WUYUNG
Sing tak tresnani lahir trusing kalbu ya mung sliramu,
ingkang bisa madangi atiku.
ganjaran linuwih sakdawane umurku, kanng dak tampa saka Sang maha hayu.
Muga kasembadan sliramu sumanding sisihku,
sakdawane sisa umurku.
Esemu sumber kabahagyanku,
sumringahing cahyamu madhangi atiku,
sedihmu dadi panggratesing atiku,
tetesing eluhmu panelangsaku.
Wong ayu tekamu tak tunggu
rawuhmu tak antu,
siliring angin dalu lan rembulan ing langit biru,
melu ngenteni kapan sliramu lan aku
Hangiket janji suci lahir trusing kalbu
mbarengi mekare kembang mawar biru
ing wanci dalu.
Pingin tak regem tanganmu
mlaku bareng runtung rerenteng kaya mimi mintuna
momong wayah nganti tuwa
kembang tresna sansaya ngrembaka
Binerkahan dening purbane Allah Sang maha sampurna
