PITUTUR PENGANTEN ENGGAL
Bebakale arsa palakrama
Dwi nala gumolong
Madhep mantep manunggal sedayane
Nora kena ngrasa walangkapi
Golong gilig yekti
Sru tulus ing kalbu
Lamun yen ta, wus nunggal sayekti
Tansah mong-kinemong
Silih asih ing saben dinane
Esem tansah cumithak ing lathi
Silih amigati
Mring karemanipun
Tansah sabar ing sabarang karti
Aja gampang kagol
Gya dirembug, kepriye becike
Murih slaras kekapining ati
Jumbuh klawan Karsi
Kudu suyuk rukun
