BATHARA KALAGUMARANG
(Putranipun bathara Kalakeya, kaleres wayahipun bathara Kala)
Medal ing lampahan Mikukuhan/ Sri mulih.
Bethara Kalagumarang tinimbalan Sang Hyang Manikmaya, kadhawuhan tumurun ing marcapada ngupadi gamelan gethok gedhopyok surak kepyak tanpa gendhing.
Kalagumarang sagah, nanging nyuwun supados dipun lilani tumindak menapa kemawon. Bethara Guru anglilani.
Rumaos dipun lilani tumindak sak remenipun, Kalagumarang lajeng nasar tumindakipun.
Kalagumarang dhateng Kahyangan Ngutara segara, badhe ngrudapeksa Bathari Sri garwanipun Bathara Wisnu. Bathari Srisekar/ Widawati mlajar dipunbujung. Kepanggih bathara Wisnu bathari Sri matur menawi badhe karudapeksa Kalagumarang.
Saking murinanipun Sang Hyanf Wisnu, Kalagumarang dipunsotaken dados celeng.
Kalagumarang sareng mangertos menawi salin wujud dados celeng malah saya ngamuk.
Bathara Wisnu lan bathari angoncati. Kalagumarang nggenipu mbujung bathari keplantrang dumugi negari Medhangkamulan.
Kalagumarang ngrusak wewangunan negari Medhangkamulan. Dening sang Prabu Makukuhan/ Darmamikukuh, Kalagumarang dipun lepasi jemparing/ dipunpanah, sahengga Kalagumarang pejah.
