SERAT WIDYA WASKITHA
Gya rinungu lamun antuk sabdatama, tegese tembung satembung ginagas jroning nala.
Pamrihe dimen urip dadi tata lan raharja, mengkone
Lamun urip amung dhemen nguja hawa
Dadine
Nora nana laku sabar lan narima
Umume
Urip rongeh sarwa kurang saben dina
Lakune
Paugeran tatakrama pancen nyata,
Kanggone
Nuntun laku kang anjok miring tata susila
Arane
Jalma tama pethingane pra satriya
Ancase
Rina wengi kebak syukur jroning driya
Tentreme
Ati jenjem urip ayem tanpa godha
Dongane
Katibihna pancabaya lan pangadha
Sranane
Kabeh-kabeh kang tumuwuh dadya tanja
Carane
Diupakara mrih lestari widada
Dalane
Aywa supe ndedonga mring Kang Kuwasa
Tentreme
Urip iku mung sadrema mbudidaya
Sarate
Ditaberi nggonira sregep makarya
Gunane
Urip cukup nora golek mrana-mrans
Nyatane
Kembang randhu ywa kemaruk polahira
Lekase
Ulat madhep ati katep tur prasaja gamane
Watak jujur jroning nala ngudarasa
Ampuhe
Aja wedi mbudidaya lan rekasa suprihe
Apa kang sinedya bisa kasembadan
Taline
Atetekan tekun murih bisa tekan
Sedyane
Ati siji lila legawa ing driya
Tangsule
Tajem tumanem tan teguh ing pangodha
Dayane
Bisa mimbuhi karekat ingkang Mulya
Ing tembe
Awya mingkuh tetep puguh jangkanira
Cahyane
Gumebyar mancorong pinangka
Sarana
Urube
Tekad gedhe bener becik kang sinedya
Arahe
