Ada-ada Greget saut, mendhet cakepan saking Sekar Durma
Sanalika agni murub molat-molat,
Anoman datan gigrig,
sigra triwikrama,
ngumbar kasektenira,
dahana den obat-abit,
wradin sakutha,
kutharaja kabesmi.
------------------------------
Kacarita ing lampahan Anoman duta, ing mriku Anoman karangket lajeng kaobong dening prajurit Ngalengka.
Anoman boten pejah krana kobaring dahana, nanging malah lajeng triwikrama dados rewanda ageng. Geni kaobat-abitaken ing sedaya wewangunaning kedhaton Ngalengko, temah kitharaja Ngalengka kobar dening geni ngantos telas ludhes dados awu.
Salang tunjang prawadya Ngalengka, samya lumajar jrih kobar ing hagni nilar saking rananggana.
