DYAH AYU KENYA KEDHIRI
ꦣꦾꦃꦄꦪꦸꦏꦼꦚꦏꦼꦣꦶꦫꦶ
BAWA SEKAR TENGAHAN :
KENYA KEDIRI
Sapta catur dhuh kusuma puspa lulut
Tulusa welasing dasih
Kalembak geng pandaya tumraping ranu
Apan tansah kasangsaya gung wulangun
Adhuh babo sang lir retna jiwaningsun
Bayem harda jenang sela
Anteng jatmika mrak ati
Baya titisipun
Dyah ayu Kenya kedhiri
Kalembak gung paminta mawa basarum
Tansah pujining pradasih
Suhing garan kandhela lit kisma mawur
Karaharjanira panjang sang aprabu
Wanarendra kawi wismaning leluhur
Jarwa putra myang Santana
Sapraja sami basuki
Dahat suka sukur
Minulyaning narapati.
Mugi-mugi sedaya tansah pinaringan kawilujengan dhalah karaharjan saking Gusti Kang Moho Kuwoso
Aksara Jawanipun :
ꦧꦮꦱꦼꦏꦂꦠꦼꦔꦲꦤ꧀꧇ꦏꦼꦚꦏꦼꦣꦶꦫꦶ
ꦱꦥ꧀ꦠꦕꦠꦸꦂꦣꦸꦃꦏꦸꦱꦸꦩꦥꦸꦱ꧀ꦥꦭꦸꦭꦸꦠ꧀
ꦠꦸꦭꦸꦱꦮꦼꦭꦱꦶꦁꦣꦱꦶꦃ
ꦏꦭꦺꦩ꧀ꦧꦏ꧀ꦒꦺꦁꦥꦤ꧀ꦝꦪꦠꦸꦩꦿꦥꦶꦁꦫꦤꦸ
ꦄꦥꦤ꧀ꦠꦤ꧀ꦱꦃꦏꦱꦁꦱꦪꦒꦸꦁꦮꦸꦭꦔꦸꦤ꧀
ꦄꦣꦸꦃꦧꦧꦺꦴꦱꦁꦭꦶꦂꦉꦠ꧀ꦤꦗꦶꦮꦤꦶꦁꦱꦸꦤ꧀
ꦧꦪꦼꦩ꧀ꦲꦂꦣꦗꦼꦤꦁꦱꦺꦭ
ꦄꦤ꧀ꦠꦼꦁꦗꦠ꧀ꦩꦶꦏꦩꦿꦏ꧀ꦄꦠꦶ
ꦧꦪꦠꦶꦠꦶꦱꦶꦥꦸꦤ꧀
ꦣꦾꦃꦄꦪꦸꦏꦼꦚꦏꦼꦣꦶꦫꦶ
ꦏꦭꦺꦩ꧀ꦧꦏ꧀ꦒꦸꦁꦥꦩꦶꦤ꧀ꦠꦩꦮꦧꦱꦫꦸꦩ꧀
ꦠꦤ꧀ꦱꦃꦥꦸꦗꦶꦤꦶꦁꦥꦿꦣꦱꦶꦃ
ꦱꦸꦲꦶꦁꦒꦫꦤ꧀ꦏꦤ꧀ꦝꦺꦭꦭꦶꦠ꧀ꦏꦶꦱ꧀ꦩꦩꦮꦸꦂ
ꦏꦫꦲꦂꦗꦤꦶꦫꦥꦚ꧀ꦗꦁꦱꦁꦄꦥꦿꦧꦸ
ꦮꦤꦫꦺꦤ꧀ꦝꦿꦏꦮꦶꦮꦶꦱ꧀ꦩꦤꦶꦁꦊꦭꦸꦲꦸꦂ
ꦗꦂꦮꦥꦸꦠꦿꦩꦾꦁꦱꦤ꧀ꦠꦤ
ꦱꦥꦿꦗꦱꦩꦶꦧꦱꦸꦏꦶ
ꦣꦲꦠ꧀ꦱꦸꦏꦱꦸꦏꦸꦂ
ꦩꦶꦤꦸꦭꦾꦤꦶꦁꦤꦫꦥꦠꦶ꧉
꧋ꦩꦸꦒꦶꦩꦸꦒꦶꦱꦼꦣꦪꦠꦤ꧀ꦱꦃꦥꦶꦤꦫꦶꦔꦤ꧀ꦏꦮꦶꦭꦸꦗꦺꦔꦤ꧀ꦝꦭꦃꦏꦫꦲꦂꦗꦤ꧀ꦱꦏꦶꦁꦒꦸꦱ꧀ꦠꦶꦏꦁꦩꦺꦴꦲꦺꦴꦏꦸꦮꦺꦴꦱꦺꦴ
Imajier Nuswantoro
