PETHILAN GARA-GARA
Kayon katiyuping angin,
sumyak swaraning karêngyan,
samirana mawor riris,
lumrang gandaning puspita,
Ooo ...
tistis sonya madya ratri,
tistis sonya madya ratri,
raras rumendheng akasa
Ooo ...
Tindake Dyan Bratasena sangu tekad ingkang prasasat tan bisa pinenggak, pangaribawané sumundhul ing antariksa nimbulskên pangaribawa gara-gara.
Kayon katiyuping angin,
sumyak swaraning karêngyan,
samirana mawor riris,
lumrang gandaning puspita,
Ooo ...
Tistis sonya tengah wengi,
Ooo ... iii ...
Gara-gara ing jagading pakeliran datan padha kalawan jagading madyapada. Gara-gara ing marcapada akeh kawula kang nandhang kacintrakan kapitunan. Ana kang ngarani jagad katêmahan pagêblug.
Jagad pakeliran gara-gara sirêp lumantar tirta Kamandanu kang katetesaken drning Hyang Padawenang.
Gara-gara ing marcapada sirep uga kanthi sarana waspada.
Mula kanca ayo aja ninggal kaprayitnan, aja ninggal kawaspadan. Suka parisuka kena nanging aja nganti padha ninggal ing kaprayitnan.
Gara-gara ing pakêliran awan iki kinormatan ...
Kedhep tesmak aku nyawang slendhang biru,
gelungane menthog lamatan tasikane,
ngagêm kebaya wungu,
nyamping batik solahe, eseme,
slagané gawé bingung,
nyata kagungane gedhe paedahe.
amung kuciwané hlo hlo ...
anyelaki janji ...
sléndhang biru, sléndhang biru.
amung ngenaki ati,
nora tekan batin sêdyamu,
sléndhang biru
têtêpanå janjimu sléndhang biru
Sumangga dipunpirsani kanthi mangesthi raos tresna dhateng kabudayan kita ingkang adi luhung.
Rahayu sagung Dumadi
Pethilan saking pagelaran wayang virtual.
Dhalang : Ki Bambang Sulanjari, Ki Kristanto.
Lakon : Dewa Ruci.
