Ingsun Ngasal Saka Kedadeyane Bapa Lan Ibu
Campyuh Dadi Suwiji, Tan Mesthi Pestening Allah Gusti Kang Kinasih
Ingsun Sawijine Dluwang Putih Kersaning Allah
Putihe Awujud Sukma Sari Ya Sarining Ndonya Pestening Allah Kang Maha Suci
Ingsun Dudu Geni, Ya Kuwi Genine Kabungahan Kang Nedya Ngobong Putihe Sakelir, Putihe Dluwang Pestening Allah Kang Maha Suci
Ingsun Anitis Lair Kadidene Paraga, Ya kuwi Paragane Ndonya
Ndonya Padhang Gilar-Gilar Paragane Allah kang Maha Suci, Welas Lan Asih
Gumebyar Nembusi Pepetheng Ampak-Ampak
Ingsun Dadi Bageyane Ndoya
Kang Tansah Jinaga, Di Emban, Di Kukup
Dening Ibu Bumi Lan Bapa Angkasa
Kakang Kawah Adhi Ari-Ari Lan Sedulurku Sekabeh Sing Kaweratan Lan Ora Kaweratan
Ingsun Lumaku Urut Rumpile Kawah.
Kawahe Kang Ndhepani Chandala
Ingsun Golek Slamet, Lair Tuwuse Bathin
Ya Bathine Kayu Jatining Allah Gusi Kang Maha Suci
Ingsun Jatining Allah Awujud Godhong Ndonya Kang Ngrembayong, Kopat-Kapit Katiyup Angine Taqdir Iradhate Allah, Kabuncang Mega, Megane Pepesthening Jagat Panguripan Ing Alam Pepadhang Gahing Gusti kang Maha Suci
Ingsun Kepengen Leladi, Leladi Kanggo Gunung Ya Kuwi Gununging Allah Kersaning Gusti Kawula
Gunung Kasampurnan, Sampurnane Panguripan
Lan Dadi Tumbalipun Kautaman
Urut Lakuning Kabagyan, Ngleksanani Karma Pepesthening Gusti, Ya Kuwi Allah Lan Nurut Muhamad Nabi Panutan
Aksara Jawanipun :
꧋ꦆꦁꦱꦸꦤ꧀ꦔꦱꦭ꧀ꦱꦏꦏꦼꦣꦝꦺꦪꦤꦺꦧꦥꦭꦤ꧀ꦆꦧꦸ
꧋ꦕꦩ꧀ꦥꦾꦸꦃꦣꦝꦶꦱꦸꦮꦶꦗꦶ꧈ꦠꦤ꧀ꦩꦼꦱ꧀ꦛꦶꦥꦼꦱ꧀ꦠꦼꦤꦶꦁꦄꦭ꧀ꦭꦃꦒꦸꦱ꧀ꦠꦶꦏꦁꦏꦶꦤꦱꦶꦃ
ꦆꦁꦱꦸꦤ꧀ꦱꦮꦶꦗꦶꦤꦺꦣ꧀ꦭꦸꦮꦁꦥꦸꦠꦶꦃꦏꦼꦂꦱꦤꦶꦁꦄꦭ꧀ꦭꦃ
꧋ꦥꦸꦠꦶꦲꦺꦄꦮꦸꦗꦸꦣ꧀ꦱꦸꦏ꧀ꦩꦱꦫꦶꦪꦱꦫꦶꦤꦶꦁꦤ꧀ꦝꦺꦴꦚꦥꦼꦱ꧀ꦠꦼꦤꦶꦁꦄꦭ꧀ꦭꦃꦏꦁꦩꦲꦱꦸꦕꦶ
꧋ꦆꦁꦱꦸꦤ꧀ꦝꦸꦣꦸꦒꦼꦤꦶ꧈ꦪꦏꦸꦮꦶꦒꦼꦤꦶꦤꦺꦏꦧꦸꦔꦲꦤ꧀ꦏꦁꦤꦼꦣꦾꦔꦺꦴꦧꦺꦴꦁꦥꦸꦠꦶꦲꦺꦱꦏꦺꦭꦶꦂ꧈ꦥꦸꦠꦶꦲꦺꦣ꧀ꦭꦸꦮꦁꦥꦼꦱ꧀ꦠꦼꦤꦶꦁꦄꦭ꧀ꦭꦃꦏꦁꦩꦲꦱꦸꦕꦶ
꧋ꦆꦁꦱꦸꦤ꧀ꦄꦤꦶꦠꦶꦱ꧀ꦭꦻꦂꦏꦣꦶꦣꦺꦤꦺꦥꦫꦒ꧈ꦪꦏꦸꦮꦶꦥꦫꦒꦤꦺꦤ꧀ꦝꦺꦴꦚ
꧋ꦤ꧀ꦝꦺꦴꦚꦥꦣꦁꦒꦶꦭꦂꦒꦶꦭꦂꦥꦫꦒꦤꦺꦄꦭ꧀ꦭꦃꦏꦁꦩꦲꦱꦸꦕꦶ꧈ꦮꦼꦭꦱ꧀ꦭꦤ꧀ꦄꦱꦶꦃ
ꦒꦸꦩꦺꦧꦾꦂꦤꦼꦩ꧀ꦧꦸꦱꦶꦥꦼꦥꦼꦛꦼꦁꦄꦩ꧀ꦥꦏ꧀ꦄꦩ꧀ꦥꦏ꧀
ꦆꦁꦱꦸꦤ꧀ꦝꦣꦶꦧꦒꦺꦪꦤꦺꦤ꧀ꦝꦺꦴꦪ
ꦏꦁꦠꦤ꧀ꦱꦃꦗꦶꦤꦒ꧈ꦣꦶꦌꦩ꧀ꦧꦤ꧀ꦣꦶꦏꦸꦏꦸꦥ꧀
ꦣꦼꦤꦶꦁꦆꦧꦸꦧꦸꦩꦶꦭꦤ꧀ꦧꦥꦄꦁꦏꦱ
꧋ꦏꦏꦁꦏꦮꦃꦄꦣꦶꦄꦫꦶꦄꦫꦶꦭꦤ꧀ꦱꦼꦣꦸꦭꦸꦂꦏꦸꦱꦼꦏꦧꦺꦃꦱꦶꦁꦏꦮꦺꦫꦠꦤ꧀ꦭꦤ꧀ꦎꦫꦏꦮꦺꦫꦠꦤ꧀
꧋ꦆꦁꦱꦸꦤ꧀ꦭꦸꦩꦏꦸꦈꦫꦸꦠ꧀ꦫꦸꦩ꧀ꦥꦶꦭꦺꦏꦮꦃ꧉
ꦏꦮꦲꦺꦏꦁꦤ꧀ꦝꦼꦥꦤꦶꦕ꧀ꦲꦤ꧀ꦝꦭ
ꦆꦁꦱꦸꦤ꧀ꦒꦺꦴꦭꦺꦏ꧀ꦱ꧀ꦭꦩꦺꦠ꧀ꦭꦻꦂꦠꦸꦮꦸꦱꦺꦧꦛꦶꦤ꧀
꧋ꦪꦧꦛꦶꦤꦺꦏꦪꦸꦗꦠꦶꦤꦶꦁꦄꦭ꧀ꦭꦃꦒꦸꦱꦶꦏꦁꦩꦲꦱꦸꦕꦶ
꧋ꦆꦁꦱꦸꦤ꧀ꦗꦠꦶꦤꦶꦁꦄꦭ꧀ꦭꦃꦄꦮꦸꦗꦸꦣ꧀ꦒꦺꦴꦣꦺꦴꦁꦤ꧀ꦝꦺꦴꦚꦏꦁꦔꦿꦼꦩ꧀ꦧꦪꦺꦴꦁ꧈ꦏꦺꦴꦥꦠ꧀ꦏꦥꦶꦠ꧀ꦏꦠꦶꦪꦸꦥ꧀ꦄꦔꦶꦤꦺꦠꦐ꧀ꦝꦶꦂꦆꦫꦣꦠꦺꦄꦭ꧀ꦭꦃ꧈ꦏꦧꦸꦚ꧀ꦕꦁꦩꦺꦒ꧈ꦩꦼꦒꦤꦺꦥꦼꦥꦼꦱ꧀ꦛꦼꦤꦶꦁꦗꦒꦠ꧀ꦥꦔꦸꦫꦶꦥꦤ꧀ꦆꦁꦄꦭꦩ꧀ꦥꦼꦥꦣꦁꦒꦲꦶꦁꦒꦸꦱ꧀ꦠꦶꦏꦁꦩꦲꦱꦸꦕꦶ
꧋ꦆꦁꦱꦸꦤ꧀ꦏꦼꦥꦼꦔꦼꦤ꧀ꦊꦭꦣꦶ꧈ꦊꦭꦣꦶꦏꦁꦒꦺꦴꦒꦸꦤꦸꦁꦪꦏꦸꦮꦶꦒꦸꦤꦸꦔꦶꦁꦄꦭ꧀ꦭꦃꦏꦼꦂꦱꦤꦶꦁꦒꦸꦱ꧀ꦠꦶꦏꦮꦸꦭ
ꦒꦸꦤꦸꦁꦏꦱꦩ꧀ꦥꦸꦂꦤꦤ꧀ꦱꦩ꧀ꦥꦸꦂꦤꦤꦺꦥꦔꦸꦫꦶꦥꦤ꧀
ꦭꦤ꧀ꦝꦣꦶꦠꦸꦩ꧀ꦧꦭꦶꦥꦸꦤ꧀ꦏꦻꦴꦠꦩꦤ꧀
꧋ꦈꦫꦸꦠ꧀ꦭꦏꦸꦤꦶꦁꦏꦧꦒꦾꦤ꧀ꦔ꧀ꦭꦼꦏ꧀ꦱꦤꦤꦶꦏꦂꦩꦥꦼꦥꦼꦱ꧀ꦛꦼꦤꦶꦁꦒꦸꦱ꧀ꦠꦶ꧈ꦪꦏꦸꦮꦶꦄꦭ꧀ꦭꦃꦭꦤ꧀ꦤꦸꦫꦸꦠ꧀ꦩꦸꦲꦩꦣ꧀ꦤꦧꦶꦥꦤꦸꦠꦤ꧀
Imajiner Nuswantoro
