KETAWANG PUSPAWARNA
WANGSALAN JRONING GERONGAN
Kembang kencur, kacaryan anggung cinatur
Sedhet kang sarira, gandhes ing wiraga
Kewes yen ngendika, hanganganyut jiwa
Kembang blimbing, pinethik bali ing tebing
Maya-maya sira, wong pindha musthika
Ratuning kusuma. Pathining wanodya
Kembang duren, sinawang sinambi leren
Ndalongop kang warna, sumeh semunira
Luwes pamicara, hangangayut driya
Kembang aren, tumungkul aneng pang duren
Sadangune kula, mulat ing paduka
Hanganggit puspita, temahan wiyaga
Kembang gedhang, manglung maripit balumbang
Patute wong ika, tedhaking awirya
Semune jatmika, solahe prasaja
Kembang jati, sinebar ngubengi panti
Hanjanggleng kawula, ngentosi paduka
Sewu datan nyana, lamun nimbangana
Kembang jambe, megar ngambar wayah sore
Kemayangan kula, tamuwan paduka
Pangajabing karsa, paringa nugraha
