Manunggaling Kawula Gusti versi Jagate Wayang
Tembung menika menawi dipun manah harak wonten kalih prekawis.
Saget dipun lenggahaken ing antawisipun titah kalian Gustinipun leng sipat Kawasa! ugi saget ing antawisipun Ratu kalian kawula.
Ingkang badhe kula aturaken namung Ratu kalih kawula ingkang jumbuh kalian kawontenan.
Menawi kula gambaraken ing jagating pewayangan ingkang asring kita sami pirsani, tuladhanipun para Pandhawa nalika nampi pidana. Jumbuh nalika Pandhawa dadu ngantos dadis tiyang buwangan kasebat Wanaprastha menawi mboten klintu.
Pandhawa anggenipun mangun Manunggaling Kawula Gusti dipun wiwiti saking dados tiyang buwangan, ngantos saget nyambung talining kumraket kalih para Resi tuwin kawula alit kanthi srana tetulung sak murwatipun dumateng para kawula alit/rakyat alit. Mila para kawula twin Resi, Brahmana ing padesan sami tresna dhateng Pandhawa!
Lajeng sak sasampunipun Pandhawa saget mbabat alas mretani dados Negari Ngamarrta mial mboten aneh kusung"ing para Brahman Resi twin kawula dherek ngurmati para Pandhawa anggenupun jemeneng Ratu, ngantos kaloka bilih Ngamarta kondhang anggenipun netepi tembung Manunggaling Kawula Gusti awit dipun bangun nalika Pandhawa tasih kesrakat !. Mboten kula ronce
lelabuhanipun Pandhawa dhumateng para Kawula satemah sedaya Kawula mastani Pandhawa tansah asih dhateng para kawula, ngantos Pandhawa ngawontenaken Sesaji Raja suya !.
Nanging tasih wonten golongan ingkang mitenah ngundhamana Pandhawa tiyang buwangan twin tiyang sudra sampali !.
Sinten tiyang menika ? Mboten wonten sanes kelompok Kurawa ingkang dipun pangarsani (ketuani) tiyang nami Sengkuni tuwin pendita Durna.
Mongka kelompok menika mboten kirang" anggenipun ngloropaken jlomprongaken utawi mitenah Pandhawa nanging para Kawula tasih sami tresna Pandhawa!.
Gegambaran menika mugi dados kaca brenggala murih kita sami saget milih saha milah gambaran kados ing nginggil menika, utawi sami njagi tentreming kita sami!!.
Menika sawetawis kagem gambaran anggen kula ngrembag tembung Manunggaling Kawula Gusti, miturut cariyos pewayangan ning sedaya gumantung penjenengan sami, kula namung saget crita jumbuh kalian pemanggih kila kemawon. Mugi linepatna saking siku dhedha atur kula nyuwun pangaputen tamtu kathah sanget lepating aturbkula nyadhong duka ingkang kathah.
Panutup sesanti Jaya Dwipantara tetep Jaya Nasantara Rahayu sagung tumuwuh.