MUSTIKANING RASA
Mustikaning rasa
Urip sejatining urip
Kang mahanani gelar gulung kang gumelar aneng ngalam dunya
Kang bisa mumpuni rasa sedarum iku gemblenging rasa
Mumpuni rasa sekalir
Purwaning dumadine manungsa tan liya saka dening cahya suci kang sinabda tumurun gumelar aneng ngalam dunya
Kang sarwa tuwuh-manuwuh dedalane manunggal kinantenan sarwa midjil
Gelar gumelare manungsa saka dening manunggaling rasa sejati
Manunggaling bopo klawan biyung
Sakarone pada rebut rasa
Rangkul rinangkul den pada uwal uwalira lamun wis pada midjil
Mulo sakabehing para manungsa elinga purwaning dumadi
Sun njarwani marganipun nalika jenengsira kinandut mring ibunira
Ibunira rina klawan dalu tan kendat anggone meminta mring sihing gustine
Pamintanipun ibunira murih widada lan dadi tulusing kang kinandut
Sangang warsa nandang sangsara
Mbenjang mios wanita miwah kakung amung sipat derma nampa ingkang kagungan urip
Bopo biyung meniko Pengeran katon
Bopo biyung meniko alate utawi sranane Gusti nganakke manungsa mijil ing ngalam dunya
Mula jenengsira anak amargi saking jumbuhing rasa pangrasane bopo klawan biyung nganakke sira sedaya
Kawruh Jowo meniko sanes agomo
Kawruh Jowo sanes doktrin ugi dogma
Kawruh Jowo meniko ilmu kasunyatan sanes dongeng
