SEKAR MACAPAT =
(MAS KUMAMBANG, MIJIL, SINOM, KINANTHI, ASMARADANA, GAMBUH, DHANDHANGGULA, DURMA, PANGKUR,
MEGATRUH, PUCUNG, GIRISA, WIRANGRONG, BALABAK, JURU DEMUNG)
MAS KUMAMBANG
Nadyan silih bapa biyung kaki nini
Sadulur myang sanak
Kalamun muruk tan becik
Nora pantes yen den nuta
MIJIL
Poma kaki padha dipun eling
Ing pitutur ingong
Sira uga satriya arane
Kudu anteng jatmika ing budi
Ruruh sarta wasis
Samubarangipun
SINOM
Nuladha laku utama
Tumrape wong tanah jawi
Wong agung ing ngeksiganda
Panembahan senopati
Kepati amarsudi
Sudane hawa lan nafsu
Pinesu tapa brata
Tanapi ing siyang ratri
Amemangun karyenak tyasing sasama
KINANTHI
Padha gulangen ing kalbu
Ing sasmita amrih lantip
Aja pijer mangan nendra
Ing kaprawiran den kesthi
Pesunen sariranira
Sudanen dhahar lan guling
ASMARADANA
Nora gampang wong ngaurip
Yen tan weruh uripira
Uripe padha lan kebo
Angur kebo dagingira
Kalal yen pinangana
Pan manungsa dagingipun
Yen pinangan pesthi karam
GAMBUH
Sekar gambuh ping catur
Kang cinatur polah kang kalantur
Tanpa tutur katula-tula katali
Kadalu warsa katutuh
Kapatuh pan dadi awon
DHANDHANGGULA
Pamedhare wasitaning ati
Cumantaka aniru pujangga
Dhahat mudha ing batine
Nanging kedah ginunggung
Datan wruh yen akeh ngesemi
Ameksa angrumpaka
Basa kang kalantur
Tutur kang katula-tula
Tinalaten rinuruh kalawan ririh
Mrih padhanging sasmita
DURMA
Dipun sami ambanting sariranira
Cegah dhahar lan guling
Darapon sudaa
Nepsu kang ngambra-ambra
Rerema ing tyas sireki
Dadi sabarang
Karsanira lestari
PANGKUR
Mingkar-mingkur ing angkara
Akarana karenan mardi siwi
Sinawung resmining kidung
Sinuba sinukarta
Mrih kertarta pakartining ngelmu luhur
Kang tumrap ing tanah jawa
Agama ageming aji
MEGATRUH
Wong ngawula ing ratu luwih pekewuh
Nora kena minggrang-minggring
Kudu mantep sartanipun
Setya tuhu marang gusti
Dipun miturut sapakon
PUCUNG
Ngelmu iku
Kalakone kanthi laku
Lekase lawan khas
Tegese khas nyantosani
Setya budya pangekese dur angkara
GIRISA
Anak putu den estokna
Warah wuruke pun bapa
Aja na ingkang sembrana
Marang wuruke wong tuwa
Ing lair batin den bisa
Anganggo wuruking bapa
Ing tyas den padha santosa
Teguhana jroning nala
WIRANGRONG
Den samya marsudeng budi
Wiweka dipun waspaos
Aja dumeh, dumeh bisa muwus
Yen tan pantes ugi
Sanadyan mung sakecap
Yen tan pantes pernahira
BALABAK
Mugi Gusti Allah paringa pepadhang
Mligine
Kawula kang lagya katindhih panandhang
Pamrihe
Dimen sabar tawakal dhatan sumelang
Atine
JURU DEMUNG
Ni ajeng mring gandhok wetan
Wus panggih lan rara mendut
Alon wijile kang wuwus
Heh Mendut pamintanira
Adhedhasar adol bungkus
Wus katur sarta kalilan
Dening jeng Kyai Tumenggung
Imajiner Nuswantoro
