Wasita adi ing sajroning tembang
Prabedane wong urip,
yen priksa marang kawignyan,
lantip mring olah rasane,
bisa ngenaki mring liyan,
lan bisa weh pepadhang,
syukur yen paring panuntun,
tumuju mring kautaman.
Utamane wong aurip,
manjinga sajroning rasa,
jejer mlaku sesamine,
tansaha paring pepadang,
hanggelar pangawikan,
murih dunung uripipun,
purwa madya lan wasana.
Sumangga sareng-sareng dipun-resepi. Mugi jumbuh ingkang ginayuh lan rahayu ingkang tinuju.
Aksara Jawanipun :
ꦮꦱꦶꦠꦄꦣꦶꦆꦁꦱꦗꦿꦺꦴꦤꦶꦁꦠꦼꦩ꧀ꦧꦁ
ꦥꦿꦧꦺꦣꦤꦺꦮꦺꦴꦁꦎꦴꦫꦶꦥ꧀
ꦪꦺꦤ꧀ꦥꦿꦶꦏ꧀ꦱꦩꦫꦁꦏꦮꦶꦒ꧀ꦚꦤ꧀
ꦭꦤ꧀ꦠꦶꦥ꧀ꦩꦿꦶꦁꦎꦭꦃꦫꦱꦤꦺ꧈
ꦧꦶꦱꦔꦼꦤꦏꦶꦩꦿꦶꦁꦭꦶꦪꦤ꧀
ꦭꦤ꧀ꦧꦶꦱꦮꦺꦃꦥꦼꦥꦣꦁ꧈
ꦱꦾꦸꦏꦸꦂꦪꦺꦤ꧀ꦥꦫꦶꦁꦥꦤꦸꦤ꧀ꦠꦸꦤ꧀
ꦠꦸꦩꦸꦗꦸꦩꦿꦶꦁꦏꦻꦴꦠꦩꦤ꧀꧈
ꦈꦠꦩꦤꦺꦮꦺꦴꦁꦎꦴꦫꦶꦥ꧀
ꦩꦚ꧀ꦗꦶꦔꦱꦗꦿꦺꦴꦤꦶꦁꦫꦱ꧈
ꦗꦼꦗꦼꦂꦩ꧀ꦭꦏꦸꦱꦼꦱꦩꦶꦤꦺ꧈
ꦠꦤ꧀ꦱꦲꦥꦫꦶꦁꦥꦼꦥꦣꦁ꧈
ꦲꦁꦒꦺꦭꦂꦥꦔꦮꦶꦏꦤ꧀
ꦩꦸꦫꦶꦃꦣꦸꦤꦸꦁꦈꦫꦶꦥꦶꦥꦸꦤ꧀
ꦥꦸꦂꦮꦩꦣꦾꦭꦤ꧀ꦮꦱꦤ꧉
꧋ꦱꦸꦩꦁꦒꦱꦫꦺꦁꦱꦫꦺꦁꦣꦶꦥꦸꦤ꧀ꦉꦱꦺꦥꦶ꧉ꦩꦸꦒꦶꦗꦸꦩ꧀ꦧꦸꦃꦆꦁꦏꦁꦒꦶꦤꦪꦸꦃꦭꦤ꧀ꦫꦲꦪꦸꦆꦁꦏꦁꦠꦶꦤꦸꦗꦸ꧉
