Patraping Jagad Suwung
Kunjuk Ing Ngarsaning Moho Ji
Humangkoro
Humangroso
Hamungwat trikarso
Hamungwing baskoro
Hamungwing jumantara
Ngadep Gusti
Welasing Gusti
Ingkang Moho Sih
Muliho, muliho, muliho
Muliho mring pancadriyo
Balio mring permono rogo
Mawanti-wanti, angati-ati
Ojo kongsi keri nunggang jung bait agung
Kang dinayung danhyang hambaruyung
Dipandhegani dening poro bathoro
Sinonggo mring poro jawoto
Kinebakan jamno utami
Mulyaning manungso jati
Kang pinilih dening Gusti
Kapilah saking ngalamipun
Awit driyanira mung nyawiji
Kabeh kagungane Gusti
Mulo ojo noleh
Mulo kudu mantheng
Katuto bait agung
Nyuwuno palilahe Hyang Agung
Awit kuwi Kagunganipun
Ojo ninggal trapsilo
Ojo nggugu kersaning pribadi
Ojo dumeh wus katam kitabe
Najan wus apal dongane
Najan wus guntur sujude
Ning durung kaparingan kanugrahan
Mulo dudu rapale, ning atine
Mulo dudu wujude, ning lire
Mulo dudu jlegere, ning urip sejatine
Poma, sindukoro karaning ronsih
Sawunging sworo sawang suwung
Gebyaring gebyur gambyong grambyangan
Rinakit, rinoso, rapito, retyakaning radya
Jung, jung bait agung
Wus tinoto ambaruyung
Lir grimis handaridis
Re-rep pantiarsaning resep
Pindho tilasing atilas tulus
Tlusurono sing tlaten
Anggito gitaning suksmo
Andungkap sunaring padhang
Njingglang ngawang-awang
Hamung sawiji kang kinanthi
Wahyuning Hyang Widhi
Kang pinuji-puji
Wus pupus samubarang kalire
Imajiner Nuswantoro
