Tembang Gambuh
Sekar gambuh ping catur,
Kang cinatur polah kang kalantur,
Tanpa tutur katula-tula katali,
Kadalu warsa kapatuh,
Katutuh pan dadi awon.
Rasaning tyas kayungyung,
Angayomi lukitaning kalbu,
Gambir wana kalawan hening ing ati,
Kabekta kudu pinutur,
Sumingkiringreh tyas mirong.
Den samya amituhu,
lng sajroning jaman kala bendhu,
Yogya sampeyan yuda hardaning ati,
Kang anuntun mring pakewuh,
Uwohing panggawe awon.
Ngajapa tyas rahayu,
Ngayomana sasameng tumuwuh,
Wahanane ngendhakke angkara klindhih,
Ngendhangken pakarti dudu,
Dinulu luwar tibengdoh.
Beda kang ngaji pumpung,
Nir waspada rubedane tutut,
Kakanthilan manggon anggung atur wuri,
Tyas riwut ruwet dahuru,
Korup sinerung angoroh.
Ilang budayanipun,
Tanpa bayu weyane ngalumpuk,
Sakciptane wardaya ambebayani,
Ubayane nora payu,
Kari ketaman pakewuh.
ꦒꦩ꧀ꦧꦸꦃ
ꦱꦼꦏꦂꦒꦩ꧀ꦧꦸꦃꦥꦶꦁꦕꦠꦸꦂ꧈
ꦏꦁꦕꦶꦤꦠꦸꦂꦥꦺꦴꦭꦃꦏꦁꦏꦭꦤ꧀ꦠꦸꦂ꧈
ꦠꦤ꧀ꦥꦠꦸꦠꦸꦂꦏꦠꦸꦭꦠꦸꦭꦏꦠꦭꦶ꧈
ꦏꦣꦭꦸꦮꦂꦱꦏꦥꦠꦸꦃ꧈
ꦏꦠꦸꦠꦸꦃꦥꦤ꧀ꦝꦣꦶꦄꦮꦺꦴꦤ꧀꧈
ꦫꦱꦤꦶꦁꦠꦾꦱ꧀ꦏꦪꦸꦔꦾꦸꦁ꧈
ꦄꦔꦪꦺꦴꦩꦶꦭꦸꦏꦶꦠꦤꦶꦁꦏꦭ꧀ꦧꦸ꧈
ꦒꦩ꧀ꦧꦶꦂꦮꦤꦏꦭꦮꦤ꧀ꦲꦼꦤꦶꦁꦆꦁꦄꦠꦶ꧈
ꦏꦧꦺꦏ꧀ꦠꦏꦸꦣꦸꦥꦶꦤꦸꦠꦸꦂ꧈
ꦱꦸꦩꦶꦁꦏꦶꦫꦶꦔꦿꦺꦃꦠꦾꦱ꧀ꦩꦶꦫꦺꦴꦁ꧉
ꦣꦺꦤ꧀ꦱꦩꦾꦄꦩꦶꦠꦸꦲꦸ꧈
ꦭ꧀ꦔ꧀ꦱꦗꦿꦺꦴꦤꦶꦁꦗꦩꦤ꧀ꦏꦭꦧꦼꦤ꧀ꦝꦸ꧈
ꦪꦺꦴꦒꦾꦱꦩ꧀ꦥꦼꦪꦤ꧀ꦪꦸꦣꦲꦂꦣꦤꦶꦁꦄꦠꦶ꧈
ꦏꦁꦄꦤꦸꦤ꧀ꦠꦸꦤ꧀ꦩꦿꦶꦁꦥꦏꦺꦮꦸꦃ꧈
ꦈꦮꦺꦴꦲꦶꦁꦥꦁꦒꦮꦺꦄꦮꦺꦴꦤ꧀꧈
ꦔꦗꦥꦠꦾꦱ꧀ꦫꦲꦪꦸ꧈
ꦔꦪꦺꦴꦩꦤꦱꦱꦩꦺꦁꦠꦸꦩꦸꦮꦸꦃ꧈
ꦮꦲꦤꦤꦺꦔꦼꦤ꧀ꦝꦏ꧀ꦏꦺꦄꦁꦏꦫꦏ꧀ꦭꦶꦤ꧀ꦝꦶꦃ꧈
ꦔꦼꦤ꧀ꦝꦁꦏꦺꦤ꧀ꦥꦏꦂꦠꦶꦣꦸꦣꦸ꧈
ꦣꦶꦤꦸꦭꦸꦭꦸꦮꦂꦠꦶꦧꦺꦁꦣꦺꦴꦃ꧉
ꦧꦺꦣꦏꦁꦔꦗꦶꦥꦸꦩ꧀ꦥꦸꦁ꧈
ꦤꦶꦂꦮꦱ꧀ꦥꦣꦫꦸꦧꦺꦣꦤꦺꦠꦸꦠꦸꦠ꧀
ꦏꦏꦤ꧀ꦛꦶꦭꦤ꧀ꦩꦁꦒꦺꦴꦤ꧀ꦄꦁꦒꦸꦁꦄꦠꦸꦂꦮꦸꦫꦶ꧈
ꦠꦾꦱ꧀ꦫꦶꦮꦸꦠ꧀ꦫꦸꦮꦼꦠ꧀ꦝꦲꦸꦫꦸ꧈
ꦏꦺꦴꦫꦸꦥ꧀ꦱꦶꦤꦺꦫꦸꦁꦄꦔꦺꦴꦫꦺꦴꦃ꧉
ꦆꦭꦁꦧꦸꦣꦪꦤꦶꦥꦸꦤ꧀
ꦠꦤ꧀ꦥꦧꦪꦸꦮꦼꦪꦤꦺꦔꦭꦸꦩ꧀ꦥꦸꦏ꧀
ꦱꦏ꧀ꦕꦶꦥ꧀ꦠꦤꦺꦮꦂꦣꦪꦄꦩ꧀ꦧꦺꦧꦪꦤꦶ꧈
ꦈꦧꦪꦤꦺꦤꦺꦴꦫꦥꦪꦸ꧈
ꦏꦫꦶꦏꦼꦠꦩꦤ꧀ꦥꦏꦺꦮꦸꦃ꧉
Imajinasi Nuswantoro
ꦆꦩꦗꦶꦤꦱꦶꦤꦸꦱ꧀ꦮꦤ꧀ꦠꦺꦴꦫꦺꦴ
