NERAK PACAK NERJANG ANGGER-ANGGER
Ing jagating pakeliran wayang, Pandhowo nampi pepeling saking ingkang Resi Wiyoso, dene pepelingipun ujut dhawuh ingkang kedah dipun lampahi sak turun-turunipun !.
1. Mboten kenging uwal saking Jamus Kalima Usada.
2. Mboten kenging bebedhag kewan ing alas Minang Sraya.
3. Mboten Misaya (golek) Wina (Iwak) ing Bengawan swilu Gangga.
4. Mboten pareng mbangun Candhi Sapta Rengga.
Menawi dipun werdekaken kados mekaten : para Pandhowo mboten kepareng nilar wewarah isining Kalima Usada, utawi tatanan ingkang sampun kapacak ing lebeting pustaka Kalima Usada.
Pandhowo mboten pados kewan ing lebeting alas Minang Sraya wau, ateges Pandhowo kedah saget ngayomi lestarining kewan-kewan minangka isen-isening alam.
Pandhowo ugi kedah saget njagi kasucenipun bengawan Swilu Gangga miturut leluhur bengawan wau dipun anggep suci utawi iwak" Ing ngriku kalebet mina" kedah dipun jagi lestaripun.
Pandhowo ugi mboten kepareng mbangun Candhi sapta Harga, jalaran sampun ngatos ngewahi endahing Candhi !, menawi nurut tatanan sakmangke kangge Jagar budaya.
Mekaten menggah pepeling sang Begawan Abiyoso dhumateng para wayah-wayahipun.
Miturut pemanggih penjenengan sami, menawi dipun jumbuhaken kaliyan alam sak mangke tasih cocok (relevan) menapa mboten ?, kepareng nyuwun dhawuh penjenengan sami !.
Keparenga paring dhawuh/ komen ipun, kula aturaken matur nuwun sak derengipun.
Kula kinten cekap atur kula, mawantu-wantu sanget dhawuhipun matur nuwun.
Kapundut saking seratan dening Ki Dalang Sunyoto
 |
| Foto ilustrasi Petruk Kantong Bolong dari Googling sebagai pemanis gambar artikel blogger |
Lakumu nerak pacak nrajang angger
Lali marang rasa kamanungsan, lali bala lali kanca, waton kuat kabeh pingin bok embat.
Aja ngono. ..!
Yen kowe terus mbendara lan dadi gedibaling nafsu, tundhane sing keri mengko mung nelangsane bhatin kalawan gethun keduwung.
Eling...
Bondho donya kuwi mung titipan, kuate ragamu uga duwe watesan, ora ana kamurkan menang nglawan kabecikan.
Bejo wong kang wis binuka atine lumaku marang kabecikan, merga kabeh tumindak ana piwalese, sing becik diwales becik, sing ala diwales ala.
Lakumu nerak pacak nrajang angger angger.
Lali marang rasa kamanungsan, lali bala lali kanca, waton kuat kabeh pingin mbok embat.
Whelhadallah....
Titi wanci ngancik marang jaman wesi kang samubarange sarwa atos.
Para priyagung tan bisa gawe jenjem kawula dasih.
Lamun unggul jurite jumawa sumungah sesongaran.
Lamun kasengguh banjur ngayunake hawa, ampyak awur awur nerak pacak nerjang angger.
Rembuk lamis prasasat geni kang mubal mangantar antar.
Hanglagar apa wae kang katempuh, hawa nepsu wus mangalat alat parsasat giri pawaka.
Lamun pirsa kang ora samarga banjur hanyacat sakarep priyangga.
Hamung kang bisa niti kanthi pratitis kahanan kang gumathok
Kang bakal nemu ayom ayem jroning tyas.
Bejane sing eling
Bejane sing lali
Sabeja-bejane sing lali isih luwih beja sing eling lan waspada.
Rahayu ingkang sami pinanggih.
Imajiner Nuswantoro
