SATRIYA WIRANG
Tembung ing nginggil menika tembung" ingkang kalebet tembung petangan tiyang Jawi ing saleberipun buku" Primbon!
Kados ta :
Satriya sinuba, Sanggar waringin, Lebu katiyuping angin lan sak panunggalane.
Namung ingkang badhe kula serat menika namung cariyos ing jagating lampahan ringgit purwa, ing selebeting prang Sari Kudhup Palwaga gamblangipun lampahan prang Ngalengka Prabu Dasamuka kalih Prabu Rama wijaya ing Giri swela.
Magepokan prang menika harak wonten Satriyaning Negari Ngalengka ingkang mangro tingal inggih menika sang Ginawan Wibisana.
Lajeng katundhung ingkang raka Prabu Rahwana, temah sang Raden Gunawan Wibisana rebah dhateng Prabu Rama wijaya, ngantos dados pujangganing prang Prabu Rahwana twin Prabu Rama.
Mila kathah Senapati Ngalengka sami gugur ing palagan jalaran saking trekahipun Sang Gunawan ingkang sampun ngertos ringkihing Negari Ngalengka.
Mbok bilih para pamriksa sampun cetha bilih lampahing Sang Gunawan Wibisana wau harak darmaning Satriya ngicali tiyang angkara kados Dasamuka !
Nanging wonten ugi pemanggih, bilih Sang Gunawan menika salah setunggaling satriya dados ssatriya ingkang lincat ing janji !!!
Kathah Senapati Ngalengka pejah awit saking rigenioun Sang Gunawan Wibisana ingkang sampin ngetos ringkihing Prajurid Ngalengka, mila mboten mokal Ngalengka tempes tapis tanpa sisa.
Sak menika kita gagas, tumprap Satriya utami harak mboten mentala nedahaken ringkihing Negarinipun piyambak, menawi dipun tingali estu" Sang Gunawan Wibisana kenging dipun wastani adol Bongsa !.
Sampun nedahaken ringkihing Negara mila Ngalengka ludhees !!
Benten kaliyan lelabuhanipun Sang Kombakarna, nadyan sampun ngertos jakangioun Dasamuka wantun nyalong Dw Sita, ning Sang Kombakarna tetep labuh Negari Ngalengka, mboten ketang lebur tumpur dados sak- walang" raganipun.
Mila menawi kita manah kados pundi kiturut pemanggih penjenengan sami menawi pirsa, sami" Satriyanipun Sang Gunawan Wibisana kalih Sang Kumbakarna ?.
Menawi nitik lelabuhan Sang Gunawan nurut pemanggih ireng putih tamtu kita mastani Sang Gunawan Wibisana menika satunggaling Kusumaning jagat, ingkang teges damel tentrem jagat, menawi kita gagas nurut pranatan Negari Sang Gunawan Wibisana harak dipun wastani klilip tumprap Negari Ngalengka !, wonten.
Ingkang mastani Satriya oncat janjine utawi dipun sebat Satriya wirang timprap Negari Ngalengka!. Ngaten menika lampahan brubuh Ngalengka, mbok bilih dados angen" utawi minangka palimbang mawi Irah-irahan Satriya Wirang nyumanggakaken dhateng para maos mbok bilih wonten panyaruwe kanthi legawa kula rantos dhawuhipun, kula kinten cekap semanten nyadhong duka ingkang kathah mugi rahayu ingkang sami pinanggih nuwun.
