KINANTHI
(8u - 8i - 8a - 8i - 8a - 8i)
Ki Y.P.B.Wiratmoko
Tutur tata tumanem tus.
Titi tatas tumanduk tis.
Tansah tulus tinarbuka.
Tetep tanggon t'rus tinali.
Tetangsule tatakrama.
Turun-temurun tetangi.
Kekarepan kang kemrungsung.
Kukutanira kuatir.
Kuatir keh kekarepan.
Kasurang karep kekitring.
Kasurung kayun kapotang.
Kemareman kamprung kikis.
Lekase lulus lelaku.
Lon-lonan linarap liling.
Larasen lakuning lekas.
Lumepas lilingan lungit.
Lekere lulus lumampah.
Lumampah lahta lumadi.
Angambar angganda arum.
Anganthi ancasing ati.
Asung asih agemira.
Ambabar angen angluri.
Alusing ati asrahnya.
Amemuruk anuladi.
Sakersanira sinengguh.
Saperangan angenani.
Sanguning srawung sanyata.
Sangger salah sira sisip.
Sira seleh sakeh salah.
Sesanggeman sira sanggi.