CATUR PADA SEKAR DURMA
(Yasanipun: Ki Y.P.B.Wiratmoko)
Sakehing ngelmu kudu tansah ginulang
Rasa tresna lan asih
Mring sasamanira
Datan gawe kuciwa
Tan kena sembrana yekti
Lamun micara
Mranani jroning ati
Dipadha setya ing laku saben dina
Tan dhemen balenjani
Padha lembah manah
Sareh ingkang ginelar
Tindak-tanduk ngati-ati
Ywa padha lirwa
Marang pakarti becik
Ingaran becik weruh ngelmu sanyata
Yeku tresna lan asih
Ngelmuning kamulyan
Tinata ing tumindak
Pilih tulus kang kaesthi
Sarta wacana
Tansah ingalus manis
Yen handika kapingin urip kang mulya
Kudu awas lan eling
Aywata tininggal
Rasa sabar narima
Kehing pilih trus tininting
Sura sembada
Bener becik ywa lali
