Aja Nggugah Macan Kang Lagi Turu Lan Ngutik-uthik Macan Turu
Ojo ngugah macan turu secara harfiah tegese Aja nggugah macan turu
Aja nggugah macan kang lagi turu Tegese aja dumeh gumedhe kanthi nuwuhake masalah karo wong sing wis tobat, seleh, sumeleh.
Ngutik-uthik Macan Turu
Ngutik-uthik Macan Turu
Tegese aja ngungkad-ungkad watak wantune wong ala.
Mujudake pepeling aja seneng ngganggu pawongan kang duwe aten-aten ala, brangasan, cengkiling, lan sapanunggalane.
Wong-wong ing tanah Jawa marabi macan iku raja wana (ratune alas).
Mesthi wae gwlar ratu ing kene mujudake pepindhan.
Dudu sejatining ratu kaya dene ratuning manungsa kang berbudi bawa leksana, nanging mung dipadhakake ratu jalaran kuwasa lan diwedeni.
Pangarep kaya ngono kena diarani lumrah jalaran macam pancen kewan galak, diwedeni sato wana uga manungsa.
Mula saka iku, pawongan kang duwe watak galak, brangasan, kejem, cengkiling, tegelan, golek menange dhewe, seneng ngumbar kanepson, umume banjur dipadhakake macan.
Mula becike yen "wong kang kaya macan" mau lagi enak kepenak uripe (kayadene macan turu) aja diuthik-uthik, disaru siku, dikileni, dikagetake, sing marakake watak wantune mubal.
Awit yen nganti ora kalegan atine, bisa wae malah seling surup banjur ngamuk.
Lha yen nganti kaya ngono tudhone saparipolahe bakal ndrawasi liyan.
Imajiner Nuswantoro
Aksara Jawanipun :
꧋ꦄꦗꦔ꧀ꦒꦸꦒꦃꦩꦕꦤ꧀ꦏꦁꦭꦒꦶꦠꦸꦫꦸꦭꦤ꧀ꦔꦸꦠꦶꦏ꧀ꦈꦛꦶꦏ꧀ꦩꦕꦤ꧀ꦠꦸꦫꦸ
꧋ꦎꦗꦺꦴꦔꦸꦒꦃꦩꦕꦤ꧀ꦠꦸꦫꦸꦱꦼꦕꦫꦲꦂꦥ꦳ꦶꦪꦃꦠꦼꦒꦼꦱꦼꦄꦗꦔ꧀ꦒꦸꦒꦃꦩꦕꦤ꧀ꦠꦸꦫꦸ
꧋ꦄꦗꦔ꧀ꦒꦸꦒꦃꦩꦕꦤ꧀ꦏꦁꦭꦒꦶꦠꦸꦫꦸ ꦠꦼꦒꦼꦱꦼꦄꦗꦣꦸꦩꦺꦃꦒꦸꦩꦺꦣꦺꦏꦤ꧀ꦛꦶꦤꦸꦮꦸꦲꦏꦺꦩꦱꦭꦃꦏꦫꦺꦴꦮꦺꦴꦁꦱꦶꦁꦮꦶꦱ꧀ꦠꦺꦴꦧꦠ꧀ꦱꦼꦊꦃ꧈ꦱꦸꦩꦺꦭꦺꦃ꧉
ꦔꦸꦠꦶꦏ꧀ꦈꦛꦶꦏ꧀ꦩꦕꦤ꧀ꦠꦸꦫꦸ
꧋ꦠꦼꦒꦼꦱꦼꦄꦗꦔꦸꦁꦏꦣ꧀ꦈꦁꦏꦣ꧀ꦮꦠꦏ꧀ꦮꦤ꧀ꦠꦸꦤꦺꦮꦺꦴꦁꦄꦭ꧉
꧋ꦩꦸꦗꦸꦣꦏꦺꦥꦼꦥꦺꦭꦶꦁꦄꦗꦱꦼꦤꦼꦁꦔ꧀ꦒꦁꦒꦸꦥꦮꦺꦴꦔꦤ꧀ꦏꦁꦣꦸꦮꦺꦄꦠꦺꦤ꧀ꦄꦠꦺꦤ꧀ꦄꦭ꧈ꦧꦿꦔꦱꦤ꧀ꦕꦼꦁꦏꦶꦭꦶꦁ꧈ꦭꦤ꧀ꦱꦥꦤꦸꦁꦒꦭꦤꦺ꧉
꧋ꦮꦺꦴꦁꦮꦺꦴꦁꦆꦁꦠꦤꦃꦗꦮꦩꦫꦧꦶꦩꦕꦤ꧀ꦆꦏꦸꦫꦗꦮꦤ(ꦫꦠꦸꦤꦺꦄꦭꦱ꧀)꧉
꧋ꦩꦼꦱ꧀ꦛꦶꦮꦌꦒ꧀ꦮ꧀ꦭꦂꦫꦠꦸꦆꦁꦏꦼꦤꦼꦩꦸꦗꦸꦣꦏꦺꦥꦼꦥꦶꦤ꧀ꦝꦤ꧀꧈
꧋ꦣꦸꦣꦸꦱꦼꦗꦠꦶꦤꦶꦁꦫꦠꦸꦏꦪꦣꦼꦤꦼꦫꦠꦸꦤꦶꦁꦩꦤꦸꦁꦱꦏꦁꦧꦼꦂꦧꦸꦣꦶꦧꦮꦊꦏ꧀ꦱꦤ꧈ꦤꦔꦶꦁꦩꦸꦁꦣꦶꦥꦣꦏꦏꦺꦫꦠꦸꦗꦭꦫꦤ꧀ꦏꦸꦮꦱꦭꦤ꧀ꦝꦶꦮꦺꦣꦺꦤꦶ꧉
꧋ꦥꦔꦫꦺꦥ꧀ꦏꦪꦔꦺꦴꦤꦺꦴꦏꦼꦤꦣꦶꦪꦫꦤꦶꦭꦸꦩꦿꦃꦗꦭꦫꦤ꧀ꦩꦕꦩ꧀ꦥꦚ꧀ꦕꦺꦤ꧀ꦏꦼꦮꦤ꧀ꦒꦭꦏ꧀ꦣꦶꦮꦺꦣꦺꦤꦶꦱꦠꦺꦴꦮꦤꦈꦒꦩꦤꦸꦁꦱ꧉
꧋ꦩꦸꦭꦱꦏꦆꦏꦸ꧈ꦥꦮꦺꦴꦔꦤ꧀ꦏꦁꦣꦸꦮꦺꦮꦠꦏ꧀ꦒꦭꦏ꧀ꦧꦿꦔꦱꦤ꧀ꦏꦼꦗꦼꦩ꧀ꦕꦼꦁꦏꦶꦭꦶꦁ꧈ꦠꦺꦒꦼꦭꦤ꧀ꦒꦺꦴꦭꦺꦏ꧀ꦩꦼꦤꦔꦺꦣꦼꦮꦼ꧈ꦱꦼꦤꦼꦁꦔꦸꦩ꧀ꦧꦂꦏꦤꦺꦥ꧀ꦱꦺꦴꦤ꧀ꦈꦩꦸꦩꦺꦧꦚ꧀ꦗꦸꦂꦣꦶꦥꦣꦏꦏꦺꦩꦕꦤ꧀꧈
꧋ꦩꦸꦭꦧꦼꦕꦶꦏꦺꦪꦺꦤ꧀"ꦮꦺꦴꦁꦏꦁꦏꦪꦩꦕꦤ꧀"ꦩꦻꦴꦭꦒꦶꦌꦤꦏ꧀ꦏꦼꦥꦺꦤꦏ꧀ꦈꦫꦶꦥꦺ(ꦏꦪꦣꦺꦤꦺꦩꦕꦤ꧀ꦠꦸꦫꦸ)ꦄꦗꦣꦶꦪꦸꦛꦶꦏ꧀ꦈꦛꦶꦏ꧀ꦣꦶꦱꦫꦸꦱꦶꦏꦸ꧈ꦣꦶꦏꦶꦭꦺꦤꦶ꧈ꦣꦶꦏꦒꦺꦠꦏꦺ꧈ꦱꦶꦁꦩꦫꦏꦏꦺꦮꦠꦏ꧀ꦮꦤ꧀ꦠꦸꦤꦺꦩꦸꦧꦭ꧀꧈
꧋ꦄꦮꦶꦠ꧀ꦪꦺꦤ꧀ꦔꦤ꧀ꦠꦶꦎꦫꦏꦭꦺꦒꦤ꧀ꦄꦠꦶꦤꦺ꧈ꦧꦶꦱꦮꦌꦩꦭꦃꦱꦼꦭꦶꦁꦱꦸꦫꦸꦥ꧀ꦧꦚ꧀ꦗꦸꦂꦔꦩꦸꦏ꧀꧈
꧋ꦭ꧀ꦲꦪꦺꦤ꧀ꦔꦤ꧀ꦠꦶꦏꦪꦔꦺꦴꦤꦺꦴꦠꦸꦣꦺꦴꦤꦺꦱꦥꦫꦶꦥꦺꦴꦭꦲꦺꦧꦏꦭ꧀ꦤ꧀ꦝꦿꦮꦱꦶꦭꦶꦪꦤ꧀꧈
ꦆꦩꦗꦶꦤꦺꦂꦤꦸꦱ꧀ꦮꦤ꧀ꦠꦺꦴꦫꦺꦴ
