PUSPITA WIJAYAKUSUMA
(Sekar asmarandana)
Sri kawuryan puspitadi
Aran Wijayakusuma
Arum angambar gandane
Sumebar ngebeki kasa
Sumusup jroning grana
Nuwuh sengsem jroning kalbu
Mbebangkit rasa asmara
Puspita kang edipeni
Sekar pepundhen dri Kresna
Dadya aji piyandele
Wong lena bali yuwana
Roga bali waluya
Srana margining rahayu
Mangkana ujaring kandha
Tumrapwang puspitaneki
Akarya sengseming driya
Krana endahing wujude
Minangka yasaning Suksma
Rerenggan janaloka
Mekarnya ing tengah dalu
Wahya wong kepati nendra
