ASMARANDANA MANGUNKUN
(Sekar Asmarandana Sinawung)
Tirta wayu munggwèng klenthing,
lir sawindu kunging driya,
woh duku ngrukmi wernine,
tan njiwit ngekep myang ngaras,
grimis ing wanci enjang,
nimas ywa kendhat nyenyuwun,
kawi enggal manggih bhagya.
Katingkasan :
Asmarandana, Asmaradana (7 Gatra)
8i, 8a, 8e, 8a, 7a, 8u, 8a.
Asmara (S) = sih Tresna, sengsem, Oneng, Branta, branti, hyun.
Dana (S), andana = paweweh, sedana.
Mangunkung (Kw) = sedhih dening kasengsem, nandhang wuyung.
