KIDUNG RANDU KURUNG SUNAN GUNUNG JATI
(Suluk Cirebonan - Sahadat Iman Sahadat Sejati)
Dhuuuuuuh,
Liwang-liwung Randu Kurung gunung Sembung,
Gunung Jati gunung Amparan,
kang sejatine sajajare lawang sanga,
kang jatine.
Dhuuuuuuh,
Tamingana pasangan damar
Kanggoné linggih dhateng kursi gadhing gilang kencana.
Sanguwe sahadat iman tekene sahadat sejati,
anjembaraken wiyar,
byar suminar cahyaning damar, andadiya pêpadhang ing caruban nagari,
cukup aup ora nana papa,
Ya Hu ora nana papa.
Dhuuuuuuh,
Dhuuh, adhuh Gusti nuhun nuhun,
Mugiya pasangan damar angsal siraman banyu suci,
sucining banyu saking gaibing Pengeran
mugi dipunparingi barokah slamet lahir batin,
Dunya wal'akhirat.
Aamiin ya rabbal alamin.
Jarwan Wantah
Dhuuuuuuh,
alas gung liwang-liwung aran Randu Kurung ing tlatah gunung Sembung,
kaaranan gunung Jati uga ginung Amparan,
kang sejatine lawang sanga sajejer, kang sejatine ....
Dhuuuuuuh,
aling-alingan pasangan damar -amrih ora mati katiyup angin,
kanggonane lungguh aneng kursi gadhing sumorot kencana.
Sangune sahadat iman, tekene sahadat sejati,
anjêmbarakên wiyar,
byar suminar cahyaning damar, andadiya pêpadhanging amor têtunggalan ing nagari.
wis cukup angger ora ana apa-apa.
Awit Asmane Gusti, ora ana apa-apa.
Dhuuuuuuh,
Dhuuh, adhuh Gusti nuwun, nuwun,
Mugi-mugi pasangan damar pikantuk siraman banyu suci,
sucining banyu saka gaibing Pengeran
mugi dipunparingi barokah slamet lair batin,
Donya lan akhirat.
Aamiin ya rabbal alamin.
Sorogan Tembung lan katêrangan :
- Liwang-liwung : tumrap alas kang wiyar banget, (hutan belantara).
- Randu Kurung : Alas randu kang uga dadi pasarèyan ing desa Wanakaya, Kec. Gunung Jati.
- Gunung Sembung : pasareyané Sunan Gunung Jati, ing desa Astana, Cirebon Utara.
- Gunung Jati : uga sinebut gunung Amparan, gunung Amparan Jati.
- Caruban : [1] amor. [2] têtuggalan. [3] reged, cemer.
Cathetan :
- Sapèrangan tembung basa Cirebon, Indramayu, mengku surasa padha karo basa Jawa (Kawi punapadene Sanskerta).
- Bedane aneng cara macane, "upama", diwaca "upama".
Yèn aneng basa Jawa diwaca : upama, upomo.
Imajiner Nuswantoro
