LAKU BUDI LUHUR (TEMBANG KINANTHI)
Mongko kanthining tumuwuh,
Salami mung awas éling,
Eling Lukitaning alam,
Dadi wiryaning dumadi,
Supadi nir ing sangsoyo,
Yèku pangreksa ning urip.
Marmo dèn taberi kulup,
Hangulah lanthiping ati,
Rina wengi dèn hanedyo
Pandhak panduking Pambudi,
hambengkas kahardaning driyo
Dadyo luhur utami.
Pangasahing sepi samun,
Aywi ésah ing salami,
Samongso wus kawistoro
Lalandheping Mingés.mingés,
Pasah wukir reksomuko,
Kekes srabédaning budi.
Déné Awas tegesipun,
Wus weruh warananing ngurip,
Miwah wisesaning tunggal,
Kang atunggil rino wengi,
Kang mukitan ing sakarso,
Gumelar ngalam sakalir
Aywo sembrono ing kalbu,
Wawasen wuwus sirèki,
Ing kono yekti karoso
Dudu ucaping pribadi,
Marmo dèn sembadèng sedyo
Wewesen praptaning uwis.
