GEGURITAN WULANG TUTUR
Dipadha taberi ing pasinaon
Goleka ngelmu kang nyata
Kanggo nggayuh kawicaksananing urip
Kang kebak ing tatakrama
Nora ginubel ing piyala
Dipadha tentrem rahayu
Aja gawe gela mring atining liyan
Nrima ing pandum
Nggedhekna rasa sokur
Dipadha lembah manah
Tegese nora lumuh asor kumudu unggul
Nggatekna marang wong cilik
Kang uripe rekasa sarwa kacingkrangan
Aja seneng maido apa maneh ngece
Elinga yen Gusti iku nora sare
Lan samubarang kang kok lakoni
Ing tembe bakal kok undhuh dhewe
GEGURITAN
Kangen iku tambane yen wis ketemu,
Kuwi wis dadi kodrat,
Kawit urip nganti pati,
Uga bisa nuwuhake rasa tresna.