WAHYU DAMPAR KENCANA NUSWANTORO
DIALOG IMAJINER TOGOG, BELUNG LAN PRABU PRACONA BABAGAN DEWI SUPRABA (DEWI UTAWI BETHARI SUPRABA PRALAMBANGE WAHYU DAMPAR KENCANA NUSWANTORO)
Suluk Ada-ada, mendhet cakepan Sekar Durma
Sru mawahyut sang yaksendra gora rupa,
mangeses kadi angin,
pang sempal kaprapal,
sela-sela kaplesat,
sato lumayu mangungsi,
kagyat kagada,
kang jaga-jaga bumi.
Niwatakawaca ya Nirbita
E e e eeee, hongtete Hyang Kalalodra raja dewaku.
Suprabaaa... rantamsari gegantilaning ati.
Maragage turutana brantaning punkakang, sela kang pindha kartika baya mirah baya inten.
Meskaraning punkakang wong ayuuu... mesema sakleceman tak kandhut poncoting sondher, ginawe usada brantaning punkakang.
Lung gadhung mbang kecubung lara ngedani, sapa ingkang pantes dadi rambataku kajaba amung sira Suprabaaa.
__________
Ada ada.
Sru mawahya.
Sang yaksendra krura rupa.
Mangeses kadi angin.
Pang sempal kaprapal.
Sela-sela kaplesat.
Sato lumayu mangungsi.
Kagyat kagodha.
Kang jaga jaga bumi.
Pracona :
Heeerrrrrrrrr....hek é é eeee,
Hong tete Hyang Kala Maha dewakuTogog.....Tejomantri Gog.
Togog :
Kula wonten pangandika ingkang adhawuh sinuwun.
Pracona :
Lan kowe Belung Sarawita.
Belung :
Nuwun katimbalan juragan.
Pracona :
Togog....coba sawangen aku Gog gage ingetana aku.
Upama kowe bisa ngrasakake apa ingkang tak sandang titi mangsa iki, lan beneré kowe tinemu tuwa, mesthine wis tau nglakoni kasandhang wuyung kasrimpeting branta Gog.
Wok o ooo...wewayangan mantasaning widadari kayangan, Bathari Supraba ora bisa tak kipatake saka pangangen angenku tak lali-lali saya ngalela, tak lelipur bangkit kuwur, rasaku tumlawung, osikku amberung, mung kepingin lan kumacelu sesandingan klawan memaniking kalbu Gog......aku kudu piye ?....
Sesirih kapur mungel saking Imajiner Nuswantoro :
Dewi Supraba utawa Bethari Supraba PRALAMBANGE ngibaratne kalungguhan dampar kencana
Kalinggihan Wahyu Dampar Kencana kedhah dipun gayuh utawi dipun cepeng kanthi manah seto lan seto, kadhos manah lembaran jabang bayi.
Ora keno digayuh kanthi rebut angkara murka
Alam sampun maringi predandha rawuhipun sinten engkang pinaringan Wahyu Dampar Kencana Nuswantoro.
Nuswantoro bakal tukul mulyo, makmur, gemah aripah loh jinawi tata tentrem karta raharja, sampun titi wancine.
Ingkang mangertosi margi lantaran Wahyu Dampar Kencana piyantun meniko sanes saking ngulomo, sanes saking pendhito, gegambaranipun kados piyantun limprah gesang kumpul sak podho-podho limpahkan ing Ringgit Purwo sampun dipun gamblangaken, wates tartamtu ingkang ngertos piyantun sepah pinujul seto amargi cahyanipun derek jundjung taline jagat tlatah Jawi tuwin Nuswantoro.
Saking trahing kusuma tasih tedhak turumuning Hadi Widjaja Kedhaton Wetan Nyisir Mlipir Kusuma Kali Lepen (Wahyu Dampar Kencana Kesaenan), pituduh nandhang Titahipun Gusti.
Hanamung nyenyuwunipun Nuswantoro Slamet, Bedjo, Untung Sambikolo ora ono. Nuswantoro bakale wangsul mangku, ngendhong, ngindhit dhalah hangrungkepi tlatah Jawi tuwin Nuswantoro.
Kaleh ngitung isuk diandhapaken diunggahke supados Gusti paring anugerah dumateng kita sedaya.
Waosan kagem cagak wungon ing dalu Jum'at kliwon langkung prayogi, saget saben diten dalu.
Sugeng wilujeng para kadang sutresna budaya, mugi kita sedaya kinalis saking godhane jagat rencana manggih suka basuki, Ngamiin
Catetan wonten gandeng rentengipun wonten situs blogger ing ngandap :
BABAGAN SETAN DIALOG IMAJINER TOGOG LAN BELUNG
https://syehhakediri.blogspot.com/2023/10/setan-dialog-imajiner-togog-lan-belung.html
