SEKAR AGENG KUSUMASTUTI
ꦱꦼꦏꦂꦄꦒꦺꦁꦏꦸꦱꦸꦩꦱ꧀ꦠꦸꦠꦶ
Urip aywa kabentur,
rasa ewa lan serik,
iku tan prayoga,
dipadha lega lila,
aja drengki srei,
murih urip raharja,
basuki salami.
Saya wimbuh lan wuwuh,
mring kawruh kang utami,
lekase utama,
uripe dadi tata,
ulate mranani,
welas asih sasama,
tansah anuladi.
Uger makarya tuhu,
nganggo angulir budi,
supaya tumanja,
warata tanpa sela,
mring kawula dasih,
sartane anoraga,
tumata mimbuhi.
Yektine batur iku,
pangembat tutur yekti,
tutur kang piguna,
kulawangsa sasama,
bisa mranani,
ati tulus sanyata,
waspada lan eling.
Pakaryan kang wus patut,
tinurut tinaliti,
tinalaten sarta,
genging pambudi daya,
kebak tresna asih,
enere mung sanyata,
sanyatane urip.
Aksara Jawanipun :
ꦱꦼꦏꦂꦄꦒꦺꦁꦏꦸꦱꦸꦩꦱ꧀ꦠꦸꦠꦶ
ꦈꦫꦶꦥ꧀ꦄꦪ꧀ꦮꦏꦧꦺꦤ꧀ꦠꦸꦂ꧈
ꦫꦱꦄꦼꦮꦭꦤ꧀ꦱꦼꦫꦶꦏ꧀
ꦆꦏꦸꦠꦤ꧀ꦥꦿꦪꦺꦴꦒ꧈
ꦣꦶꦥꦣꦊꦒꦭꦶꦭ꧈
ꦄꦗꦣꦿꦼꦁꦏꦶꦱꦿꦼꦆ꧈
ꦩꦸꦫꦶꦃꦈꦫꦶꦥ꧀ꦫꦲꦂꦗ꧈
ꦧꦱꦸꦏꦶꦱꦭꦩꦶ꧉
ꦱꦪꦮꦶꦩ꧀ꦧꦸꦃꦭꦤ꧀ꦮꦸꦮꦸꦃ꧈
ꦩꦿꦶꦁꦏꦮꦿꦸꦃꦏꦁꦈꦠꦩꦶ꧈
ꦊꦏꦱꦺꦈꦠꦩ꧈
ꦈꦫꦶꦥꦺꦣꦝꦶꦠꦠ꧈
ꦈꦭꦠꦺꦩꦿꦤꦤꦶ꧈
ꦮꦼꦭꦱ꧀ꦄꦱꦶꦃꦱꦱꦩ꧈
ꦠꦤ꧀ꦱꦃꦄꦤꦸꦭꦣꦶ꧉
ꦈꦒꦼꦂꦩꦏꦂꦪꦠꦸꦲꦸ꧈
ꦔꦁꦒꦺꦴꦄꦔꦸꦭꦶꦂꦧꦸꦣꦶ꧈
ꦱꦸꦥꦪꦠꦸꦩꦚ꧀ꦗ꧈
ꦮꦫꦠꦠꦤ꧀ꦥꦱꦺꦭ꧈
ꦩꦿꦶꦁꦏꦮꦸꦭꦣꦱꦶꦃ꧈
ꦱꦂꦠꦤꦺꦄꦤꦺꦴꦫꦒ꧈
ꦠꦸꦩꦠꦩꦶꦩ꧀ꦧꦸꦲꦶ꧉
ꦪꦼꦏ꧀ꦠꦶꦤꦺꦧꦠꦸꦂꦆꦏꦸ꧈
ꦥꦔꦺꦩ꧀ꦧꦠ꧀ꦠꦸꦠꦸꦂꦪꦼꦏ꧀ꦠꦶ꧈
ꦠꦸꦠꦸꦂꦏꦁꦥꦶꦒꦸꦤ꧈
ꦏꦸꦭꦮꦁꦱꦱꦱꦩ꧈
ꦧꦶꦱꦩꦿꦤꦤꦶ꧈
ꦄꦠꦶꦠꦸꦭꦸꦱ꧀ꦱꦚꦠ꧈
ꦮꦱ꧀ꦥꦣꦭꦤ꧀ꦌꦭꦶꦁ꧉
ꦥꦏꦂꦪꦤ꧀ꦏꦁꦮꦸꦱ꧀ꦥꦠꦸꦠ꧀
ꦠꦶꦤꦸꦫꦸꦠ꧀ꦠꦶꦤꦭꦶꦠꦶ꧈
ꦠꦶꦤꦭꦠꦺꦤ꧀ꦱꦂꦠ꧈
ꦒꦼꦔꦶꦁꦥꦩ꧀ꦧꦸꦣꦶꦣꦪ꧈
ꦏꦼꦧꦏ꧀ꦠꦿꦼꦱ꧀ꦤꦄꦱꦶꦃ꧈
ꦄꦼꦤꦼꦉꦩꦸꦁꦱꦚꦠ꧈
ꦱꦚꦠꦤꦺꦈꦫꦶꦥ꧀꧈
Imajiner Nuswantoro
ꦆꦩꦗꦶꦤꦺꦂꦤꦸꦱ꧀ꦮꦤ꧀ꦠꦺꦴꦫꦺꦴ꧉
