POCUNG
ꦥꦺꦴꦕꦸꦁ
Ngudia urip rahayu
Kanthi dhemen ngulir budi
Buditama kang prayoga
Kang ngenaki jroning galih
Kehing rasa tan prayoga
Mugata siningkir tebih
Ngolah rasa mungging kalbu
Kang ala dimen sumingkir
Kudu kuat jiwaraga
Turta suci jroning batin
Kang utama ginaliha
Jujur temen aywa keri
Ewuh pakewuh ing laku
Aywa nganti ngeribeti
Waspada lan wicaksana
Awas emut jroning ati
Amrih tentrem gesangira
Tan kagubel rasa risi
(Dening: Ki Y.P.B.Wiratmoko)
Imajiner Nuswantoro
Aksara Jawanipun :
ꦥꦺꦴꦕꦸꦁ
ꦔꦸꦣꦶꦪꦈꦫꦶꦥ꧀ꦫꦲꦪꦸ
ꦏꦤ꧀ꦛꦶꦣꦼꦩꦼꦤ꧀ꦔꦸꦭꦶꦂꦧꦸꦣꦶ
ꦧꦸꦣꦶꦠꦩꦏꦁꦥꦿꦪꦺꦴꦒ
ꦏꦁꦔꦼꦤꦏꦶꦗꦿꦺꦴꦤꦶꦁꦒꦭꦶꦃ
ꦏꦼꦲꦶꦁꦫꦱꦠꦤ꧀ꦥꦿꦪꦺꦴꦒ
ꦩꦸꦒꦠꦱꦶꦤꦶꦁꦏꦶꦂꦠꦼꦧꦶꦃ
ꦔꦺꦴꦭꦃꦫꦱꦩꦸꦁꦒꦶꦁꦏꦭ꧀ꦧꦸ
ꦏꦁꦄꦭꦣꦶꦩꦺꦤ꧀ꦱꦸꦩꦶꦁꦏꦶꦂ
ꦏꦸꦣꦸꦏꦸꦮꦠ꧀ꦗꦶꦮꦫꦒ
ꦠꦸꦂꦠꦱꦸꦕꦶꦗꦿꦺꦴꦤꦶꦁꦧꦠꦶꦤ꧀
ꦏꦁꦈꦠꦩꦒꦶꦤꦭꦶꦲ
ꦗꦸꦗꦸꦂꦠꦼꦩꦼꦤ꧀ꦄꦪ꧀ꦮꦏꦼꦫꦶ
ꦄꦼꦮꦸꦃꦥꦏꦺꦮꦸꦃꦆꦁꦭꦏꦸ
ꦄꦪ꧀ꦮꦔꦤ꧀ꦠꦶꦔꦼꦫꦶꦧꦺꦠꦶ
ꦮꦱ꧀ꦥꦣꦭꦤ꧀ꦮꦶꦕꦏ꧀ꦱꦤ
ꦄꦮꦱ꧀ꦄꦼꦩꦸꦠ꧀ꦗꦿꦺꦴꦤꦶꦁꦄꦠꦶ
ꦄꦩꦿꦶꦃꦠꦼꦤ꧀ꦠꦿꦼꦩ꧀ꦒꦼꦱꦔꦶꦫ
ꦠꦤ꧀ꦏꦒꦸꦧꦺꦭ꧀ꦫꦱꦫꦶꦱꦶ
(ꦣꦼꦤꦶꦁ꧇ꦏꦶꦪ꧀꧈ꦥ꧀꧈ꦧ꧀꧈ꦮꦶꦫꦠ꧀ꦩꦺꦴꦏꦺꦴ)
ꦆꦩꦗꦶꦤꦺꦂꦤꦸꦱ꧀ꦮꦤ꧀ꦠꦺꦴꦫꦺꦴ
