BUDAYA ISIN
Wong Jawa kuwi kawentar nduweni watak kang sabar lan alus amarga wiwit cilik wis di gulawentah kanthi pitutur luhur.
Tansah njaga subasita ing pasrawungan. Sadurunge tumindak lan pangucapan tansah dipikir luwih dhisik, supaya ora kedhuwung ing mburi.
Salah sijine yakuwi nduweni "Budaya isin" nduweni rasa rikuh pakewuh, aja nganti "Ngisin-isini".
Apamaneh tingkah laku ing bebrayan utawa masyarakat. Aja nganti dadi kembang lambe ing masyarakat.
Pangucap ing sangarepe umum kudu dijaga , apa maneh pangandikane para pemimpin nagara, paribasan "Sabda Pandita Ratu", kang kudu dianut rakyate, lan dadi patuladan.
Rada mrihatinake kahanan saiki "Budaya Isin" wis wiwit ilang. Pocapan kang ora dipikir dhisik, tingkah laku kang kurang trapsila, mbok menawa malah dadi kebanggaan bisa viral, ditonton lan dadi kembang lambene wong sakdonya.
