URIP SEJATI IKU GUSTI
Kang ngobahke rogo manungso yoiku urip
Kang muno muni yoiku urip
Kang kroso ngrasakake yoiku urip
Mulo urip kang pinilih sakalir datan liyo kejobo urip
Kang sinembah urip
Urip kang sinembah sakabehing urip
Amergo urip kang kagungan
Kang amengkoni sakabehing kahanan
Kahanane wujud
Wewujudan kang gumelar aneng ngalam dunyo iku kabeh den wengkoni urip
Urip kang kagungan purbowaseso
Kang nguwasani kabeh kahanan
Mulo urip kang gawe gelar gulung ono soko dening urip
Datan ono, soko dening urip
Urip iku yekti
Urip kang mahanani sakabehing kahanan
Mulo sesembahan nyoto yoiku mung urip
Bukti luhur luhuring urip kang sarwo tuwuh manuwuh
Kang sarwo sumi menjemi iku yektine urip
Gumelaring jagad anyar saisine pisan
Anane mung ringgit purwo
Lampahanipun manungso manunggal
Dalangipun bocah soko gunung
Iku kang mandegani pagelaran aneng jagad agung
Waranggane roso sejati
Gamelane dudu gamelan perunggu nanging gamelan lokananta
Swarane gumludug
Kang dewe-dewe muno munining urip
Ringgit purwanipun woco
Elingo purwaning dumadi
Purwaning dumadine manungso
Tan liyo soko dening roh suci
Kang sinabdo tumurun gumelar aneng ngalam dunyo kang sarwo tuwuh-manuwuh dedalane manunggal kinantenan sarwo midjil
Nora rampung lungguh aneng jagad anyar ora biso den lakoni bathin
Sanes agomo lan ngelmu
Tangeh lamun jenengsiro tan mangerti mring sejatine iku sejatining gesang
Hyang Tunggal Jati sesebutan ingsun
Iku tumrap sakabehing manungso urip kang tumitah aneng ngalam dunyo
Toging anggo marsudio katone wujud kang anggendong mondong yekti urip
Yekti nyoto jenengsiro turu binantalan urip, kinemulan urip, kinasuran urip
Sak mobahing ragane soko krentege kalbu opo kang jenengsiro sedyo kudu podo jenengsiro tumekeng wujud
Datan ono bedane krenteg kang mahanani yekti podo ono
