Suku Tengger
ꦱꦸꦏꦸ ꦠꦼꦁꦒꦼꦂ
Jaman cilikanku biyen, wong wadon Jowo jaman biyen klambenane yo koyo neng gambar kuwi yen sakbendinane tandang gawe neng omah nganggo kebayak kanthi utowo tanpo kuthu baru lan slendangan utowo mung nggawe kemben ngono wae. Yen resik-resik omah utowo latar nggawe kemben ngono, ciri khas kembenan kuwi pundake lan gegere ketok, fungsine kejobo supoyo ora ungkeb ugo yen isuk iso digawe dhedhe neng srengenge. Mengko yen wis sore sakwise siram mulai ngagem kebayak mergo yen wengi kan adhem. Terus slendang fungsine opo? Macem-macem lur fungsine slendang, yen howo adhem diubel-ubelne neng gulu, terus iso digawe nggendong bayi utowo wadah blonjo, digawe nutupi rambut utowo mustoko soko panas (koyo Nyai jaman biyen). Dadi klambine wong Jowo kuwi disesuaikan karo suhu sekitare. Kan wis ewonan taun manggon tanah Jöwö, dadi wis paham cuacane.
Pranyoto nganti seprene suku Tengger, sing isih turunane asli Kraton Mojopahit isih koyo swasono neng Jowo jaman biyen. Dalah Poto ngisor iki poto wong Tengger jaman saiki lho, dudu jaman biyen.
Bösö sing digawe isih Bösö Kawi jamane Kraton Mojopahit, wong sengkan ngarani Bösö Tengger. Dadi yen pas omong-omongan karo wong Tengger ngono nggawe Bösö daerah ora paham awake dhewe. Biyen aku ngiro Bösö Osing, nanging jebul duduk.
Suhu neng Bromo adhem lur, yen awan 11° Celcius, dene yen wengi nganti isuk antarane 4 - 6° C. Mulo kawitan aku neng Bromo tak kiro kenyo kono nggawe blush on, kok pipine kabeh jambon, pranyoto pancen asline ngono, mergo sangking adheme pipine dadi jambon. Banjur awake dhewe yen omong-omongan ngono soko tutuk metu beluke ngono, sangking adheme. Lha wong mendung putih wae ngliwati awake dhewe yen pas neng kono, yen pas adhem ngono wedhine Bromo ketutup mendung, kamongko awan.
Catetan tembung khusus;
Kemben: klambi wanito sakdhuwure dhodho
Kuthu baru: kain segi papat kebayak sing nutupi dhodho
Nyai: garwane Pak Kyai
Bösö Osing: Bösö asli Banyuwangi
Sengkan: wong asing
Blush on: perona pipi supoyo dadi abang jambon
Kenyo: gadis
Tutuk: cangkem; mulut
Celcius: selsius, ukuran suhu alam
