Sasampunipun Sulukan Pathet Nem Ageng, saderengipun Wiwit Ginem
꧋ꦱꦱꦩ꧀ꦥꦸꦤꦶꦥꦸꦤ꧀ꦱꦸꦭꦸꦏꦤ꧀ꦥꦛꦺꦠ꧀ꦤꦼꦩ꧀ꦄꦒꦺꦁ꧈ꦱꦣꦺꦫꦺꦔꦶꦥꦸꦤ꧀ꦮꦶꦮꦶꦠ꧀ꦒꦶꦤꦺꦩ꧀
Lengeng gati nikang hawan sabha-sabha niking Hastina,
Samantara tekeng tegal Kuru nararyya Kresnan laku,
Sirang Parasurama Kanwa Janaka dulur Narada,
Kepanggih irikang tegal milu karyya sang Bhupati.
Aksara Jawanipun :
꧋ꦊꦔꦼꦁꦒꦠꦶꦤꦶꦏꦁꦲꦮꦤ꧀ꦱꦧ꧀ꦲꦱꦧ꧀ꦲꦤꦶꦏꦶꦁꦲꦱ꧀ꦠꦶꦤ꧈
꧋ꦱꦩꦤ꧀ꦠꦫꦠꦼꦏꦼꦁꦠꦼꦒꦭ꧀ꦏꦸꦫꦸꦤꦫꦂꦪꦾꦏꦿꦼꦱ꧀ꦤꦤ꧀ꦭꦏꦸ꧈
ꦱꦶꦫꦁꦥꦫꦱꦸꦫꦩꦏꦤ꧀ꦮꦗꦤꦏꦣꦸꦭꦸꦂꦤꦫꦣ꧈
꧋ꦏꦼꦥꦁꦒꦶꦃꦆꦫꦶꦏꦁꦠꦼꦒꦭ꧀ꦩꦶꦭꦸꦏꦂꦪꦾꦱꦁꦧ꧀ꦲꦸꦥꦠꦶ꧉
Tegesipun :
Asri nengsemake kahanane dalan kang ngener tumuju bangsal sarasehan Hastina,
Bareng tindake Prabu Kresna tekan ing Tegal Kuru,
Panjenengane kepethuk karo Parasurama, Kanwa, Janaka bebarengan tindake karo Narada;
Dewa papat mau padha melu mbiyantu pakaryane Sang Prabhu Kresna.
Katrangan :
Tembang Kakawin ing ndhuwur nyaritakake nalika Prabu Kresna dadi dutane para Pandhawa tindak ing Hastina, nedya nganteb tekade Duryudhana : Bakal mbalekake negara Indra Prastha kang ditotohake ing kasukan dhadhu lan separone negara Hastina apa milih perang Bharatayudda.
Imajier Nuswantoro
ꦆꦩꦗꦶꦪꦺꦂꦤꦸꦱ꧀ꦮꦤ꧀ꦠꦺꦴꦫꦺꦴ
