUNEMAN TANPO GUNO, MORO GAGE TAMPANONO UKUMAN SOKO PEPUNDEN PENDOWO


ABIMANYU   : MENOPO INGKANG KEDAH KULO TAMPI


JANOKO       : NYO..TAMPANONO, TAK PECAH NDASMU…(SAMPAK)


Punakawan podo kaget, sembodro ngongkon punokawan nulungi, budal kabeh, abimanyu diajar, di tulungi petruk, gareng bagong, punokawan melu diajar janoko.


ADEKAN SEMBODRO LAN ABIMANYU, (srepek tlutur)



SENDHON TLUTUR.                 

O , O    , Surem surem diwangkara kingkin,

lir    manguswa kang layon,

denya ilang kang memanise,

wa – da – nanira layung,

kumel kucem rahnya maratani ,O  



SEMBODRO : ANAKKU NGGER, NGANTI GOBRAS GETIH KOYO NGENE, BAPAKMU YO GENE NGGER, KOK NGAJAR KARO KOWE NGGER


ABIMANYU   : IBU, KULO MBOTEN MANGERTOS KALUPUTAN KULO, DUMADAKAN KULO NAMPI UKUMAN INGKANG KADOS MEKATEN KANJENG IBU, KAPEJAHONO KULO NDEREK, IBU


SEMBODRO : AYO LUNGO WAE NGGER, ORA DUWE WONG TUWO KOYO BAPAKMU, ORA POPO, KOK MENTOLO KARO ANAK, AYO LUNGO WAE NGGER ABIMANYU…


JEJER SEPISAN: PRAJA NGASTINA


JANTURAN: Swuh rep data pitana. Anenggih nagari pundi ta kang kaéka adi dasa purwa. Éka sawiji, adi linuwih, dasa sepuluh, purwa wiwitan. Senadyan kathah titahing déwa ingkang kasongan akasa, sinangga pratiwi, kaapit ing samodra, kathah ingkang anggana raras, nanging datan kadi Nagari Hastina, ya sinebat Nagari Liman Benawi. Mila kinarya bebuka, ngupaya nagari satus datan antuk kalih, sanadyan sèwu ‘tan jangkep sadasa. Dhasar nagari panjang punjung, pasir wukir, loh jinawi, gemah ripah, tata tur raharja. Panjang: dawa pocapané, punjung: luhur kawibawané, pasir: samodra, wukir: gunung. Negara ngungkuraké pagunungan, nengenaké pasabinan, ngéringaké pategalan, ngayunaké bandaran gedhé. Loh: tulus kang sarwa tinandur, jinawi: murah ingkang tinuku. Gemah: lampahing para nangkodha surya-ratri datan ana pedhoté, labet datan ana sangsayaning dedalan. Aripah: janma manca ingkang samya bebara jejel apipit aben cukit tepung taritis, papan wiyar katingal rupak saking harjaning praja. Ingon-ingon kebo sapi pitik iwèn datan ana cinancangan, yèn ta rina padha aglar ing pangonan, yèn ta wanci surup surya mulih marang kandhangé dhéwé-dhéwé. Para mantri bupati sapanekaré jangkep sami bijaksana limpad ing kawruh, tansah ambudi raharjaning praja. Senadyan para narakisma, padha ayem tentrem atiné mungkul pangulahing tetanèn. Dhasar negari ingkang gedhé oboré, padhang jagadé, dhuwur kukusé, adoh kuncarané. Bebasan ingkang celak manglung tebih tumiyung. Mboten ing Tanah Jawi kéwala ingkang sami nungkul, sanadyan ing tanah sabrang kathah para raja ingkang sami sumawita, datan karana ginebag ing ajurit, muhung kayungyun poyaning kautaman, samya atur putri minangka panungkul. Ing saben ‘ri kalamangsa, sami asok bulu bekti glondhong pengareng-areng, pèni-pèni raja pèni, guru bakal guru dadi. Sinten ta jejuluking sri nata ing Ngastina, wenang dèn-ucapna, nenggih Mahaprabu Duryudana, Kurupati, Jakapitana, Hanggendarisuta. Mila jejuluk Duryudana, ateges naléndra ingkang abot sangganing aprang. Kurupati, angratoni darahing Kuru. Jakapitana, duk nalika sang nata sinengkakaké ngaluhur jumeneng naléndra nyata maksih jejaka dèrèng nambut silaning akrami. Déné Anggendariputra, nyata sang nata putra pambayuning Kusuma Dèwi Gendari.


Kacarita, Prabu Duryudana kondhang ing rat naléndra bèrbudi bèrbandha, remen hanggeganjar hangulawisudha, nanging kirang marsudi rèhing tata krami. Kadang satus kang sami nyantana dèn-ugung kesenengané. Marma sagung para kadang sami kaduk adigang, adigung, miwah adiguna, ngendelaké kadanging ratu. Yèn ta ginunggunga wiyaring jajahan, luhuring keprabon, sayekti saratri datan ana pedhoté, sinigeg ingkang murwèng kawi. Nuju ing hari Soma, sang nata miyos tinangkil munggwing sitinggil binatu rata, lenggah munggwing dhampar denta pinalipit ing kencana, pinatik ing nawaretna. Lèmèk babut prangwedani ginanda wida jebat kasturi, sinebaran kanang sari. Dhasar kinebutan laring badhak kanan-kéring, kongas gandaning nata angèbeki paséwakan. Rep sidhem datan ana sabawaning walang ngalisik, ron-ronan datan obah, samirana datan lumampah. Ingkang kapiyarsa amung swaraning pradangga hanganyut-anyut binarung ocèhing kukila ingkang méncok ing waringin, miwah sabawaning abdi kriya gemblak kemasan, pandhé, ingkang samya nambut karya. Karengyan saking paséwakan, pating carengklang pating carengkling, imbal gantya lir mandyaraga, werdiné kaya gamelan. Teka amuwuhi asri renggeping panangkilan. Ing alun-alun papandhèn bandéra lelayu payung agung miwah bawat, tinon angendanu pindha mendhung. Para mantri bupati ingkang sami séba, ambèr ambalabar dumugi ing pangurakan yayah samodra pasang. Nenggih sinten ta ingkang lenggah jajar klawan sang nata. Nenggih pujangganing kraton Begawan Durna ya Sang Kumbayana. Mabukuh marikelu munggwing ngarsa, nenggih Rekyana Patih Harya Sengkuni. Datan kantun pangéran ngiras paniti sastra, Radèn Harya Kartamarma ingkang wus sumahap munggwing ngayun. Dupi wus antara lama dènira lenggah tinangkil, sang nata sasmita mring sang rekyana patih arsa wawan pangandika.



Pathet Ageng, sléndro nem

Leng-leng ramya ningkang, Sasangka kumenyar,

Mangrengga ruming puri, Mangkin tanpa siring,

Halep nikang umah, Mas lir murub ing langit,

Tekwan sarwa manik, Tawingnya sinawung,

Saksat sekar sinuji, Unggyan Banuwati,

Ywan amrem alangen, Lan Nata Duryudana.

Ada-ada Girisa, sléndro nem

Leng-leng gatining kang, Hawan saba-saba,

Nikèng Ngastina, Samantara tekèng,

Tegal Kuru Narar, Ywa Kresna laku sirèng,

Parasu Rama Kanwa Janaka, Dulur Naradha,

Kapanggih ing ika, Tegal miluri karya.



DURYUDANA: NUWUN MANGKÉ TA BAPA, BAPA DURNA. SARAWUH JENGANDIKA WONTEN ING PASÉWAKAN, KULA NGATURAKEN PASEGAHAN PANAKRAMI.


DURNA         : O, KULA NOK-NON, NUWUN INGGIH, SINUWUN. DAHAT SUKA MARWATA SUTANING MANAH PUN BAPA ING SOKALIMA, KULA TAMPI, KULA PETEK WONTEN ING PRANAJA, MUGI AMEWAHANA BAWA LEKSANA. NAMUNG PUJI HASTUTI PUJA MANTRA SANGKING PUN BAPA ING SOKALIMA MUGI KONJUK WONTEN ING NGARSA PADUKA, SINUWUN.


DURYUDANA: ‘NGGIH, KULA PUNDHI KANGGÉ JIMAT PARIPIH, MUGI HANDAYANANA KASANTOSAN KULA. BAPA DURNA, MBOK MANAWI ANDADOSAKEN KAGYATING PENGGALIH JENGANDIKA, TUMUNTEN KULA PIJI, KULA RAWUHAKEN ING PASÉWAKAN KALENGGAHAN MANGKÉ.


DURNA         : OH, SAKING WANTERING TIMBALAN PADUKA INGKANG SINUWUN, LAMPAH KULA SANGKING PERTAPAN DUMUGI ING PASÉWAKAN, KADOS KULA JANGKAH-JANGKAHA SEPISAN DUMUGI, MANAWI WONTEN SUWÈKING JUBAH KULA SACENGKANG, MBOTEN MAWI KULA TOLÉH. MENAPA WONTEN KEPARENG PADUKÉNDRA BADHÉ MUNDHUT CECEPENGANING BAPA, INGKANG AWARNI AJI JAYA KAWIJAYAN, KANURAGAN, ‘TOSING BALUNG, WULEDING KULIT. MENAWI TETÉLA MEKATEN, BADHÉ KULA UNJUKAKEN WONTEN ING NGARSA PADUKA SINUWUN DINTEN MENIKA UGI.


DURYUDANA: TUMRAP KULA KADOS SAMPUN CEKAP DAYANING LISAH TALA INGKANG TUMAMA ING ANGGA KULA. INGKANG MEKATEN KULA NGATURAKEN PANUWUN. BAPA DURNA, KEPARENGA LENGGAH PRAYOGI.


DURNA         : KULA NOK-NON, NUWUN INGGIH, NGÈSTOKAKEN DHAWUH, KADOS SAMPUN MBOTEN KIRANG PRAYOGI MENGGAH PAMARAKING PUN BAPA ING SOKALIMA, SINUWUN.


DURYUDANA: PAMAN, PAMAN HARYA SENGKUNI. APA BAYA DADI GUGUPING ATINIRA PAMAN, MANIRA PIJI MANGAYUN, PAMAN?


SANGKUNI   : KAWULA NUWUN, NUWUN. SAKLANGKUNG GURAWALAN ANGGÈN KULA NAMPI DHAWUH PADUKÉNDRA. NALIKA WONTEN ING NJAWI PINDHA JINAIT TELENGING WARDAYA, TISTISING TYAS DAHAT LENG-LENGING NDRIYA HANGELANGUT. NANGING SARENG DUMUGI NGARSA PADUKA NATA, ASREP RAOSING MANAH KULA PINDHA SINIRAN TIRTA ING WANCI ÉNJANG, SAYEKTI MBOTEN WONTEN RAOS MARAS.


DURYUDANA: APA DARUNANÉ MANGKONO PAMAN, MARA GAGÉ SAJARWOA.


SANGKUNI   : KAWULA NOK-NON, KULA NGRUMAOSI BILIH GESANGING PUN PAMAN, NGÉYUP WONTEN ING SAHANDHAP PADA PADUKA ‘NJENG BUMINATA. PRAMILA SUKA KAKARSAKNA NGRANGSANG INGKANG INGGIL, NGGAYUH INGKANG TEBIH, TUGEL KADAMELA BEBALANG, REMUK REMPU KASAWURNA, PUN PAMAN ING KEPATIHAN MBOTEN BADHÉ SUWALA, SINUWUN.


DURYUDANA: HEM, PAMAN AJA KLÈRU PANAMPA. YEKTINÉ ORA PISAN-PISAN MANIRA BAKAL PARING PIDANA MARANG JENENGPARA PAMAN. NADYAN TA JENENGSIRA NANDHANG DOSA PATI KAYA MUNG CUKUP TUMEKA ING LARA. YA MERGA SAKA KUWANÈNIRA PAMAN HARYA SENGKUNI ING BABAGAN APA WAÉ, LAN GEDHÉNING DARMANIRA BISA NGEJUM GUMBALA KANG RUWET. PAMAN, INGSUN MUNDHUT PAWARTA KAHANANING PRAJA NGASTINA.


SANGKUNI   : NOK-NON NUWUN INGGIH, SEDAYA PARA KAWULA SAMI SAHIYEG SAHABIPRAYA, GUMOLONG CIPTA, RASA, KARSA, MIWAH KARYANIPUN, RAINTEN-DALU ANGGUNG HAMBUDIDAYA MURIH WEWAHING KALUHURAN NATA PADUKA SANG APRABU.


DURYUDANA: SOKUR MANGAYU BAGYA SÈKETHI JUMURUNG. KULA NUWUN MANGKÉ TA BAPA, BAPA DURNA. KEPARENGA PINARAK LENGGAH RADI MAJENG SAWETAWIS, BADHÉ WONTEN GÉMBOLANING RAOS INGKANG NEDYA KULA BABAR WONTEN ING PASÉWAKAN, BAPA.


DURYUDANA: KAKANG ‘DIPATI, SUWAWI KULA ATURI LENGGAH INGKANG PRAYOGI, BADHÉ WONTEN ATUR INGKANG KULA UNJUKAKEN ING NGARSA PADUKA KAKANG NARPATI NGAWANGGA.


KARNA        : ADHUH, BEJA KEMAYANGAN YAYI, NGÈSTOKAKEN DHAWUH PADUKA.



Pathet Jugag, sléndro nem

Hanjrah ingkang puspita ‘rum,

Kasilir ing samirana mrik,

Sekar gadhung,

Kongas gandanya,

Mawèh raras renaning driya.


DURYUDO    : BAPA DURNA, MANGGA KULO ATURI PANGANDIKAN SELARAS KALEH RUWETING MANAH KULO, DATENG KAKANG NARPATI NGAWANGGA KARNA :     ADHUH, BEJA KEMAYANGAN YAYI, NGÈSTOKAKEN DHAWUH PADUKA.


 DURNA        : NAK ANGGER BASUKARNO, MINANGGKA TALANG ATURIPUN ANAK PRABU DURYUDANA AMARGI SINUWUN MBOTEN PURUN NGANDIKO PIYAMBAK


KARNA         : INGGIH BAPA, KADOS PUNDI BAPA


DURNA         : NGASTINA MENIKA RAK SUREM WIBAWANIPUN AWIT WONTEN ENTRO-ENTRO INGKANG MBOTEN PINANGGIH RASA, PETUNGAN INGKANG TINEMU GANJIL, WONTEN TIYANG INGKANG WANI NGEPEL MUSTAKANIPUN ANAK PRABU DURYUDONO, NYOLOK NETRO, NEKAK JONGGO, NEBAH PERNOJO, INGKANG MBOTEN SANES INGGIH PUNIKO INGKANG HAMBEG KUMALUNGKUNG YASA PERTAPAN INGKANG NAMI PERTAPAN KEMBANG SORE, INGKANG MADEG PENDITO INGGIH PUNIKO BEGAWAN SABDOWOLO, YO BEGAWN MBEL GEDUWEL BEH, LHO NIKU,LAGI NDELOK JENENGE MAWON KOYO MBOTEN SAE LAN MBOTEN KASINUNGAN KABECIKAN


KARNO         : LAJENG BAPA


DURNO         : KARONO PAKARTINIPUN BEGAWAN SABDOWOLO, NIKU INGKANG KRAOS PIYAMBAK MBOTEN NAMUNG ANAK ANGGER PRABU DURYUDONO, NAMUNG UGI KULO NGGER


KARNO         : BAPA DURNA


DURNA         : NGGIH, MURID KULO KOLO WINGI NIKO, NGANTOS SATUS LUWIH MBEN TAHUN, LHA SAK NIKI PADA PINDAH WONTEN ING PERTAPAN KEMBANG SORE, LHA SAK NIKI TENG SOKALIMA MURID SEDOSO MAWON MBOTEN GENEP


KARNO         : LHA SEBABIPUN


DURNA         : LHA SEBABIPUN WONTEN PERTAPAN KEMBANG SORE KOLO WAU


KARNO         : MILO SAKING MENIKO, KEDAH KADOS PUNDI


DURYUDON : KAKANG PRABU NGAWONGGO, PRAMILO KULO ATURI NYEKEL BEGAWAN SABDOWOLO, KULO ATURI NJIRET JANGGANIPUN, MBONDO TANGANIPUN, NYRIMPUNG SIKILIPUN BEGAWAN SABDOWOLO, AWIT SAMPUN NYUREMAKEN KAWIBAWAN KULO


KARNO         : YAYI DURYUDONO, RUMAOS ICAL KAWIBAWANIPUN MENIKO, MANGGEN WONTEN PUNDI YAYI


DURYUDON : TIYANG NGASTINO KATAH INGKANG SUWITO WONTEN MRIKO


KARNO         : O……., NGATEN, KATAH INGKANG NGANSU KAWRUH WONTEN PERTAPAN KEMBANG SORE


DURYUDON : INGGIH


KARNO         : LAJENG KERSANIPUN YAYI PRABU


DURYUDON : KULO NYUWUN, SAGET MBIBARAKEN PERTAPAN KEMBANG SORE, KARONO KALEPATANIPUN BEGAWAN SABDOWOLO MENIKO MBOTEN NAMUNG WERNI SETUNGGAL, MBOTEN NAMUNG AMARGI MENDETI PARA KAWULO ING NGASTINO, NANGING UGI MAPANIPUN PERTAPAN KEMBANG SORE MENIKO WONTEN TLATAH NGASTINO


KARNO         : TASIH KALEBET WEWENGKON ING NGASTINO


DURYUDON : INGGIH


KARNO         : LAJENG KERSANIPUN, KULO KEN MBIBARAKEN PERTAPAN KEMBANG SORE


DURYUDON : INGGIH


DURNO         : INGGIH NGGER DIPUN BIBARAKEN KEMAWON, KULO INGKANG COTHO, NGATEN NIKI NGGER, MBANGUN NOPO NOPO ANGEL, AWIT PAKARTINE BEGAWAN SABDOWOLO ING PERTAPAN KEMBANG SORE


KARNO         : INGGIH, MATURNUWUN, …YAYI DURYUDONO


DURYUDON : INGGIH


KARNO         : KULO NYUWUN PRESO, SING DIPARENGKE TIYANG NGASTINO INGKANG PADA SUWITO TENG PERTAPAN KEMBANG SORE MENIKO ILMU MENOPO YAYI


DURYUDON : ILMU KASAMPURNAN


KARNO         : KASAMPURNAN MENIKO,,,TEGESIPUN MENOPO


DURYUDON : INGGIH KASAMPURNANIPUN TIYANG AGESANG ING ALAM NDOYA


KARNO         : KASAMPURNAN MENIKO KANGGO SINTEN


DURYUDON : NGGIH KANGGE MANUNGSA


KARNO         : KANGGE MANUNGSA KERSANE PRIPUN


DURYUDON : KERSANE MANGGIH YUWONO


KARNO         : MAKSUDE YUWONO


DURYUDON : SLAMET NDOYA DUMUGI AKHIR


KARNO         : NEK SLAMET NDOYA DUMUGI AKHIR KOK YAYI DURYUDONO DADI PEGEL MENIKO DASARE PRIPUN, MENOPO PADUKO MENIKO DI ITIK ITIK KALEH BEGAWAN DURNO, MERGO MURITE PADA PINDAH ING PERTAPAN KEMBANG SORE, MENGKO GEK NGATEN YAYI


DURNO         : ANAK ANGGER NGAWONGGO, TIYANG MENIKO RAK MBOTEN NDUWENI KASUSILAN TO, LHO LENGGAH NGEDEKKE PERTAPAN TENG WEWENGKON NGASTINO NIKU, KUDUNE OLEH PELILAH SOKO RATU NGASTINO


SENGKUNI   : WAKNE GONDEL,….PA-LI-LAH


DURNA         : LHA IYO


SENGKUNI   : SAMPEYAN MAU MBOTEN NGATEN


DURNA         : BERARTI KUPINGMU SING BUDEK, AKU MAU MUNI OPO


SENGKUNI   : PELILAH


KARNO         : PADA MAWON


KARNO         : HALAH YO BEDA, SING LUWES YO TETEP PA-LI-LAH, TO YO


SENGKUNI   : YO LUWES GADAHAN KULO NO, NIKU SING LUWES, PIYE TO YO


DURYUDON : WIS WIS, TUKARAN NEH, WIS DADI SAK BIS KOK PANGGAH TUKARAN WAE,…HEMMM


KARNO         : YAYI,…INGGIH WONTEN MRIKU YAYI DUNUNGIPUN TIYANG MBOTEN SEMELEH RAOSIPUN, SOK SENENG NGURUSI PERKARANIPUN LIYAN, PANJENENGAN TINGALI ENTEN TIYANG NGOMONG,…BIYUH KOK KAE KAYANE OKEH,…WONG KAE KOK SUGIH MEN, GEK BONDO SEMONO AKEHE AREP NGGO OPO, KAMONGKO TIYANG URIP MENIKO NAMUNG WANG SINAWANG, DURUNG MESTI SING SUGIH MBLEGEDU NING ATINE AYEM, DURUNG MESTI SING URIPE KERE, ORA DUWE OPO OPO, NANGIN ATINE AYEM…NGATEN YAYI..PRAMILO TIYANG MENIKO MENAWI SENENG NGRUSUI BUTUHE LIYAN, SENENG IRI, DRENGKI SREI, TARTAMTU MBOTEN BAKAL BISO URIP AYEM TENTREM..



ADA ADA

Kadangmu pada warahono den becik

Mbesuk aryo mendemo baris

Baris kang prayitno

Ywo saronto wong darawati

Tinumpesan pengawak pandawa

Nara wurung dadi mungsuh

Mungsuh Lawan kadang (SREPEK)



DURYUDON : ANOMAN, PADA BECIK SAK TEKAMU, ANOMAN


ANOMAN      : INGGIH AWIT SAKING PANGESTU PADUKO SINUWUN, KULO KULO MBOTEN WONTEN ALANGAN SETUNGGAL MENOPO KEMAWON


DURYUDON : IYO ANOMAN, KEPENAKNO NGONMU LUNGGUH


ANOMAN      : INGGIH, MBOTEN KIRANG PAMRAYOGI ANGEN KULO LENGGAH


KARNO         : ANOMAN PADA BASUKI


ANOMAN      : KANJENG SINUWUN NGAWANGGA, SOWAN KULO MANGGIH RAHAYU, PANGABEKTI KULO SINUWUN NGAWANGGA


KARNO         : IYO ANOMAN, PANGESTUKU WAE TAMPANONO


ANOMAN      : INGGIH KULO PUNDI DADOS JIMAT


DURNO         : ANOMAN, PODO BASUKI, SOWANMU


ANOMAN      : PENEMBAN DURNO INGGIH, SOWAN KULO KALIS NIR ING SAMBIKOLO, AWIT PANGESTU JENGANDIKO, SUNGKEM BEKTI KULO KUNJUK NGARSO JENGANDIKO BRAHMONO INGKANG MUNULYO HANJAYENG BAWONO,KONDANG KAONANG ONANG


DURNO         : MATUR NUWUN, MATUR NUWUN,  ADI HARYO SENGKUNI


SENGKUNI   : ONO OPO KAKANG DURNO


DURNO         : ANOMAN KETOKE GROGI NYAWANG AKU, KOYONE MINDER NYAWANG RO AKU, YO TO DI SUNI


SENGKUNI   : O,….. MINDER


DURNO         : HOK O,….. GENAS WIS KETOK NEK MINDER NGONO LHO DI SUNI,…..PANGESTUKU TAMPANONO YO ANOMAN..


ANOMAN      : KULO PUNDI MUGI ANDADOSAKEN JIMAT, AWIT SAKING PANGESTUNIPUN PENEMBAN INGKANG MINULYENG JAGAT, HANJAYENG BAWONO, KONDANG KAONANG ONANG


DURNO         : HOK..O, MATUR NUWUN,   MATUR  NUWUN,…ANOMAN MUNI KOYO NGONO KUWI, PNEMBAN KANG HANJAYENG BAWONO, KONDANG KAONANG ONANG..NGONO KUW MERGO WEDI KOYONE KARO AKU,…NGONO LHO DI SUNI….MULO NGAJENI BANGET KARO AKU,….ANOMAN KI YO PENDITO,..AKU YO PENDITO,…NING AKU PENDITO SENIOR,..NGONO ..DI SUNI..


SENGKUNI   : O…NGONO


DURNO         : HOK,..O


SENGKUNI   : PODO BASUKI SAK TEKAMU ANOMAN..


ANOMAN      : NUN INGGIH NDARA PATING HARYO SENGKUNI, SOWAN KULO NIR ING SAMBIKOLO, SEMBAH KULO KATUR


SENGKUNI   : ENEK LUPUTKU AKU NJALUK NGAPURO YO ANOMAN, AKU ORA WANI NAMPANI SEMBAHMU,…BLEGER KOWE KUWI KETEK,..NING KOWE KUWI DI MONG KARO DEWO, NEK AKU LUPT AKU NJALUK SEPURO YO ANOMAN,..


ANOMAN      : NUN INGGIH NDORO PATIH,..


DURYUDON : ONO WIGATI OPO, DENE KOWE SOWAN ON NGARSANINGSUN ANOMAN,…


ANOMAN      : SAK DERENG IPUN KULO NYUWUN PANGAPUNTEN SINUWUN, YEKTOSIPUN BIDALIPUN KULO WONTEN NEGARI NGASTINO MENIKO MBOTEN SAKING KENDALISODO


DURYUDON : LHA BANJUR


ANOMAN      : BIDAL KULO KOLO WAE, SAKING PERTAPAN KEMBANG SORE, KARONO SAMPUN SAWETAWIS DANGU KULO DADOS SISWANIPUN SANG WIKU DIBYA, NGGIH PUNIKO BEGAWAN SABDOWOLO, NGGIH BEGAWAN MBEL GEDEWEL BEH, SAK WETAWIS RADI DANGU KULO WONTEN MRIKO, KULO DI UTUS INGKANG SEPINDAH, BEGAWAN SABDOWOLO NYUWUN PANGESTU WONTEN NGARSO PADUKO SAKPERLU MANGESTONI ADEKIPUN PERTAPAN KEMBANG SORE, INGKANG KAPING KALEH BILIH MENWI WONTEN WEKTU LONGGAR, DINTEN ANGGORO KASIH MENIKO, PADUKO KASUWUN RAWUH WONTEN ING PERTAPAN KEMBANG SORE, AWIT WONTEN MRIKO BADE WONTEN ACORO SUKURAN, SOYO AGENG MANAHIPUN PARA CANTRIK DALAH SANG PENEMBAN SABDOWOLO BILIH ACORO SUKURAN MENIKO DIPUN RAWUHI PEJABAT NEGARI, TIYANG ALIT MENIKO REMENIPUN MENAWI WONTEN ACORO DIPUN TENGGANI PEJABAT NEGARI, SENADYAN PEJABATIPUN NAMUNG RAWUH MAWON, NENGGANI KEMAWON MENIKO SAMPUN REMEN SANGET



ADA-ADA

Dhadha muntap lir kinêtap ,

duka yayah sinipi ,

jaja bang mawinga wêngis ,

kumêdhot padoning lathi ,

nétra kocak mangondhar andhir ,

kêrot-kêrot kanang waja ,

idêpnya mangalacakra ,

wadananira mbranang ,

lir kêmbang wora-wari ,

sinosog mêrang sagêdhèng ,

bêl mubal dahana.



DURYUDON : LAGI WAE DIREMBUG, KEPARAT MURANG TOTO, SIJI KOWE NJALUK PENGESTU ADEKE PERTAPAN KEMBANG SORE, LORO AKU DITIMBALI KON NEKANI ACORO SUKURAN NING PERTAPAN KEMBANG SORE


ANOMAN      : DI ATURI, MBOTEN DITIMBALI, SUKUR MENAWI SAGET RAWUH, MENAWI MBOTEN SAGET INGKANG BAKU PANGESTUNIPUN


DURYUDON : ANOMAN, NGERTENONO,NENG PASEWAKAN AGUNG IKI, SING DI REMBUK YO GURUMU KUWI,..MIKIR PORA GURUMU KUWI,…SING MBANGUN PERTAPAN KUWI MANGGON NENG NGENDI,..NING NGASTINO,…NGASTINO KUWI BUMINE SOPO,….BOPO DURNO, MONGGO NIKI PUN PAS MENAWI BOPO DURNO INGKANG ADU AREP KALEH ANOMAN,..



ADA-ADA (Durna Maju)

Bumi gonjang-ganjing langit kelap-kelap

katon lir kincanging alis,

risang maweh gandrung,

sabarang kadulu

wukir moyag-mayig saking tyas baliwur



DURNA         : ANOMAN


ANOMAN      : KULO WONTEN DAWUH


DURNA         : BOLA BALI NEK KETEK, DIPACAKONO KOYO OPO YO PANGGAH KETEK, PANGGAH MUNYUK,…KLAKUANMU KUWI LHO,..PRIBADIMU KUWI LHO,…KOWE KUWI NEK ASLINE KETEK YO PANGGAH KETEK,.. MUNYUK KOWE,…KOWE KUWI PENDITO, KOWE KUWI BRAHMONO, DUWE MURIT,..LHA MALAH CUKLI-CUKLI BRANGKANGAN DADI MURITE BEGAWAN SABDOWOLO, NING NGENDI KAWIBAWANMU


ANOMAN      : KULO MBOTEN NGREMBUK BAB KAWIBAWAN, SAK DUWUR DUWURE GUNUNG, NIKU TESIH WNTEN INGKANG NGUNGKULI


DURNA         : SUREM KAWIBAWANMU


ANOMAN      : KULO MBOTEN NREMBAK BAB KAWIBAWAN


DURNA         : WIS NGENE, KOWE DADI GEDIBALE PO PIYE, KOWE DADI KETIPLAKE BEGAWAN SABDOWOLO, NGONO PO PIYE,..


ANOMAN      : MBOTEN KULO MENIKO MURIDIPUN


DURNO         : KOWE RENE KON NJALUK PANGESTU ADEKE ERTAPAN KEMBANG SORE


ANOMAN      : INGGIH


DURNA         : KOWE KUWI RAK YO NGERTI, KUDUNE KOWE KUWI ISO MIKIR, POLO MU KUWI LHO, PERTAPAN KEMBANG SORE KUWI ONO WEWENGKON NEGARA NGASTINO, KUDUNE NJALUK PALILAH NING RATU NGASTINO, ORA SAK KEPENAKE DEWE NGONO KUWI,..


ANOMAN      : KEDAH IPUN


DURNA         : YO NYUWUN PALILAH


ANOMAN      : DATENG


DURNA         : PANGUWASA PRAJA


ANOMAN      : NEGARI


DURNA         : NGASTINO


ANOMAN      : DATENG


DURNO         : ANAK ANGGER DURYUDONO


ANOMAN      : SEKEDAP, SAKDERENGIPUN NYUWUN PANGAPUNTEN,..PRABU DURYUDONO MENIKO DADOS RATU TENG NGASTINO MENIKO RESMI MENOPO MBOTEN


DURNA         : LHO NEK MIKIR RESMINE YO PARA PENDOWO


ANOMAN      : SEBABIPUN


DURNA         : SAK LENGSERE PRABU PANDU DEWONOTO, LUMRAE NING PARA PANDOWO


ANOMAN      : MENAWI RESMINIPUN NGASTINO MENIKO GADAHANE PARA PANDOWO, KEDAHIPUN KULO NYUWUN PALILAH NGGIH WONTEN NGARSANE PARA PANDAWA, KENGING MENOPO KULO NYUWUN IJIN WONTEN NGARSANING PRABU DURYUDONO


ADA-ADA ( DURNO NESU,..MERE)

  Kagyat risang kapirangu,

  Rinangkul kinempit-kempit,

  Dhuh sang retnaning bawana,

  Ya si tukang walang ati,

  Ya si tukang ngenesing tyas,

  Ya si tukang kudu gering.



DURNA         : HEM,….CANGKEMMU ANOMAN,….ANOMAN,…YEN KAWITANE WIS KLERU, BAKALE KLER SAK LAWASE,..JANGKAHE SALAH YO PANGGAH SALAH


ANOMAN      : BUKTINIPUN


DURNA         : KOWE NGERTI NGASTINO BIYEN SING DADI PANGUWASA PRAJA KUWI PRABU KRESNO DIPOYONO, KOWE NGERTI SOPO PRABU KRESNO DIPOYONO KUWI


ANOMAN      : BEGAWAN ABIYOSO


DURNA         : KUWI DUWE ANAK PIRO


ANOMAN      : TIGO


DURNA         : SOPO WAE


ANOMAN      : SETUNGGAL SANG DRESTOROTO, KALEH SANG PANDU DEWONOTO,TIGO SANG YAMA WIDURA


DURNA         : SANG DRESTOROSTRO KUWI PUTRA MBAREP, MESTINE SING DADI RATU KUWI PUTRA MBAREP SANG DRESTOROTO, NGONO KUWI YEN ORA MAIN POLITIK ORA KIRO,….MOSOK ANAK MBAREP ORA DIDADEKNE RATU, MALAH ADINE SING DADI RATU, LHA KOYO NGONO KUWI YEN ORA ONO PERMAINAN, ORA MUNGKIN NGASTINO ISO KEDADEYAN SING KOYO NGENE,..


ANOMAN      : KULO BADE TAKEN, SYARATIPUN TIYANG DADI RATU


DURNA         : WARAS LAIR BATIN


ANOMAN      : WARASE LAIR


DURNA         : ORA CACAT ORA TUNA


ANOMAN      : INGKANG MINULYA, SANG DRESTOROTO MENIKO CACAT MENOPO MBOTEN


DURNA         : CACAT NETRO


ANOMAN      : TEGESE


DURNA         : PICEK


ANOMAN      : PANGUWAOS NEGARI MENIKO, MENAWI WUTO NGATEN TERUS KADOS PUNDI


DURNA         : WANI PO PIYE


SENGKUNI   : LHO UJUK UJUK KOK WANI PO PIYE, WONG KOK ANEH, SAK JANE SAMPEYAN NGALAH MAWON TO KAKANG DURNO,…NEK GELEM MUNDUR MALAH PENAK,..ISO TURU, MENGKOISO NGIMPI NGELONI WIDODARI


DURNA         : O,…CANGKEMMU, ANOMAN,.KOWE NGERTI PORA RAMANE ANGGER DURYUDONO KUWI SOPO, SANG DRESTOROTO, LHAKOK ORA OLEH DADI RATU KI KAREPE PIYE,..


ANOMAN      : LHO KULOMBOTEN MENGGALEH AKEN BAB MENIKO, KULO NAMUNG DIUTUS, SOWAN MRIKI NYUWUN PENGESTU, DI PENGESTONI NOPO MBOTEN, NEK PURUN MONGGO, NEK MBOTEN PURUN NGGIH MBOTEN DADOS MENOPO, PAS SUKURAN SAGET NENGGANI NGGIH SUKUR, MBOTEN SAGET NGGIH MBOTEN DADOS MENOPO


DURNA         : KOWE PENDITO GOMBAL, KOWE PENDITO GOBLOK,  PENDITO KONDANG KOK MUNG DADI GEDIBALE SABDOWOLO


DURYUDON : KOWE PENDITO BODO, PENDITO PENGUNG LEHMU MIKIR PIYE



ADA-ADA

Anoman malumpat sampun

Prapteng witing nagasari

Mulat mangandhap katingal

Wanodya yu kuru aking

Gelung rusak wor lan kisma

Kang iga-iga kaeksi "



POCAPAN


KOCAP KACARITO, NALIKO SEMONO, SEDYANE RISANG ANOMAN MINTO PANGESTU RATU NGASTINO BAB ADEGE PERTAPAN KEMBANG SORE, ANANGING RATU NGASTINO GAWE DUKANE SANG ANOMAN, KOCAP MATEK AJI PANGLIMUNAN ICAL SAKING PANDULU, BABLAS MANJING WONTEN KEDATON NGASTINO ( SAMPAK)


DURNA         : LHO ANOMAN LUNGA, MINGGAT WONGE


SENGKUNI   : WE LHA…ORA SOPAN WONG IKI

(SAMPAK SUWUK)



DURYUDON : ANOMAN ICAL


SENGKUNI   : ANOMAN ICAL


DURYUDON : BOPO DURNA, PRIPUN NIKI


DURNA         : MESTI ILANG NIKU, GENAH NIKU,,,GROGI KALEH KULO NIKU, WEDI NYAWANG KULO, WONG KULO PENDITO SENIOR,..MULO ENTEK-ENTEKANE WANINE MUNG LUNGO,,,ILANG


DURYUDON : LUNGANE ANOMAN DATENG PUNDI, DATENG MRIKO NOPO MRIKO


DURNA         : YO GENAH MRIKO NO, TENG NJAWI NGATEN


DURYUDON : HEMMMM, ORA KARU KARUAN


SENGKUNI   : KAKANG DURNA, NGENE IKI UJIAN KANGGO KAKANG DURNA, SAK ILANGE ANOMAN


DURNA         : WIS TO, NGENE IKI ANOMAN WIS GENAH WEDI KARO AKU


SENGKUNI   : WEDI PIYE


DURNA         : YO WEDI, UMPOMO ISIH ONO KENE, ORA LUNGO, WETENGE LANGSUNG GEDE TAK LEBONI TABUH GONG


SENGKUNI   : LHO, KOK SAGET, SEBABIPUN


DURNA         : TAK TENUN


DURNA         : KOK TENUN, ,,…TENUNG, HEMMMMM


DURNA         : SAMPUN, SAMPUN MBOTEN USAH DIPENGGALIH, INGKANG WERNO WERNO, TOH DEWEKE NGGIH PUN MINGGAT


DURYUDON : INGGIH, MENAWI NGATEN, PAMAN SENGKUNI, KULO ATURI MBUBARAKEN INGKANG SAMYA SEBA, INGSUN BAKAL KUNDUR HANGEDATON


SENGKUNI   : NUN INGGIH, NGESTOKAKEN DAWUH


POCAPAN: Lah ing kana ta wau, wus titi purnèng gati paséwakan, sang nata sasmita arsa jengkar manjing Lokapusantara. Saksana para wahini pawongan cèthi ingkang samya ngampil upacarèng aji, rep regedeg nguncupaken asta minangka tandha pakurmatan. Yayah WIGENO konduring Sang Nata Prabu DURYUDANA




LIMBUKAN

CANDAKAN KEDATON NGASTINO (BANOWATI TEKANE ANOMAN)


ASMARANDANA (BUKO CELUK) BABLAS NENG AYAK 6


3  3   356  653   1  1   1    1    1 1216     6       


Galak   u   - lat , kadi  thathit  u-ba   - rung ,


2         2    2 12     3   3    3   6     5     32      1   21612


kang  pamu-lu , halus  manis  ma-weh  kung,  O


3      3   321   1       6    5   3       1    1     12      16  


semba- da-geng,  ha-de-deg  manda  rangkung


ompak gender  : 3336  3336  3331  3332


 2   2  2     12    3,   3   6        3   321   1        21653


hagoreh  pan-tes,   dadya  ma-lat  kung ,    O



BANOWATI   : BAT TOBAT TOBAT, ORA PALING KOWE ANOMAN TO


ANOMAN      : NUN INGGIH GUSTI PUTRI, SOWAN KULO WONTEN MRIKI, KULO NGATURAKEN PANGABEKTI GUSTI PUTRI


BANOWATI   : BAT TOBAT TOBAT, IYO TAK TOMPO ANOMAN, PANGESTKU WAE TAMPANONO O ANOMAN


ANOMAN      : INGGIH, KULO PUNDI HANDAYANONO KAMULYAN JATI


BANOWATI   : KOWE KOK ISO NGANTI MANJING, ONO ING TAMAN KADILENGENG KENE, OPO KOWE RENE KUWI ORA ONO SING NGERTI TO ANOMAN,


ANOMAN      : MBOTEN WONTEN, AWIT KULO NDAMEL AJI PALIMUNAN


BANOWATI   : DAYANE AJI PALIMUNAN


ANOMAN      : MBOTEN BADE SAGET DIPUN TINGALI DENENG SINTEN KEMAWON


BANOWATI   : LHA KOK AKU ISO NYAWANG, KOWE


ANOMAN      : LHA SAMPUN KULO RACUT


BANOWATI   : LHA UMPOMO ORA MBOK RACUT


ANOMAN      : NGGIH PADUKO, MBOTEN SAGET NYAWANG KULO


BANOWATI   : O ALAH, NGONO TO ANOMAN, YO SUKUR YEN NGONO, KOK SUJUNE AKU ORA PAS SIRAM, UMPOMOAKU PAS SIRAM RAK YO PIYE NGONO


ANOMAN      : INGGIH


BANOWATI   : OJO NGAH NGIH WAE, SUK NEH OJO DIBALENI LHO YO, RAK YO ISIN NO AKU


ANOMAN      : INGGIH, NYUWUN PANGAPUNTEN


BANOWATI   : IYO ORA DADI OPO ANOMAN, SAK IKI AKU TAK TAKON, LHO KOWE ISO TEKAN KENE IKI DUWE PERLU OPO, MOKAL YEN KOWE ORA ONO WIGATI


ANOMAN      : NUN INGGIH, BAB MENIKO MBOTEN BADE KULO ATURAKEN, AWIT KULO WAU KLENTU, TIYANG MENAWI SAMPUN BINGUNG, RUMAOS KULO ELER JEBULE MALAH KIDUL, RUMAOS KULO ETAN JEBULE MALAH KULON, MULO KULO BINGUNG


BANOWATI   : LHA SIR MU MAU PIYE TO ANOMAN


ANOMAN      : KULO WAU ING PENGANGKAH, BADE MEDAL, E MALAH JEBULE KOK MLEBU


BANOWATI   : O ALAH NGONO TO, YEN NGONO YO MALAH PENERAN


ANOMAN      : PENERAN KADOS PUNDI


BANOWATI   : UMPOMO KLERU, KUDUNE METU NANGING MALAH MBOK LEBONI, AKU YO MALAH ORA POPO, KOWE MLEBU NING TAMAN KENE AKU MALAH SENENG


ANOMAN      : O NGGIH, SEJATOSIPUN KULO KEPINGIN MARAK SOWAN NGARSANING SINUWUN PRABU DURYUDONO, KULO DIUTUS DUMATENG GURU KULO, SAKING PERTAPAN KEMBANG SORE, NGGIH PUNIKO BEGAWAN SABDOWOLO, NGGIH BEGAWAN MBEL GEDUWEL BEH, SEPISAN KULO KAPUREN NYUWUN PENGESTU ADEKE PERTAPAN KEMBANG SORE, KAPING KALIH PRABU DURYUDONO KAPUREH RAWUH NENGGANI ACORO SUKURAN ING DINTEN ANGGORO KASIH MBENJANG MENIKO,


BANOWATI   : O…APIK JANE TUJUANMU


ANOMAN      : INGGIH NAMUNGKULO MALAH DIPUN DUKANI, DI LOK-LOKNE,LANGKUNG LANGKUNG PENDITO DURNO ANGGENIPUN NGETEK NGETEKNE KULO, ..NGGIH TIMBANG KULO MBOTEN SAGET NGEMPET KANEPSON KULO, YEN NGANTI KULO MBALEK KOYO JAMAN RAMAYANA, JAMAN KULO ISIH ENOM, NOPO MALAH NGASTINO NIKI MBOTEN BADE KULO RUSAK, KULO AWUT-AWUT, KULO GAWE SUNGSANG BAWONO BALIK, MUO KULO EMPET MANAH KULO, MATEK AJI PANGLIMUNAN, ICAL SAKING PANDULU, SIR KULO WANGSUL MALAH MLEBET


BANOWATI   : O ALAH, NGONO TO, YO WIS..YO WIS,..ORA DADI OPO ANOMAN, KOWE KLERU NING MALAH MAREM RASANING ATIKU,….KOWE WERUH AWAKKU TO SAKIKI, PIYE ANOMAN..


ANOMAN      : KENGING MENOPO


BANOWATI   : IKI LHO AWAKKU RODO KURO TO,…IKI AWAKKU SUSUT,..BIYEN 80 SAKIKI MUNG KARI 50 KILO,//


ANOMAN      : LHO KOK SAGET


BANOWATI   : YO NGENE IKI WONG SUSAH, WONG SEDIH, WONG JIBEK YO KOYO NGENE IKI ANOMAN


ANOMAN      : LHO, BONDO CUMAWIS, DONYA CUMEPAK, ROJO BRONO TUMPUK UNDUNG, KOK WEKASANE SUSAH MENIKO SEBABIPUN MENOPO


BANOWATI   : ANOMAN,..IKI DINGGO DEWE WAE YO, OJO NGOMONG SOPO-SOPO


ANOMAN      : INGGIH


BANOWATI   : AKU NYAWANG PRABU DURYUDONO KI MUNGKAK MUNGKUK


ANOMAN      : LHO WONG KARO BOJONE KOK


BANOWATI   : HUSSSSSSSS,…EMBUH YO KOYO NGONO KUWI KAHANAN ASLINE


ANOMAN      : O,…..NGATEN,….KOK YO SAGET TO


BANOWATI   : NGENE LHO ANOMAN, AKU RABI SING GRABEKNE WONG TUWO, NGENE IKI LHO YEN WONG TUWO MELU CAMPUR TANGAN RABINE ANAK, YO KOYO NGENE IKI DADINE, AKU JANE ORA SENENG KARO PRABU DURYUDONO, NING DIPEKSO-PEKSO TIMBANG WONG TUWAKU GELO, NESU MULO LUWIH BECIK TAK SEMBADANI WAE,  NING NYATANE RASANE YO KOYO NGENE, ORA ISO NYAWIJI ATIKU, AKU NEK PAS DIKELONI KARO PRABU DURYUDONO KOYO KUDU NJERIT-NJERITO, KOYO KUDU MISUH MISUHO LHO ANOMAN


ANOMAN      : O….NGATEN


BANOWATI   : HOK O…. LHO ANOMAN,. GEK KOYO NGONO KUWI WIS PIRANG PIRANG TAHUN, COBA BAYANGNO, KOYO NGONO KUWI OPO ORA PODO KARO URIP NENG NEROKO TO ANOMAN..


ANOMAN      : O…NGGIH, SAK DERENGIPUN NYUWUN SEWU, KAHANANIPUN GUSTI PUTRI RINTEN DALU MENIKO PENGGALIHIPUN KADOS MEKATEN


BANOWATI   : TANPO MANDEK, TANPO LEREN, BAT TOBAT TOBAT WONG SEDIH KOK ORA ONO LERENE ..ANOMAN


ANOMAN      : O…NGATEN


BANOWATI   : KIRO KIRO, AKU WENEHONO PITUDUH, MAU KOWE NGOMONG DUWE GURU ING PERTAPAN KEMBANG SORE, AKU TERNO RONO YO ANOMAN, SUPOYO AKU BISO LUWAR SOKO PENANDANG, AKU TAK GOLEK KATENTREMAN, MENOWO NING ONO ATIKU BISO AYEM, TENTREM, KIRO KIRO PIYE YO ANOMAN (BANOWATI MAJU TERUS, ANOMAN MUNDUR TERUS)


PUCUNG    (NGELMU IKU) JINEMAN


BANOWATI   : ANOMAN GELEM YO, AKU DEREKNO SOWAN NING PERTAPAN KEMBANG SORE



ADA-ADA

Ganda arum cahyane angenguwung,

Cunduk kembang menur kalung sekar melati

bregas kaya pinulas pindha golek kencana, 

tembene kang amulat temah dana asmara.



ANOMAN      : KULO ATURI MANJING WONTEN GELUNG KULO, BADE KULO SOWANAKEN KALEH BEGAWAN SABDOWOLO (SAMPAK)


(BANOWATI MANJING WONTEN GELUNGIPUN ANOMAN, ANOMAN BUDAL ING PERTAPAN, KONANGAN EMBAN, DI LAPORKE PRABU DURYUDONO)



CANDAKAN

PRABU DURYUDONO, SENGKUNI, EMBAN

EMBAN LAPORAN YEN BANOWATI DI GOWO ANOMAN, DURYUDONO NESU, NGONGKON PATIH SENGKUNI NGOLEKI ANOMAN, SENGKUNI BUDAL



ADA-ADA OBONG DUPA

Gandane kang sekar gadhung,

Lawan kembang-kembang menur,

Kang esmu arum,

Winor lan oyod-oyodan,

Kadi kusuma mangambar-ambar,

Wor kukusing dupa kang kumelun,

Kelun wor mega memba bathara,

Tan samar pamoring suksma,

Sinuksmaya wahyaning asepi,

Sinempen telenging kalbu,

pambukaning warana,

Tarlen saking liyep-layaping aluyup,

Pindha pesating supena sumusuping rahsa jati, E



ADEGAN ALUN ALUN (KURAWA)

REMBUG, NGOLEKI ANOMAN, KARO MBUBARKE PERTAPAN KEMBANG SORE


JEJERAN PINDO (PERTAPAN KEMBANG SORE)


GENDING GLIYUNG LDR TEBU SAKUYUN


Bk:  22356 ~6~6 ~5~3 ~5~2 ~1~6


As.


  ~~12   1653   6532   ~356 n


  55~~   5535   6616   5323 n


  6535   3212   66~~   3356 n


  3561   6532   ~165   1216 g


As.  


  2123   2126   2123  1561


  3265   3235   1216  5323 g


  22~6  1232   1132   5321


  3356  1653   6521   3216 



DJANTURAN PERTAPAN KEMBANG SORE

ANENGGIH PUNDI TA INGKANG CINARITA. ‘TAN SANÈS TATA RAKITING PERTAPAN, PAPANING PANDHITA LINANGKUNG, KONGAS ANGAMBAR GANDA ARUM, RUMPAKANING BASA PANYANDRA. DRAJATING BRAHMANA ANGASRAMA MANGUN PUJA-BRATA TATANING PANEMBAH. BAHNI DUPA MANGALAT MURUB MAKANTAR, TARLÈN KAPRABAWAN GELENGING PANGÈSTHI, TITISING PAMAWAS, WASKITHA TANDUKING PRAMANA. NARAWANG WENGANING RAHSA, SACIPTANÉ AMUNG ANGLINGGAMURDA KANG KAWASA. SAYEKTINÉ WUS NGAMPIL GA’IBING BATHARA, RASA SAMAR SUMINGKIR, KIRANA SUMUNAR NRABAS SALIRING KANG SAMAR-SAMAR, MARMA KALIS SAKING RAOS KUWATIR, TIRTA WENING CANDRANING PASURYANIRA, SANG BEGAWAN SABDOWOLO YO BEGAWAN MBEL GEDUWEL BEH.


DINULU AGLAR GUMELAR SANGGYA PARA CANTRIK MANGUYU JEJANGGAN. GANTHANING RAOS MUHUNG SAMYA NGÈSTU PADA DATAN SWALÈNG KAYUN, YUN ANGEMPÈK ÉYOM, RARASING SWASANA NARBUKA WIWARA PEPADHANG, DANGU HANGANTI WIJILING SABDA.



PATHET LASEM SL NEM

 6   216.12 ,    65   5   5    5  5    5   56.53    3  ,


 O,   O      ,     de- ne u –tamaning   na -    ta


 3   3   3  3   3   3  356  56  , 216.53.56 ,


berbudi bawa leksa-   na ,       O           


2  2    2   2   2   2      21     1.216 ,   53


Li re  berbudi mangka-     na     ,  O 


3  3  3   3   3   3    356   56  ,   216.53.56  


Li la legawa  ing dri -   ya ,         O           


2        2        2     2    2    2    2    12 ,   


hanggung dennya paring da- na


3        56  5   5      5    5    532   2,


Hang ge  ganjar saben   di-   na


235  235    2       2  2   2   21   6.165,   6


lir -   re    kang bawa lek sa-    na,    O  


12   2  2 2    2   2     2    12     1.216.53


 ha- netepi   pangandi – ka  ,      O        


SABDOWOL : YO JAGAT DEWO BATHORO, YO JAGAT MANGESTUNGKARA, IKI ONO PAWONGAN SING SOWAN ONO PERTAPAN KEMBANG SORE, KISANAK KOWE SOPO…


(NGRUWAT)



MANTRA CARAKA BALIK

Nga tha ba ga ma

Nya ya ja dha pa 

La wa sa ta da 

Ka ra ca na ha 


Dilanjutkan mantra setra bedhati:

Ya midusa sadumiya Ya miruda daramiya Ya siyasa sayasiya Ya liraya yaraliya Ya dayuda dayudaya Ya dayani Niyadaya 


Disambung mantra sepigeni:

“ingsun ambukak sadulurku sepigeni kang asal saka geni nurka, dim, kang dadi wijining sakehing urip, ingsun tamakke apa kang katon luluh geseng dadi awu saking kodratullah” 


Dalang juga membaca mantra sepiangin:

“ingsun ambukak sadulurku sepiangin, kang asal saka angin ngabdul musamad, kang dadi wijining sakehing nyawa, ingsun sapokake mangetan terus sagara wetan, mangidul terus segara kidul, mangulon terus sagara kulon, mangalor terus sagara lor, saking kodratullah”. 


Dilanjutkan juga mantra sepibanyu:

“ingsun ambukak sadulurku sepibanyu, kang asal saka banyu tahura, kang dadi wijining sakehing roh, ingsun siramake ing banjar pakarangane si M. Hatmakarjana adhem asrep saking kodratullah”. 


Setelah itu dalang membaca mantra sepibumi:

“ingsun ambukak sadulurku sepibumi, kang asal saka bumi bahura, kang dadi wijining sakehing jisim, ingsun tamakake ing banjar pekarangane M. Hatmakarjana kuwat santosa slamet, saking kodratullah”. 


Dalang kemudian melanjutkan mantra kalacakra:

Kalamusa samulaka Kayaramu murayaka Kadibuda dabudika Kalibaya yabadika 


Mantra terakhir yang diucapkan yaitu pesinggahan:

“hong singgah-singgah kala singgah durga suminggah, kang cucuk wesi sirah, sing kama salah, sakehing kala padha suminggah, aku sajatining wasesa”. 


KARONO SARONO IKI, MUGI SIRO BISOA, ANTUK KELANCARAN, KESLAMETAN, KESEHATAN, KERUKUNAN, KELURUSAN, REJEKI SING AKEH SOKO KERSANING GUSTI KANG AKARYO JAGAT.


KANGGO KABEH SING WIS KEDADEYAN WIS KELAKON, MATURNUWUN GUSTIKANGGO KABEH SING BAKAL KEDADEYAN KELAKON, INGGIH BADE KULO LAMPAHI


CANDAKAN KEMBANG SORE (WONG MERTOMBO)

1. WONG BEBOJOAN SING LANANG TUWO SING WEDOK ENOM PINGIN DUWE ANAK

2. WONG MRIPATE BLAWUR PINGIN WARAS

3. DODOLAN PINGIN LARIS

4. WONG BISU PINGIN WARAS

5. WONG PINGIN NYARATI BOJONE SENENG JOGET DANGDUTAN, LAN KARAOKE

6. WONG WATUK, KAKEAN NGOMBE PINGIN WARAS



TEKANE ANOMAN KARO BANOWATI

REMBUG, ANOMAN NYRITAKKE KAHANAN ANOMAN NING NGASTINO, TERUS BANOWATI DITOKKE SOKO KANCING GELUNGE ANOMAN, DITAMBANI KARO BEGAWAN SABDOWOLO



TEKANE DURNA LAN SENGKUNI

DURNA         : DI SUNI,..OPO IKI SAJAKE SING JENENGE BEGAWAN SABDOWOLO


SENGKUNI   : MITURUT PAWARTO NGGIH NIKI SING DIARANI BEGAWAN SABDOWOLO


DURNA         : LHO KOK SEMUNE KOYO ORA PALING WONDONE KOYO PETRUK KANTONG BOLONG, NEK NGONOGAMPANG NGGONE NGANGKET BEGAWAN INI, GUR SAK PETRUK WAE KOK


SABDOWOL : NYUWUN SEWU, NOPO MENIKO BEGAWAN DURNO


DURNA         : IYO PANCEN BENER YO IKU IKI BEGAWAN DURNO, KOWE WIS KENAL KARO IKU PANCEN TAKAKONI YEN TO AKU IKI BEGAWAN SING WIS KONDANG KAONANG ONANG, HANJAYENG BAWONO, MULO KOWE MESTI WIS KENAL KARO AKU, JAGAT IKI NGANTI KEBREBEGEN KARO KONDANGE BEGAWAN DURNO, GEDE, CILIK, TUWO ENOM KABEH PODO KENAL KARO AKU, OPOKOWE SING JENENGE BEGAWAN SABDOWOLO


SABDOWOL : INGGIH MBOTEN WONTEN KALEH, NGIH KULO NIKI BEGAWAN SABDOWOLO, INGKENG WINGKING PARING KARAHARJAN PATIH SENGKUNI


SENGKUNI   : IYO-IYO BEGAWAN PODO RAHAYU TEKAKU NING PERTAPAN KENE


SABDOWOL : RAWUHIPUN BEGAWAN DURNO SOHO KANJENG PATIH HARYO SENGKUNI WONTENG ING PERTAPAN EMBANG SORE MENIKO, WONTEN WIGATI MENOPO


DURNA         : NGENE BEGAWAN SABDOWOLO, IKI AKU AREP NGOMONG KORO KOWE, AKU PENDITO KOWE YO PENDITO, NING AKU PENDITO LUWEH SENIOR TIMBANGANE KOWE, NGONO, MERGO SING DADI PENDITO KI KAN DISIK AKU, DADI KUDUNE KOWE NYEMBAH KARO KARO AKU, NGONO KAN AKU LUWIH TUWO, NGONO LHO…TERUS AKU RENE KI DIUTUS KARO SINUWUN PRABU DURYUDONO SUPOYO NGRANGKET MURITMU YO CANTRIKMU SI ANOMAN MERGO WIS NYOLONG GUSTI PUTRI BANOWATI, NEK NGANTI ORA ENTUK PERTAPAN KENE AREP TAK GAWE KARANG ABANG.


ADA-ADA (ANTASENA MAJU)

Sigra kang bala tumingal ,

acampuh samya mêdali ,

lwir thathit wilêting ganda ,

dhanghyang gung manguncang niti ,

bénjang sang aji mijil ,

lathinya mêdali wuwus .

trustha sura wilaga ,

kaya buta singa wrêgil ,

pasthi jangga dhêndhanya mangambak baya.


ONTOSENO  : MBAH…


DURNA         : LHO IKI KOYO ONTOSENO…LHA KOK NING KENE


ONTOSENO  : LHO OPO SIMBAH DURNO LAGI NGERTI, WONG AKU KET MAU YO LUNGGUH NING MBURI KENE


DURNA         : LHA KOK KOWE ENENG KENE ONTOSENO


ONTOSENO  : IYO MBAH, WIS SAWETORO SUWE AKU NYANTRIK ONO NGARSANI BEGAWAN SABDOWOLO


DURNA         : O…KLERU DALANMU, KESLURU DALANMU BUNTU, LHA KOK KOWE SUWITO KARO SABDOWOLO KI DASARE OPO, SING KOK GOLEKI KI NGELMU OPO, ILMUNE SABDOWOLO KUWI ILMU NGAWU GAWAR, ILMU NGAWUR LAN ORA ONO GUNANE. KOWE KUWI ANAKE WERKUDORO, BAPAKMU WAE SUWITO KARO AKU ENTUK ELMU PIRANG PIRANG,LHA KOK KOWE MALAH ORA KEPINGIN SUWITO NENG AKU KI PIYE, NEK KOWE GELEM SUWITO KARO AKU NGELMUMU ORA BEDO KARO BAPAKMU, LHA KOK KOWE SUWITO KARO WONG GUNUNG, KARO BEGAWAN GEMBEL KOYO NGONOKUWI, SING MBOK GAYUH KI OPO, SING MBOK GOLEKI KI OPO


ONTOSENO  : SIK, RASAH SAMPEYAN NGREMBUK PASUWITANE ONOTOSENO KARO BEGAWAN SABDOWOLO, SING TAK REMBUK SAMPEYAN RENE BUTUHMU OPO


DURNA         : KEPINGIN NYEKEL CANTRIKE SABDOWOLO SING JENENG ANOMAN


ONTOSENO  : YEN NGANTI ORA ENTUK


DURNA         : PERTAPAN KEMBANG SORE AREPTAK GAWE SUNGSANG BAWONO BALIK,PERTAPAN KEMBANG SORE TAK GAWE KARANG ABANG


ONTOSENO  : LHA NENG KENE IKI SING ORA APIK, SAMPEYAN PODOPODO PENDITO ORA MALAH NGREKSO KATENTREMAN, NANGING MALAH GAWE RUSAK,OPO KOYO NGONO IKU SING DIARANI PENDITO, YEN NGANTI KEPINGIN NRUSAK PERTAPAN KEMBANG SORE, AKU ONTOSENO SING SAGUH MBABATI PORO KUROWO


DURNA         : LHO,… KOWE WANI KARO AKU


ONTOSENO  : APAMU SING TAK WEDENI


DURNA         : NGENDI PAPANE WONG NETER KADIGDAYAN


ONTOSENO  : ORA MINGGAT SOKO PAPAN KENE, KLAKON AJUR KWANDAMU (SAMPAK)


PERANG GAGAL KURAWA MUNGSUH PRANAKAN PENDOWO, KURAWA KALAH MUNDUR



PATET SANGA

Sang saya dalu araras,

Abyor lintang kang kumedhap,

Titi sonya madya ratri,

Lumrang gandanya puspita,o

Karenggyan pudyanira,

Sang dwijawara brengengen,

Lir swaraning madu branta, o



WITING KLAPA

Witing klapa jawata ing ngarcapadha

Salugune wong wanita

Dasar nyata kula sampun njajah praja

Ing Ngayogya - Surakarta


Sekar kawis, cinawis sekar melati

Dasar manis merak ati

Aduh Gusti sun rewangi pati geni

Pitung dina, pitung bengi



BOCAH BAJANG

Bocah Bajang nggiring angin

anawu banyu segara

ngon-ingone kebo dhungkul

sa sisih sapi gumarang



POCAPAN


LAH ING KANA TA WAU, DHEDHEP TIDHEM SAKALA ING RATRI, DUPI ING MANGKÉ WUS BYAR PADHANG LABET SAKING SULAKING SANG SITARESMI INGKANG MADHANGI ING TENGAHING LANGIT, NENANGI RIPTANING CIPTA MULYA INGKANG ANJOKIRA MRING PUJA-PUJI LUHURING KANG MURBÈNG RAT, DÉNÉ AMBABAR DAYA TENTREMING JAGAD. NALIKA ING MANGKÉ, ÉNDAHING TAWANG LABET TARANGGANA INGKANG SUMAWUR, KATHAH WARNANING KANG LINTANG-LINTANG INGKANG ABYOR ING LANGIT.


SINIGEG GANTI INGKANG WINURSITA, ‘TAN KADI KAYA ING PERTAPAN SABTOARGO CINANDRA KADYO ”SEKAR MENUR DADU”.



GAMBIR SAWIT

Buka :


  55612  ~2~2 1121 1232 ~165 g


As.


     ~352   ~356   22~~   2321 n


 " ~~32   ~126   22~~   2321 n


  ~~32   ~165   ~~56   1653 n


  22~3   5321   3212   ~165 g


  ~~5~   2356   22~~   2321 n



    66~~   66~~   22~~   2321 n


" ~~32   ~126   22~~   2321 n


  ~~32   ~165   ~~56   1653 n


  22~3   5321   3212   ~165 g


Umpak


  ~2~1   ~6~5   ~6~5   ~3~2 n


  ~3~5   ~2~1   ~2~1   ~6~5 g


Inggah


  ~6~5   ~1~6   ~1~6   ~2~1 n


  ~2~1   ~2~6   ~1~6   ~2~1 n


  ~2~1   ~6~5   ~1~6   ~3~2 n


  ~3~5   ~2~1   ~2~1   ~6~5 g



(BEGAWAN WIYASA KAADEP SEMBADRA, ABIMANYU DAN PUNAKAWAN)


DJANTURAN PERTAPAN SABTOARGO


ANA HARGA HANGKASA PUCAKE PINAYU SALJU, LAH PUNIKA INGKANG AWASTA GUNUNG SAPTAHARO, LAH SINTEN TA INGKANG MADHEPOK WONTEN WUKIR RETAWU, PEPARAB BEGHAWAN ABIYASA, RESI WIYASA, INGGIH SANG KRESNA DWIPAYANA, PRAMILA PEPARAB ABIYASA TUHU PANDHITA INGKANG WUS MUMPUNI WERDINING KITAB SUCI. WIYASA MENGKU WERDI JURU TUTUR INGKANG HANENUNTUN TRAHING WITARADYA TUMUJU DHUMATENG MARGANING KAUTAMAN. KRESNA DWIPAYANA, CEMENG KUSIKANIRA WIWIT NJABA TUMEKA SUNGSUMIRA. BEGHAWAN WIYASA TUHU PANDHITA PUTUS SALIRING WEDHA, MANTHENG SEMEDINE, GENTUR TAPANE TURTA KATEMBEN MUNGKASI TAPA ANCIK-ANCIK PUCUKING CURIGA, PRAMILA MBOTEN MOKAL KALAMUN SINUNG KASEKTEN LINANGKUNG, WASIS SEMBADA NGUNGAK LELAMPAHAN ING SAINDHENGING BAWANA. KALAMUN WANCI DALU, LUHURING SANGGAR PAMUJAN KATINGAL  PATING CLOROT NDARU MULAT ASILIH PRENAH, PUNIKA DADYA PRATANDHA LAMUN SANG MAHAYOGI TUHU JALMA KINASIH SASAMANING DASIH, HANGGUNG KINASIH BATHARA.  NUJU RI PRAYOGI WANCI TABUH NAWA ENJING, SANG BEGHAWAN ABIYASA MIYOS HING PRACABAKAN, LENGGAH DHAMPAR SINASOTYA, SESEMEK BABUT PREMADHANI. DENIRA LENGGAH KAHADHEP PARA SISWA NENGGIH TATARAN WASI, JANGGAN, MANGUYU, PUTHUT, CEKEL, CANTRIK, ULUGUNTUNG, GELUNTUNG TUWIN INDHUNG-INDHUNG. SIDHEM KANG SAMYA SUMEWA TAN ANA INGKANG NYABAWA, HAMUNG TUMUNGKUL KONJEM BANTALA WEDANANE PARA SISWA. DATAN PANTARA DANGU KATUNGKA SOWANIRA INGKANG WAYAH DEWI WARA SEMBADRA DALAH KENG BUYUT ING PLANGKAWATI RADEN ABIMANYU, ANGKAWIJAYA, JAYAMURCITA YA SANG JAKA PENGALASAN, DENIRA NGABYANTARA KADHEREKAKEN PANAKAWAN CATUR, KI LURAH SEMAR, NALA GARENG, PETRUK SUMAWANA BAGONG. MANGKANA SABDANING SANG RESI DHUMATENG KANG WAYAH DANANJAYAPUTRA



PATETAN SANGA JUGAG

Leng-lenging driya mangu-mangu

mangunkung, kandhuhan rimang,

lir léna tanpa kanin.



ABIYASA      : PUTUKU, WONG AYU WORO SEMBODRO, LAN KOWE NGGER WONG BAGUS, KULUP ABIMANYU, PODO BECIK SAKTEKAMU NGGER


SEMBODRO : INGGIH, KAKEKNE, TEKAKU ING PERTAPAN SABTOARGO KENE, MANGGIH RAHAYU, PANGAMBETIKU KATURO MARANG KAKEKNE,


ABIYASA      : IYO TAK TOMPO WONG AYU, PANGESTUKU WAE TAMPANONO


SEMBODRO : INGGIH,TAK TOMPO MUGO NDADEKNE  KARAHAYON


ABIMANYU   : PANGABEKTI KULO, EYANG


ABIYASA      : IYO NGGER, KULUP ABIMANYU PANGABEKTIMU TAK TOMPO, PANGESTUKU WAE TAMPANONO NGGER


ABIMANYU   : NUN INGGIH KULO PUNDI WONTEN MUSTOKO NDADOSAKEN JIMAT


ABIYASA      : PUTUKU, WONG AYU WORO SEMBODRO, ONO WIGATI OPO DENE KOWE SOWAN ONO ING PERTAPAN SABTOARGO KENE


SEMBODRO : KAKEKNE, WEKTU DINO IKI AKU KLAWAN ANKKU ABIMANYU LUNGO SOKO MADUKORO, YO MERGO KANJENG PARAN JANOKO TANPO SEBAB, MUNG NURUTI KANEPSON NESU KARO ABIMANYU, ABIMANYU DIAJAR NGANTI GIBRAS GETIH, KOYO KOYO KANJENG PARANG JANOKO KOYO DUDU SIFAT LUMAE, MULO GANDENG KAHANAN MADUKORO PANAS KOYO PANASE NEROKO, LUWIH ABIMANYU TAK JAK LUNGO SOKO KASATRIAN MADUKORO, MULO KAKEKNE, BAB IKI AKU NJALUK TULUNG, AKU KUDU KEPIYE, NGADEPI KAHANAN SING KOYO NGENE, SING SIJI ANAK, SING SIJI BOJO, AKU MBELO ANAK AKU KLELU KARO BOJOKU, YEN AKU MBELO BOJO, TERUS SOPO SING BAKAL NGAYOMI ANAKKU. AKU NJALUKTULUNG KAKEKNE


ABIYASA      : SEMBODRO, BAB IKI PANCEN ORA ONO PILIANE, NANGING PERKORO IKI WIS ONO LAKONE, SING ADILE KUDU DI LAKONI, YO KANTI SARONO IKI MENGKO BAKALE BISO NEMONI RAHAYU, MULO WEKTU DINO IKI, ONO TITAH MENUNGSO KAN DIJANGKUNG DENING DEWO KANG AKARYO JAGAT, MULO ANAKMU SI ABIMANYU KANTINEN ONO ING PERTAPAN KEMBANG SORE, SUWITO O, MARANG BEGAWAN SABDOWOLO, YO ING KONO KANG BAKAL MADANGAKE PERKARAMU


ADA-ADA

Yeka Nalikanira,

Risang Pandusiwi,

Denira Neng Jro Wana,

Tinuduh Eyang Sang Resi,

Bagawan Wiyasa, Kinen Hangupadi,

Pepakem Katentreman,

Wahyuning Narpati


SEMBODRO : YEN PANCEN MENGKONO KAKEKNE, AKU NJALUK PENGESTUMU, TAK BUDAL MENYANG PERTAPAN KEMBANG SORE


ABIYOSO      : YO SING ATI ATI, WONG AYU


      


Ldr. L I N D U R sl.9

Bk:   5532  3516  2165 g

As.


  2165   2165GR   2321   6535


  ~~21   3216      2321   6535 g


  6621   5312      ~~23   ~615


  3216   3216      2165   2321 g


  33~~   6532      ~~35   6532


  ~~21   3265       ~653   1635 g




 ||~~~~~~~~ |~2~2~i 2 2|i~65~i ~6 |~i ~i ~656 ||


               Riris harda palwa nut ing  ra  nu,


  ||~5~~~~~~ |~5~5~~6 i |~~2 i~65 2|~~61~656||


              Dresing karsa     nira deningkanyut


  ||~~~~~~~~|~2~2~23 1|~5~5~32 3|~21 616 ~5||


               Manis eling   i     ra    gus  ti,


  ||~~~~~6~6 |~~~~~i 2 i|~~6i ~65 3|~~2 5~63 2||


        Roning      kamal     mirah   ing  sun,


  ||~~~~~~~~ |~5~5~32 3|~2~6~6~6| i5~6~~i 5 ||


               Esem i  ra     duk ing   u    ni, 


  ||~~~~~5~3|~2~~~2~1 |~6~~~2~3 |~~5 2~316||


         Sidhat     agung      ing nar   pa  da


  ||~~~~~~~~ |~~~1~26 5|~2~2~32 2|~~1 2~~11||


                  Sa   jro   ning  a     gu  ling


  ||~~~~~3~3 |~~~~~3~3 |~~2155~5 |~~2 3~212||


         Pangu      cape      janma    nendra, 


  ||~~~~~~~~ |~~~~~3~5 |~6 ~i~5~3 |~~2 5~632||


                     Ingkang   tansah    da dya


  ||~~~~~~~~ |~~~~~6 i i |~~~2~~3 2 |~~i 6i6~5 ||


                     Lindur   an   ke    wa  la


  ||~~~~~~~~ |~5~5~32 3|~~~5~1~6|~~5 1~~65||


              Katon kang a    sung u      sa da.


AYAK-AYAK SANGA

CAKILAN


ADA -ADA

Buta Pandawa tata gati wisaya ,

indriyaksa sara maruta ,

pawana bana margana ,

samirana lan warayang ,

panca bayu wisikan gulingan lima.



CAKIL           : BOJLENG BOJLENG IBLIS LAKNAT, SOPO JENENGMU, NGENDI OMAHMU WONG BAGUS


ABIMANYU   : BUTO, BALI TAKON SOPO ARANMU NGENDI DANGKAMU


CAKIL           : WADUH NJUNJUNG DANGKA KEPARAT, KOWE TAKON KARO AKU, AKU DITYA BONDAN KINANTHI AKU, KOWE SOPO GUS


ABIMANYU   : MBURI SOKO KASATRIAN PLONGKOWATI, RADEN ABIMANYU ARANKU


CAKIL           : AREP LUMAKU NING NDI GUS


ABIMANYU   : NGETUTKE KRENTEKING ATI, TINDAKE SUKU, KEDEPING NETRO


CAKIL           : AYO BALI RA KENO MBACUT


ABIMANYU   : ENTUK MBACUT, RA ENTUK TAK RUDO PEKSO


CAKIL           : WANI TANDING RO AKU


ABIMANYU   : APAMU SING TAK WEDENI


CAKIL           : RANGSANG KUMUDO SUMYUR KWANDAMU



PATET MANYURA

Mèh rahina semubang Hyang Haruna kadi ,

nétraning angga rapuh,

sabdaning kukila ring,

kanigara kaketer, O,

kinidunganingkung,

lir wuwusing pinipanca,

lawan pepetoging ayam,

waneh neng pagakan,

mrak manguwuh bremara,

ngrabeseng kusuma ring,

wara baswararum



PERTAPAN KEMBANG SORE


(BEGAWAN SABDOWOLO, SEMBODRO, ABIMANYU, SEMAR)


REMBUG


SABDOWOL : IKI ONO PAWONGAN, IBU KARO ANAKE, KANG SOWAN RENE, IKI SOPO…MALAH ONO KALKUNE BARANG


SEMBODRO : BEGAWAN IKI AKU SOKO KASATRIAN MADUKORO, JENENGKU DEWI WORO SEMBODRO


SABDOWOL : O…LHA NEK IKI PANCEN PUTRI SING WIS KONDANG KAONANG ONANG, LHA SING WINGKING


SEMBODRO : IKI ANAKKU ABIMANYU


SABDOWOL : LHA MUSTAKANE KOK, KOYO BAR TATU KABEH, OPO BAR DI AJAR KARO UWONG


SEMBODRO : PENEMBAN, PENEMBAN, AKU TAK SUWITO ONO ING KENE, ANAKKU KOYO NGENE MERGO BAR DIAMUK KARO BAPAKNE


SABDOWOL : O…..ENGKENG ROKO NIKU INGKENG WINGKING PIYAMBAK NIKU TO,..


SEMAR         : HU….HU….(NGALEH)



SEMBODRO : IKU MAU PUNOKAWANKU, JENENGE SEMAR


SABDOWOL : O…KULO KINTEN NEK INGKENG ROKO….


SEMBODRO : DUDU, PENEMBAN, DUDU


SABDOWOL : LAJENG KERSANIPUN


SEMBODRO : KANGGO NGEDEM KAHANAN SING ONO NING MADUKORO, MULO SAWETORO AKU TAK SUWITO ONO KENE PENEMBAN


POCAPAN


PRAPTANE RADEN JANOKO (SAMPAK)



SEMBODRO : PENEMBAN YO IKI, BOJOKU NUSUL RENE


SABDOWOL : WO…LHA NIKITO SING WIS MENTOLO NGAJAR DUMATENG PUTRANIPUN PIYAMBAK


JANOKO       : ORA USAH NDADAK KEMALAN CANGKEM, PENEMBAN IKIDUDU PERKARAMU, KOWE OJO MELU MELU KARO PERKORO IKI, ANAK LAN BOJOKU KUDU BALI ONO MADUKORO


SABDOWOL : MPUN MBOTEN KERSO WANGSUL TENG MADUKORO, MALAH SAKMENIKO KEPINGIN SUWITO WONTEN ING PERTAPAN KEMBANG SORE


JANOKO       : ABIMANYU, KOWE RENEO


ABIMANYU   : MBOTEN ROMO, KULO TAK TENG MRIKI MAWON


JANOKO       : PENEMBAN, YEN NGONO KOWE SING NGAYOMI, ANAK KARO BOJOKU, PENEMBAN KOWE OPO WIS JELEH NYAWANG GELARING JAGAT, ESEME RUMBULAN, ORA MBOK BALEKAKE ANAK BOJOKU KLAKON MATI DENING AKU


(SAMPAK) (JANOKO KONTAL KENO ANGIN, TEKANE KRESNO, JANOKO KARO WERKUDORO)


SABDOWOL : LHO LHA IKI KOK YO OJO RADEN JANOKO MANEH…


KRESNO       : JANOKO MALEH, MAKSUDIPUN KADOS PUNDI BEGAWAN


SABDOWOL : IKI MAU, ONO RADEN JANOKO, SING SOWAN RENE, KEPINGIN NJALUK DEWI WORO SEMBODRO LAN PUTRANE ABIMANYU, NANGING DEWI WORO SEMBODRO LAN ABIMANYU ORA GELEM, NGEBOTI LE SUWITO NING KENE MERGO ABIMANYU WIS DI AJAR KARO BAPAKNE YO KUWI RADEN JANOKO, LHA KUWI TATUNE MALAH DURUNG WARAS


KRESNO       : LHA SAKMENIKO JANOKO INGKANG SETUNGGALE WONTEN PUNDI


SABDOWOL : IKI MAU AREP, MATENI AKU NING KABUR KENDANG KENO ANGIN


(SAMPAK) JANOKO NYUSUL, WERKUDORO YO NYUSUL, // ABIMANYUKARO SEMBODRO MAJU NING NGAREPE BEGAWAN SABDOWOLO.


SABDOWOL : ABIMANYU, MORO NYAKETO BAKAL TAK PARINGI ULAR ULAR BECIK SUPOYO URIP BISO AYEN LAN TENTREM (AYAK-AYAK MYR)


KI ULAR-ULARAN PITUTUR BECIK SUPOYO URIP AYEM TENTREM:


ABOT ENTHENGE URIP KUWI KABEH MUNG KARI NGLAKONI,


YEN AWAKE DHEWE NGANGGEP ABOT MULA URIP TANSAH KROSO ABOT,


URIP PANCEN REKOSO,


ANANGING YEN AWAKE DHEWE RUMONGSO URIP IKU ENTHENG MULO KROSO KEPENAK.


ANANGING KUDU ADEDASAR URIP TENANAN,


TANSAH NRIMO ING PANDUM,


SETITI NGATI-ATI LAN ORA KENO JAIL MARANG SAK PODHO-PODHO.


NULADHANI LAKU KANG UTOMO BISA NYEGAH TINDAK ANGKORO,


LAN BISA NGENDALEKAKE SIFAT PAPAT SING MANJING ONO ING BADAN KITO


MANUNGSO KUWI DITITAH PODHO,


NANGING YEN MASALAH BONDO


DIJATAH BEDO


MULO MENUNGSO IKU WAJIBE


MUNG KUDU UPOYO KARO NDUNGO 


ENTUK REJEKI SEPIRO WAE ATINE KUDU SING NRIMO


ORA USAH MERI KARO KONCO


UGO SAK PODHO-PODHO..


AKEH WONG STRES… !                


MERGO URIPE ORA BERES… !


RINO WENGI MUNG MBURU DUNYO 


BANJUR LALI KARO AJARAN AGOMO 


WONG YEN TANSAH NRIMO URIPE MULYO


WONG SULOYO URIPE BAKAL REKOSO…


WONG SING SABAR, REJEKINE BAKAL JEMBAR.


WONG YEN NGALAH, URIPE BAKAL BAROKAH.


SOPO SING JUJUR, URIPE BAKAL MAKMUR.


SOPO SING TLATEN, TEMBE MBURI BAKAL PANEN.


WONG SING SOMBONG, AMALE BAKAL KOBONG…


SING PODHO ATI-ATI LAN WASPODO,


NGGONO NGGER WELINGKU, MUGO KANTI ULAR ULAR IKI MAU KAHANAN NDOYA BISO AYEM LAN TENTREM (SAMPAK)


POCAPAN


WAUTO, NALIKO SEMONO KALIMPUTEN PEDUT PETENG, RAGANE SANG BEGAWAN SABDOWOLO WENTEH DADI WUJUD NENGGIH KI LURAH PETRUK KANTONG BOLONG, INGKANG DIPUN MONG DENING PUKULUN SANG YWANG WENANG (SAMPAK)


KRESNO       : PUKULUN KULO NGATURAKEN SEMBAH PANGABEKTI


SEMBODRO : PUKULUN AKU NGATURAKE PANGABEKTI


ABIMANYU   : PANGABEKTI KULO PUKULUN


BAGONG      : IKI ANAKE SOPO IKI KOK CENANANGAN, ENEK WONG TUWO KOK CENGELE DIENCIKI NGAWUR WAE,


KRESNO       : BAGONG OJO SEMBRONO


BAGONG      : NIKU LHO KAKANG KULO DI ENCIKI CENGELE, ORA SOPAN


WENANG      : HONG WILAHENG


BAGONG      : WADUH, KOK NGGO HONG WILAHENG


KRESNO       : KUWI NGONO DEWO, PUKULUN SANG YWANG WENANG


BAGONG      : WADUH, NYUWUN PANGAPUNTEN PUKULUN, SEPINTEN KALEPATAN KULO, KULO NYUWUN DIAGUNG PANGAKSAMI, AMPUN DISEDAKKE DADI SIMILIKITI


KRESNO       : OMONGMU KOK WIS ORA TEMOTO, SOYO ESUK SOYO NGAWUR


WENANG      : WEKTU DINO IKI, KAHANAN NDOYA LAGI ORA TENTREM, MULO ULUN NYAROYO PETRUK KANGGO LANTARAN SUPOYO, JAGAT IKI BISOA, AYEM TENTREM MANEH, KANTI TUMURUNING WAHYU KATENTREMAN JATI KANG SAKIKI WIS NYAWIJI ONO ING BADANE ABIMANYU, KANTI LANTARAN WAHYU KATENTREMAN KUWI MAU, BAKALE JAGAT IKI BISA WALUYA JATI JATI TEMAH NIRMALA, AYEM TENTREN SAK ISINE JAGAT, MULO ULUN BAKAL KUNDUR MAKAYANGAN, (SAMPAK)


KRESNO       : JEBUL IKI PETRUK KANTONG BOLONG


PETRUK       : INGGING SINUWUN, KULO MBOTEN MANGERTOS BILIH KULO DI MONG DENING ULUN SANG HYANG WENANG, KULO WANCI DALU MENIKO KADOS TIYANG NGLINDUR, KULO TANGI DEWE, TERUS MLAMPAH DEWE NGANTOS DUMUGI WONTEN ING LENGKEHING GUNUNG MRIKI, DUMADAKAN KULO SAMPUN NYANDANG KABRAHMANAN KADOS MEKATEN MENIKO, SAK CIPTANE ONO SAK SEDYANE ENTEN, MALAH KULOMBOTEN NGERTI MENAWI DI MONG KALEH SANG YWANG WENANG, KULO ENTUK SASMITO BILIH DIMONG DENING PUKULUN SANG HYANG WENANG MENIKO MALAM KEDUA,


KRESNO       : LHO…LAGI ENTUK SASMITO


PETRUK       : INGGIH, MULO KULO RODO NGGLELENG, LHA MUNI SAK MUNI MANDI NIKU, MUNI NOPO MAWON KLAKON,


BAGONG      : O…YO KEMLINTI KOWE TRUK. LHA KLAMBIMU IRENG MAU NING ENDI,


PETRUK       : YO WIS RA ONO


BAGONG      : LHO NGATI ATI LHO, KLAMBI IRENG IKU NEK NGANTI ILANG NGIJOLI LHO, WONG RA MELU NDUWE


PETRUK       : KOK NGIJOLI KOYOK OPO WAE, GONG


KRESNO       : ABIMANYU, SEMBODRO, AYO KAE ENGGAL DISUSUL JANOKO (SAMPAK)


BAGONG NGGOWO PETRUK PALSU, BADAR DADI PETEL)


JANOKO PERANG KARO JANOKO PALSU BADAR DADI BETORO KOLO, PERANG RO WERKUDRO KOLO KALAH, MUNDUR



JANOKO, ABIMANYU, SEMBODRO


REMBUK, YEN JANOKO PALSU BADAR DADI KOLO, SEMBODRO, ABIMANYU DIJAK BALI NING MADUKORO


AMUK AMUKAN KUROWO, NGREBUT WAHYU KATENTREMAN JATI



TAMAT

Kacuplik saking : ADIYANTO, S.Sn, MM







Reposting dening Imajiner Nuswantoro

Tags
Imajiner Nuswantoro

Imajiner Nuswantoro

Contact = +62 857 3217 2022

Tampilkan selengkapnya

Posting Komentar

0Komentar
Posting Komentar (0)
Bagikan ke aplikasi lainnya
Copy Post Link