SULUK WAYANG KULIT PURWA (RINGGIT PURWA)
SULUK PATHET NEM AGENG
(Kagem Jejer Ngastina Prabu Duryudana)
Lengleng ramyaningkang
Sasangka kumenyar, o
Mangrengga ruming puri
Mangkin tanpa siring
Halep nikeng umah
Lir mas murubing langit,o
Tekwan sarwa manik, o
Umpak gender .235 .356 5356 .532
Tawingnya sinawug, o......, o.....
Saksat sekar sinuji,
Unggyan banowati,
Mrik a langen,
Lan nata Duryudana, o....
Lan nata Duryudana, o....
ADA ADA GIRISI
(Kagem Jejer Ngastina Prabu Duryudana)
Lengeng gatiningkang
Awan saba-saba
Nikeng Ngastina
Samantara tekeng
Tegal Kuru Narar
Ya Kresna lakunira Parasurama myang Kanwa Janaka
Dulur Narada, o.....
Kapanggya eka
Jumurunging karsa
Sapartitala
Sangbupati.
Suluk Pathet Nem Jugag
(Kagem Mambeng)
Hanjrah ingkang puspita rum
Kasiling samirana mrik, o
Sekar gadhung
Kongas gandanya,o
Maweh raras renaning ndriya, o
SENDON KALORAN
(Kagem Bibar kaputren)
Galak ulat, kadi thatit abarung
Kang pamulu
Alus manis maweh kung, o
Umpak gender 3536 3536 3531 .3.2
Agoreh pantes dadya malat kung, o
Umpak gender 555. 5365 5352 5356
ADA ADA SEKAR GANDHUNG
Gandane kang sekar gadhung,
Lawan kembang-kembang menur,
Kang esmu arum,
Pring oyod-oyodan,
Kadi kusuma mangambara-ambar,
Wor kukusing dupa kang kumelun,
Kelun wor mega memba bathara,
Tan samar pamoring suksma,
Sinuksmaya wahyaning asepi,
Sinempen telenging kalbu,
Saking pambukaning warana,
Tarlen saking liyep-layaping aluyup,
Pindha pesating supena sumusuping rahsa jati, E
Ada-Ada Hastakuswala Alit
(Kagem Budalan Undang wadya)
Mundur rekyana patih,
Undanging pra wadya sawega,
Umyung ramya swaraning bendhe beri,
Gubar gurnang kalawan,
Tambur myang suling pepanden daludak,
Miwah kakandha mawarna-warna,
Pindha jaladriyan,o
Asri kawuryan
Ada-Ada Hastakuswala Ageng
(Kagem budhalan)
Greg greg andheman ningkang
Jaran ngrik magalak
Genti manitih
Pamekak ira risang, o
Sudarsana dhahat,
Kendhali rangah manjing, o
Lak-lakaning kudha ngrik mijil rah,
Kadya tuk sumarambah, o
Umpak gender .111 2612 6163 5616
Mungjir-Mungjir Munggir
Yaksa temahan,o
Krura srumanaut
Yitna sang narpatmaja
Yitna sang narpatmaja, o
ADA ADA BUDHALAN MATARAM
Enjing budhal gumuruh,
Saking jroning praja,
Gunging bala kuswa,
Abra busanaira lir surya wedalira,
Saking jalanidhi,
Arsa madhangi jagad,
Duk mungup-mungup aneng sapucaking wukir, o
ADA ADA MATARAM
Rikat lampahira ireng nata,
Prapteng sukuning harga,
Eram tumingaling,o
Ndendheng saengga praja,
Umyung kang pradangga busekan janma, o
PATHET KEDHU
Myat langening kalnggyan,
Aglar pandam muncar, o
Tinon Lir kekonang,
Surem sorote tan padhang,
Kasor lan pajaring, o, o
Purnameng nggegana, o
Dhasare mangsa ketiga, o
Hima hanaweng,
Ing ujung ancala,
Kasenen karya wigena, o
Miwah sining wana, o,o
Ompak gender:.235. 356. 5356 .532
Wreksa gung tinunu, o
Ompak gender :111 2612 3123 1216 3565 2356
ADA ADA GIRISA YAKSA
Yaksa giri rupa
Ri sedheng narendra
Yaksa lelaku
Kang malweng kang
Gambira marangah
Hangisis siyung ametu prabawa
Lesus aprakempa
Gora mawalikan
Ditya durbalarsa
Mrih sirnaning lawan
Wiratri lodra, ywa..
ADA ADA GREGET SAUT MATARAM JUGAG
Manganjur lakuning angin,
Guntur anggraning arga
Gora gurnita kagiri, o..
ADA ADA GREGET MATARAM JUGAG
Sigra kang bala tumingal,
Prang campuh samya ngedali,
Lir thathit wileding gada, o
ADA ADA MATARAM WETAH
Ridhu mawur mangawur-awur wurahan,
Tengaraning ajurit gong maguru gangsa, e..
Teteg kadya butula,
Wor pangriking turanggesthi,
Rekatak ingkang dwaja lelayu sebit, o
SULUK PATHET SANGA WANTAH
Sang saya dalu araras,
Abyor lintang kang kumedhap,
Titi sonya madya ratri,
Lumrang gandanya puspita,o
Karenggyan pudyanira,
Sang dwijawara brengengen,
Lir swaraning madu branta, o
SULUK PATHET MANYURA WETAH
Meh rahina semubang ywang haruna,
Kadi netraning hangga rapuh,
Sabdaning kukila,
Mring kanigara saketer, o
Kinidunganing kung,
Lir wuwusing pini panca, o
Pepetogong ayam wana, o
ADA ADA SANGA WETAH
Bumi Gonjang ganjing,
Langit Kelap-kelap katon,
Lir kincanging alis,
Sang maweh gandrung,
Sabrang kadulu,
Wukir moyak mayik,
Saking tyas balewur,
Lumaris agandrung,
Dhuh ari sumitra,
Tan nay a parentah,
Kabeh sining wana,
Nangsa yen maringsun, o
ADA ADA GREGET SAUT SANGA WANTAH
Kadangmu padha warahen den becik,
Besuk amendhema, e
Baris prayitna,
Haywa saranta wong ing Dwarawati,
Tinumpesan iku awak Pandhawa, o
ADA ADA GREGET SAUT SANGA JUGAG
Jumangkah anggro sesumbar,
Lindhu bumi gonjing gumaludug Guntur ketur ketug,
Gora reh gara-gara, o
SULUK PATHET MANYURA JUGAG
Yahning-yahning talaga kadi langit,
Mambang tan pas wulan upamaneka, o
Lintang tulya kusumawur, o
ADA ADA GREGET SAUT MANYURA WANTAH
Tandya bala pandhawa mbyuk gumulung mangungsir,
Mring sata Kurawa, o
Kambah kongkih sru katitih,
Mirut kerut larur para ratu,
Tuwin sagung pra dipati, o
ADA ADA GREGET SAUT MANYURA JUGAG
Niyata laruta sakehing yodha sang kuru kula,
Ya tan mutusa sang sri wara bisma, o
SULUK SENDHON TLUTUR JUGAG
O, Surem-surem diwangkara kingkin,
Lir manguswa kang layon, o
Denya ilang memanise,
Wadanaira layu,
Kumel kucem rahnya maratani, o
Ompak gender: 5555 5352 3523 5356
SULUK PATHET JINGKING
O, o, nihan siswa umatur, o
Marang risang maha yogi,
Sang wipra kadi paran,
Karsaning hyang hodipati yoga saliring warna,o
Kang gumelar aneng bumi, o
Mugi ulun tedahna,
Tandya sang wiku anjarwi, o
SULUK PATHET MANYURA WANTAH
Lingsir ratri tumapaking wanci,
Bang-bang wetan sumaput ngakasa,
Lintang rina wus kawuryan,
Umiring kang sasadara,o
Sumilak prabeng ngakasa, o
Gatining Sang Hyang wisesa weh tentrem triloka,
