Manjing Ajur-Ajer Mring Kahanan
ꦩꦚ꧀ꦗꦶꦁꦄꦗꦸꦂꦄꦗꦺꦂꦩꦿꦶꦁꦏꦲꦤꦤ꧀
Manjing ajur-ajer mring kahanan
Tegese: Supaya bisa ditrima dening lingkungane, pawongan kasebut nyawiji karo masyarakat ing papan panggonane.
Manjing Ajur-Ajer (1)
Manjing Ajur Ajer Manjing tegese mlebu, ajur tegese remuk lan ajer tegese cair. Manjing tegese nampilake kanthi lengkap nalika nindakake kegiatan, banjur Ajur, nyemplungake kegiatan kasebut Ajer, adi lan luwes, bisa adaptasi, responsif lan waspada marang lingkungan sekitar. kemampuan kanggo adaptasi, tanpa kudu kelangan prinsip lan identitas dhewe Manjing Ajur Ajer inggih menika kaprigelan mlebet, nyawiji lan adaptasi kaliyan lingkungan sakiwa tengenipun, tanpa kedah kecalan prinsip saha jati diri.
Manjing Ajur-Ajer (2)
Tegese ambyur nyawiji menyang ombyaking masyarakat. Maknane, urip ing satengahe bebrayan ora kena nggugu karepe dhewe, nanging kudu ngumumi apa kang dadi adat tata cara ing papan kono. Tanpa bisane nyawiji menyang ombyaking wong akeh, anggone urip ing kono prasasat lumut tuwuh ing sanduwure watu. Yen rendheng urip, yen ketiga mati garing.
Gegambarane manjing ajur-ajer kayadene kumpule iwak, yuyu, anggang-anggang, lan kewan-kewan banyu liyane menyang kali. Kabeh kewan iku ora padha, nanging urip sayuk rukun. Kabeh kewan iku golong gilig mangun patembayatan selawase. Samubarang sing padha dicakake padha, sing beda digawe pasren reroncen maneka werna murih rengenging kahanan. Kanthi mengkono, sesrawungan siji lan sijine bakal gayeng, raket supeket, prasasat sedulur sinarawedi. Semono mau awit siji lan sijine bisa manjing ajur-ajer, momor-momot, nggendhong nyunggi wong liya kayadene awake dhewe.
Imajiner Nuswantoro
Aksara Jawanipun :
ꦩꦚ꧀ꦗꦶꦁꦄꦗꦸꦂꦄꦗꦺꦂꦩꦿꦶꦁꦏꦲꦤꦤ꧀
ꦩꦚ꧀ꦗꦶꦁꦄꦗꦸꦂꦄꦗꦺꦂꦩꦿꦶꦁꦏꦲꦤꦤ꧀
꧋ꦠꦼꦒꦼꦱꦼ꧇ꦱꦸꦥꦪꦧꦶꦱꦣꦶꦠꦿꦶꦩꦣꦼꦤꦶꦁꦭꦶꦁꦏꦸꦔꦤꦺ꧈ꦥꦮꦺꦴꦔꦤ꧀ꦏꦱꦺꦧꦸꦠ꧀ꦚꦮꦶꦗꦶꦏꦫꦺꦴꦩꦱꦾꦫꦏꦠ꧀ꦆꦁꦥꦥꦤ꧀ꦥꦁꦒꦺꦴꦤꦤꦺ꧉
ꦩꦚ꧀ꦗꦶꦁꦄꦗꦸꦂꦄꦗꦺꦂ
꧋ꦩꦚ꧀ꦗꦶꦁꦄꦗꦸꦂꦄꦗꦺꦂꦩꦚ꧀ꦗꦶꦁꦠꦼꦒꦼꦱꦼꦩ꧀ꦭꦼꦧꦸ꧈ꦄꦗꦸꦂꦠꦼꦒꦼꦱꦼꦉꦩꦸꦏ꧀ꦭꦤ꧀ꦄꦗꦺꦂꦠꦼꦒꦼꦱꦼꦕꦻꦂ꧉ꦩꦚ꧀ꦗꦶꦁꦠꦼꦒꦼꦱꦼꦤꦩ꧀ꦥꦶꦭꦏꦺꦏꦤ꧀ꦛꦶꦊꦁꦏꦥ꧀ꦤꦭꦶꦏꦤꦶꦤ꧀ꦝꦏꦏꦺꦏꦼꦒꦶꦪꦠꦤ꧀ꦧꦚ꧀ꦗꦸꦂꦄꦗꦸꦂ꧈ꦚꦼꦩ꧀ꦥ꧀ꦭꦸꦔꦏꦺꦏꦼꦒꦶꦪꦠꦤ꧀ꦏꦱꦺꦧꦸꦠ꧀ꦄꦗꦺꦂ꧈ꦄꦣꦶꦭꦤ꧀ꦭꦸꦮꦼꦱ꧀ꦧꦶꦱꦄꦣꦥ꧀ꦠꦱꦶ꧈ꦫꦺꦱ꧀ꦥꦺꦴꦤ꧀ꦱꦶꦥ꦳꧀ꦭꦤ꧀ꦮꦱ꧀ꦥꦣꦩꦫꦁꦭꦶꦁꦏꦸꦔꦤ꧀ꦱꦼꦏꦶꦠꦂ꧉ꦏꦼꦩꦩ꧀ꦥꦸꦮꦤ꧀ꦏꦁꦒꦺꦴꦄꦣꦥ꧀ꦠꦱꦶ꧈ꦠꦤ꧀ꦥꦏꦸꦣꦸꦏꦼꦭꦔꦤ꧀ꦥꦿꦶꦤ꧀ꦱꦶꦥ꧀ꦭꦤ꧀ꦆꦣꦺꦤ꧀ꦠꦶꦠꦱ꧀ꦝꦼꦮꦼꦩꦚ꧀ꦗꦶꦁꦄꦗꦸꦂꦄꦗꦺꦂꦆꦁꦒꦶꦃꦩꦼꦤꦶꦏꦏꦥꦿꦶꦒꦺꦭꦤ꧀ꦩ꧀ꦭꦼꦧꦼꦠ꧀ꦚꦮꦶꦗꦶꦭꦤ꧀ꦄꦣꦥ꧀ꦠꦱꦶꦏꦭꦶꦪꦤ꧀ꦭꦶꦁꦏꦸꦔꦤ꧀ꦱꦏꦶꦮꦠꦼꦔꦼꦤꦶꦥꦸꦤ꧀ꦠꦤ꧀ꦥꦏꦼꦣꦃꦏꦼꦕꦭꦤ꧀ꦥꦿꦶꦤ꧀ꦱꦶꦥ꧀ꦱꦲꦗꦠꦶꦣꦶꦫꦶ꧉
ꦩꦚ꧀ꦗꦶꦁꦄꦗꦸꦂꦄꦗꦺꦂ
꧋ꦠꦼꦒꦼꦱꦼꦄꦩ꧀ꦧꦾꦸꦂꦚꦮꦶꦗꦶꦩꦼꦚꦁꦎꦩ꧀ꦧꦾꦏꦶꦁꦩꦱꦾꦫꦏꦠ꧀꧈ꦩꦏ꧀ꦤꦤꦺ꧈ꦈꦫꦶꦥ꧀ꦆꦁꦱꦠꦺꦔꦲꦺꦧꦼꦧꦿꦪꦤ꧀ꦎꦫꦏꦼꦤꦔ꧀ꦒꦸꦒꦸꦏꦫꦺꦥꦺꦣꦼꦮꦼ꧈ꦤꦔꦶꦁꦏꦸꦣꦸꦔꦸꦩꦸꦩꦶꦄꦥꦏꦁꦣꦝꦶꦄꦣꦠ꧀ꦠꦠꦕꦫꦆꦁꦥꦥꦤ꧀ꦏꦺꦴꦤꦺꦴ꧉ꦠꦤ꧀ꦥꦧꦶꦱꦤꦺꦚꦮꦶꦗꦶꦩꦼꦚꦁꦎꦩ꧀ꦧꦾꦏꦶꦁꦮꦺꦴꦁꦄꦏꦺꦃ꧈ꦄꦁꦒꦺꦴꦤꦺꦈꦫꦶꦥ꧀ꦆꦁꦏꦺꦴꦤꦺꦴꦥꦿꦱꦱꦠ꧀ꦭꦸꦩꦸꦠ꧀ꦠꦸꦮꦸꦃꦆꦁꦱꦤ꧀ꦝꦸꦮꦸꦫꦺꦮꦠꦸ꧉ꦪꦺꦤ꧀ꦉꦤ꧀ꦝꦼꦁꦈꦫꦶꦥ꧀ꦪꦺꦤ꧀ꦏꦼꦠꦶꦒꦩꦠꦶꦒꦫꦶꦁ꧉
꧋ꦒꦼꦒꦩ꧀ꦧꦫꦤꦺꦩꦚ꧀ꦗꦶꦁꦄꦗꦸꦂꦄꦗꦺꦂꦏꦪꦣꦺꦤꦺꦏꦸꦩ꧀ꦥꦸꦭꦺꦆꦮꦏ꧀ꦪꦸꦪꦸ꧈ꦄꦁꦒꦁꦄꦁꦒꦁ꧈ꦭꦤ꧀ꦏꦼꦮꦤ꧀ꦏꦼꦮꦤ꧀ꦧꦚꦸꦭꦶꦪꦤꦺꦩꦼꦚꦁꦏꦭꦶ꧉ꦏꦧꦺꦃꦏꦼꦮꦤ꧀ꦆꦏꦸꦎꦫꦥꦣ꧈ꦤꦔꦶꦁꦈꦫꦶꦥ꧀ꦱꦪꦸꦏ꧀ꦫꦸꦏꦸꦤ꧀꧈ꦏꦧꦺꦃꦏꦼꦮꦤ꧀ꦆꦏꦸꦒꦺꦴꦭꦺꦴꦁꦒꦶꦭꦶꦒ꧀ꦩꦔꦸꦤ꧀ꦥꦠꦺꦩ꧀ꦧꦪꦠꦤ꧀ꦱꦼꦭꦮꦱꦺ꧉ꦱꦩꦸꦧꦫꦁꦱꦶꦁꦥꦣꦝꦶꦕꦏꦏꦺꦥꦣ꧈ꦱꦶꦁꦧꦺꦣꦝꦶꦒꦮꦺꦥꦱꦿꦺꦤ꧀ꦫꦺꦫꦺꦴꦚ꧀ꦕꦼꦤ꧀ꦩꦤꦺꦏꦮꦼꦂꦤꦩꦸꦫꦶꦃꦉꦔꦼꦔꦶꦁꦏꦲꦤꦤ꧀꧈ꦏꦤ꧀ꦛꦶꦩꦼꦁꦏꦺꦴꦤꦺꦴ꧈ꦱꦼꦱꦿꦮꦸꦔꦤ꧀ꦱꦶꦗꦶꦭꦤ꧀ꦱꦶꦗꦶꦤꦺꦧꦏꦭ꧀ꦒꦪꦼꦁ꧈ꦫꦏꦺꦠ꧀ꦱꦸꦥꦺꦏꦺꦠ꧀ꦥꦿꦱꦱꦠ꧀ꦱꦼꦣꦸꦭꦸꦂꦱꦶꦤꦫꦮꦺꦣꦶ꧉ꦱꦼꦩꦺꦴꦤꦺꦴꦩꦻꦴꦄꦮꦶꦠ꧀ꦱꦶꦗꦶꦭꦤ꧀ꦱꦶꦗꦶꦤꦺꦧꦶꦱꦩꦚ꧀ꦗꦶꦁꦄꦗꦸꦂꦄꦗꦺꦂ꧈ꦩꦺꦴꦩꦺꦴꦂꦩꦺꦴꦩꦺꦴꦠ꧀ꦔ꧀ꦒꦼꦤ꧀ꦝꦺꦴꦁꦚꦸꦁꦒꦶꦮꦺꦴꦁꦭꦶꦪꦏꦪꦣꦺꦤꦺꦄꦮꦏꦺꦣꦼꦮꦼ꧉
ꦆꦩꦗꦶꦤꦺꦂꦤꦸꦱ꧀ꦮꦤ꧀ꦠꦺꦴꦫꦺꦴ
