SEKAR SARKARA PITUTURE SIMBOK
ꦱꦼꦏꦂꦱꦂꦏꦫꦥꦶꦠꦸꦠꦸꦫꦺꦱꦶꦩ꧀ꦧꦺꦴꦏ꧀
Lamun sira duhkita ing kapti
Ywa kadlarung karanta ing driya
Manggih tuna wekasane
Becik ngeneb ing kalbu
Hangupadi margi kang becik
Patrap sabar darana
Mrih nemu rahayu
Gusti datan nate nendra
Tumungkula mangesthi tulus ing ati
Mugya antuk usada
Aksara Jawanipun :
ꦭꦩꦸꦤ꧀ꦱꦶꦫꦣꦸꦃꦏꦶꦠꦆꦁꦏꦥ꧀ꦠꦶ
ꦪ꧀ꦮꦏꦣ꧀ꦭꦫꦸꦁꦏꦫꦤ꧀ꦠꦆꦁꦣꦿꦶꦪ
ꦩꦁꦒꦶꦃꦠꦸꦤꦮꦼꦏꦱꦤꦺ
ꦧꦼꦕꦶꦏ꧀ꦔꦼꦤꦼꦧ꧀ꦆꦁꦏꦭ꧀ꦧꦸ
ꦲꦔꦸꦥꦣꦶꦩꦂꦒꦶꦏꦁꦧꦼꦕꦶꦏ꧀
ꦥꦠꦿꦥ꧀ꦱꦧꦂꦣꦫꦤ
ꦩꦿꦶꦃꦤꦼꦩꦸꦫꦲꦪꦸ
ꦒꦸꦱ꧀ꦠꦶꦣꦠꦤ꧀ꦤꦠꦺꦤꦼꦤ꧀ꦝꦿ
ꦠꦸꦩꦸꦁꦏꦸꦭꦩꦔꦺꦱ꧀ꦛꦶꦠꦸꦭꦸꦱ꧀ꦆꦁꦄꦠꦶ
ꦩꦸꦒꦾꦄꦤ꧀ꦠꦸꦏ꧀ꦈꦱꦣ
Lemes pepes tuhu mitunani
Nora guna myang muspra kepara
Datan ana paedahe
Luwih becik manekung
Sumaraha pasrah mring Gusti
Ingkang murbawasesa
Bawana sawegung
Enggal paringa pepajar
Ingkang peteng gya kapadhangana nuli
Temah manggih yuwana
Aksara Jawanipun :
ꦊꦩꦼꦱ꧀ꦥꦺꦥꦺꦱ꧀ꦠꦸꦲꦸꦩꦶꦠꦸꦤꦤꦶ
ꦤꦺꦴꦫꦒꦸꦤꦩꦾꦁꦩꦸꦱ꧀ꦥꦿꦏꦼꦥꦫ
ꦣꦠꦤ꧀ꦄꦤꦥꦌꦣꦲꦺ
ꦭꦸꦮꦶꦃꦧꦼꦕꦶꦏ꧀ꦩꦤꦺꦏꦸꦁ
ꦱꦸꦩꦫꦲꦥꦱꦿꦃꦩꦿꦶꦁꦒꦸꦱ꧀ꦠꦶ
ꦆꦁꦏꦁꦩꦸꦂꦧꦮꦱꦺꦱ
ꦧꦮꦤꦱꦮꦺꦒꦸꦁ
ꦄꦼꦁꦒꦭ꧀ꦥꦫꦶꦔꦥꦼꦥꦗꦂ
ꦆꦁꦏꦁꦥꦼꦠꦼꦁꦒꦾꦏꦥꦣꦔꦤꦤꦸꦭꦶ
ꦠꦼꦩꦃꦩꦁꦒꦶꦃꦪꦸꦮꦤ
Imajiner Nuswantoro
ꦆꦩꦗꦶꦤꦺꦂꦤꦸꦱ꧀ꦮꦤ꧀ꦠꦺꦴꦫꦺꦴ
