SULUK PEDHALANGAN
SENDHON TLUTUR
Surem surem diwangkara kingkin,
Lir manguaswa kang layon,
Denya ilang memanise,
Wadananira landhu,
Kumel kucem rahnya maratani,
Marang saliranipun,
Neles dening ludira kawangwang,
Gegana bang sumirat.
Surem peteng sorote sang surya amarga nandhang prihatin,
Kaya-kaya arep ngaras layon kuwi,
Kahanane layon wis sirna kencanane,
Pasuryane layu,
Kumel pucet,
Getihe sumebar warata marang saawake kabeh,
Katingal teles kebes dening getih,
Mega akasa sumawur awarna abang.
Kagem nyuluki raos sungkawa, welas, sedhih, prihatin.
Menawi wonten ing pathet sanga kawiwitan laras satunggal.
Menawi ing pathet enem utawi manyura kawiwitan laras kalih.
