GAMBUH
(Dening: Ki Y.P.B.Wiratmoko)
Tindak-tanduk puniku,
nyata bener utusaning kalbu,
urip tentrem linambaran ati suci,
adoh saka sarusiku,
lair batin sapatemon.
Becik lamun ginayuh,
urip tata kebak unggah-ungguh,
rina-wengi kautaman denpepundhi,
nora duwe rasa mutung,
tresna asih andhap asor.
Ruruhira tinuntun,
nadyan sira maksih magang laku,
ulat manis katindakna saben wanci,
apa wae kang dinulu,
ingkang luhur dudu asor.
Tutur kang wus lumuntur,
tumindaka laku temen jujur,
aywa nganti gawe gelaning sasami,
becik suka luru ilmu,
sari-sarining dumados.
Ginelunga ing laku,
sirik lamun akarya panyendhu,
jroning srawung sinarawung bener becik,
sanyatane tan tumpangsuh,
waspaos kang sarta bobot.
Caket mring mitra karuh,
mekrok kadi sekar arumndalu,
petang jangkep tan ana ingkang kacicir,
ingesuh tangguh lan puguh
datan dheprok ing lelakon.
Aksara Jawanipun :
ꦒꦩ꧀ꦧꦸꦃ
(ꦣꦼꦤꦶꦁ꧇ꦏꦶꦪ꧀꧈ꦥ꧀꧈ꦧ꧀꧈ꦮꦶꦫꦠ꧀ꦩꦺꦴꦏꦺꦴ)
ꦠꦶꦤ꧀ꦝꦏ꧀ꦠꦤ꧀ꦝꦸꦏ꧀ꦥꦸꦤꦶꦏꦸ꧈
ꦚꦠꦧꦼꦤꦼꦂꦈꦠꦸꦱꦤꦶꦁꦏꦭ꧀ꦧꦸ꧈
ꦈꦫꦶꦥ꧀ꦠꦼꦤ꧀ꦠꦿꦼꦩ꧀ꦭꦶꦤꦩ꧀ꦧꦫꦤ꧀ꦄꦠꦶꦱꦸꦕꦶ꧈
ꦄꦣꦺꦴꦃꦱꦏꦱꦫꦸꦱꦶꦏꦸ꧈
ꦭꦻꦂꦧꦠꦶꦤ꧀ꦱꦥꦠꦺꦩꦺꦴꦤ꧀꧈
ꦧꦼꦕꦶꦏ꧀ꦭꦩꦸꦤ꧀ꦒꦶꦤꦪꦸꦃ꧈
ꦈꦫꦶꦥ꧀ꦠꦠꦏꦼꦧꦏ꧀ꦈꦁꦒꦃꦈꦁꦒꦸꦃ꧈
ꦫꦶꦤꦮꦼꦔꦶꦏꦻꦴꦠꦩꦤ꧀ꦝꦼꦤ꧀ꦥꦼꦥꦸꦤ꧀ꦝꦶ꧈
ꦤꦺꦴꦫꦣꦸꦮꦺꦫꦱꦩꦸꦠꦸꦁ꧈
ꦠꦿꦼꦱ꧀ꦤꦄꦱꦶꦃꦄꦤ꧀ꦝꦥ꧀ꦄꦱꦺꦴꦂ꧉
ꦫꦸꦫꦸꦲꦶꦫꦠꦶꦤꦸꦤ꧀ꦠꦸꦤ꧀
ꦤꦣꦾꦤ꧀ꦱꦶꦫꦩꦏ꧀ꦱꦶꦃꦩꦒꦁꦭꦏꦸ꧈
ꦈꦭꦠ꧀ꦩꦤꦶꦱ꧀ꦏꦠꦶꦤ꧀ꦝꦏ꧀ꦤꦱꦧꦼꦤ꧀ꦮꦚ꧀ꦕꦶ꧈
ꦄꦥꦮꦌꦏꦁꦣꦶꦤꦸꦭꦸ꧈
ꦆꦁꦏꦁꦭꦸꦲꦸꦂꦣꦸꦣꦸꦄꦱꦺꦴꦂ꧉
ꦠꦸꦠꦸꦂꦏꦁꦮꦸꦱ꧀ꦭꦸꦩꦸꦤ꧀ꦠꦸꦂ꧈
ꦠꦸꦩꦶꦤ꧀ꦝꦏꦭꦏꦸꦠꦼꦩꦼꦤ꧀ꦗꦸꦗꦸꦂ꧈
ꦄꦪ꧀ꦮꦔꦤ꧀ꦠꦶꦒꦮꦺꦒꦼꦭꦤꦶꦁꦱꦱꦩꦶ꧈
ꦧꦼꦕꦶꦏ꧀ꦱꦸꦏꦭꦸꦫꦸꦆꦭ꧀ꦩꦸ꧈
ꦱꦫꦶꦱꦫꦶꦤꦶꦁꦣꦸꦩꦣꦺꦴꦱ꧀꧈
ꦒꦶꦤꦺꦭꦸꦔꦆꦁꦭꦏꦸ꧈
ꦱꦶꦫꦶꦏ꧀ꦭꦩꦸꦤ꧀ꦄꦏꦂꦪꦥꦚꦺꦤ꧀ꦝꦸ꧈
ꦗꦿꦺꦴꦤꦶꦁꦱꦿꦮꦸꦁꦱꦶꦤꦫꦮꦸꦁꦧꦼꦤꦼꦂꦧꦼꦕꦶꦏ꧀
ꦱꦚꦠꦤꦺꦠꦤ꧀ꦠꦸꦩ꧀ꦥꦁꦱꦸꦃ꧈
ꦮꦱ꧀ꦥꦎꦱ꧀ꦏꦁꦱꦂꦠꦧꦺꦴꦧꦺꦴꦠ꧀꧈
ꦕꦏꦺꦠ꧀ꦩꦿꦶꦁꦩꦶꦠꦿꦏꦫꦸꦃ꧈
ꦩꦼꦏꦿꦺꦴꦏ꧀ꦏꦣꦶꦱꦼꦏꦂꦄꦫꦸꦩ꧀ꦤ꧀ꦝꦭꦸ꧈
ꦥꦼꦠꦁꦗꦁꦏꦺꦥ꧀ꦠꦤ꧀ꦄꦤꦆꦁꦏꦁꦏꦕꦶꦕꦶꦂ꧈
ꦆꦔꦺꦱꦸꦃꦠꦁꦒꦸꦃꦭꦤ꧀ꦥꦸꦒꦸꦃ
ꦣꦠꦤ꧀ꦝꦼꦥꦿꦺꦴꦏ꧀ꦆꦁꦊꦭꦏꦺꦴꦤ꧀꧈
ꦆꦩꦗꦶꦤꦺꦂꦤꦸꦱ꧀ꦮꦤ꧀ꦠꦺꦴꦫꦺꦴ
