PEPANGGIHAN PUNIKA NUGRAHANING GUSTI
Saupami sedaya kadang saged ngresepi bilih kita sedaya saged pepanggihan ing ngriki punika amargi kersanipun Gusti, temtu kita badhe ngrerengga kekadangan puniki kanthi permati suprih saged lestari sadangunipun gesang ing alam donya dumugi puputing yuswa.
Tansah njagi pocapan lan solah bawa, ngendhani tumindak ingkang saged adamel runtiking penggalihipun asanes.
Awit tatuning manah punika boten saged dipun-usadani kanthi panyuwunan tembung pangksama.
Mumpung padhang rembulane lan jembar kalangane, mangga kula dherekaken samya gladhi dhiri mulat sarira, mamangun karyenak tyasing sesami.
Kanthi tansah amog raos, silih ngajeni antawis setunggal lan setuggal sanesipun, kersa nglenggana menawi lepat sarta ngemut-emut sedaya kesanenan ingkang nate dipun-paringaken dhateng kita tinimbang metani kekirangan lan ka-awonanipun asanes.
Mugi rahayu ingkang samya pinanggih
Rahayu Rahayu Rahayu Sagung Dumadi
Kabeh Kersane Gusti Pengeran Kang Akarya Jagad
Kabeh Kersane Gusti Allah
Imajiner Nuswantoro
